ارجو الدخول البنات

[عاشقه رويشد]

لا عادي مافيها شي حبوبه

 

[㋡..PRINCESS..㋡]

عسى الله يرزقه ببنت الحلال و يوفقه بحياته ..

 

[FANTAST!K]

اهم شي اخلاقه والرجال الحين ينشرى

 

[noo7a]

لا من قال
انا عم امي
عنده وحمه صايره بنصف ويهه
صايره مثل الحرق مو بس صبغه مادري شلون جنه حرق
والنص الثاني من ويهه مشالله تقولين بدر
و الحمدلله متزوج و مرتاح
ما يندرى كل واحد وين نصيبه

 

[M!$$.3NoNa]

حبيبتي دوره له بنت ناس ضامنينهم انهم طيبين !

والصراحه ماشوف فيها شي !

الرياال كلش مايعيبه شكله !

اذا كان محترم وراعي صلاه وماعنده خرابيط

توكلو على الله

بس امانه لازم تصارحوون البنت مايصير جذي تنصدم اهي واهلها يمكن ايب نتيجه عكسيه خلكم صريحين من البدايه

واذا الله كاتب له نصيب بياااااااخذه

 

[زهرة الخليج 81]

وييييييييييييييييييه حبيبتي ليش انتو حساسين جذيه يبا عادي ولاتيبون طاري الحراق يرتز حاله حال الناس
حبيبتي باما رياييل مشهورين بالمغازل ومعروفين بالمغازل ورزون ويهم ويخطبون وجنهم اعقل الناس
وياما شباب فاشلين وماعندهم شهادات المشكلة يتشرطون ويبونهم جامعيات
اخوج خليه واثق من نفسه ترى محد احسن من حد
انا والله خطبني واحد ملك ملك جمال اهلي ارفضوه والسبة اخلاقة , يعني احتمال يرفض بس لاتحبطون ابد لانه كلشي بالنصيب
الله يوفقه يارب

 

[*نوفه*]

عادي مافيها شي

انا اعرف واحد احترق كله تذكرين يوم انفجر المحول مره

رجل المطافي اللي سفره الشيخ على حسابه والله بعرسه انا حاضره ولابس دسوس لانه ايده كانت مشوهه

وماخفي اعظم


ومشالله مافي الا العافيه

 

[شويهينه]

دااااام انه اخلاق ورجال بمعنى الكلمه... خلاص بس قولولهم انه في اثار عشان تحطونهم بالصوره


وترا بنات الحلال واااااجد ويبون الستر



ربي يوفقه ويستر عليه

 

[la_chat]

اهم شي تعطون خبر حق الي يبي يخطبها
ويفضل تاخذين صورته وتورينها قبل ما تروحين لهم واكيد بدون لا اهو يدري علشان اذا لا سمح الله
ما وافقو نفسيته ما تخترب
الله يوفقه ان شاء الله

 

[اسوووره]

حبيبتي اللي تبي الستر مارا يهمها الا دينه و اخلاقه ... توكلو على الله و خطبوله و مثل ماقالو البنات صارحو الاهل بالسالفه من اول شي و ربي يرزقه ببنت الحلال اللي تسعده و تصونه ...

 

[OM-OMOOR]

اي عادي على قوله البنات اهم شي الاخلاق

 

[DALALEY]

انا اشوف شي عادي يعني اهم شي الريال اخلاقه وطيبته والله يوفقه انشالله

 

[• قلبه نصيبي •]

شوفي في بنات يرفضوون وفي بنات لا يعني علي حسب الوحده
وان شاءالله يلقى وحده

 

[الدمــاني]

البنات ماقصــــــــروا..


مافيها شي حبيبتي بعدين هذا موعيب ... بس اهم شي هو يكون واااثق من نفسه علشان ماينجرح من اي شي ويكون حساس.

ولا يسوي لنفسه عقدة ومشكله وهي مو وجوده بالاساس ..


والعيب بالاخلاق والشخصية ......



بس استغفر الله فيه بعض البنات عقولهم ناقصه ويهتمون بالمظهر اكثر .... فلازم تعطونهم خبر او يشوفون الصوره عن المشاكل ولا يقولون خدعوتنا ولا شي .... ولو انا اشوف انه الموضوع مايستاهل ومافيها شي بس الاحتياط احسن ....



وربي يوفقه وييسر له اموره ... والحمدالله فيه ناااس اصعب من حاله وفاتحين بيوت هو مافيه شي ....​

 

[happy&single]

مسا الخير ..
اولا انا بقول مبروك مقدما ..والحل يكمن بالصراحه والمصارحه من البدايه ...
يعني اذا في احراج لاخوج ان يدش بيت ناس يهمها الشكل والمظهر الى جانب امور ثانيه .. بالتلفون قولاو للي بتخطبونهم ان شوي اخوج "الله يحفظه" فيه حرق مأثر شكليا فقط لا غير علي جانب بسيط من وجهه ..علشان يروح بثقه وما يتحرج من الناس لما يزورهم ويكونون اهما عارفين ومافي مجال ينقدون او يتكلمون ..
الصراحه راحه وهالشغله ممكن تجنب اخوج الاحراج وبالتوفيج وبشرينا بالاخبار الحلوه

انا مع رايها 100% بلغوهم بالتلفون قبل لا يروح عن الاحراج
ومبروك مقدما

 

[[[ عيون جابر ]]]

حبيبتي بغيت أقولج شي لا تخلون ثقته بنفسه تروح بكلامكم عن الشغله الي فيه عطوه ثقه بنفسه والخيره فيما اختاره الله حبيبتي

 

[عجيبه1]

الله يوفقه يارب

والله اشوف انه عادي اذا شكله مقبول واخلاقه زينه ما يأثر الحرق

الله يرزقه ويوفقه

 

[Miss.6Mo7]

إذآ هو رآح يصآدف أو يخطب إنسآنه تدور المظآهر
فـ في غيرهـآ تدور الستر .. الله يوفقه

 

[viva la glam]

مو شرط
الله يوفقه ان شاءالله

 

[vovovo]

اول شي مشكورين كلكم وفديتكم

وانا اشوف ان الرجل مايعيبه شي مايعيب الرجل اخلاقه مهما ناس كانو بالحلا مافي فوقهم احد بالجمال بس اخلاق صفر

ومشكورين فديتكم