اكبر مشكله مع زوجي وانا عروس ساعدوني

[كتكات احمر]

راح انتحر راح اموت راح اتييني سكته قلبيه قلب قولون المهم اني راح اموت من هالريال ساعدوني صج ساعدووني لان يا اصبر يا اتطلق ...

الريال ماكو احساس يعني مثال من شخصيته
امه متوفيه
قاسي بالكلام
مايعاملني بحب
مايصلي صاته متقطعه
ماعنده نظام
مايعطيني حقي بالفراش
مايحترمني
كتوووم وغامض الي اعلي درجه
اسلوبه زفر معاي
مايخلي بنت بالشارع مايخزها
مايصرف علي بخيل
يعاملني مثل الياهل وكل البنات عنده سنعات الا اناااا
مايثق فيني
مايحفظ الاسرار واي مصيبه تطيحين فيها اهو اول واحد يتشمت
يتسلف من اهله ومعاشه عالي وكل ما اقوله عطني الجواب ماعندي
اهمال عادي جدا يمر شهر مايعاشرني
يفضح امورنا عند اهله
لامبالاة
واكبر مصيبه يطق علي اتفه مشكله
حياته ادمان علي كمبيوتر + ايفوون + نووم + بليستيشن + قهوة + ديوانيه + شاليه حق اهلي فقط لا غير
ماكو هوايات ماكو اهتمامات هاملني عدددل ..

الافكار الغربيه الي اييني فيها
المرا الحكومه
انتي ما تذليني بالجنس
انا ما اخاف من احد
كلمتي تمشي
انتي ما تتحكمين فيني
يمكن تكون المرا جميله لكن فاشله بالجنس
رفيجتج تاخذ منج نصايح ماكو الا انتي ؟؟
صوتج مو ناعم
جسمج مو ناعم عندج كرش
كرش
انتي وصخه مو نظيفه مكانج وصخ
انتي مو كفو اييب منج اعيال
انتي مو قد المسؤوليه
انتي ياهل
الله يعين اهلج عليج
يطالع البنات ويعلق شوفي هذي مفصخه
اللله صااااروووخ
اذا مرضتي يقولج انتي الي مريضه انا مافيني شي انا بطل زماني
سافرنا برا يطالع البنات صلط ملط ويضحك ويطالعني
يعلق علي لبسي ولبسهم ويبتسم ابتسامه (( انتي ما اتيين ربعهم )) بنات امريكا ولندن
اي خدمه اي طبخ اي تنظيف للبيت انسي يقولج يعطيج العافيه
يطقج ولا يقولج اياهااا
يطلع مايرد الا بالليل
واذا كللش بعيش الرمانسيه يقعد بالبيت
روتينه اليومي (( نوم الي الظهر بليستيشن قهوه // العصر ديوانيه او شاليه الي س 12 ويرد هلكان مافيه حيل يعطيج حقج ولا يطل بويهج ولا يسالج شلونج وينام ساكت ويسوي كل شغله ساكت مايقولج اي شي عن حياته عايشه وياه لمجرد مابي اتطلق ولا انا عايفته الا اخر رمق

 

[لمى الهاجري]

تطلقي خو هذا مامنه فود

 

[مسز بسبوس]

اختي لا كله ولا الطلاق اختي عليج بالاستغفار طول ما انتي قاعده وصلاه الليل كل حاولي وسوره البقره حاولي كل يوم تقرينها والله احنى بمجتمع ما يرحم المطلقه والله كل ما زدتي قربج من ربج تتغير حياتج للاحسن ولا تهملين عمرج لبسي وكشخي وتمكيجي وحاولي اتحسينه انه عادي رايه مو مهم بس طلاق روحي شوفي حياتهم مع مجتمع ما يرحم

 

[pink rose]

الله يعيينج حبيبتي ...
حاولي تتقربين منه تحببين نفسج له حاولي تحبينه و تهتمين فيه حتى لو ما يقولج شي عن حياته و ساكت انتي بادري اذا طالع دقي عليه ولا دزيله مسج ؛ وينك حبيبي ،، شوي شوي راح يتعود على اهتمامج راح يحبج و اذا حبج كل الاشياء الباجي بتختفي ،، راح يقدر الي تسوينه و راح يشوفج احلى وحده بالدنيا و راح يحترمج ،، و انشالله هذا كله بس يحتاج منج شوية وقت و صبر و اهم نقطه انتي نفسج حاولي تحبينه بالبدايه ،،

والله يوفقج و يهون عليج يارب :eh_s(17):​

 

[ديانا سبنسر]

