اكبر مشكله مع زوجي وانا عروس ساعدوني

[om MaRyooM]

شهالريال استغفرالله


باختصار حبيبتي القرااار بيدج

يا اما.تصبرين يمكن تصير معجزه ويتغير وعمرج يفنى معاه
يا اما قبل لايطيح الفاس بالراس وتحملين تبتعدين وتنفصلين بكرااامتج


والقرار هذا بيدج محد ادرى بمصلحتج الا نفسج

 

[Ezabel]

هذا الريال حاله حال كل الرياييل
حبيبتي شالعيشة الي تعيشينها استغفر الله

هذا على اي اساس متزوج يعني بينتقم ولا شنو ؟
مابي اقولج شي وتتحسفين بس القرار بيدج

كل الرياييل مثله واكثر بعد هل جيل جيل رياييل فاااااسد
الله قطج بواحد منهم لا مسؤولية ولا شي همه بس يفكر بنفسه

تقدرين تحلين المشكلة بس حمدي ربج انج مايبتي عيال منه

 

[Le chat]

هذا باختصار زباله حتى الزباله محشومه عنه مادري صابره على شنو لا عيال ولا شي وابوج دمعت عينه بسبت وضعج يعني منتي ضايعه عندج اهل وعزوه وظهر ليش الذل والاهانه الي انتي عايشتها الله لا يبلينا

 

[كتكات احمر]

ابوي مايبيني ارد البيت باختصار
يقولي بعد خمس سنين انا ميت
بتقعدين تحت اخوانج بتنذلين
تخيلو امس يبي يتدلع سويلي مساج
رحت سويت له مساج جان اقوله لازم زيت عشان العضله جان يقولي
بنت لندن الي هناك سوت لج بزيت ولا بدون ماكو الا اروح اجرب عندها المساج
بالله عليكم هذا رد واحد عاقل؟؟؟؟ مو مال كف علي ويهه الحقير

 

[MiSsY HottY]

لا حول ولا قوة الا بالله العلي العظيم

 

[نسمات 26]

صراااااحه وووويع

شكلج تنتظرين معجزه تغيره

هذا واحد صعب وايد الله يعينج عليه

 

[مهندسة2007]

لحظه لحظه لحظه في انسان كامل اقروا عدل البنت تقول ان آنه توني عروس !!!
جم عمرج حبيبتي بالأول؟ واضح من طريقه كلامج انج صغيره لحظه شوي وبعدين انتي ماخذه الموضوع نديه يعني كأنكم أعداء مو زوجين نطري شوي وحاولي تفهمينه وانتي تركدي تره عادي بدايه الزواج اهو عااالم وانتي عاااالم لاتنتقدين اهتمي انتي بنفسج وبأسلوووووبج اول وبطريقتج لاتعطينه اهتمام زايد بس اهتمي كشخي لبسي شوفي البنات اللي يقول عنهم صاروخ شنو مواصفاتهم وشنو لبسهم وشنو صبغاتهم شغلهم وقلديهم
يعني مثلا في رياييل يحبون المكياج القوي الصارخ والصيغات الشقرا والفاتحه سوي جذي
في ريال يحب السمينه المتروسه
في ريال لا يحب المفصخ اقصد اللبس اللي يكشف اكثر من مايستر
في ريال يحب الضيج صوب الصدر صوب الخصر فهمتيني


لاتحطين في بالج طلاق وبس انزين تطلقتي منو بياخذج تالي اوكي ماتعرفين بالجنس علمني شسوي آنه ماعرف بدلع مو بطفاقه ولقافه عرفتي
شوي شوي شوفي اهتماماته وشاركيه بالإهتمامات يعني مثلا البليستيشين قعدي معاه وشوفي طريقه لعبه وشجعيه وإذا خسر قولي يالله كسر راسهم بتلقينه يستانس لقعدتج
قاعد يطالع مباراه شجعي معاه سأليه عن أسامي اللاعبين وعن تاريخ الفريق بتلقينه شوي شوي ينطلق معاج
لاتتوقعين انج بهالمواصفات اللي كتبتيها عن نفسج على لسانه راح يعطيج سره او يصرف عليج او او او لأن انتي على وصفج بالنسبه له شي مؤقت راح يتغير بس اذا الإيطار العام زين تقدرين تغيرينه بس بشطاااارتج وبأسلوبج تيرينه مو بالزف والنكد والتحلطم وحتى الصلاه ذطريه وانتي صلي جدامه وبدون لايحس قوليله قصص وسوالف عن الصلاة وشلون انج مرتاحه بحياتج وان وقتج منظم بالصلاة وثقتج بربج كبيره يعني انتي جذبيه بس بالأول ركدي وغيري من نفسج صدقيني مرحله بحياتج وراح تعدي وتستقرون إن شاء الله

 

[auoma]

اذا ماعندج عيال منه هذه رحمه من الله عشان لايتعذبون
استخيري انج تكملين معاه او تطلقين صفاته صعبه وتييب المرض عندي رفيجتي ريلها فيه من صفاة ريلج بس أهي ارحم صبرت لانها
عندها عيال منه بس صار فيها ضغط وسكر وقولون لان مشربية اليهال على راسها واهو عايش حياته ولا بالبال
الله يهدي ريايلكم ويسخرهم لكم ويصبرج*

 

[غزلان-2]

