افرازات + اصوات + توسعة + ريحة + تكفون يا حريم ساعدوني

[مطير وحلاها غير]

وانا نفس الشي

 

[<ام تركي>]

رد : افرازات + اصوات + توسعة + ريحة + تكفون يا حريم ساعدوني

ماقصروا البنات

 

["البتول"]

هلا وغلا
حاسه فيج حبيبتي بس شكلج أهملتني نفسج حيل لكن كل شيء يتصلح بإذن الله ثم مواظبتج على نفسج بكل دوره
هذا برنااامج الأخت ضحااااوي الديره الله يجزاها خير ويوسع طريجها وين ماتروح
طبعا" أستعنت فيه لأنه متكامل وحلو وبوضحلج بعض الأشياء
وأسمحيلي ياضحاااوي أني أستعنت بالموضوع

بسم الله الرحمن الرحيم


هــآآآي عرووســآت شلوونكم ؟!

بقرق عليكـم شـوي اتحملــوني

ذاك اليوم قاعده مع رفيجتي بالكليه عرسها عقب شهرين وكنت عارفه ان اليوم عليها الدوره .. المهم شوي ولا اشوف البنت راحت وجابت ببسي وقامت تشربه !!!

انا انربط لسآني وماعرفت شقول @@ الحين عروس وعرسج مو باجي عليه شي وتعبانه على تجهيزج ليش ماتضبطين عمرج حق ريلج عشان تعجبينه من برا ومن داخل ؟!

انا بالنسبه لي هالشغله هذي ماكوووووووو اهمممممم منهـــآآآآآآ

المهم جان اتل الببسي من ايدها وكلمتها وفهمتها وعطيتها البرنامج مالي اللي ماشيه عليه حق دورتي

عقب جم يوم كنت بالطريج رايحه الكليه ولا تدقدق علي وينج ابيج تعالي ابي اكلمج ضروري انا خرعتني وعبالي فيه شي المهم لمن شفتها بالكليه ولا البنت على راسها 100000 علامة استفهام تقول شنو هالسحر اللي عطيتيني اياه ؟؟؟
ماكو افرازات ولا لوعة جبد وحاسه روحي نظيفه نظيفه وطلبت مني اني اقول لها كل اللي اعرفه

لأنها عرفت شلون تكون بنت عدله ومضبوطه وحست بالفرق

والله والله والله يابنات اني احبكم في الله وانكم حسبة خواتي وابي افيدكم ببرنامجي اللي سوت لي اياه امي الله يخليها لي يارب ولا يحرمني منها وانا قبل جم شهر كنت عروس مثلكم وحايسه بعمري وحاسه فيكم والله

طبعا في كذا شغله كل بنت تعرفها بس قله اللي يطبقونها انا بقولكم شنو اسووي لنفسي بالضبططططط

مستحيل مستحيل مستحيل اكل اكل خربوطي وانا علي الدوره وقبل ماحط اي شغله بحلجي اسأل روحي بتضرني ولا لأ

كل شي ينشرب او ينوكل بارد او لزج او حامض او سبايسي وقت الدوره يكون بلااااااك لست مااذوقه ولا احطه بحلجي((((هذي أول نقطه مهمه يعني بيبسي برد عصير المانجا والكيوي والليمون والفواكه المانجا والكيوي والموز والخضار القرع والليمون والباميا والملوخيه أي شيء تشوفينه لزج وحامض وبااارد بعدي عنه )))))

البس دلاغين وسروال قطن ثقيل وطويل وبجامه جم طويل داااافيه وما امشي ع السيراميك حافيه لو شنو وما اتعرض لهوا المكيف ولا اتسبح ابدااااااااا اللهم اذا اضطريت امسح جسمي بفوطه وماي واتنشف بسررررعه واتدفى عدل
(((ثاني نقطه مهمه ))))