اصبري راح يتغير وانتي بعد تغيري اخذي ملاحظاته بعين الاعتبار وعدلي عيوبج وعيوبه بالكلمة الطيبة والتمسكن غيريها احس زوجج يبي يحس انه فارض شخصيته عليج مع الايام راح يفك ويتغير بس وين اللي تصمل

 

[نشيج الروح]

اممممممم حبوبة حطي المميزات مثل ما حطيتي المساوئ عشان تشوفينه بعين الإنصاف .......
الشي الثاني أنا معاج كللللل شي كاتبته يقهر ويبط الجبد وينرفز لكن خل نغير من نفسنا وبإذن الله الي حوالينا يتغيرون ونصيييحة مو تتغيرين عشان عيونه لان ان ما فاد بتقولين له ضحيت وسويت والخ فكل الي عليج انج تتغيرين وتستمتعين بشخصيتج اليديدة وخليها لوجه الله.....
كرشتج طيريها وثقتج زيديها ونطرتج له طوفيها طلعي وردي وخلي لج حياة مستقلة
روحي دروس
اشتركي بدورات ومراكز
روحي زوري اهلج
روحي السوق اشتري لبيتج
ولا طبختي لا تنطرين مدحه اكلي وبلعي وقوليها بكل ثقة الصراحة طبخي مميز
لا صرخ سكتي وخليج واثقة حيل وانتي قاعدة ولا تشوفينه بنظرة استنكار او مو عاجبج...... خليها نظرة عطف وحنان واحتواء ولا خلص زف طلعي بره الغرفة تعوذي من إبليس وصلي ركعتين ادعي فيهم لريلج
بالتلفزيون لا تحطين مسلسلات وخرابيط ،،،،، خلي برامجج كلها مفيدة

وطبعا مو تنسين نصيحة اختنا الاستغفاااااار والدعااااااااء

 

[رقية // الكويت]

السلام عليكم ورحمة الله وبركاته

حبيبتي الله يعينج هذا ابتلاء من الله وامتحانج في الدنيا ورب الكعبة كلامج بالضبط نفس اختي وعليه عليكم
حظكم مثل مثل شقولج امرضها والله حالتها بالحضيض لكن تستغفر وتكافح وتبي تصبر علشان اعيالها

وهم اعياله نفسهم يصيحون الداد من ابوهم يما مانبيه عوع منه تطلقي بس اعيالها مراهقين وماتقدر عليهم

حتى استشارت شيخ ورب الكعبه قالها لاتقعدين عنده تطلقي ....بس انا شايفة الصبر افضل
والمداومه على سورة البقره والأستغفار اكيد بيطخ مستقوين عليكم مايدرون فيه اللي اقوى منهم الله يهديهم يارب

...وافوض امري الى الله ان الله بصيرا بالعباد
الله المستعان......نصيحة ديري بالج على صحتج عاد إلا الصحة

 

[Perfume]

حبيبتي اذا هذي صفاته مثل ماذكرتي شحادج تعيشين معاه
ليش اتييبين عيال ويعيشون هالعيشة ترى ذنبهم برقبتج
انتي ممكن تتحملين على حساب نفسج وصحتج بس لو يبتي عيال شذنبهم
بصراحة انا مع انه الوحدة تصبر بس على سوالف مقدور عليها مو لهالدرجة ريلج وايد اووفر
حبيبتي الحل انه واحد فاهم يكلمه ابوج مثلاً عشان يتسنع ويعطيه مهلة
واذا اهوا بايع خلاص اللي هذا اوله ينعاف تاليه واحد يقولج انتي مو كفو اييب منج عيال شتترجين منه
الوحدة منا تصبر بس مو على كل هالصفات السيئة !!
يعني الوحدة تتحاشى الطلاق بس مو على حستب

 

[Perfume]

سووري علق الآيفون
الوحدة تصبر بس مو على حساب صحتها وكرامتها
في بنات همها انها تظل متزوجة لو شنو يسوي فيها
الطلاق آخر الحلوووووول بس يبقى حل وليس مشكلة بالعكس احياناً يكون راحة من هالعذاب
الله يعينج

 

[هيبة ملك]

استغفر الله شتبين فيه قطيعه

لكن إذا عندج عيال تحملي عشانهم وحاولي تغيرينه

ترا مع العمر راح يطخ

 

[اللهم رحمتك]

والله خايفه يكون زوج المستقبل حقي جذي شسوي انا لو منج انتحر امووت او اتطلق الا اذا كان يتعدل بس ماظنتي يعني يبيله صبر اذا فيه امل هذا اذا كان منه امل ياربي والله خفت خايفه خوفتيني

 

[~Swan~]

لا حول ولا قوة الا باللله ..

