- إنضم
- 23 أبريل 2009
- المشاركات
- 636
- مستوى التفاعل
- 3
- النقاط
- 0
- العمر
- 37
السلام عليكم
خواتي الغاليات كويتيات .. انا حابه استشيركم لان اعرف حكمتكم من ردودكم على مشاكل البنات
السالفه انه صار خلاف جااايد بيني وبين زوجي من كذا شهر وطبعا اسباب حيل تافهه بس كبرت المشكله ورحت عند اهلي على اثر هالمشكلة لمده 4 شهور تقريبا
وبعدها رجعني زوجي واتفقنا على التعامل بالاحترام وانه ما يحرمني من دراستي وقبل لا يكمل الشهر من رجعت له صار خلاف ثاني ورجعت لاهلي والحين صارلي شهر ونص عندهم..
اليوم اتصل لي وطبعا حاط الغلط كله علي انا .. مع العلم انه اهوه الغلطان وطلب مني يا اني اوافق على شروطه ولا انه يطلقني.. رفض يعلمني شنو شروطه وقالي اقولج اياهم جدام اهلج وبشرط انه اخوج اللي يرجعج البيت مو انا اللي اخذج.. وبين لي انه من ضمنهم اني اترك الجامعه واقعد فالبيت بدون وظيفه او دراسه
فكرت اتنازل وارضى بشروطه .. لكن اخاف من المستقبل اذا انا عايشه معاه سنتين وبدون عيال وكل شوي مهددني بالطلاق او انه يتزوج علي .. انسان بالرغم من كبر سنه الا انه عقل ياهل لا اسلوب ولا تعامل
وفوق هذا يده ناشفه يعني شهر يعطيني مصروف 100 وشهور ما يعطيني واذا عطاني يبيني اصرف منه بروحه وماطلب منه واهوه راتبه حيل قوي وعنده مصادر دخل ثانيه وما عليه اي التزامات ..مافي عنده شخصيه كلش سكانه اخته وربعه ابسط امور حياتنا يروح يستشيرهم ويغيرون رايه بثواني .. اهوه مو مكمل تعليمه ودايما يلقبني بالفاشله مع انه يدري اني وايد متفوقه وكل ما يكرموني الكليه يكون موجود ويحضر معاي..
عنده ضعف جنسي شديييد من كل النواحي الانجاب والعلاقه انا ما اهتميت بالموضوع هذا وطلبت ربي يعوضني عن هالسالفه خير وماراح اتأثر بقراري لكن اهوه مو متواضع بالرغم من كل عيوبه شاايف نفسه وايد وما يعترف بأي غلط يسويه وكله انا اللي دلوعه وياهل مع اني والله شايله قسمي وثيابي وثيابه من غسيل وكوي وحتى الطبخ وكل شي وخدامات البيت ثنتين ما يخدمون الا اخته مانعتهم حتى يجوني يساعدوني ولا شكيت لحد وانا عندي دراسه وامتحانات وقلت ميخالف ريلي انا اشيل مسؤوليته
هو كان يبي يطلقني بدايه الخلاف ودز مسج لاخوي انه يبي يطلق ويبيه يروح له المحكمه ووراها قال خلاص لا تروح المحكمه اهمه بيطلبونك .. بعدين هون وقام يتصل فيني ويتكلم ولا كأنه في شي وصار كلامه معسول (يا حياتي ويا عمري ومادري شنو) واهوه بعمره ما قال لي حجي حلو حتى بشهر العسل هالشي خلاني اشك وخصوصا انه جاتني سالفه من ناس من اهله قراب وايد وثقه انه متكلم على بنت ويبي يخطبها انا مابي اسبه واقول عنه نذل ونحيس ومن هالكلام لكن عشرتي له تخليني متاكده انه بيردني عشان يحط مره على راسي مو اكثر وبنفس الوقت اقول لا تتشائمين وتدمرين حياتج وانتي باول عمرج
بتقولون طالما معزر فيج جذي شاللي مصبرج بقولكم كلام الناس ونغزات حريم اخواني اللي ما ترحم ومابي اشيل امي همي واهيه مره كبيره الله يحفظها لي ويطولي بعمرها.. الحين وصلت لمرحله تعبت فيها وايد مابي اعيش ذليله واهوه كل ماله يدوس علي اكثر ومابي اضحي لانسان مو عازني ولا مقدر اللي اسويه له ومابي اخذ قرار وانا منفعله اندم عليه بعدين
اسمحولي تكلمت وايد ويمكن كلامي مو مرتب بس حدي منفعله وابي رايكم انا قاعده استخير ربي واستشيركم
بعيد الشر عنكم لو كنتم مكاني شلون تتصرفون؟؟
شورو علي خواتي ..
