استطلاع : اذا سئلوج عن الاخلاق حق الزواج تقولين الصج ولاتسترين !

[Snow angel]

صار لي هالموقف قريب

لكن برية ذمتي امام رب العالمين وقلت لها لو انه متقدم لي او متقدم لاختي برده وانتوا بكيفكم قالت ليه قلت الصراحه لانه زواج مو لعبه بكره تدمر حياتهم ويطلقون على شيء انا كنت اعرف عنه ليش كذا اظلمهم

 

[نـ(المطيري)ـازكـ]

انا عن نفسي ماصوت .. لاني ما اقولهم كل شي عنها .. بس اذا فيها شي البنت .. اقول ماتصلح وبس ..

 

[(كويتيه عسل)]

اقول الصج

 

[@البتووول@]

اقول بشكل عام اذا البنت زينه,,, والنعم فيها خوش بنت بدون تفاصيل
واذا موزينه اخلاقها بقول ,,, الله يستر عليها لان مايصير اجذب فيها حرام وبنفس الوقت بدون تفاصيل

واذا كانت موزينه وتابت ,,, بمدحها لان الزواج نص الدين والبنت تابت

أوافقها الرأي

 

[درة أهل الطولات]

اقول الصج وكل شي اعرفه عنهم

 

[داريني]

انا صار فيني هالموقف
للاسف الشخص الي سالو عنه مو زين
بس شنو سويت
رديت على قد سؤالهم ولا عطيتهم حق ولا باطل
مابي اطلع بالشينه واوقف بنصيبه
واخر شي فهمتهم انه بالعشره والزواج ممكن يتغير

 

[بنت شيخ]

انا بقول بس الله يستر عليها ونصيحتي غضوا النظر عنها

بس مو اني اقول سوالفها


لانه بالاخير هذه تعتبر شهاده

 

[آبـلـہ نـونـو]

تم آلتصويت .!

رآح آستر عليہ آو عليهآ ، لآن بهآلطريقة رآح آوقف نصيبہ آو نصيبهآ ,,

و آللي يستر على مسلم سترهـ آلله يوم آلقيآمة ,,

و مشكورهـ على هآلموضوع حبيبتي .. ~



..

 

[الغدق]

مووت يسلموووو
والله مادري بس ماراح أخر الاكو والماكو
لايبه اقطع نصيب البنت ليش
بس ماراح اعطيهم مني لا حق ولا باطل جذي أحسن
عشان لا اظلم البنت ولا أكون جذبت عليهم وخدعتهم

 

[غرور وايل]

مادري

لاتعلييييييق

 

[واثقة بجمالها]

هذا زواج ومستقبل اسره كامله فعشان جذي لازم ينقال الصج

 

[VesTiTo]

بقوووول جملتي اللي كل مره اقوولها...
لا تسألوني عن الاخلاق والطبع ،،،انا اخوي اللي اهو اخوي، بره ما ادري شنو يسوي....
عشان مايمسكونها علي...
حتى لو اعرف شنو فيهم ماراح اقوول ....لأني أعرف ناس وااااااااااااااايد يخربطون ...واول ما تزوجوا انصدمت فيهم ...سيادتهم بالسياره يقول ما ابي اسجد في مكان نجس ... واول واحد يقوووم حق الصلاة اهو وليلحين ما شاء الله....
وحتى البنات نفس الشي ...انا دايمن اقووول ان الله بيهديهم انشاءلله..ليش اوقف بطريجهم....

اما بالنسبه حق الأطباع اذا فيهم طبع زين اقوووله ما اخشه....من باب الترغيب :wqedqw:

 

[دنيتى زوجي M]

والله ما اعتقد اني بقول شي لان حرااام يمكن صج تغيروا ،، ومن ستر على مسلم ستره الله يوم القيامة
وقذف المحصنات من كبائر الذنوب ،، عاد ليش احط نفسي بموقف استاثم فيه ويمكن صج البنت ولا الولد تغير

الله يستر ويغفر ويمحي الذنوب احنا منو عشان ما نسامح وننسى ونستر !؟

وساعات الظاهر شي والباطن شي ثاني
بمعنى ساعات ناس شكلها يوحي بالديانه والسنع واهي من بره هلا هلا ومن داخل يعلم الله
وساعات بنية مفرعه ولبسها مش ولا بد بس مصليه ومسمية واخلاق ما كو احسن منها
عـــــــدل؟
الله يستر علينا فوق الارض وتحت الارض ويوم العرض يارب ويسخر لنا من عبيده من يشهد لنا بالخير ويستر علينا خطايانا
فكل انسان خطاء وخير الخطائين التوابين

وانا بعد معاها