اول ثلاث ايام من الدوره الهم رشاد على الريج انا احط قفشه كبيره بفنجال واحط عليها شووويه عسل الخاص بالحريم اخذه من العويد بس عشان يتماسك ومايتبعثر بحلجي وبين اسناني ويسوي ريحه واشرب وراه ماي دافي
((((موشرط تحطين عسل مع الرشاد أخذياج 15 حبة تمر وشيل النوى وأعبطيهم مع ملعقة أكل رشاد وكل صبح بأول 3أيام أكلي من التمره)))))

طول ايام الدوره اكل اللهوم وهم ع الريج اهو عباره عن فنجال من ( كمون - محلب - فلفل اسود - مسمار - فلفل ابيض - رشاد ) اطحنهم كلهم -الا الرشاد- لما يصيرون بودره واحطهم بعلبه واضيف عليه الرشاد الحب اللي ماطحناه هذا الهمه ع الريج قفشتين كبار واشرب وراه حليب خالي الدسم اغليه مع زنجبيل ودارسين او احطه مع العسل واشرب وراه حليب
(((( هذي الخلطه حلوه ولوتظيفين معاها فنجال حلبه ونص فنجال حبة البركه طبعا" البذورات هذي تلاقينهم عند إي حواج
سويها مثل ماقالت الأخت ضحاوي وحطيها بالفريزر عشان ماتخرب)))

امي تشتريلي النقوعه من مره اكسرها صغار صغار واحطها ببطل ماي صحه واغلي ماي لمن يفتر اصبه عليها هذي اشربها ع الريج وقبل النوم طول ايام الدوره ترا هم تلقون النقوعه عند الحواج((((أنصحج إنج تسوين النقوعه أنتي بروحج مكوناتها كسرة مره وسط ومسمارملعقه صغيره وتحطينهم ببطل صحه تعبين نص البطل وأخر 3أيام من الدوره تعبين باجي البطل ماي وتشربينه موكله تبقين منه وتردين تزيدينه إذا بتشربين منهوأخر 3أيام من الدوره مره على الريج وقبل النوم))))
اخذ بطل ماي صحه احط فيه كسرة مقل وكسرة مره وشوية مسمار وشوية محلب وشوية حبه سودا تقريبا قفشه وسط واغلي ماي لمن يفتر اصبه عليها هذي انا اشربها ع الريج بس اشوف امي اذا عليها الدوره كلما مرت عليها شربت شوي فعادي كيفج يعني

الحين خلصنا من الأدويه اللي تنوكل او تنشرب ع الريج الحين نجي للريوق :
تمر تعفسينه مع رشاد وحبه سودا وسمن وتخلينه على كور صغار وتتريقينه الصبح وتشربين معاه حليب وزنجبيل ودارسين >>> التمر بس اول 4 ايام
انا امي تسويلي عجينة خبز التاوه تحط معاها كمون مطحون وحبه سودا مطحونه وتحطها لي بعلبه واحطها بفريزري الصبح كل اللي علي اني اخذ خبزة ولا 2 واحطها بالمقلى مع شوية زيت زيتون لمن تستوي >>> عجينة خبز التاوه انا بصراحه ماعرفها امي تسويلي بس اتوقع معروفه يعني

والعصيده همن تسويها امي وتترسها ادويه الصبح اسخن منها واكل واتوقع طريقة العصيده معروفه

اهم شي ماتجوعين نفسج ابدااااااااااااااااا انا كل ماجعت سويتلي من خبز التاوه هذا وكليت منه(((((إذا ماتعرفين للخبز والعصيده أهم شيء لاتجوعين نفسج وشيلي الدايت من بالج وقت الدوره))))))

يابنات شوربة الخضار مع الدجاج مفيييييييييييييده حيل احط عليها كثر ماقدر فلفل اسود وفلفل ابيض واشربها والمرقوق مفيد مفيد حطي ادويتج فيه وعليج بألف عافيه تقريبا انا كل شي اكله ايام الدوره احط عليه فلفل اسود وفلفل ابيض وكمون مطحون للي ماتعرف فوايد الفلفل الابيض هذا يضييييييييييييييييييييق بشكل مو طبيعي والكمون يطلع الهوا اللي بالبطن والارحام كله(((((الشوربه روووووعه لأنها دافيه وأدفي أرحااامج بعد البذورات مثل ماقلت عند الحواج تلاقينهم))))))