خواتي الغاليات كويتيات .. انا حابه استشيركم لان اعرف حكمتكم من ردودكم على مشاكل البنات
السالفه انه صار خلاف جااايد بيني وبين زوجي من كذا شهر وطبعا اسباب حيل تافهه بس كبرت المشكله ورحت عند اهلي على اثر هالمشكلة لمده 4 شهور تقريبا
وبعدها رجعني زوجي واتفقنا على التعامل بالاحترام وانه ما يحرمني من دراستي وقبل لا يكمل الشهر من رجعت له صار خلاف ثاني ورجعت لاهلي والحين صارلي شهر ونص عندهم..
اليوم اتصل لي وطبعا حاط الغلط كله علي انا .. مع العلم انه اهوه الغلطان وطلب مني يا اني اوافق على شروطه ولا انه يطلقني.. رفض يعلمني شنو شروطه وقالي اقولج اياهم جدام اهلج وبشرط انه اخوج اللي يرجعج البيت مو انا اللي اخذج.. وبين لي انه من ضمنهم اني اترك الجامعه واقعد فالبيت بدون وظيفه او دراسه
فكرت اتنازل وارضى بشروطه .. لكن اخاف من المستقبل اذا انا عايشه معاه سنتين وبدون عيال وكل شوي مهددني بالطلاق او انه يتزوج علي .. انسان بالرغم من كبر سنه الا انه عقل ياهل لا اسلوب ولا تعامل
وفوق هذا يده ناشفه يعني شهر يعطيني مصروف 100 وشهور ما يعطيني واذا عطاني يبيني اصرف منه بروحه وماطلب منه واهوه راتبه حيل قوي وعنده مصادر دخل ثانيه وما عليه اي التزامات ..مافي عنده شخصيه كلش سكانه اخته وربعه ابسط امور حياتنا يروح يستشيرهم ويغيرون رايه بثواني .. اهوه مو مكمل تعليمه ودايما يلقبني بالفاشله مع انه يدري اني وايد متفوقه وكل ما يكرموني الكليه يكون موجود ويحضر معاي..
عنده ضعف جنسي شديييد من كل النواحي الانجاب والعلاقه انا ما اهتميت بالموضوع هذا وطلبت ربي يعوضني عن هالسالفه خير وماراح اتأثر بقراري لكن اهوه مو متواضع بالرغم من كل عيوبه شاايف نفسه وايد وما يعترف بأي غلط يسويه وكله انا اللي دلوعه وياهل مع اني والله شايله قسمي وثيابي وثيابه من غسيل وكوي وحتى الطبخ وكل شي وخدامات البيت ثنتين ما يخدمون الا اخته مانعتهم حتى يجوني يساعدوني ولا شكيت لحد وانا عندي دراسه وامتحانات وقلت ميخالف ريلي انا اشيل مسؤوليته
هو كان يبي يطلقني بدايه الخلاف ودز مسج لاخوي انه يبي يطلق ويبيه يروح له المحكمه ووراها قال خلاص لا تروح المحكمه اهمه بيطلبونك .. بعدين هون وقام يتصل فيني ويتكلم ولا كأنه في شي وصار كلامه معسول (يا حياتي ويا عمري ومادري شنو) واهوه بعمره ما قال لي حجي حلو حتى بشهر العسل هالشي خلاني اشك وخصوصا انه جاتني سالفه من ناس من اهله قراب وايد وثقه انه متكلم على بنت ويبي يخطبها انا مابي اسبه واقول عنه نذل ونحيس ومن هالكلام لكن عشرتي له تخليني متاكده انه بيردني عشان يحط مره على راسي مو اكثر وبنفس الوقت اقول لا تتشائمين وتدمرين حياتج وانتي باول عمرج
بتقولون طالما معزر فيج جذي شاللي مصبرج بقولكم كلام الناس ونغزات حريم اخواني اللي ما ترحم ومابي اشيل امي همي واهيه مره كبيره الله يحفظها لي ويطولي بعمرها.. الحين وصلت لمرحله تعبت فيها وايد مابي اعيش ذليله واهوه كل ماله يدوس علي اكثر ومابي اضحي لانسان مو عازني ولا مقدر اللي اسويه له ومابي اخذ قرار وانا منفعله اندم عليه بعدين
اسمحولي تكلمت وايد ويمكن كلامي مو مرتب بس حدي منفعله وابي رايكم انا قاعده استخير ربي واستشيركم
بعيد الشر عنكم لو كنتم مكاني شلون تتصرفون؟؟
شورو علي خواتي ..
