اذا بيوم انتهى حبي لك...> تأكد انه يوم موتي< (قصة كويتية)

[ღ TőOőma ღ]

انشااالله حووبي اول ماتنزل باارت احطه لكم فدييتج

 

[Findy Girl]

Waiting

 

[ღ TőOőma ღ]

عقب مادزت فطوم المسج حق جاسم سكرت الليت وفتحت الابجورة وانسدحت بسريرها ودقت على سارة
سارة: هلا بالحب كله
فطوم: هههه جن الزعل ياب نتيجه
سارة: يالمليقة لا تذكريني
فطوم: ههه اوكي
سارة: آمري
فطوم: ماكو قاعده افكر بموضوع عيسى
سارة: اهاا وشلي وصلتيله
فطوم: مادري سارو اخاف اكلمه وما احبه ويصير معاي نفس حمد
سارة: ههههه لا تكفين ما نبي ضحية ثانيه
فطوم: ههههه اي حده بس جذي كافي
سارة: بس لحظة قولي الصج اهو عجبج
فطوم: مادري
سارة: امبله تدرين مو لما دقيتي علي اليوم سألتيني عنه معناته عاجبج
فطوم: مو عن بس نظراته كانت مو صج استغربت منه
سارة: هههه اي حتى انا لاحظت
فطوم: اصلن وانا اتكلم ما قمت اطالعه ما اقدر من نظراته
سارة: ههههههههه انزين خلصيني قولي عاجبج ولا لا
فطوم: اسلوبه حلو
سارة: ويشبه بدر المطوع
فطوم: هههههه اي
سارة: يعني خلاص ادق على فهد اقوله
فطوم: هييي لا شفيج مستعيله جاسم قالي اعطيه الرد باجر خلاص باجر
سارة: يعني خلاص بتكلمينه
فطوم: ساروو تبين الصراحة
سارة: صارلي ساعه اقولج قولي وحضرتج مستحيه مادري شفيج
فطوم: مادري هالولد غير دش قلبي وخلاني افكر فيه واتذكره علطول حتى اليوم لما شفت سعود ما اهتميت مثل كل مرة كان كل تفكيري بعيسى
سارة: واااااااي وناسة ههههه
فطوم: يالخبله
سارة: ههههه فديتها الخايسة الكل يحبها
فطوم: هيييي لا تحرجيني
سارة: هههههه انزين يلا عيل مدامج قررتي قلبي ويهج
فطوم: من قال اني قررت بعد ليلحين بفكر وباجر تعرفون
سارة: عشتو تتغلى السحته
فطوم: اذا انا سحته انتي شتطلعين وليش بتسكرينه خنسولف
سارة تسوي روحها مستحية: بكلم فهودي
فطوم: بعععد صار فهودي ومستحيه ترى مو لايق عليج
سارة: جب لا تقولين جذي ملييقه
فطوم: انزين لا تعصبين يلا اخليج مع فهودج
سارة: هههه اوكي باي
فطوم: باااي
