اشلون صديقتي تعرف......؟؟

[ميريام فارسQ8]

والله ما استبعد دام علاقتها مع ريلها مووو زينه اكيد متزوج ولا هو شوراه بس خليها تتاكد بالاول يعني تلحقه بسيارتها اذا طلع وتشوف شمهبب بس ان شاءالله مو متزوج عليها

 

[احلا المزايين]

حبيبتي اول شي رفيجتج خترد بيتهاوتمارس حياتها بشكل طبيعي
واتحط نفسها فوق ل اعتبار لا اتعلق امالها وكل شي علا زوجها
لانه حياتها ملكها بروحها
والزوج مهما كان اذا رد البيت وشاف جدامه زوجة محطمة نفسيا
حتا لو كان هالشي هو سببه بيهدها وينحاش
اما اذا رد البيت ولقا زوجة اتحب الحياة وعايشة حياتها من احسن مايكون
ومهتمة بنفسها مو عشان لا لا عشان نفسها لانها تحب نفسها
بينجذبلها مهمن كااااااان
ثانيا فلنفرض انه زوجها متزوج
اذا اكشفته علا حقيقته شنو راح تستفيد
راح يصير زواجه بالنور بعد ماكان بالسر
وراح ينجبر يدخل زوجته بمجتمع اهله
اهني القهررر
اما اذا سوت نفسها ماتدري
راح يتم الزواج بالظلمة ومحد يدري عنه
وهالشي راح يدمر الزوجة الثانية اذا كانت موجودة نفسيا
وراح تحتفظ الزوجة الاولى باشياء مهمة
كان ممكن اتخسرها اذا صارحت زوجها
لازم بهالمواقف اتحلا اي زوجة بطولة البال والحكمة
واتحط العواطف علا جنب ويكون تفكيرها عملي
ووانتي ساعديها علا هالشي هاذا وقتج

 

[حبيبي مالكني]

اتشوف لها احد يشتغل بالمحكمة الشرعية وبطلع لها اذا متزوج ولا لا
بس اذا طلع متزوج شنو يتسوي هاي اهي المشكلة

 

[حالم هلا]

الله يعينها بس الخطوه الأولى ترجع بيتها ويكونو في بيت واحد وترجع علاقتها معاه البعيد عن العين بعيد عن القلب

 

[Loloki]

عيوني كلامك صح انو ما يتزوج عليها من الباب لطاقه
بس رجال انانييييييييييييييين وماعندهم نفس تفكيرك
هو لا باله انه يتزوج عشان يتمتع ويطبق الشرع
مع ان المضحك لو جيتي تحاججين اغلبهم تلاقين مايهتم بتطبيق الشرع الا بتعداد فقط :d:d:d
بس مثل ماقلتي
وحلك حلوووووووووووو
تروح للمحكمه وتشوف ..!
ولا تتسرعين ابدا مهما لقيتي من نتائج

اي بهذي صدقتي انهم انانين بس اصالعج مو سوا بس كلهم نفس طينه هههههههههه

 

[عسل حدي]

الله يصلح الحال

 

[Patcholli]

اذا عندها احد بالداخليه يقدر يجيكلها على بياناته

 

[بنوته ستايل]

خليها تدخل اهلها بالموضوع..هذا يبيله رجال يوقفه عند حده..

 

[انين_الصمت]

جزاكم الله خير بنات على ردكم ودعائكم
وربي يكافيكم شر كل من يعاديكم

 

[ناتشوو]

الله يفرج لها ويشرح صدرها
بس مااتوقع اكبر مصيبة لها لو طلع متزوج
اصلا
مهمل ومو قايم لا بواجبها ولا واجباته ل عياله
ومايبي البيت من ابوه اللي يجمع عياله
فمااتوقع زواجه بيكون اكبر مصايبها
انا مكانها بركز ع
خمط مايمكن خمطه
قبل لا اتعب بالبحث عن كونه تزوج او لا
اقصد
خل تتفاهم معاه
ع بيت لعيالها
خدم سايق
اشياء لحياتها مع عيالها
لا تفكر زوج ورومانسية
خل تكون واقعية اكثر دام عندها عيال

 

[عزتي بعفتي]

عليها بالدعاء بس وان شاء الله تتيسر أمورهاا

 

[PuPa^^SWeeT]

مع ناتشووو


بالضبط اللي ببالي

 

[كلي لحبيبي]

شوفي ختسال نفسها تبيه ؟ ولا ماتبيه ؟
يمكن منبطه جبدها منه او شاكه او او ووو
بالنهايه في عيال بينهم يعني الاصح والافضل تقعذ فبيتها



او شي ترد بيتها وماعليها منه
يطل مايطل يقعد مايقعد

مثل موساحب عليها تسحب عليه
وتحاول قد ماتقدر تحب نفسها وتعيش لنفسها ولعيالها
خل تقرا كتاب نسيان لاحلام مستغانمي بيشجعها

يمكن مومتزوج يمكن مل او ماحبها مثل اول
بعدين حتا لو متزوج بالسر من وراها هذا اكبر دليل على انه حط لها قدر وخاف يعلمها
ادخلي يوتيوبات لطارق الحبيب حييييل مفيد لكيفية تعامل المراه مع زواج الرجل بالسر


غير جذي لازم تتقربين من ربج
ويمكن كره البيت منج يمكن انتي حنه ولا مهمله ولا شي




قبل كل شي افرشي سيادتج وصلي عقبها فكري شلي تغير فيج قبل لا اهوا يتغير عليج !!
شنو ناقص شنو يحبه منج وماقام يطلبه !!
لسان حلو ! كشخه ! يمكن حتى هديه !! ردي لاحلا ايامكم ويابعض وشوفي شلي تغير


واذا تبين زوجج وطلع متزوج اياااااااني وياج اتواجهينه او تحسسينه انج تدرين لان بجذي خلاص بيعلن زواجه لان الشي الي كان خاشه عنج عرفتيه وخلاص !!
وهني صعب جداً يحصل الطلاق الي تبيه او ينفصل عنها


عموما نصيحه من اخت انها تدخل اليوتيوب على قناة الدكتور طارق الحبيب وتستفيد لان جد يفصلج كل شي ويعلمج

الله يهدي سرها يارب

 

[Dr.Loloza]

اتحاول دايما اتفتشه بدون ما يحس اذا عنده فيس بوك او موبايله اتراقبه اذا طلع على مكان مثلا قالها انا رايح عند صاحبي او مول اتقوله ماشي تتحجج اي شي يقتنع انها مشغولة هلا و بعدين تلحقه بسيارتها ازا بدها تكتشف انه متزوج او لا!! ... بس ان شاء الله ما يكون في شي مجرد شك

 

[انين_الصمت]

جزاكم الله خير بنات صج تحبون النصيحة وماتقصرون

الله يجز أكم الجنه وراحت البال ويبعد عنكم كل سو

وربي يسخر ازواجكم ويجعل عيالكم من الذرية

الصالحه الي تبركم ويحطونكم بعيونهم


أحبكم بنات بدون شرط

والله لا يخلينا من نصائح بعضنا البعض