استخدامات وتزيين واكسسوارات الجوخ بطرق سهله ومبسطه

[أم بدير]

الله يسلمكم حبايبي
تستاهلون كل خير

 

[Swan]

يا حلوج يا ام بدير ويا حلو شغلج
تسلمين حبوبه على الافكار الحلوة والتطبيق السهل

 

[أحلى الجياكر]

عاشت ام بدير

 

[سلسبيل]

تسلمين

 

[a6o06 ^_^]

مشكوووره واااايد

وناطرين ابداعاتج ^_^

 

[june_m00n]

تسلم الايادي


خوووش شغل الله يحفظج

 

[اثمان]

ما شاء الله عليج

الله يعطيج العافيه:ggdw:

 

[Om_Ksha]

الحين بحطلكم طريقة مبسطة لجنطة بنوته
اول شي عشان التزيين مثل ماقلتلكم لازم تحطين خام الفازلين على الجوخ وتكوينه لين يثبت بعدين ترسمين على ظهره الرسمه الي تبينها عشان تقدرين تقصينها عدل
مثل الصورة

بعدين تاخذين الخام الي تبين تسوين منه الجنطه وتقصينه مستطيل
مثل الرسمه رقم1
وبعدين تجفسينه وتخلين جزء أطول من جزء مثل الرسمه رقم2
بعدين تقصين أطراف الجزء الي الأطول من الجوانب عشان يطلع شكلها مثل الصورة 3
واخر شي تخيطين الأطراف مثل الصورة رقم 4

بعدين نركب الأشكال الي قصيناها على بعض ونركبهم عالجنطه

وتحطين اللمسات النهائية
بالنسبة لي حطيت اسم عشان الحين هابين بالأسامي عالتيجان فقلت خل اسوي اسامي عالاكسسوارات والجناط وطلعت عندي النتيجه النهائية بهالشكل

طبعا بقى العلاقه للجنطه احترت فيها مادري شسويها بس الأغلب الي بسويها من خيوط صوف بعجفهم مع بعض واركبهم للجنطه
اتمنى تكون طريقة الشرح واضحه
واي سؤال انا بالخدمه

اختى شرت هالجيس من وحده !!!!




نفس طريقتكم .. اهوا صج حلو بس حرام انا اول ماشفته يتني الضحكه:dddds: ! انه فكرته بسيطه ومايستاهل .. وصغيرووون



اضغط الصوره حتى تكبر

 

[Om_Ksha]

واخر شي ركبنا الأدراج وهذا اهو الشكل النهائي

اتمنى تكون الفكره عجبتكم

مشالللللللله عليج الله يوفقج انشالله ويحمييج ..


بس بغيت اسئل ليش صبغتي الصندوق ليش مو علاطول اشتغلتلي عليه !!!


وموفقه يااااااااااارب:ggdw:

 

[أم بدير]

اختى شرت هالجيس من وحده !!!!




نفس طريقتكم .. اهوا صج حلو بس حرام انا اول ماشفته يتني الضحكه:dddds: ! انه فكرته بسيطه ومايستاهل .. وصغيرووون



اضغط الصوره حتى تكبر

اهو فعلا فكرته بسيطه ومايستاهل بس في ناس كلش مالها خلق تشتغل غير ان في ناس مو مال هالسوالف ولا تحبها وتبي كل شي جاهز
انا عندي اخت لو ينقطع زرار ودت قميصها الخياط
نقولها ليش تقول ما احب اخيط والا اسوي شي ميولها دراسه وبس اشالله خخخخخخخخخخخخ
شاكرة مرورج حبيبتي

مشالللللللله عليج الله يوفقج انشالله ويحمييج ..


بس بغيت اسئل ليش صبغتي الصندوق ليش مو علاطول اشتغلتلي عليه !!!