سكرت فطوم الفون وظلت تفكر دق عليها حمد وسولفت معاه وكانت حيل مستانسة لما سكروه نامت فطوم
.............
اليوم الثاني الساعه 3 الظهر قامت فطوم من النوم قبل لا تغسل ويها وقبل لا تقوم من فراشها خذت تلفونها ودقت على سارة
سارة: زين الي قمتي شكثر دقيت مغلق
فطوم: امبييي سارو مو صج
سارة: شنوووو
فطوم: حلمت بعيسى
سارة: ههههههههه من صجج
فطوم: اي والله امبييي حدي انصدمت
سارة: عاد شنو كان الحلم
فطوم: حلمت انه قاعد يكلمني بالفون
سارة ميته ضحك: يبا كلميه لا يصير فيكم شي
فطوم: امبي مو مستوعبة ترى قمت علطول دقيت عليج حتى ما غسلت ويهي
سارة: اي مبين من صوتج يالخبلة
فطوم :انزين خل اقوم اغسل وبعدين ادق عليج
سارة: اوكي باي
فطوم: باي... سكرت فطوم التلفون وقامت غسلت ويها وبدلت وصلت
واهيا تسوي شعرها تذكرت شي (وييي دانو ما تدري عن شي راح تذبحني اذا ما قلتلها) خذت التلفون ودقت على دانه
دانه: ها اطلعلج انتي عند الباب
فطوم: شتخربطين انتي
دانه: هههه يمكن مسويه مفاجأة ثانية
فطوم: هههه انزين دانو حياتي انتي ممكن ما تزعلين
دانه: من قال اني زعلانه شفيج انتي مصخنة
فطوم: مافيني شي يالهبله بس بقولج شي واخاف تزعلين
دانه: ليييش شمسويه
فطوم: في سالفه صارتلي وما قلتلج عنها
دانه: اهممم شي وطبعا سارو تدري
فطوم: اي
دانه: ماااشي
فطوم: شسوي والله نسيت
دانه: اشوف ما تنسين تقولين حق سارو
فطوم: انزين يلا عاد عن الملاقة سوري
دانه: انزين قوليلي الحين شنوه السالفة
فطوم: شفتي الشباب الي يو بالحفله
دانه: اي الي معاكم بمصر
فطوم: اي شفتي الي اسمه عيسى
دانه: مادري اي واحد ؟
فطوم: اممم الي كان لابس ابيض
دانه: اي عرفته الي يشبه بدر المطوع شفيه
فطوم: يبيني ويوم الحفله ما شال عينه من عليي
دانه: بل بل بل ما صارت كل شوي واحد متولع فيج
فطوم: هههههه هوووو جد دانو
دانه: انزين وانتي شرايج
فطوم: انا اليوم بعطيه الرد
دانه: شنو اهو يعرف رقمج
فطوم: لا بقول حق جاسم واهو يقوله
دانه: هييي ترى ما فهمت شي منو جاسم
فطوم: هههههه انزين متى بترجعين البيت
دانه: مادري




