ارجو الدخول البنات

[vovovo]

السلام عليكم ورحمة الله وبركاته

ماني عارفه منين ابدي الموضوع

اخوي محترق من عمره 6 سنين والحين عمره 22 ولكن الحمدالله مافيه تشوهات الملامح موجوده وهو حلو بس فيه رقعه سوده ماخذه نص وجهه ويبي يخطب بس متردد يقول ممكن تقول ردت فعل سلبيه لانه محترق

سؤال للبنات هل اللي بلاهم ربهم بحرق مالهم نصيب بالزواج واكتمال نص الدين وتكوين عايله ؟ وارجو الرد بكل صراحه​

 

[EleGanZa]

مو شرط على حسب ..
بس هذي الرقعه ماتروح بالليزر ..؟
والله يوفقه ان شاءالله ويلقاله بنت الحلال

 

[vovovo]

ماضن لان مسويها بالبابطين وهذي رقعه بس ممكن في فرنسا او امريكا بس التكاليف غاليه وايد

 

[بدور ...]

انا اشوف عادي والريال باخلاقه ..

بس اهم شي يكون واثق بنفسه ومايسمع كلام الناس ..

والله يوفقه ...

 

[حقوقيه زوغه]

لا بالعكس عادي ..اذا شكله كان مقبول واهوا انسان خلوق ومحترم ..مايأثر ..

وايد ناس متشوهين وكاهم يتزوجون خصوصا للي فيهم برص ..او اللي مافيهم صبغه ..مشاء الله وايد نشوف ناس جذي يتزوجون وعندهم عيال..

الله يرزقه ببنت الحلال ^_^

 

[Lemon Juice]

لا والله عادي .. الناس تبي الريال الزين

والبنت اذا شافته وتقبلته وارتاحت له مو واقفه على هالحرق

ومو ضروري البنت اهي اللي ترده .. حتى اهو له الحق بالرفض أو القبول

متى ما تآلفت الأرواح وربي كتب له نصيب يتزوج إن شاء الله ,الحرق لا هو عيب ولا شي

 

[vovovo]

بارك الله فيكم بالعكس شكله مقبول جدا ولكن الرقعه السوه اللي ماخذه نص وجهه ولكن ملامحه حلوه وبالله المستعان لانه اهو خايف من ردت الفعل وشكرا

 

[عيش و مرق]

والله حتى معاقين خذوهم الى تبي الستر مايهمها ويهه اهم شي اخلاقه .........ليش ماتشوفون لكم وحده من الاهل تكون شايفته وايد ومتعوده على شكله ومتقبلته جذى من عمر

 

[طوق البنفسج]

اذا الله كاتب له نصيب راح ياخذه ياما ناس احترقوا و تزوجوا و عيلوا ..

خل يتوكل على الله و ان شاء الله ربي يرزقه بنت الحلال

 

[UK_Girl]

مسا الخير ..
اولا انا بقول مبروك مقدما ..والحل يكمن بالصراحه والمصارحه من البدايه ...

يعني اذا في احراج لاخوج ان يدش بيت ناس يهمها الشكل والمظهر الى جانب امور ثانيه .. بالتلفون قولاو للي بتخطبونهم ان شوي اخوج "الله يحفظه" فيه حرق مأثر شكليا فقط لا غير علي جانب بسيط من وجهه ..علشان يروح بثقه وما يتحرج من الناس لما يزورهم ويكونون اهما عارفين ومافي مجال ينقدون او يتكلمون ..
الصراحه راحه وهالشغله ممكن تجنب اخوج الاحراج وبالتوفيج وبشرينا بالاخبار الحلوه

 

[vovovo]

بارك الله فيكم

لا لان بعض البنات يهمها المضمون الخارجي مو الداخلي ومشكورين

 

[H.Heavn]

السلام عليكم

عسى الله ان شاء الله يرزق اخوج بالزوجة الصالحة اللي تسعده طول عمره يا رب قولي امين
حبيبتي بهالزمن البنات يبون الريال الزين واللي اخلاقه عالية ويبون الستر فما اعتقد اللي فيه راح يوقف بطريجه بس ها قولي حق اخوج اذا بلش يخطب وانرفض من اول مرة مو يتعقد ويصير حساس لا على العكس يجرب حظه ليما الله يرزقه ببنت الحلال وان شاء الله ماياخذ اللي تستاهله يارب

 

[انونا]

حبيبتي عادي شدعوه ما فيه شي

انا اعرف وحده تصيرنله محترقه صوب الرقبه بس الحمدالله متزوجه لا بعد دكتور اسنان ما شاء الله

وعندها عيال

عادي هذا قضاء وقدر وكل شي قسمه ونصيب

في ناس يرضون في ناس لاء بس عادس خل يجرب همن يمكن ما يكون فيه شي وهمن يتم الرفض مو مقياس هو

وبعدين الحمدالله هو مو مرض روح خل يخطب وقبل لا يشوفها ولا تقولوله سالوها علشان لا يتحبط زياده

وبعدين الرجوله مو بالشكل الرجوله بالاخلاق والتصرفات بس خل يثق بنفسه والله يوفقه
وصدقيني في ناس تبي الستر وتشتري الريال والدنيا لسى بالف خير

 

[vovovo]

بارك الله فيكم

بس اللي ترد ودي تقول انا ماعندي مشكله ممكن اخذ لي رجل فيه اثار حرق او جراء حادث

ومشكورين

 

[ملفتة للنظر]

حبيبتي عسى ربي يرزق اخوج بالبنت الصالحة اللي تحبه وتسعده..


بس انتو قبل لاتجون بيت الناس وتخطبون..اذا دقيتو اشرحي حالة الولد منعا للاحراج لكل الطرفين..




وعسى ربي يوفق بناتنا وعيالنا

 

[a3andho0om]

عادي ما فيها شي المهم اخلاقه وطيبته و يعرف يتعامل مع البنت اللي بياااخذها و التزااامه ويعرف ربه
في شكثر حلوين و مزيونين بس ماكو اخلاق ولا التزام ولا منطق يعني اذا الوحده بتااخذ على الشكل و ماتفكر بشي ثاني
انا اعتبر هالشي كااارثه بحد ذاته
و يارب الله يرزق اخوج الزوجه الصالحه

 

[[[ عيون جابر ]]]

الحلى والجمال للحريم والريال بأفعاله مو بشكله انشالله ماكو إلا العافيه توكلو على الله واخطبو له

 

[زهرااا]

اي عادي حبيبتي ما فيها شي .. اهم شي الاخلاق

 

[Red carpet]

اذا ويهه مقبول عادي
و الشي ما ينورث يعني
فانشالله خير
والله يشفي الجميع
كافي الاخلاق يعني

 

[العين الكحيله]

مو شرط
اهم شي الاخلاق
الله يوفقه