اكتشفت شغله بالنسبة لموضوعي مع زوجي ومو عارفه اتصرف

[كويتية نايس]

لالالالا غلط تحاجين امه انتي حاجي ريلج بهدوء وسياسه يعني قوليله انا طلعاتك مع رفيجك موعاجبتي وذكري بعذاب القبر وقوليله ان صاحب ساحب باجر يخليه يدمن على هالشغلات انتبهي

 

[زوجة عزيز]

انا اقول لا اتكلمين امه مسكينه يمكن تتعب او تمرض كلمي ريلج احسن او بلغي بس

 

[artedc]

السلام عليكم ورحمة الله وبركاته
الريال اذا نصحتيه يعاند واذا كلمتيه بشدة يعاند
حاولي تقوليله مثل قصة ...
مثلا تعرف يا فلان آنا وايد مضايجه..راح يقولج ليش ؟ لأن رفيجتي مسكينه ريلها كان يعرف شخص سكير وراعي سوالف وجره ومعاه بهالسوالف ليما وصل للمخدرات وهدم بيته وهو اللحين بالسجن
حاولي تنصحين الريال بطريقة غير مباشرة وتقوليله يعني أنا الحمد لله أدري فيك أنت ماعندك ربع من النوع الوصخ والواطي أنت أرقى من جذي وراح يكون بينكم نقاش جميل بين زوجين متفاهمين تكون النصيحة+ المدح للريال وكلهم يحبون جذي وعسى الله يديم العشرة بينكم ياربي

 

[هيبة ملك]

كلمي زوجج ونصحيه
والله يهديه

 

[اسم والسلام]

لا تكلمين امه ماتدرين يمكن مريضه ويصير لها شي بسبب مكالمتج واكيد امه تدري عنده خرابيط دامه مايرد ينام بالبيت

لكن مابيدها شي انتي تفكرين واحد صايع وسوالف بطاليه بيسمع كلام امه ؟ اكيد لا واكيد متعبها

كلمي شرطه او مباحث تلحق زوجج من بيتكم الى ان يدلون الشقه ويصيدونه بالجرم المشهود عشان يحرم ويتوب بعدها

يصير له درس قاسي ماينساه ويصير عضه وعبره لغيره

 

[Mrs.Q]

حبيبتي سمعيها مني الريال لو تكلمينه لي باجر ماااااااااااااااكو فايدة إذا في طرف ثاني يخرب!
اقتراحي كالتالي
يا أنج تبلغين المباحث عن الشقة وتتأكدين أن ريلج وياج بهالوقت، عشان مايكبسون على ريلج وعشان ريلج مايشك فيج
وهالحل ترى وااااااايد أحسن وأريح وعشان هذاك عديم التربية إيووووز وتفتكين من شره وقثاه لفترة طويلة
أو الحل الثاني أنج تدقين على أمه وبنفس الوقت تروحين عند ريلج وتبجيييييييييين وتسوين عمرج أن البنية اللي دقت على أم رفيجه دقت عليج إنتي بعد وقالت بكبس عليهم وريلج وياهم واهوا طبعا ماراح يعصب عليج راح يعصب عاللي داقة وراح يبطل يروح هناك
عيب هالطريقة الوحيد أن ماتضمنين شيسوي من وراج
فآنا أنصحج بالطريقة الأولى

 

[ام عبدالوهاب555]

السلام عليكم ورحمة الله وبركاته
الريال اذا نصحتيه يعاند واذا كلمتيه بشدة يعاند
حاولي تقوليله مثل قصة ...
مثلا تعرف يا فلان آنا وايد مضايجه..راح يقولج ليش ؟ لأن رفيجتي مسكينه ريلها كان يعرف شخص سكير وراعي سوالف وجره ومعاه بهالسوالف ليما وصل للمخدرات وهدم بيته وهو اللحين بالسجن
حاولي تنصحين الريال بطريقة غير مباشرة وتقوليله يعني أنا الحمد لله أدري فيك أنت ماعندك ربع من النوع الوصخ والواطي أنت أرقى من جذي وراح يكون بينكم نقاش جميل بين زوجين متفاهمين تكون النصيحة+ المدح للريال وكلهم يحبون جذي وعسى الله يديم العشرة بينكم ياربي

عين العقل

سوي مناحة هذاك اليوم وصراخ وانك متابعة بالتلفون مع رفيجتك الي طاحت على ريلها بشقق وقبضوا عليه!!

مو شرط مخدرات بس خمر وبنات وانفضح بين العايلة

موفقة وطمنينا

 

[gala q8]

لآزم تتصليـــــــــن .. انتي ما تدرين بـآجر شيصير !!


اليوم يقعد و يشوف رفيجه ,, بـآجر مآ تدرين شيصير !!

يمكن صحح يشرب ’’ بس ما تدرين شيسوي منـآكْ ؟

انا مو قاعده اقول لج شكي بزوجج .. بس لازم تتحركين .. و تتصلين ..

