اشلون صديقتي تعرف......؟؟

[انين_الصمت]

السلام عليكم

بنات انا من بنات المنتدى وقديمه لكنى انقطعت عن الكتابه فقط:eh_s(7):

ابي استشيركم صديقتي عندها مشاكل تشيب الرأس مع زوجها:eh_s(2):

الغير مبالي لا لها ولا حق عيالهم..، الحين أهي مقتنعه انه متزوج:eh_s(1):

عليها طبعا بينها وبين نفسها بما أن زوجها مو هامه شي أبد:eh_s(14):

تبي طريقه اشلون تعرف انه متزوج عليها ياليت تعلموني

لانها طلبت مني حل وأنا ما عرفت اشلون تعرف

ياليت تقولون لي اشلون تعرف وتتأكد وتعرف منو تزوج

اذا فعلا متزوج..؟

الله يخليكم لا تبخلون علي بالرد

 

[Tom ♥ Jerry]

,


شلون مقتنعه انه متزوج !
شلون درت .. لا يوسوس لها ابليس
خل تتعوذ من ابليس و لا تاخذ اي قرار الا لمآ تتأكد
و اذا تأكدت 100% خل توأجهه !:/

 

[نوف الصقعبي]

إن شاء الله تكون وساوسها مو بمحلها
بس السؤال
اهو شنو بتسوي لوطلع متزوج​

 

[روجَ آحمرَ ..×]

صح اهم شي شنو ردت فعلها
وبعدين وش يعني لو متزوج
انتهت الدنيا والا قامت القيامه
الشرع محلله 3 بعد موب وحده

 

[رنيم الروح]

حبيبتي قوليلها مو كل ماتغير الرجال صار متزوج لا ممكن ملل ولا طفش
ويمكن معتمد عليها في موضوع العيال
وبعدين اذا مااافيه دلليل يثبت انه متزوج لاتوسوس وتصدق عمرها وتفتح الموضوع عنده ساعتها بيفكر فعلا انه يتزوج

واذا طلع متزوج وش بيدها اتسوي ؟ بتخرب بيتها ودمر حياتها وحياة عيالها عشان هالشي
ولا بتشغل عقلها وتعرف وين مصلحتها و بتتحمل وتمشي حياتها اذا مو عشانه عشان عياله لانه الوحده مايضفها الا بيتها وماحد يتحمل احد هالايام حتى الاهل

 

[Loloki]

صح اهم شي شنو ردت فعلها
وبعدين وش يعني لو متزوج
انتهت الدنيا والا قامت القيامه
الشرع محلله 3 بعد موب وحده

هههه لان مو مشكلتج من جذي تكتبين واعصابج بارده خلي زوجج يتزوج عليج وطقي اصبع

الله لايقول. صح الشرع حلل 4 بس حبيبتي هالكلمه لها واجبات وااايده

يعادل بينهم بس سالفه تغير مني وطريج لا

الا اذا زوجه مريضه او ماتيب عيال او فيها شي اهني يقدر يتزوج بس سالفه لعبه يتزوج وكود ازواج

ولازززززم يعااااااادل. الحين الدنيا النار كل سي غالي وين بلحق

مثلا اذا يتزوج وسافر. لازم اسفر مرته اولى شرالها كسوه اشتا او صيف لازم يتشري


بس لما تكون مشكلتج قولي هالحجي وحطي نفسج مكانها وانت بحره ونار وتيلج وحده تقولج عادي شرع حلل 3

شنو بتسوين حزتهتها




حبيبتي ختروح محكمه وطل عنه وتشوف راتبه في زياده ولا لا اهني بتعرف

 

[Loloki]

صح اهم شي شنو ردت فعلها
وبعدين وش يعني لو متزوج
انتهت الدنيا والا قامت القيامه
الشرع محلله 3 بعد موب وحده

لبنيه تبي مساعده مو تقوليلها قامت القيامه ولا انتهت الدنيا
:eh_s(10):

 

[انين_الصمت]

الله يعطيكم العافية
وربي يكافيكم شر
شياطين الإنس والجن

ماقصرتو على الرد
المشكله الي تقهر
انها قاعدة أبيت أهلها وهو أبيت أهله
والي يحر أكثر أبو زوجها معطيه بيت
وهو مايبيه بذمتكم مو شي يبط الجبد
لا وفوق هذا ما يدري عن مرته وعياله
وكل ما تناقشت وياه شخلها بلسانه
والحره انه ينقال عنه انه ديين وهو
ما يطبق كلكم راع وكلكم مسؤول عن رعيته


هذا شيء من لا شيء ومن كثر ما صاير
جبريت قالت اميه بالامية متزوج لان
ما يوفر ولو ساعه حق مرته وعياله

والله امس دمعتها وبجيها قطع قلبي
وأنا مت حره شهل نوعية الي ما تهتم

 