انتي ناطره احد يحل مشكلتج؟؟
--
اذا اهو موكفو احترام على وصفج ومايعرف الله على الالفاظ اللي تطلع من لسانه
شلي حادج عليه
--
اذا اللحين ماتحملتيه
==
باجر لي صار عندج عيال منه وبطنج تغير وصار فيه تشققات
توقعين شنو ردة فعله بتشفطين بطنج وبيسكت؟
--
اظن انتي عارفه حل مشكلتج استخيري وراح تعرفين الاجابه

 

[كتكات احمر]

الي تقول شاركيه اهتماماته حاولت اشاركه طول الوقت تطنز
حاولت اغير استايلي مايقرب مني لو راده من عررس
بس طلبي فلوس وشوفي شسوي فيج
وان شاللله كل ماقال صارووخ بروح اقلدها
عنده كل البنات صواريخ شلون يعني اصير جم صاروخ اناا؟؟؟؟؟؟ ماتقوليلي
انا بنت وحده وعندي مواصفات وحده انا سمره مثلا مستحيل اصير بيضه
انا شعري اسود مستحيل بصير شقرا
انا ضعيفه مستحيل امتن
في صفات تتغير لكن في صفات مااقدر اغيرهاا

 

[كتكات احمر]

غزلان هذا الي قاعده افكر فيه قولي لو صار فيني حادث وتشوهت شنو ممكن يسوي؟؟

 

[~mmm~]

تطلقي وافتكي
الحين البنت تتطلق ولا همها شي
خو هذا مافيه شي يخليج تصبرين عليه
مافيه حسنه وحده عشان تقدرين تقولين اتحمله واصبر عليه
ولا تسمعين كلام اي احد يقولج لاتتطلقين
لان مو مجربين اللي انتي مجربته
والله لو يصير لهم ربع هذا تطلقو ولا ردو على احد

 

[كويتية بروما]

شوفي مافي ابو يبي بنته تطلق وترد له
اكيد باخدج بالعاطفه انا بموت عقب خمس سنين
ليش عقب خمس سنين يبا انت ضامن عمرك لليل هدا اعمار وبيد رب العالمين يمكن وانت قاعد تكلمني اليوم تموت بسم الله عليه
الله يطول بعمره ويعطيه الصحه والعافيه
انا لما بغيت اتطلق ابوي قام يبجي بجي اني ارد عن قراري بس ماقدر يقنعني
وليش تندلين عند اخوانج الحين اجنبيات ايون الكويت ينرزون تدرين بشنو ينرزون بالفلوس
درسي واشتغلي معاشج بجيبج وسيارتج تحت ريلج وفلوسج تعزج
واللي تقول صيري صاروخ وصبغي اشقر ومادري شنو الريال ان حب زوجته يبيها لو اهي ريحتها خياس ويشوفها قمر لو اهيا سحت ومقيوله لاحبتك عيني ما ضامك الدهر
شكلج تبين ريلج حاولي معاه واهم شي وقفي حمال
الله يوفقج

 

[BaiTotia]

واي الله يعينج عليه يارب ويهديه

 

[لآلئ وردية]

الحمـدلله اننه ما يشرب و لا يطقج​

حبيبتي​

كثـري استغفـار​

و صلي قيام الليل و طولـي و ادعـــي​

:yaaaaaarb:​

و علييج بسورة البقرة و يس​

و القران كلله خير​

ادعي و ادعي و ادعي​

:yaaaaaarb:​

زوجج محـروم من الحب و الحنـان​

و يقولون مع انني ما اايدهم فاقـد الشيء لا يعطييـه​

فانتـي تقربي مننـه و حسسيـه بالحب و الحنان و الاهتمام​

و مهما صدج مرده بيليـن​

علييج بالاستغفـار اختـي​

و ربي يفـرج همـج​

​

 

[WHO CARES!]

حبيبتي دام ما عندكم يهال تطلقي لا تضيعين شبابج مع واحد ما يقدرج

 

[يالبيه 17]

ياعمري الله يعينج يارب اصبري عليه شوي انتي ماصارلج سنه اذكرج كنتي معاي بتجمع العرايس
واكلي حبوب منع حمل لاتحملين لين تتأكدين منه تعدل ولا لآ
وادعي ربج صدقيني ربج مايخلي احد
وحاولي تدزين له مسج تطلعين له كل الي بقلبج بهداوه يعني ليش تسوي جذي شنو شفت مني شنو موعاجبك فيني

الله يسخره لج ياقلبي
شغلي سوره البقره كل يوم بشقتج وادعي وكثري استغفار وربج ماراح يخلي احد

 

[كتكات احمر]

الي تقول حسسي بالحب والحنان من كثر مااداريه حاسه نفسي مذلوله حقه
مايصرف علي ولا يعطيني حقي طرارة هالفراش طرارة وكله مالي خلق وتعبان
انا نفسيتي تعبت خذيت مخدتي ونمت بعيد صج لاعت جبدي انا الي اعرفه ان الريال يركض ورا المرا مو العكس
تعبت منه تعبت بس اراضيه وادلع وماكو فايده تعامل خراا

 

[BeNt PaRiS]

عسى ربي يسخره لج و يصبرچ عليه

 

[كتكات احمر]

قبل كنت اخذه بالعصبيه وربعك وربعك
حاولت اغير اسلوبي قلت هالاسلوب مانفع
قمت اقول حبيبي ربعك لا يدقون بليل اتظايق
حبيبي تبي اكل ازحر مالت عليك من ريال
حبيبي نام نامت عليك طوفه
حبيبي كليت وانا مبته يوع
حبيبي استانست وانا ضايق خلقي
حبيبي تبي فراش ؟؟؟ وفراشه شنو تكفون