 

[*الشيـــهـانـة*]

شكو تدقين على اهل الرجال امسكي زوجج وكلميه ماتصلحين الناس انتي عليج بزوجج وبس

 

[عيش و مرق]

ولد الناس مالج شغل في ولالا لج كلام معاه وشدعوه امه بتقدر على هذه ريال مو ياهل بالمدرسه


سنعى زوجج وركديه وان ماركد له اهل كلمى اهله امه ابوه مو هذاك شعليج منه يحرق نفسه علىج من زوجج

 

[star***]

السلام عليكم شوفي اختي انشاء الله هذا الحل يجيب لج نتيجه اذا زوجج من النوع اللي يتحاور فانا انصحج انج تقولين القصه على ان وحده اهي اللي صاير لها هذا الشي بس لاتتهورين وتقولين انج فاتحه تلفونه لان اكره شي على الريال هذي الشغله وشوفي ردة فعله بس اهم شي مسكي اعصابج والله المستعان

 

[Joy close]

لا يبا شنو ادقين على اهله هذي مو فعايل مره سنعه و الريال مو ياهل عشان تكلمين امه

وثاني شي انتي اشلج بالريال شغلج مو معاه شغلج مع ريلج لا تلقفين وادقين عليهم وتسوين افلام مادش العقل

يبا مسكي ريلج اشكره وبطيها بويها لاتلفين وادورين انتي مو مجبوره على هل حاله

قوليلا يا فلان ممشى رفيجك فلان مايعجبني والسبب كذا

وهم قوليلا اي نعم شفت تليفونك ومن حقي اعرف شنو اللي يصير من وراي وحافظ على بيتي

وكاني قاعده اتفاهم معاك بالهداوه خلي يفهمج الوضع يمكن انتي فاهمه غلط

واذا فكرتي تسوين مشكله يقدر ريلج يقولج هديته ويماشي من وراج او يمكن ايي غيره اهم شي المبدا لازم ريلج اللي مايرظى يماشي هل اشكال مو تبعدين واحد يطلعلج ثاني

فهمي انتي من شنو خايفه وتناقشي معاه عشان تعرفين اهوا شنو نيته من روحته هناك صدقيني مافي احسن من الصراحه بين الزوجين انتي مو خسرانه شي ابدي النيه الزينه وتصرفي بعقل وشوفي شنو النتيجه


الله يهدي لج ويبعده عن عيال الحرام يارب

1+
المشكله مع زوجك مو مع عيال الناس ولا كل ماصاحب له واحد موب زين تدقين على امه؟؟؟

 

[Tutti-Frutti]

والله مادري الله يهديهم
بس لا تقولين حق امه تقعد تحاتي

بلغي المباحث
عطيهم رقمه واهمه يتصرفون وياه
قوليلهم خل يخوفونه
يمكن يطخ ويوخر عن هالسوالف

 

[Tutti-Frutti]

مثل ما قالو البنات ترى اذا كلمتي زوجج راح يعاند

ومو اهو ورا رفيجه؟
خلاص اذا رفيجه تاب من هالسالفه هم ريلج راح يكون وياه على نفس الخط

حاولي تحلين المشكله بس بشكل مو مباشر

 

[نووويرة]

استخيري رب العالمين هو بس الي بيعطيج الحل الي يريحج

 

[الوردة المكنونة]

حبيبتي كلمي ريلج بهدوء

وام رفيجه مالها ذنب يمكن المره مريضه ويصير فيها شي لو اسمعت هالكلام عن ولدها

والله يهدي سركم يا رب

 

[ملح الدنيآ.]

حبيبتي يت دعوتي لج ولريج على صلاه الفير ما شاء الله حظج

الله يهديلج ريلج ويوخره عن رفيجه ​

 

[غرق بالماي]

كلامك صح اتصلي على امه من رقم غير وقوليلها وحبذا لو تخلين ولد يتكلم وع اساس انه مباحث ومراقبين الولد خليه يقول​

ندري الولد صغير وطايش بس اذا تبينه خليه يوخر عن هالدرب والا بنتخذ الاجراءات اللازمه< كيف الاكشن بس :eh_s(15):​

يمكن بتستغرب الام ليه نبهها اول شي خلي يقول انه يعرف ظروفهم ومن خوفه ع الام نبهها اول​

بس فكل الحالات الاتصال ع ام صاحبه هو الحل​

معاج بكلامج

 

[قمرالبيت]

اول شي صدقيني مالج الا قيام اللليل وتدعين ربج

ماظن امه بتسوي شي ماظن يخاف منها

كلمي احد ثقه او واجهيه

 

[alhnan]

اي صح صارحيه واذا ما نفع قولي بكلم ابوي عنك و عن رفيجك راح يخاف بس سالفه الفلم لا لا تسوينها و امه مالها شغل