افكاري في تقديم الهدية بشكل مميز.. تعالي اعلمج :)

[QUMAR]

ألف مبروك لصديقتج ولا بآس طهور أن شاء الله لأختج
بس الصراحه ابدعتي تبارك الرحمن
أنا لي الحين يسألوني عن تغليف قرقيعان عيالي اللي سويتيه
ماشاء الله ربي يحفظج
يعني حتي الهديه اللي مسويتها علي عيله تينن
نبي فناتق أكثر يا عسوله
يستاااهل التثبيت يا الغاليه

 

[ساره ستايل]

ألف مبروك لصديقتج ولا بآس طهور أن شاء الله لأختج
بس الصراحه ابدعتي تبارك الرحمن
أنا لي الحين يسألوني عن تغليف قرقيعان عيالي اللي سويتيه
ماشاء الله ربي يحفظج
يعني حتي الهديه اللي مسويتها علي عيله تينن
نبي فناتق أكثر يا عسوله
يستاااهل التثبيت يا الغاليه

هلا والله مشرفتنا قمر

اولا مشكوووووووووووووووووووووووورة
عالتثبيت
ثانيا لي الشرف اني اتعامل مع انسانه راقية مثلج
والحمدلله ان القرقيعان لاقى استحسان الاهل:eh_s(8):
ثالثا تثبيتج لللموضوع يعتبر اكبر دافع لي للآستمرار في هالموضوع

الففففففففففففففففففففففففففففففففف :eh_s(9):
الففففففففففففففففففففففففففففففففف:eh_s(15):
شكرررررررررررررررررررررررررررر:eh_s(9):

 

[lady_flana]

مبروك التثبيت... يستاهل

 

[Chocolate Milk]

تستاهلين التثنبيت والله

وشغلج وايد حلو

 

[أم الحلوة جمان]

ماشالله افكاااارج حلوة
يعطبج العافية على الابداع
و عجبتني حييييل الهدية الشفافة

 

[أم الحلوة جمان]

ماشالله افكاااارج حلوة
يعطبج العافية على الابداع
و عجبتني حييييل الهدية الشفافة

 

[ساره ستايل]

ليدي : تستاهلين الطيب .. مشكوووووورة عالمتابعه المستمرة للموضوع

ستروبرية : الفففففففففف شكر حياتي

ام جمان : الله ايعافيج حياتي .. شكرا لمرورج

اعلان : ترقبوا غدا انشاءالله فكرتي اليديده في تغليف هدية لولادة بنت
بالصور والخطوات

 

[dima]

عااااااااااااااااشت سارووووووووونه الرشيييييييييقه

 

[ساره ستايل]

ديمه : مشكوووورة يازميلة الرشاقه

الدرس الرابع :
الهدية الوردية

* مناسبة الهدية : ولادة بنت عمتي لبنوته عنونه

* مستلزمات العمل :
1- جلاد ذهبي
2- تور ابيض
3- كرات فضية
4-كرستال بلاستيك ملون لون برتقالي
5-شرايط : لون ذهبي ضعيفه - وردي اشوي اعرض من الذهبي
6-ورد امجفف :أ-ذهبي لتزيين الهدية من الخارج
ب- بنفسجي واصفر لوضعه داخل السلة ببداية التغليف
7- لعبة على شكل بنت
8-اشكال صغيرة من الخام على شكل دب بلون وردي
9- سلة من القش اليابس
10- قش ورقي امعفس لون وردي
11-ورق سلوفان لتغيف الهدية بالنهاية
12-ورقة ذهبية بأخضر من اي ورده صناعية
12-USUALLY: المقص والصمغ الكهربائي

*خطوات العمل :
1- بلبداية ناخذ علبة الهدية (كانت هديتي عبارة عن تراشي ذهب للبنوته)
وانجلدها بلجلاد الذهبي مثل ما هو واضح ابهالصورة

2- انلف العلبة اللي جلدناها بالتورالابيض ابطريقة البقشه(اللي شرحتها بالدروس اللي قبل) مثل الصورة هذي

وعقب نربطها ابشريطه وردية وذهبية.. ونلزق ابمنتصف ربطتها الورده المجففه
و2 كرستاله برتقالية + كرة فضية