يعني الريوق : حليب زنجبيل دارسين اما مع خبز التاوه او مع التمر او مع العصيده
والغدا والعشا : شوربة خضار - مرقوقه - عصيده او عادي اي شي بس المهم مايكون مضر

اول يومين اسوي مطاره احط فيها زنجبيل ودارسين هذي تنزل الدم كلللللللللللله وتنظفج عدل ومن ثالث يوم الدوره لآخر يوم مطاره احط فيها زعتر ومرميه وكمون

فيه دوا ينباع عند الحواج اسمه دوا القهوه هذا كل ماشربتي قهوتج "العرررربيـــــــه" تحطينه معاها بس ماتكثرين منه 3 فناجيل باليوم انا امي تشتريه من مره بكميات كبيره وتقسمه بيني انا وخواتي اهو والنقوعه اللي تكلمت عنها((((((((مومهم حيل دواء القهوه بس كيفج إذا تبينه بس ما أنصحج تاخذينه من الحواج إلا إذا تعرفين الحواج من زماااااان وبينج وبينه ثقه قويه إذا كلش كلش حطي كسرة مره مع فنجال القهوه حقج))))

ثالث ورابع وخامس وسادس يوم الدوره اسوي الغسول اللي اغلبكم عارفينه ( مره وملح خشن وقشر رمان وبابونج وارطا) اخلي الارطا وقشر الرمان والبابونج يطبخ عدل تقريبا 15 دقيقه بعدين قبل لا اسكر الجوله احط معاه المره والملح الخشن انا ماحب اسويه بشقتي عشان ماتطلع ريحه فأمي تسويه لي وتخليه مركز حييييييييييييييييييييييييييل وتحطه ببطل ماي صحه وانا اخذ منه شوي واحط معاه ماي دافي اقرب للحار واتشطف فيه ما انقع فيه وبعدين على طول اتنشف بسرعه والبس ملابسي وما اعرض نفسي للهوا لا مكيف ولا غيره((((حلو الغسول هذا بس بما إنج بنت أنصحج فيه بس بالمره تنقعينها وتغسلين فيها وعلى فكره المره مضاااد تقضي على الجراثيم))))
اخر يومين من دورتي اخذ نص قلاص ملح خشن واحطه بسطل واصب عليه ماي حار وانقع فيه يعقم المكان عدددددددل ويضيق وتحسين نفسج نظيفه ومنتعشه ولااااااااااازم بعدها تدفين نفسج على طول((((بصراحه ماعمري جربتها بس أخاف يدخل فيني الماي ويخرب المنطقه))))

يمكن بعض البنات يشوفون نظامي صعب بس صدقيني لمن تتعودين عليه وتفهمينه عدل بيصير عندج عااادي وسهالات كل اللي عليج انج تجهزين شغلج وتجمعين اغراضج من الحواج (((((بالعكس نظااامها حلووووو وسهل ومفهوم )))))))

انا قبل لا اتزوج كنت عادي يعني لا مهمله ولا مهتمه حيل يعني بس قبل عرسي بثلاث شهور امي عطتني هذا النظام وعلمتني عليه والله يا بنات ما جا يوم عرسي الا وانا ناااااااشفه لا افرازات ولا ريحه ولا صوت ولا غيره ونظيفه نظيفه مو اي كلام انتو امشو على نظامي دوره او دورتين ورا بعض وراح تحسون بالفرق

ترا اجكــــررررر البنات واقبحهم الشيفه اللي ماتنبلع ام كششششه لي صارت ناشفه وضيقه ونظيفه مافيها لاريحه ولا افرازات ولا اصوات صارت عند ريلها ملكه وحطها على راسه وهي الشيخه وهي المدللـه ليييييييييييييييش ؟؟!
عشانها مريحته ومونسته

