اكبر مشكله مع زوجي وانا عروس ساعدوني

[ريم الروقي]

​

اللي فهمته ان البنت زايعه جبدها منه
بس متحملته لانها ما تبي تكون مطلقه


أذا انتي خايفه من انج تكونين مطلقه
ترا مطلقه بكرامتج ومعززه أفضل من انج متزوجه ذالج هالعديم الأنسانيه
أنا ما أدري شنو ظروفج في بيت أهلج << شكلج مو مسولفه لهم اي شي

الله يكون بعونج

 

[زهراء الركابي]

امبيه



كرهتيني فيه شنووووووووووووووووووووو هذااااااااااااااااااااااا


الله يعينج حياتي

 

[كومة جروح " !]

الله يعينج ويصبرج عليه ان شاء الله يتغير للأحسن حاولي تتفهمينه بس كل شي الا الطلاق كلام الناس مايرحم

 

[الخجل الانثوي]

تطلقي دام ما اضنيتي والعمر قدامج

 

[Mjnont '3lay]

بس بعد شخليتي للمحاسن ولو انه ماضنتي فيه محاسن
بسوي اللي يملي عليه ضميري وبنصحج نصيحه لوجه الله وباجر انا محاسبه عليها بيوم الحساب ان شاءالله
هالرجال هذا اذا انتي وحده ماتبين الطلاق او منتي قادره عالطلاق وكلام الناس ونفورهم من المطلقات وتبين الصبر
انصحج من كل قلبي لا تجيبين جاهل منه الا وانتي متأكده انه حاله اعتدل
صدقييييني باجر لا جبتي ورعان منه وزادت عيوبه وانفجرتي وطلبتي الطلاق منو بيتحملج انتي وعيالج عالاقل انتي وحده وخفيفه على اهلج ويمكن بعد يتحملونج بس مسألة انج تروحين بيت اهلج مطلقه وانتي معاج ورعان مااااا اظن اهلج رح يتحملون هالشي ابدااا
وبصراحه اربع شغلات بالرجال ماا احبها
الجذب والخيانه
والانانيه
والبخل بالدرجه الاولى
اذا توفرت هالاربع شغلات بالرجال اعرفي انه ما منه فوووود
وعسى الله يسهل لج اموورج ياارب
رمضان قرب حاولي جاااهده يالغاليه انج تختمين القران بهالشهر الفضيل وقومي كل ليله بالثلث الاخير وادعي من كل قلبج انه يحقق لج مرادج
ويهدي لج هالرجال
ويصلحه لج
وبعدين انتي حاولي بطريقه غير مباشره تحسسينه بالذنب ناحيتج يعني قولي له ترى انا زوجتك وانت مسؤؤل عني
وعلامات القيامه الصغرى بينت ويوم الحساب قرررب وربي رح يحااسبك على التقصير والاهمال وقولي له الله سبحانه وتعالى ذكر بالقران حسن التعامل والالفه والمحبه وانت للاسف ماشفت منك ولا شي من كل هذا
حبيبتي حتى لو عصب عليج او سوى روحه مو مهتم بكلامج بس صدقيني كلامج رح يأثر فيه ويحسسه بتانيب الضمير
بس اذا سويتي كل شي وما فاد معاه تطلقي ومالج غير هالحل والله وحده معاج مرح تضيعين
وبالنهايه
أسال الله العظيم رب العرش العظيم ان يشرح لج صدرج وييسر لج امرج ويسهل لج كل ماتعسر لج ويهدي زوجج
وعسى الله يوفقج دنيا واخره ويعوضج كل خير بهالرجال

 

[الغـــــزال]

مدري حسيت نظامه نظام تطفيش...
يعني مافي شي يعجبه فيك..حط كل عيوب الدنيا وركبها عليك

بما أنك توك ما جبتي عيال منه..حاولي تقعدين معاه وتصارحينه أذا مجبور عليك و مايبيك
منتي ملزومه تعيشين هالعيشه معاه..وكلن ياخذ له طريق..

