اكتشفت شغله بالنسبة لموضوعي مع زوجي ومو عارفه اتصرف

[كادى الحب]

لاتعليق اللة يهدية بس

 

[شطانه طفله]

الله يهديه ان شاء الله اي حبيبتي من رايي اتصلي على الوالده احسن بس لا تقولين حق زوجج انج راح تتصلين سوي الشي سكاتي ولا تتصلين من الموبايل او رقم بيتكم لان يمكن الام عندها كاشف وتتصل مره ثانيه او ما تدرين شنو يصير كونج وحده تتبلا على ولدها طلعي خط واتصلي عيها قوليلها وقطعي الخط وخلاص

 

[غزالة سعودية]

الله يهديه يارب واختى تذكرى حديث الرسول صلى الله عليه وسلم من راى منكم منكر فليغيره وانتى لاتسكتين وحاولى بكل الطرق لو اضطريتى تبلغين عن الشقه هذا تغيير منك وبياجرك الله عليه والله يستر عليك دنيا واخره

 

[اشتياق]

اذا انتي متزوجته وام عياله ماقدرتي تمسكينه
تهقين امه تقدر تمسكه؟؟؟
الحين مايمنعهم الا ضميرهم
الله يهديهم بس
واذا تبين لهي ريلج شوي شوي وبعديه عن هالرفيج الخايس

 

[Adorable]

مثل ما قالت ديفا انتي شغلج مع ريلج شعليج بولد الناس

 

[الأهداب السوداء]

الله يفرج همك وانا مع الغلا إنك تستخيرين قبل ماتسوين أي شيءلأنه ماندم من استخار

 

[Tom ♥ Jerry]

.،


هالمره ريلج مآ يشرب بعدين يضغطون عليه و يشرب
معروفه السالفه خو !
و الشيطآن شاطر

توكلي على الله و دقي على آمه و اذا مآ شفتي فايده
تصرفي مع زوجج لا تخلينه بالخرآب !

 

[لولوة الكويتية]

الله يعينك

 

[شاربة بيبسي ومدلعة نفسي]

الله يهديه انشاءلله ويخليكم حق بعض
بس حبيبتي ديري بالج لازم يكون عندج حل ألأنه طريجه غلط كلمي امج ابوج اخوانج اي احد خليهم يتصرفووون
اتوقع اذا دقيتي على امه ماراح تسوي شي لأنه الولد اذا كان صايع وخربان الأم مابيدها شي
فكري بشي ثاني والله يعينج حياتي ويسهل امورج مالج الا الدعاء وقيام الليل

 

[Q8Lady]

اشكركم حبايبي على تفاعلكم معاي
و اول شي بقول رب اشرح ليي صدري ويسر لي امري

احب اوضح لكم جم شغله

أنا شغاله على ريلي مواعظ من غير ما احسسه اني عارفه السالفه و اهوا معاي عالخط !! يعني مثلا لما اقول شهالناس اللي تسوي الحرام وتشرب و ... الخ يوافقني الراي ! ولما اقول في ناس ماتخاف من الله يروحون شقق ما يخافون من الموت الفجأة ووراه فضيحة !!! يقولي اي والله مادري شلون يسون جذي !!!!!!!!! اهوا عايش الدور جدامي انه مااااايسوي اي شي غلط !!!

ثاني شي اللي تقولي سنعي ريلج أنا بكل الطرق حاولت افهمه ان هالاشياء غلط ! ماكو فايده كلمته وساحلته وتهاوشت وكل شي كل شي وحاجيت ناس قبل من الاهل يتدخلون اهوا جدام الناس يمثل بكل احتراف انه مايسوي شي غلط !!

اهوا من النوع اللي وااااايد يمشي ورا ربعه

اما انا مايقتنع مني لا بالمساحل ولا بالهواش !! حتى يوم هددته بالطلاق والهوشة كبرت قالي روحي الله معاج تبين تتطلقين اطلقج !!

انا ادري ان ام رفيجه مالها شغل ويمكن تدري ويمكن ما بيدها شي !!

بس انا قصدي من اتصالي اسوي مشكله بينهم لان الام حتى لو شنو كانت بتقول حق ولدها واهوا بيشك بربعه ان واحد منهم مفتن وانا قلت لكم ان زوجي قايلي ان رفيجه هذا مااا عنده ربع الا زوجي و يمكن واحد ثاني وبس يعني راح يشك فيه ويتهاوشون مع بعض وتنقطع علاقتهم وهذا اللي ابيه !!

ودي لو اني اعرف مكان الشقة جان بلغت عنها وارتحت بس ماعرف وما ادري شلون اقدر اعرف العنوان !!!

قمت افكر ادق عالمباحث واقولهم السالفه واخليهم يتصرفون بس اخاف انكشف

انا خايفه على زوجي لا يسحبونه معاهم بالشرب وباجر احد غيري يبلغ عنهم وننفضح ويتسبب لنا ولعياله بفضيحة الله لا يقول

انا عارفه المشكله فيه اهوا وبشخصيته .. بس انا لازم احاول اغيره قبل لا يفوت الفوت صح ولا لا ؟

عشان جذي انا ابي زوجي ينقرص ويتأدب ويرد لبيته وعياله

انصحوني وادعووولي

 

[أحبك أمي]

الله يهديه لك
ويبعد عنه اصدقاء السوء

 

[أنا القمر]

لاتشكين لنا اشكي لربك بالثلث الاخير من الليل
خلاص من تجي 1 من الليل اجلسي على سجادتك وصلي بخشووووع وادعي وخليك ووواثقه من ربك انه راح يستجيب دعوتك واكثري بهاذا الوقت من قراءه القران الى صلاه الفجر
خليك على هالحال بسسس شهر وربي راح تنذهلين .. اسالي مجرب
وغير كيذا الاستغفار ثم الاستغفار ثم الاستغفار بنيه الشي اللي تبغينه
اتمنى من كل قلبي ربي يهديه عاجلا غير اجل
لاتنسيني من الدعاء

 

[Q8Lady]

الله كريم ... الله يهديه ويسخره لي ولعياله يارب العالمين

 

[نــggر]

الله يعينك ويهدي زوجك

ادعي ربك في اخر الليل ان الله يحفظه ويبعده عن الحرام

آآآمييين
​

 

[Q8Lady]

الله الهادي الله يهديه يا رب