فطوم: مالي خلق اقول االسالفة بالتلفون
دانه: هووو بعرف
فطوم: اذا بتعرفين ردي البيت
دانه: اففف انزين بس قوليلي شنو ردج
فطوم: قلتلج ماراح اقول شي لين تيين واشوفج جدامي
دانه: قطييعه ملييقة انزين باي
فطوم: باي
وقفت فطوم تطالع روحها بالمنظرة وتقول بقلبها (معقوله قدر هالولد يغيرني ويخليني افكر بالحب وانا اكثر وحده كنت اضحك على هالسالفة)
نزلت فطوم تحت كانو سعود وفواز قاعدين بالصالة
فطوم: صباح الخير
فواز: اي صباح انتي يبا مساء الخير
فطوم: تغديتو
فواز: بييي من زمااان
فطوم: شدعوه ما تقعدوني
سعود: قلتله خنقعدها يقول ختولي كيفها
فطوم: لااا ماشي يفواز... بيييبييي بيييبيي
بيبي: نأم سنو يبي
فطوم: حطيلي اكل
بيبي: جين
سعود: وين بتروح فوازو
فواز: دقيقة اييب بوكي من السيارة الكرت داخله
سعود: اوكي.. شلونج فطوم
فطوم: تمام وانت؟
سعود: الحمدلله تمام شلون كانت حفلتكم
فطوم: حلوة
...... يابت بيبي الأكل حق فطوم
فطوم: انزين مافي شي ينشرب يعني
بيبي: سنو يبي انتي
فطوم: بيبسي
سعود: بالعافية
فطوم :الله يعافيك
سعود: مستانسة انشالله دوم
فطوم بقلبها (لو تعرف ليش جان ما قلت دوم).. اي
دخل فواز كلت فطوم خلصت صعدت غرفتها خذت فونها وفكرت شوي (يبا خل ادز المسج وخلاص لي مته بفكر) دزت مسج حق جاسم (قوة) رد جاسم (يقويج هلا والله ها يايبتلي الرد) ردت فطوم (هههه اي) رد جاسم (يلا غردي وفرحيني) ردت فطوم بمسج فاضي جاسم (السكوت علامة الرضا يعني ولاشنو) ردت فطوم (اي)[>>> فيس احمر] رد جاسم (واخيرا والله عويس راح يطير من الوناسة) ردت فطوم (j) [j << فيس مبتسم]
جاسم علطول دق على عيسى
عيسى: هااا بشر
جاسم: مادري شقولك
عيسى ضاق خلقه: لا قول عادي مجرب مرتين
جاسم: بصراحة البنت كلش مو راضية
عيسى: يبا خلاص مابي اضغط عليها اكثر
جاسم: آسف ما قدرت اسوي الي وعدتك فيه
عيسى: لا عادي انت مالك شغل البنت رافضة من اول
جاسم: اي صح بس ما عليه هونها وتهون
عيسى: انا اموت واعرف ليش اهيا ما تبيني مو على قولتك مو مرتبطه
جاسم واهو خاش الضحكة: يالله ما عليه تنسى انشالله
عيسى: ....
جاسم: اوكي انا اخليك الحين بعدين امر عليك بس لا يضيق خلقك عاد
عيسى: اوكي
جاسم: مع السلامة
عيسى: مع السلامة
جاسم لما سكره علطول دق على فطوم
فطوم: هلا جاسم
جاسم: هلا فيج توني مكلم عيسى
فطوم: قلتله؟
جاسم: هههه قصيت عليه قلتله انج ما تبينه
فطوم: لييش حرام عليك
جاسم: هههه اي بدينا ندافع من الحين
فطوم: ....
جاسم: وييي احرجت البنت انا سويت جذي عشان انتي تدقين عليه بنفسج
فطوم :لا مابي فشلة انا ادق اول
جاسم: لا عادي عفيه خنشوف ردة فعله
فطوم: شقوووله مابي راح ارتبك وما اعرف اتكلم
جاسم: حاولي
فطوم: لحظة جاسم سارة قاعده تدق اشبكها معانا عادي
جاسم: اي عادي
شبكت فطوم سارة معاهم
سارة: قوة
جاسم: هلا سارة تعالي قنعيها مو راضية
سارة: اقنعها بشنو مو تقول رضت
فطوم: جاسم دق على عيسى وقاله اني قلت لا ويبيني انا الي ادق عليه
جاسم: واهيا مو راضية
سارة: ليش؟
فطوم: مادري سارو اخاف اتوهق ما اعرف شقول
سارة: لا عادي ما عليج يطلع الكلام
جاسم: اي عفيه قنعيها
فطوم: اوكي خلاص بس والله اخاف اتفشل
جاسم: لا لا ما عليج يلا دقي
سارة: ههههه بس يويلك منه اكيد الحين ضايق خلقه
جاسم: اي حده من قلتله صكت في الدنيا
سارة: مسكييين يلا فطوم دقي وقوليلنا شصير
فطوم: اوكي
جاسم: يلا عيل باااي الحين ادزلج رقمه
سارة: اي يلا بااااي
سكروه اثنينهم فطوم تفكر (وهقوني الحين ادق شقول فشللله) وصلها رقم عيسى عقب مده من التفكير دقت
عيسى شاف الرقم ما يعرفه رد واهو متضايق: الو
فطوم وصوتها يرجف: الو
عيسى: منو؟
فطوم: ما عرفت صوتي
عيسى: لا والله منو