[سماء الاحساء]

رفع لعيونك

 

[انين_الصمت]

رفع لعيونك

الله يرفع مقدارج حبوبه

 

[ام حمد 85]

الله يعينها ويحل مشكلتها ويبرد قلبها يا رب

 

[بحرينية بحرانية]

حبيبتي اذا علاقتها مع زوجها سيئة لهالدرجة
خليها تركز فيها و تحسن علاقتها فيه بدل لا تركز في شي هي مب متاكدة منه
الله يسخره لها يا رب

 

[زوجة عزيز]

اشلون مقتنعه واهي مو متأكده اذا متزوج او لا واذا اهي مقتنعه على قولتج ليش تبي اتعرف بس يعني شي مايهمها واهي خلاص مقتنعه يعني حتى لو لاسمح الله طلع متزوج خلاص اهي مقتنعه وين المشكله ؟؟ وحتى اذا طلع متزوج اشتقدر اتسوي !!!

 

[om MaRyooM]

الله يعينها فيما ابتلاها فيه !! ..

تقدر تجيك من المحكمة

 

[امـ خــزامـى]

شوفي دام قلتي مطوووع فااتوقع شكها بمحله


والله مااعرف عن ظروفها بس خالتي كانت تشك بزوجها
ولحقته كذا مره مع ولدها بالسياره وشافته واقف عند عماره عقبها تأكدت

وصارت تاخذ جواله وتفتشه ولقت رقم واتصلت عليه الا صوت بنت
وطبعا رجل خالتي كبببببببببببير بيطق السستينات يعني مو وجه مغازل ولعب
المهم خلت بنتها الكبيره تتصل وكلمتها وقالت معك شركة الفلانيه انت فزتي صح انت حرم فلان الفلاني
قالت اييييييييييييه

واخذت كل بياناتها وعمرها كل شي وواجهت زوجها

والحمدالله كانت نزوه وطلقها

 

[manoooram]

حبيبتي الله يسخر زوجها لها يارب
اذا كان هذا طبعه من اول أيام الزواج يبيلها وقت وصبر على ما تعدله
أما اذا كان في البداية زين وتالي تغير عليها
لازم تدور وين الثغرة اللي سببت هالجفا منه
وتصلح فيها

وسالفة شلون اذا تبي تعرف متزوج
اذا عندها أحد تعرفه بالعدل مجرد تعطيهم الرقم المدني للزوج

 

[معزوفة عشق&]

الله يسخر لها زوجها ويردها لها ردا جميلآ ,,
لازم تكون نبيهه وهذا زوجها يعني بينهم عشرة واكيد عرفت اطباعه وتصرفاته وبكذا تقدر تحكم ,,
بس اهم شي لا تخلي مجال للشك يخرب حياتها ..

 

[روجَ آحمرَ ..×]

هههه لان مو مشكلتج من جذي تكتبين واعصابج بارده خلي زوجج يتزوج عليج وطقي اصبع

الله لايقول. صح الشرع حلل 4 بس حبيبتي هالكلمه لها واجبات وااايده

يعادل بينهم بس سالفه تغير مني وطريج لا

الا اذا زوجه مريضه او ماتيب عيال او فيها شي اهني يقدر يتزوج بس سالفه لعبه يتزوج وكود ازواج

ولازززززم يعااااااادل. الحين الدنيا النار كل سي غالي وين بلحق

مثلا اذا يتزوج وسافر. لازم اسفر مرته اولى شرالها كسوه اشتا او صيف لازم يتشري


بس لما تكون مشكلتج قولي هالحجي وحطي نفسج مكانها وانت بحره ونار وتيلج وحده تقولج عادي شرع حلل 3

شنو بتسوين حزتهتها




حبيبتي ختروح محكمه وطل عنه وتشوف راتبه في زياده ولا لا اهني بتعرف

عيوني كلامك صح انو ما يتزوج عليها من الباب لطاقه
بس رجال انانييييييييييييييين وماعندهم نفس تفكيرك
هو لا باله انه يتزوج عشان يتمتع ويطبق الشرع
مع ان المضحك لو جيتي تحاججين اغلبهم تلاقين مايهتم بتطبيق الشرع الا بتعداد فقط :d:d:d
بس مثل ماقلتي
وحلك حلوووووووووووو
تروح للمحكمه وتشوف ..!
ولا تتسرعين ابدا مهما لقيتي من نتائج

 

[اميره^_^بحلآها]

الله يعينها << بس شلون متاكدهه و اهي ما عندها دليل عليهه بس اللهم شك ..؟؟~ خليها اتعوذ من ابليس

 

[سندس 90]

نصيحه انتي ابتعدي عن السالفه وافتكي
عششان ماتهدمين بيتها وتكونين السبب