ويمكن ينتبه ويعدل أسلوبه معاك...والله يهديكم

 

[Perfume]

والله نفس طليقي
جان اشوته شوته مو طبيعيه واخلعه مثل الجلب قطيته
والحمدلله الله عوضني وتزوجت مره ثانيه
والله جم مره بعيش ظالمه نفسج معاه ع شنو
لا طليقي اوصخ كان ينام مع فلبينيتي الخدامه وعمره ماسفرني متزوجته 8 سنين مره وداني الخفجي

الحمد لله انه الله عوظج حبيبتي وافتكيتي منه
حبيبتي صاحبة الموضوع احنا ما نشجعج على الطلاق بس احياناً يكون افضل الحلول
بعدين الحين الطلاق مو مشكلة والله شكثر بنات اعرفهم تطلقوا وساعات يكون الريال زين بس سبحان الله ما اتفقوا والله عوظهم وتزوجوا ومستانسين

 

[مولاي الفرج]

من قله الوازع الديني عيونهم زايغة ومايحترمون حريمهم

الله يهديهم ويعينج حبيبتي

 

[al-musk]

القرار عندج .. تقدرين تتحملين هالحياة ,, ترا العمر مرة

 

[قويت انسساه]

/-


عسالله يهديه ويسخخره لج ..


آلله يگوؤن بعوؤنـج .. !'

 

[صمت المرافئ]

البنات كفوا ووفوا
أهم شي اخذي احتياطج لا تحملين ...
لحد ما تشوفين حالج معاه وشنو يصير
لا تتدبسين بالعيال ديري بالج
​

 

[إحساسك أسيري]

عسى ربي يهديه و يصلحه

و ربي يكون فعونج

كثري من الاستغفار

 

[*مطبخ الذواقة*]

واااااااااااااااااااااااااااااااي

هذا صج ابتلاء الله يعييييييييييينج عليه ....



فكري عدل لان الانفصال عن هالشخص اتوقع فيه خير لج


​

​

 

[دآيم آلحب]

وصلتي مرحله تحتاج اتدخلين اهلج فالموضوع وحد عاقل يكلمه

والطلاق مب اول الحلول صلي قيام الليل استغفري حطي سورة البقره كل يوم

وثقي ثقه تامه في الله ان بيحقق لج الشي انطري عليه كمن شهر ماتسنع ذيج الساعه تطلقي

عشان ماتحسين انج قصرتي في حقه وتندمين بعدين على الطلاق

الله يكون في عونج ويسخره لج

 

[ضحكتي ماركة ]

لاحول الله

 

[فطوم 84]

انا كل شي اطوفه

الا ماابي اجيب منج عيال

قووويه

هذا معناته ماخذج مووقت فتره ويقولج ابي اتزوج عليج او ماابيج واضحه

اللي مايبي عيال ومايعطيج حقج هذا عايف وخالص. شلون ترضين علي نفسج تكونين تقزيره له فتره ويقطج. والله لو منج مااسكت له

ماتبي مني عيال شحقه متزوجني
ماتبي عيال انا شنو اثاث
ماتبي عيال اساسا مافيك ذرة رجوله ويمكن لانك موريال ماتبي عيال. ولا موكفو تربي عيال

الله يعينج انا ماانصح بالطلاق
بس والله البنت لها طاقه وعفيه عليج متحملته انا لو منج دقيقه مااقعد هاذي وجهة نظري

والقرار قرارج. انا دايما ماانصح بالطلاق بس انتي حره وكيفج بقرارج


الله يعينج. صج الله يعينج علي هالبلوه

انا مو متزوجه بس جد خرعتونا من الزواج بهالتجارب اللي تخوف ....

 

[رحيل المرافيء]

اولا خذي مانع للحمل ضروري جدا
وبما انه دخل عليج يعني منتي خسرانة لو تصبرين شوي وتشوفين حل
كلمي ابوج افضل يا اما يتعدل يا اما كلن يشوف نصيبه
بيستحي من ابوج اكيد
وشكل زوجج صغير بو 22 ولا23 مو اكثر
وبعدين هو مايشتغل ولاشنو مايبتي طاري شغله شنو شهادته ؟؟؟
وشكثر صار لكم متزوجين

 

[(حكاية قلب )]

’
دام كل هذا جان قلتي له ليش تزوجتني دآمني مو عاجبتك ؟؟!

 

[كليـ دلعـ]

لايابنات

بعيد عن الاسئله

انت ليش اخذتني

انت شتبي فيني

انت ليش تعاملني جذي

لاا لاتسال

اهوو موومينوون

ولامعااف ذهنيااا

ولاسفيه

ولابزر

اهو ريال عاقل بالغ سوي

اللي قاعد يسويه قاعد يسويه

من كيفه ومن خاطره وباختياره

مخد جبره

ولاعنده ظروف تحدده ع هااعيشه

الوبئه!!