فطوم حدها منحرجة وودها تطق سارة وجاسم: انا...
عيسى: ... اي منو
فطوم: انا.. ............. انا فطوم
عيسى كان منسدح جان يقوم مره وحده: صج
فطوم انحرجت اكثر: اي
عيسى: بس لحظة شلون توه جاسم كلمني وقالي
فطوم كملت: اني مو راضية وكان قاص عليك
عيسى: الحمااار لعب باعصابي اوريه سوري ما عرفتج صوتج بالتلفون غير
فطوم: لا عادي
عيسى حده مستانس: شلونج شمسويه
فطوم: تمام وانت؟
عيسى: مدام قاعد اكلمج اكيد بكون بخير
فطوم: .....ثنكس
عيسى: ههه ولكم ما بغيتي ترضين
فطوم تضحك بصوت خفيف
عيسى: فطوم لحظة شوي
فطوم: اوكي
عيسى يكلم امه الي كانت تكلمه من ورا الباب: شفيها لجون (لجين اخت عيسى الصغيرة عمرها 3 سنين)
امه: مصخنة (ام سعود كانت سيارتها بالقراج)
عيسى: اوكي دقيقة وايي.. فطوم سوري لازم اسكره بروح اودي اختي الطبيب
فطوم: شفيها؟
عيسى: مصخنة
فطوم: اوكي طمني عليها
عيسى: انشالله .. راح ادق عليج بعدين اوكي
فطوم: اوكي مع السلامة
عيسى: مع الف سلامة
.....................
الساعه 6 يت دانه البيت كانت داقه على السايق اييبها اول ما دخلت صعدت حق فطوم غرفتها
دانه: بطلييي ييت
فطوم قامت بسرعه بطلت: هلا والله
دانه: يلا دخلي بسرعه قوليلي
فطوم: هههه انزين لا تدزين سكري الباب
سكرو الباب وقعدو عالسرير وقالتلها فطوم كل الي صار
دانه : وانا اقول ليش ما تعطين سارو ويه اول ما يت انزين وشقال بعد
فطوم: بس ما سولفنا راح يودي اخته الطبيب
دانه: اهاا يعني انتي تحبينه الحين
فطوم: لحد الحين مو حب لني اصلن ما اعرف شي عنه بس نقول اعجاب
دانه: مردج بتحبينه مدامج انعجبتي فيه.. بس صج فللم لما حلمت فيه ترى تصلح قصتنا حق مسلسل
فطوم: ههههههههههه
......................
سعود لما ودى اخته الطبيب كانت حرارتها حيل مرتفعه فظلو بالمستشفى على ما نزلو حرارتها طلع من المستشفى الساعه 7 قط امه واخته البيت وراح حق جاسم
جاسم لما شاف عيسى قعد يضحك
عيسى: تضحك هااا تبي الزقك بالطوفه الحين
جاسم: ههه كنت بسويها مفاجأة
عيسى: جذي عاد تضيق خلقي لو صايرلي شي
جاسم: هههه سمله عليك بس شرايك فيني بيضت الوي ولا لا
عيسى: انت مو بيضته وبس اصلن لونه راح
جاسم: هههه حلوة بس لا تعيدها
عيسى: هههههه تستاهل بوسه بعد
جاسم: لا مابي بوسه ابي عزيمة
عيسى: افا عليك تامر أمر
جاسم: ريحتك طبيب
عيسى: اي توني ياي من الاميري
جاسم: لييش شفيك
عيسى: مو انا اختي لجون كانت مصخنة وغصب نزلو حرارتها
جاسم: لااا ما تشوف شر
عيسى: الشر ماييك
...............................
ناصر توه راد من النادي دخل البيت لقى حصة قاعده بروحها
ناصر: قووووة
حصة: اهليين
ناصر: عيل وين دانه
حصة: ردت بيتهم
ناصر: ليش تهاوشتو؟
حصة: لاا شكو بس فطوم مادري شتبي فيها
ناصر: بترد يعني ولا شنو
حصة: مادري عنها بس جن ما خذت اغراضها
ناصر: شرايج نروحلهم عيل
حصة: اييي لني صج مليييت
ناصر: انزين روحي شوفي امي ولا ابوي ودقي على دانو على ما اسبح
حصة: اوكي
..............
فطوم: منو؟
دانه: هذي حصو تقول بيون اهيا ونصور
فطوم: زين احسن من قعدتنا جذي
دانه: ابوي متى برد جنه طول
فطوم: من السعودية راحو البحرين وبعدين بروحون الامارات ويردون يعني مطوول
دانه: العادة يروح 3 ايام
فطوم: اي مادري هالمرة غير
.......
يو ام ناصر وناصر وحصة ويت سارة بس متأخر شوي اول ما دخلت سحبت فطوم وقعدو على جنب بروحهم
سارة: شصار ما قلتيلي
فطوم: كلمته
سارة: انزين وشرايج فيه
فطوم: مادري مابين ليلحين سكرناه بسرعه كان بودي اخته الطبيب
سارة: اهاا خالتي شنو عشاكم يوعانه
ام فواز: كل الي تبينه موجود ومسويتلكم لزانيا ادري تحبونها
سارة: الللله من زمان مو ماكلتها عاد انتي تسوينها غير طعمها يذوووب
ام سارة: اي والله
دانه: عاشت الشيفة ام فواز
ام فواز: انا شيفه استحي على ويهج
دانه: هههههههه مو قصدي بس شلون اقول الشيف ام فواز يعني
ناصر: ههههههههههههههههههه
ام ناصر: اي صاجه البنت ما تقصد شي

