استخدامات وتزيين واكسسوارات الجوخ بطرق سهله ومبسطه

[أم بدير]

جعدة امي ومنوله شاكره مروركم والله يعافيكم
مرج حبيبتي سألي عل راحتج عزيزه وغاليه وانشالله ماراح اقصر معاج باللي اعرفه

ليالي نجد قص الحروف مثل طريقة رسم الورده فوق
أول شي وأهم شي لازم تكونين حاطه خام فازلين مثبتته عالخام الجوخ عشان يصير اثقل ومايتنتف معاج
وطبعا لازم يكون عندج شكل الأحرف الي تبينها سواء من مسطرة الأحرف الي تنباع بالجمعيات أو ساحبتهم من الكمبيوتر

وبعدين ترسمين الحرف الي تبينه بالمقلوب طبعا عشان لما تقصينه وتقلبينه يطلع عدل

عقبها عاد تقصين الحرف بمقص يكون سنع هذا اهم شي خخخخ
ويطلع عندج الحرف جذي

ها واضحه الطريقه الحين؟

 

[عهود الحب]

اليوم ابي اروح اشتري الاغراض
مافيني نطرة لي بعد العيد
بس ياخوفي انشب بزحمة الشوارع :/


ان طبقت براويج


اي وبعد نسيت يبيلي مقص سنع مقصاتي خربوا من الستكرز والشغل مال المدرسة




ام بدير عسى ربي يرزقج الين يرضيج ويحرسج :eh_s(17):


ماقصرتي ان طبقت براويج شغلي بس مو تضحكين علي


ترى فيها زنط هههههههههههههههههه



بنات يلا خل نتحمس ونطبق




الي ماتعرف ترسم او تكتب الحروف تاخذ المساطر الجاهزة من المكتبات فيها حروف وارقام ورسومات بعد

< داشه عرض مايخالف استحمليني ام بدير بس ترى نيتي بيضه :eh_s(6): > اطلعي


:ada: ركضة على السوق اشوفكم بعدين

 

[عهود الحب]

شريت الاغراض من مكتبة السنافر
تلاقون بنات فيها كل شي تبونه
بكل الالوان وخذيت مقص وفازلين
الخام = 1.200 فلس
الفازلين الحبه 200 فلس
مقص 350 فلس
المسطرة حروف و مسطرة رسومات = 1 وكسور




بس حبيت افيدكم انه لقيت الي تبونه بنات واول ما اسوي التطبيق اصوره لكم

 

[أم بدير]

عهود حبيبتي شلون الحبه؟
انا اخذهم بالمتر
متر الجوخ بدينار
واعتقد متر الفازلين بعد بدينار مادري نص دينار والله نسيت
المقص توني أمس خذيت خوش مقص والله من محل الكلف الي بجمعيتنا الفيحا ب350
وخذيت ابر تطريز حق الغرز الي بطرز فيها
وخذيت بعد كربون عشان اطبع عليه الرسمه الي ابيها
جان ايي البيت والا حبر طابعتي خالص
خخخخخخخخخخخ
يعني لازم اليوم اروح اشتري حبر طابعه بعد

 

[ليالي نجد]

يااااااااااااااااارب ربي ترزقهم من حيث لا يحتسبون

ياااااااااارب تجعل لهم من كل ضيق فرجا ....................... بناتنا كلهم سنع ماشاء الله عليهم ولا تذخرون الخير عن احد باسم الله عليكم

عهود الخام اخذته متره بدينار من البلوكات والفازلين بنص!!