الله عرفناه بالعقل

الريال اللي حاقرني

هااجرني

لابسني

ماكل كل حقووقي

منتقدني

نافرر مني

متجنبني بعقله بجسمه

وبكل شي فيه


هذا شنو يدل عليه!؟



بالعققققل

بالمننطق!؟


وكللللللللللله كوووووووووووم



وكلمته موكفو اييب منج عيال!!!!!!!!!!


يماا يمااا قلبي!؟!

شنو اوظح من هالكلمه

يعني مابيج ولامفكر اكمل معاج

ولايشرفني اييب منج

ولانتي كفوو لي

ووووووووووو


انا لومنج واسمعها بيذوب جسمي واختفي جدامه

من شدددددده الاهاااانه

وقوووووه التعبيير!!

ماظنتي عقب هالكلمه

قعده

وحجووه

وكلمه

وسوؤال


بس انا اللي اعرفه عنج ابوج الظاهر اذا موغلطانه متوفي

وعايشه عند امج واخوانج

وكنتي متأذيه منهم

وتبين الزواج!


وهذا موعيب ولامنكر بالعكس حقج

لكن ياامي

ارجع لهلي لوكاره اارجعه

اهوون من اني اعيش مذبووحه بلااامشاعر

الاا الكراامه

والامر عدا الكرامه بوااايد!!


بتعيشين معاه ليش بالله!؟

عيال مايبي

واغلب الوقت منحاش

ومعاملته قذره مثله

هاا

شتدورين عنده بعد!؟

انتي الحين قاعده وبالعه ليش!؟

حق شنو!؟


فكرررري عدل

شتنطرين!؟

الريال موعنده نزوه ويرد

مومينون ويعقل

مونايم ويصحا

الريال عاايف ياامي

شتنطرين!؟


ادري ماتبين الطلاق ولامر فبالج

عشان جذي اقوولج

خلي احد يحاجيه


خلي احد من اهلج يهزززه يوعيه

وعقبها

ياانه رد وظبط حاله واستحا ع دمه

ياا انه راح باللي مايحفظه!!


والله مورجوله

ولاشهامه

ولامروه

ياخذ بنت الناس ويذلها ويهينهاا

عييب الريال اللي يحمل معاني الرجووله

ماتنزل نفسه لهالمستوا الهاابط

الرجوله اخلاق !!

خلاص خذيتهاا بغيتها عاملها بالزين

مابغيتهاا رجعها لهلهاا بكرامتها بدون تجريح

وتكسير واحباااط وقهر!

النبي عليه الصلاه والسلام قال

ماا هاانهن الا لئييم

ومااعزهم الا كريم!!

قطيعه تقطع هالاشكال الودره

عسا حوبتج ماتعداه جانه ظالمج

اتخذي قرار. وطبقيه

خلي احد يحاجيه بجديه ويقوله سوالفك سواد ويه

شاللي تبيه بالضبط!

الريال يواجه

ويكون واظح

مووشغل من تحت لي تحت!!

اهو يبيها اتيي منج

ماافيهاا شك

لكن السبب شنو!؟

يمكن لانه يبي ليطلقج تردين المهر!!

سمعتيني

الريال عايف

ومايبي اهو اللي يباادرر

فقاعد يحدج انتي اللي تعافين

عشان يقدر يسترد مهره!!

ثقي وتاكدي. انه هذا اهو الكلام الصاافي

الله يفرجها عليج ويعدل امورج

 

[أماني عمري]

في حل يتطلب جرأة و قوة منج، تكلمين أبوه و تقولين له كل كلام ريلج مع تهديد تبلغين أهلج و تروحين يومين عند أهلج بعدها تخلين أبوه يتصرف معاه، نفع كان بها ما نفع دخلي اخوانج لازم يعرف انج بنت ناس مو من الشارع و لا هو كفو ظفرج.

حياتي أهلج ما تغيرينهم بس الزوج مو فرض عليج، مطلقة ولا متزوجة عايشة جحيم و كثر الدق يفج اللحام، ألزم ما عليج صحتج و عافيتج و عليج بالاستغفار و الصدقة و الدعاء بالسجود ترى عجيب و عن تجربة

يا رب يفك كربج و يريح قلبج و يرزقج كل خير دنيا و آخرة و ما أسمع عنج الا أخبار طيبة :eh_s(17):