استغفرالله ما فيه حسنه وحده

كل شي الا الكرامة ، وين قاعدين يقارن مرته بهالاجانب اللي مالهم مله ولا دين

جان قلتيله خل اتفصخ واتمشى بالسكه اذا ترضى وبذمتك وربك يحاسبك


ما ينصبر عليه بصراحه زعلي روحي لاهلج مثل ما يقول لاهله كل شي قولي حق اهلج


المرا تكون امانة برقبة الزوج مووو اهانه




شوفوا بصراحه كل شي ينصبر عليه الا الاهانات واالطق والكلام القاسي والبذيء


عسى الله يكون بعونج ويصلح باله
بس جد لو انا مكانج ادخل اخوي الكبيو او ابوي بالموضوع خل يأدبونه ترا اه. مو لاقيج بالشارع جان قلتيله خلني وروح اخذلك من مفاصيخ الشارع ومن مستواك



الريال اللي يبي مرا تستره ويستر عليه ما يطالع اي بنيه ، ويشتري عشرتها وخاطرها
اتوقع اهو يبيج تقوليله طلقني بس كسري فيه وزعلي وقعدي عند اهلج وخل اخوج وابوج يعلمونه شلون بنتهم لازم تعيش معززة مكرمة

شناقصج انتي والله لو انا مكانج جان اتطلق قبل لااييب عيال واتزوج غيره ترا الحين المطلقه ما تظل .. مو مثل اول يقولون عيب تطلقين
لا
ترا عاادي الحين الناس متفتحه وتدري بعيوب شباب هالايام

الرياييل علا اقل عيب طلقوا حريمهم ، واحنا ليش نصبر ؟


بس بصراحه الله يعينج علا ما بلاج *

 

[بنت الاجواااد]

الله يعينج مانه فااااايده الله يصبرج

 

[منـــاي]

يصير اعطيه طراق بدالج ؟

 

[بنوته ذربه]

شناااااااااااااطره
وييييييييييييييييييييييييييييييييييييييع
والله اتطلق واعيش حياتي هذي اللي انتي عايشتها مو اسمها حياة
ياساااااااااااااااتر
والله اتطلق واخلي العالم كلها تتشمت ولا اعيش هالقبر
عالاقل نفسيتي عالاقل صحتي عالاقل كرامتي عالاقل انسانيتي

 

[انا هيفا انا]

الله يعينج حبوبه
حاولي تغيرينه لانه واضح يبي يفرض شخصيته حاولي تمشين معاه يمكن يتغير

 

[بنوته ذربه]

توني انتبه انج عروس يبااااااا انحااااااشي قبل لاتييبين عيال وتعضين اصابع الندم

 

[Gifts&Occaions]

الله يعينج من قلب

 

[-فلانة-]

واااااااااااااااااااااااااااااااااااااااااااااااااااااااااي واااااي واااااااي وااااااااي
انغثيييييت والله وارتفع ضغطي..
شنو هذا؟؟؟ شالمعاملة؟؟ وين متربي هذا؟؟؟
مو صاحي والله و فيه عقدة نقص..
اشدعوة عليه بطل زمانه شمشون الجبار؟!!!
هذا لو ريلي و عندي منه درزن يهال ما أقعد عنده!!
اذا ما عندج يهال خلعيه باللي ما يحفظه..
مو كفووو خل يولي ولا تتزينين ولا بطيخ و لا تحاولين تراضينه..
يحليلهم البنات كل ما وحدة شكت من زوجها قالوا تزيني..
خل يولي..غاثني و حارق قلبي أتزينله و أراضيه؟؟
باللي ما يحفظه رضى والا بالطقاق عساه ما رضى..
شيلي قشج و روحي بيت أهلج هذا ما عليه حسافة..
قطيعة تقطع هالصنف..​

 

[strong faith]

حبيبتي

حاولي معاه ، طنشيه انتي مارسي هوايتج

و لا تكثرين طلبات وضحي له انج مو بحاحته

كشخي و لبسي لنفسج ، سوي قعده حلو العصاري اذا قعد بالبيى و حطي كوب له بدون لا تنادينه

و ان شاء الله ، يحس بفقدانج ( حسسيه انج مو موجوده بلبيت و انتي فيه انشغلي عنه )
، والله يسعدج ... و يخليكم لبعض
و راح يدورج باذن الله و دام ابتسمي و طنشيه و فجي عنه