وموفقه يااااااااااارب:ggdw:

الله يوفق الجميع انشالله مشكوره حبيبتي
صبغت الصندوق الله يسلمج لأن اذا بطلتي الأدراج تبين الأطراف وبيكون لونها خشب فاتح مو مصبوغ فيطلع الشكل مو حلو لأن انا بس مغطيه ويه الدرج مو ملبسته كله.. واذا بتسألين ليش ما لبسته كله بقولج اني لو ملبسته كله جان ما تبطل ولا تسكر لأن حجمه بيزيد ومايركب بالصندوق بعدين
عرفتي قصدي!
في ناس بيقولون وشنو يعني عادي خل يبين مو مصبوغ من بيشوفه
مشكلتي اني دقيقه وان سويت شي لازم ادقق بكل صغيره وكبيره فيه
منوره الموضوع حبيبتي

 

[Om_Ksha]

اهاااااااااا انا اقول شلون تسكر .. مشالله عليييييييج يلا انا بصير من متابعيينج .. ورينا يديدج ..


وعلا سالفه اختج والزرار جنها انا هههههه بس شنو اخلي خدامتنا تخيطه بس تقصير ماتصير شعرفها !! لول ..


بس فعلا الحين الواحد ماله خلق يسوي شي ,, يعني ساعات اشوف اشياء بسيطه انا اقدر اسوي احلا منها بس من له خلق !!

يعني اذا احد طلب مني اسوي .. او انشالله ان صرت مدرسه راح اسوي يعني شغلي بكون في منه فايده لسبب .. اما مني والطريج لا والله مالي خلق !! :d

 

[جوجو.]

وايد حلوه الفكره
مشكوره

 

[كوب قهوة]

الله يعطيج العافية ،، وايد حلوة الطريقة ، وسهلة وبسيطة خصوصا حق مدرسات الروضة

 

[lomy]

تسلم ايدج أم بدير ،، بقيت أسالج شنو الصبغ اللي استخدمتيه ،، رش ولا شنو ،، وشنو ماركته اذا ماعليج أمر ومن وين تاخذين اصباغج

ووياريت تفيدينا بأفكار أكثر ،، واذا بلصق الجوخ على ملابس البنات اشلون ولا لازم أخيطه عليها


وشكرا حبيبتي بانتظارج

 

[إستبرق]

روووووووووووعه ام بدير مو غريبه عليج هالمواضيع والاشياء الحلوه يزاج ربي كل خير وعافيه
في سين اسئله
تراني موليه ما اعرف بهالسوالف فاستحملي السؤال خخخخخخ
الحين الفازلين يعني نلزقها على طبفه خام الجوخ ؟ مافهمت شلون يعني
ونقدر نسويهم بروشات ولا لا ؟ لان ودي شغلات حق بنوتي العنونه ويزاج ربي كل خير

 

[ام الكتكوته]

ماشاء الله عليج شغلج واااااايد حلو

نطروني الحين بنزل لكم شغلي بالجوخ بس خل اقوم اصورهم

 

[ام الكتكوته]

هذا تاج انا مسويته حق بنتي حق الروضه

[/url][/IMG]


وهذا بروش على حرفها هم بعد حق الروضه

[/url][/IMG]

[/url][/IMG]



سامحوني على التصوير مو واضح لان تصوير تلفوني ولو بصور بالكاميرا بطول فقلت التلفون اسرع

وان شاء الله بنزل لكم باندات وتيجان انا مسويتهم بس مو بالجوخ بالفلين

 

[sun_kisses]

مو انا دايما اقول عنج مبدعه يا ام بدير بضم الميم <--صارت لغة عربية

وعساج على القوة


وتسلم ايدج خيتو حبية حبيبج :>

 

[flooonah]

تـــــــســــــــلم ايدج

 

[عهود الحب]

ام بدير بدعتي تبارك الرحمن
لاتحرمينا جديدج
والله اذا تبين تسوين فينا معروف صوريه بكاميرا ديجيتال
منها ينحفظ يوم ودوم عندج بالميموري
ومنها صافي واحلى حرام شغلج مايكون مصور عدل
فديتج والله ماتقصرين ايدج ماتجيها النار قولي امين