واجمل بنت واحلى بنت اللي كشختها مافي منها وريحة عطوراتها توصل الشارع اللي وراها وبياضها بياض الثلج ونعومتها حرير لي اهملت عمرها وقت دورتها وصارت وسيعه من الافرازات والريحه وتهوهي على قولة امي والله مايقرب صوبها ولا يجيها ولا يبي الا فرقاها ليييييييييييييييييييش ؟ عشانها مو مريحته ولا مونسته من افرازاتها وريحتها(((((صح كلامها أهم شيء نظافتنا من دااااخل وبعدين من الخارج))))

يمكن بعض البنات يقولون كل هذي الادويه راح تخلي ريحتي من تحت مو حلوه ... انا اقولج شتسوين
هذي طريقة امي وخواتي وعلموني عليها لمن تزوجت تحطين بمطاره نعناع طازج وزنجبيل طازج وتصبي عليه ماي مغغغغغغغغلي عدل عدل تنطرين ربع ساعه بعدين صبي منه نص قلاص وحطي نص فنجال ماي ورد وزيديه ماي دافي لمن يصير القلاص مليان واشربيه وربي تصير ريحتج من تحت عطررررررررر هذي ابلش اشربها ثاني او ثالث يوم الدوره 3 مرات باليوم(((((حلوووه الطريقه بأجربها لأن فعلا" الأدويه تطلع ريحه بالجسم بس مايهمني أهم شيء أكون نظيفه والمنطقه تصير نظيفه))))

والله ان هذا برنامجي اللي مخليني ميه ميه مانقصت منه ولا شي ومابي منكم غير الدعاء الله الله واي استفسار انا حااااااااااضر ومن عيوني((((أمشي على هالبرنااامج مافي أحسن منه وأسهل بكل دوره حتى بعد الزواج)))))

والله يوفقكم ياعرايس ويسعدكم مع ازواجكم ولا يشوفون غيركم يارب
(((((الله يجزاج خير ويعطيج وعساه بميزان حسنااااتج فدتي البنات حييييل ومشكووور

وأسمحيلي لأني أستعنت بموضوعج بس حبيت أفيد البنت))))

(((((ملاحظه :الكلام اللي بين قوسين هو ردي لج والله يعااافيج )))))))))

 

[قمورهـ]

رد : افرازات + اصوات + توسعة + ريحة + تكفون يا حريم ساعدوني

هذا ملف خبيرة الاعشاب ام خالد

http://www.q8yat.net/member.php?u=6296

 

[حور العيون]

رد : افرازات + اصوات + توسعة + ريحة + تكفون يا حريم ساعدوني

البنات ماقصرواا كفو ووفووا :wqedqw:

 

[Nonita-q8]

وااااي جنج انا
ولما اسمع رفيجاتي يتكلمون اسال امي تقولي لا تاخذين يضرج وانتي بنت هذي حق اللي مبطل رحمها ومادري شنوو

 

[Killer^Girl]

فيج التهابات
روحي الطبيب لاتلعبين بنفسج بالخلطات

 

[))M N((]

رد : افرازات + اصوات + توسعة + ريحة + تكفون يا حريم ساعدوني

ومنكم نستفيييييييييييد

 

[ميموته]

رد : افرازات + اصوات + توسعة + ريحة + تكفون يا حريم ساعدوني

صرااحه انا اعااني من الحكه ...والفرازاات..
ماادري بنااات تهقووون ينفع من اول دوره والغسووول عاااادي استخدمه بالايااام العاااديه...ولا بس الدوره...\\

اتمنى تفيدووونا

 

[حبيكو]

البتول
واللة ماقصرتي حياتي انتي تسلمين
الله يوفقج وين ماتروحين

عطيتي البنت معلومات مفيدة تفيدها وتفيد غيرة
تحياتي

 

[ضحاوي الديره]

