افكاري في تقديم الهدية بشكل مميز.. تعالي اعلمج :)

[ღ Prettyღ♥ღWoman ღ]

يعطييييج الف عافيه

وايد حلوه الفكره والصندووق روعــــه.....:eh_s(17): :eh_s(17):​

 

[ساره ستايل]

ام بدير : مشكورة حبيبتي .. من بعض ما لديكم :eh_s(9):

جكورة : تسلمين حبيبتي .. اذا شفت تشجيع اكثر اكيد راح اتشجع
واحط افكار اكثر باذن الله :eh_s(15): بس لما اشوف المشاهدات اكثر من 80
والردود فقط شي وعشرين .. راح اتحبط واهون

مريوم : مشكوووووووووره حبيبتي
واللي بتوقيعي انشالله بحط طريقتها بالمشاركه القادمه لعيونج :eh_s(20):

بريتي : مرورج الاروع حبيبتي :eh_s(6):

 

[asma_alyousef]

شغلج رهيب.

 

[lady_flana]

يالله سارة نبي الدرس الثاني....

 

[جروح تبتسم]

ماشاءالله رووعه

تسلم ايدج ابدعتي

 

[honey moon]

موضوع يا في وقته رفيجتي توها ملجت وما عرفت شهديها

مرسي سارونه ع هالموضوع المفييييييييييييييييييييييد

 

[ساره ستايل]

هني مون
ليدي
جروح
اسماء
الففففففففففففففففففففففففف شكر عالمرور والتشجيع
والدرس الثاني باقرب فرصه بنزله انشالله

 

[Swan]

خوش فكرة وموضوع
تسلمين حبيبتي
نبي بعد ..

 

[Raveena]

فكرة حلوة

 

[أوركيد]

حسافة مو طالعة الصورة عندي

 

[ساره ستايل]

سوان
ريفينا
شكرررررررررررااااااااا للمرور

اوركيد : صح الصورة موطالعه لأن موقع التحميل اليوم سيرفره داون

بحطها مرة ثانيه من موقع ثاني

 

[ساره ستايل]

الدرس الثاني :
الهدية الشفافه

1- مناسبة الهديه :
- سلامة اختي بعد خروجها من المستشفى بعد اجراء عملية جراحيه
فاطلبت اختي العوده التغليف مني
واطلبت التغليف بطريقة غريبة ومبتكره غير الاشياء اللي
نشوفها عند بوابة الهدايا.. فطلعت لها ابهالفكره اللي ابهرت الكل

اولا : مستلزمات العمل :
1- علبة مدورة من كرتون ..كنت شاريتها من ايكيا القديم
2- قرشة زجاجية شفافه شريتها من جمعيتنا .. وموجوده ابكثرة عند
السوق التركي اللي بالري
3- كلفة عريضة من البلوكات .. ولازم اطرافها فيها سيم اضعيف
4- قش طوالي وضعيف لون بيج .. وقش امعفس لون اخضر
5- ورده بنفسجية وورق ورد لون ذهبي
6- جلاد لون ذهبي
7- تور بنفسجي
8-شريطه ضعيفه جدا ذهبية
9- شريطة امعلق عليها اكرستالات املونه (جاهزة تنباع عن محلات الكلف)
10-وطبعا : المقص والصمغ الكهربائي

- الهدية قبل التغليف كانت عباره عن تراشي ذهب

وهذي صورة الهدية بعد التغليف وهي داخل القرشه

وهني اتبين البطاقه اللي كتبت فيها كلمة حلوة تعبر عن السعاده بشفاءها

والهدية بالصورة النهائية (وهي نفسها اللي بتوقيعي )

- الوقت المستغرق في العمل : ساعه وشوية

الخطوات :
1- انغلف علبة التراشي بلجلاد الذهبي.. وعقبها بالتور البنفسجي
ابطريقة البقشة.. (يعني انقص تور على شكل دائرة
و انحط العلبة بالنص ونرفع اطراف التور لي فوق
ونخلي التور الزايد فوق وطالع من راس القرشة)
ونربطها بشريطه ذهبية ... واننزل من هالشريطه الذهبية جم كرستاله املونه