 

[n00ni]

واااااااااااااي

البارت عجيب
بس انا كرهت عيسى ماادري ليش ؟
غريبه هالبارت دانه وناصر ماتهاوشوا

 

[ღ TőOőma ღ]

لوووووووووووول عادي يمكن البارت الياي خخخ

وصج حتى انا كرهته مادري ليش

يسلموو حووبي فدييتج نورتي

 

[ماسيتي]

يعطيج العافيخ قلبي عاد ضبطينا ضبطينا نبي بارتات

 

[ღ TőOőma ღ]

لووووول يعاافيج حووبي وانشالله بضبطكم خخ

 

[a7la kraikra]

مشكووورة البارت رووعة بس حرااااااااااام ليش كرهتو عيسى
الموهيم كملي روايتج مالت ميــــــــــس يلا ناطرتج حبوووبة لا تطولييين

 

[ღ TőOőma ღ]

لووووووول فدييتج حووبي

ونزلت باارت روحي كمليها خخ

 

[اسيرة احزاني]

يعطيج العافية توما
وبانتظارج

 

[ღ TőOőma ღ]

يعافيج حوووبي نورتي

 

[sarah^_^cool]

يلاا بليييز كملي شكلي ادمنت على رواياتج لوووووول

 

[Findy Girl]

Helloooooo tooma

allaaaaaaaaaah il part mashallah zou'3a

mashoura 7yate

 

[b6ooo6a*_*]

توووووومه يلا كملي قصصج خطيريييييين <<< جنها صايره وايد اتحن

يلا ابليز نبي بارتين ازياده لووووووووووول

 

[sarah^_^cool]

انا اول شي حسين ان عيسى حلو بس لما قلتو يشبه بدرالمطوع كرهتا حيييييييييييييييييييييييييييل

 

[ღ TőOőma ღ]

لووووووووووول انا نفس حالتكم انطرها تنزل البارتات اليايه

يسلموو حووبي كلكم فدييتكم انشالله عاد ماتطول لانها مريضه الله يشافيها

 

[الغزلان]

بس بنات انا عندي ملاحظة


بصراحة احس ان القصة فيها مبالغه


يعني مومعقوله بنت في عمر ساره وفاطمة يصير عندها الجرأة انها تكلم كل هالعدد

اول شي عيب

وثاني شي حرام

وثالث شي توها صغيره

يعني عندها حمد البحريني

وولد عمها سعود

والحين ازعلت على ساره ليش ما خلتها تكلم عيسى ؟؟؟؟؟؟؟؟؟؟؟؟


وساره عمرها 17 تكلم عادل وكانت تحب عزوز والحين تكلم فهد


بنات ترا وااااااااااااايد القصه تبالغ


اصلا اساءة حق بنات الكويت



صج احنا فري بس مو لهدرجة ................. ولا اشرايكم


لا احد يزعل مني بس هذا اللي حسيته واسفه على الاطاله

 

[ღ TőOőma ღ]

ايي عدل كلامج والصراحه انا تحسفت ليش نزلتها بس ماحبيت اعلقهم

في بنات عاجبتهم الروايه انا الصراحه قريت جم بارت وهديتها بعدين لوول

يسلموووو غزلان فدييتج

 

[كادي::::]

يلا نبي بارتات
عفية

 

[ღ TőOőma ღ]

انشالله او ماتنزل احطلكم بارت بس لان البنيه تعبانه شوي سووري حوبي حالي حالكم قاعده انطرها