3- ناخذ السلة ونلف عليها من فوق شرايط وردية وذهبية
ونربط الشريطتين مع بعض ونخلي نهاية الشريطتين زايده..
ونلزق ابمنتص الربطه ورده مجففة ذهبية والكرستال البرتقالي
والكور الفضية والورقة الذهبية .. مثل هالصورة :

4- ناخذ القش الوردي والورد المجفف البنفسجي والاصفر
وانحطهم داخل السلة ابهالطريقة

5- تاخذين اللعبة اللي على شكل بنت وتقعدينها داخل السله
واتثبتين اطرافها من داخل ابصمغ خفيف عشان مع الحركه ما تطلع الللعبه
برا السله ويخترب الشغل .. جذيه :

6- عقب اتييبين البقشة اللي غلفتيها بالتور وتحطينها ابحظن اللعبة
يعني جنها ماسكتها .. ولازم بعد انثبتها ابصمغ خفيف
عشان ماتتحرك وتطيح من ايد البنوته.. جذيه :

7- نمسك الاشكال الصغيرة اللي على شكل دب وردي ونلزقها على
اطراف الشرايط الوردية والذهبية اللي على السله

8- اخر شي .. انكشخ اللعبة وانلبسها باند ابنفس الشرايط
اللي غلفنا فيها البقشة والسله..ونلزق ابوسط الباند دب وردي ..
ونحط لها تراشي بعد كرستال شوارفسكي (هههههه من قدها) ..
وراح تصير ابهالشكل الحلو ومن عدة زوايا :

.... واخيرا : عشان انحافظ على الشغل اللي بالتغليف من التلف اللي ممكن
يحوش الهدية من الشيل والحط .. لازم انلفها بالسلوفان الشفاف ابطريقة
البقشه .. وبالنص انزين الشرايط ابنفس طريقة البقشة الاولى اللي فوق

* الوقت المستغرق في عمل الهدية : ساعه ونص

حلو الدرس ؟:eh_s(15): ​

 

[dima]

كلشي منج حلووووووووووووووووو

 

[أم الحلوة جمان]

حلووو حلووو حلووووو
يا أبله ساره

 

[New Mum]

ياه ياه حركات سارونه يعطيج العافيه مجهود يستحق الشكر

 

[كويتيه طراز قديم]

بصراحه هذه الاشياء اللي صج تفيدينا لان المناسبات كثرت علينا وبيت الهديا ذبحنا التغليف اكثر من سعر الهديه ......علئ الاقل هذا راح يكون شغل ايدينا وحتى التكلفه راح تكون اقل طبعا ...كل اللي اقدر اقوله هذه بنات الكويت ولا بلاش ياريت يدخلون ويشوفون الافكار والاعمال ...يعني مو بس لبس وشغل بعد ...يعطيج العافيه والله يوفقج

 

[keeka]

خوش شغل ويستاهل التثبيت تسلم الايادي

 

[ساره ستايل]

ام جمان : اعيووووووووونج الحلوة :eh_s(20):

لولو : والله كلج ذوق .. وصج حمدالله احنا يالكويتيات سنع من كل النواحي:eh_s(9): والكل يشهد بالشي هذا

كيكة : اشكر قمر على تثبيت الموضوع عشان يستفيدون منه احلى كويتيات

نيو مم : العفو حبيبتي وزميلتي بالرشاقه والدايت كير

 

[نجدية2007]

مشكورة
عطيتيني فكرة روووووووووووووووووووووووووووووعة:eh_s(9):

 

[ساره ستايل]

نجدية: حياج الله
وياريت لو طبقتي الفكرة اللي اعجبتج .. تصورينها ونشوف صورتها

 

[ضحكة الدنيا]

خوش افكار حبيبتى ساره وتسلم ايدينج
وماننحرم من ابداعاتج

 

[ضحكة الدنيا]

خوش افكار حبيبتى ساره وتسلم ايدينج
وماننحرم من ابداعاتج

 

[أم جوري]

يا سلللللااااااااااااااام

ما شاء الله تبارك الرحمن ...

هذي الدروس ولا بلاش ...


تعالي ليش ما تسوين لنا دورات مو أحسن نجي عندش نتغدى ونتعشى ونحلي وناخذ الدرس ونروح خخخخخخخخخخ