ام بدير سالفة الكربوووووووووووووووووون خطيره يبي لها تفتنق ورسمات على كيف كيفج خخخخخخخخخخخخخخخخخ

مشكورين حبايبي ماقصرتوا بوريكم شغلي اذا خلصته باذن الله

 

[ألوله]

مشكووورة وماقصرتي والله يعطيج العافية

 

[عهود الحب]

بعد العيد لي ردة وسوالف معاكم الحين مافي وقت
انا مالقيت بالمتر لقيت خامة بكيس الوان متنوعه وشكلها مربع يعني اقل من متر وقالي هذي الي يسوون منها
والمتر لقيته هم محطوط بكيسة ومقصوص خالص كل متر 200 فلس
المهم بصورهم لكم بعدين واشوف

 

[dl3_wl3]

ماشاءالله..

تسلم ايدج يارب.

 

[ام مهدي الحلوه]

مشكووره
و شغل الجوخ وايد حلو حق البروشات و هالسوالف
امووت عليه انا

 

[سمراء حضرموت]

هذا الشغل اللي اموووووووووووووووووووووووووووووووووووووووووووووووووت عليه اشوه طحت عالموضوع بالصدفة الله يخليكم اموت بهالاشياء كثروا منها وعشتي يا ام بدير عالشرح الوافي يهبلللللللل أطمع بالمزيد

 

[أم بدير]

شاكرة مروركم بنات
والحمدالله ان الأفكار عجبتكم
وانشالله اليوم مسويه فكره يديده اتمنى تعجبكم بعد
بس ناطره اخلص من الخطوات الأخيره وبنزلها لكم

 

[زهقاانه]

مااااشاءالله عليييييييييييييييج

دااايم تتحفينى بالاجمل دااائماً

يااامال العافيه يااقلبي

 

[عهود الحب]

ام بدير ننتظر جديدج

أنا كل ما ابي اسوي ما اتفرغ + عيد وحوسته الله يعيده علينا وعلى الديرة بالامان والفرح

 

[أم بدير]

تسلمين بعد عمري زهقانه هذا من ذوقج

عهود والله انا اليوم خصنا من زوارة العيد وعلى اسا بنطلع اليهال بس صراحه قلت برتاح
وزهقت من الراحه عالعصاري قلت خل اسوي شي
خخخخخخخخخخخخ مو مال راحه انا
وعسى الله يعوده علينا وعليكم وجميع المسلمين انشالله

وبحطلكم الفكره والي اهي عباره عن أدراج كنت شاريتها مو مصبوغه وكنت ابي فكره اسوي فيها الادراج حق شبابيص بنتي وماشاتها وخرابيطها
وهذي صورتهم

 

[أم بدير]

طبعا اول خطوة صبغت الأدراج بالألوان الي متوفر عندي خام جوخ مثلها
يعني عندي لون احمر فصبغت ويه الأدراج أحمر
وعندي أزرق وبرتقالي ووردي فصبغت كل دروج لون من هالألوان مثل هالصورة

بعدين قصصت خام الجوخ على شكل ويه الأدراج

وبعدين ركبت الخام على كل درج حسب لونه

وعقبها زينتهم بأشكال قصصتها وركبتها على بعضها وطلع هذا شكلها

 

[أم بدير]

واخر شي ركبنا الأدراج وهذا اهو الشكل النهائي

اتمنى تكون الفكره عجبتكم

 

[g6awi]

انا شفت وحده تسووي نفسهم على بنت وعجايفها سووده ميته واسووي نفسها تقدرين تعلميني ؟

ومشكووره على الدرووس العجيبه

تسلم ايدج

وعسى الله يوفقج دنيا واخره
ياااااااااااااااااااااااااااااااااااااااااارب وييجزيييج الف خير

 

[almost a whisper]

ياي وناسه حده كيوت

والصندوق حده عجيب ماشاءالله


يعطيج العافيه وتسلم اياديج :tek:

 

[بريطانيا]

واااااااو ماااشاااء الله عليييييييج تسلم الاياادي :>

 

[ليالي نجد]

الله عليج يام بدير

لا خلا ولاعدم افكاااااااار رووعه ومفيده

الله يبارك لج هالموهبه اللي الله كرمج فيها وتستفيدين واتفيدين