2- نفرش القش البيجي الطوالي الضعيف والاخضر المعفس بقاعدة القرشة
وعقبها انحط الهدية فوقهم

3- البطاقه : المعتاد عند الناس الكروت العادية اللي يكتبون فيها حمدالله عالسلامه
.. بس هالمره حبيت اغير
طبعت بالكمبيوتر كلام حلو عن هالمناسبة .. وسويت البطاقه مطوية
وغلفتها بالتور البنفسجي وشريطه ذهبية نفس الصورة اللي فوق
وتحطينها ورا علبة الهدية داخل القرشة

4- ناخذ الكلفه العريضة ونربط فيها القرشة لي فوق ولازم تكون اطراف الكلفه
زايده .. يعني مو تربطينها وتصير حده حده من فوق ..

5- انييب الاوراق الذهبية ونلزقها على الكلفة العريضه من المكان اللي ربطتيه
سابقا
وعقب نلزق الورده ..

6- نلزق القرشة على القاعده (ابطريقة مايلة) وهي العلبة البنفسجية بالصمغ الكهربائي
وعشان مايبين الصمغ نازل عالعلبة البنفسجية..
انلزق الكلفه ام الكرستالات على اطراف العلبة البنفسجية​

اشرايكم ؟ مفهوم الدرس؟!​

:eh_s(15):

بانتظار التشجيع للاستمرار :eh_s(9): ​

 

[Smarties]

ما شاء الله عليج يا سارونة شغلج روعة و تسلم ايدج :eh_s(8): و ناطرين المزيد من ابداعاتج يا حلوة :eh_s(17):

 

[ساره ستايل]

سمارتيز :
مرورج ومشاركتج بلموضوع اهما الاحلى
الف شكر

 

[أم الطيب]

روووووووووووووووووووووعه واكثر بعد

تسلم ايدينج حياتي انتي

اصلا هالموضوع لازم يتثبت بعد اذن مشرفاتنا حبيباتنا

يعطيج الف عافيه ياقلبي

وسلمي على امج وايد وايد وحبيها عني بعد وشكريها وايييييد على دعوتها والله لايحرمج منها ويطولج بعمرها

 

[ساره ستايل]

ام الطيب
حبيييييييييييييييييييييييييييييييبة قلبي انتي:eh_s(17):
تستاهلين كل خير
وانشالله البوسة واصله حق امي يلغالية:eh_s(6):

واشكرج على طرح فكرة تثبيت الموضوع
بعد اذن مشرفاتنا العزيزات .. والله ودي عشان اتشجع واطرح افكار اكثر
بس والله ايحز ابخاطري ان مع هالتعب ما اشوف غير مشاركات قليلة عددها34
من خواتي اللي قدروا مجهودي .. اما المشاهدات فتخيلي 196 !!​

 

[Strawberry Flower]

ماشاء الله تبارك الرحمن
شغلج وايد حلو ومرتب واحلى من بوابة الهدايا بعد

موفقه
وبانتظار المزيد

 

[نونية]

ما شاء الله عليج
انا من فترة ما دخلت المنتدى
ولما دخلت وشفت اسمج
قلت هذي اول وحدة لازم ادخل واشوفها
بصراحة روعة شوي على شغلج....

 

[ساره ستايل]

ستروبري فلور : يابعد قلبي شكرااااااااااااا عالتشجيع حبيبتي
وشكرا للمرور

نونية : يااااااااااااابعد قلبي
يشرفني والله دخولج لموضوعي على طول حياتي
وهذا دليل على طيب اصلج:eh_s(15):
وكلامج هذا شهاده اعتز فيها

 

[لانا]

ماشاء الله حلو شغلج.........
تسلم ايدياتج .............