البنات اللي يعانون من الحكه سوو الغسول ( ماي وملح خشن ومره )
خذي المره حطيها ببطل ماي صحه وصبي عليها ماي مغلي عقب مايدفى شوي وخليه يوم كامل عشان يصير مركز
بعدين صبي المره بسطل وحطي عليها ملح خشن وصبي عليها ماي دافي يكون اقرب للحار واقعدي فيه ربع ساعه الى نص ساعه روووووووووووووووعه يعقم وينظف ويقتل البكتيريا
وفيه صابونه عند الحواج حلللوه اسمها صابونة المر والصبر غسلي فيها مرتين باليوم تنظف عدل
لأن الحكه تجي من البكتيريا والجراثيم اللي بالمكان ولمن تنظفين المكان وتعقمينه راح ترووووح احكه بإذن الله
واذا استمرت لاااااازم تراجعين طبيب

 

[بنت الفوزان]

رد : افرازات + اصوات + توسعة + ريحة + تكفون يا حريم ساعدوني

مشكورين على الموضوع

 

[ميمـــي]

اب لعيونج

 

[ضاقت علي دنياي]

مآ قصروآ البنآت

 

[نجمة كويتية]

رد: رد : افرازات + اصوات + توسعة + ريحة + تكفون يا حريم ساعدوني

ياقلبي انا انشالله راح افيدج انتي الحين عليج الدوره او ماعليج لازم تاكلين دوياااات النفااااس مثل المردود
والا البذورات لانج اهملتي نفسج اكليها ليما تجيج الدوره انشالله بعد شهر
عشان تشوفين النتاايج الحلووه وراجعي دكتوره عشاااان تعطيج كريمات عشان الحكه وتشوووف الافرازات واذا انتي مستحيه من اهلج رووحي للمستوصف
واهم شي ياقلبي تاكلين وقت الدوره البذورات والمردود لمده 6 ايام وتدفي عدل
واي استفسار راسليني ع الخااااص اخاااف مارد للموضوع مره ثانيه
وانشالله تشوفين النتايج الحلووووه

الله يوفقج ويرزقج الجنة مشكووورة ع الرد :yaaaaaarb:

 

[نجمة كويتية]

رد: رد : افرازات + اصوات + توسعة + ريحة + تكفون يا حريم ساعدوني

انصحج بخبيرة اعشاب ام خالد

انا توني ماخذه منها ادوية لنفاسي

طبعا شغلها اشهر من نار على علم والبنت نصوحه وان شالله تفيدج

جزااج الله كلللللل خير ياارب ومشكورة ع التذكير الله يوفقج

 

[نجمة كويتية]

للرفع

عشان العروسة

يطولي بعمرج ماااقصرتي :wqedqw:

 

[نجمة كويتية]

رد: رد : افرازات + اصوات + توسعة + ريحة + تكفون يا حريم ساعدوني

ياقلبي المردود نفس البذورات اللي تتكون من حلبه وحبه سوده ويانسون
انا انشالله راح اخذ طريقه الدووايات من امي وانزلها لكم لان امي تسوي المردود
واظمن لج من اللي تشترين منهم
انا ماااكل الامردود امي اللي تسويه
بكتب لكم المكونات والطريقه

جزاااااااااااج اللـــــــــه خيييييييير وبميزان حساانتج ياارب لانج فرجتي ع المسلمات كربة :fun22: الله يفرج همج ويوفقج ويييييين ما كنتي ياااااااارب

 

[نجمة كويتية]

رد: رد : افرازات + اصوات + توسعة + ريحة + تكفون يا حريم ساعدوني

نفس حإآلتك وربي آنإآ ولآ مخطوبه انآ هآإللحين ومتردده بتحديد وقت آلزوآإج
وتوني نزلت موضوع عنيٍ
وآن شآءالله مآرآإح يقصصصرون البنإآت ويردون وينفعوننآإ =)

وربي يوفقك حبيبتي

اجمعييين يا قلبي مشكوورة

ومشكووووووووووورين لكل اللي رفعوا الموضوع بـ أب او دعوة حلوة :blueSmCLR:

 

[نجمة كويتية]

يا بنات المردود موووووووووو زين كللللش لأنه اول شي يضبطج ويسنعج وتصيرين اوكي بعدين لي خليتيه تخربين أكثر
عشان جذي امي مانعتني عنه انا وخواتي

يا ويلناآاآ ويلآلآهـ :cxxxp:

اللـه يجزاج خييير ع التنبيه