،،السلام عليكم ورحمة الله وبركاته،،
*(الحمدلله الذي اطعمني هذا الطعام ورزقنيه من غير حول مني ولا قوة)*
اشلون الحلوات,, السنعات,,
ياعساكم بالف خير وعاافيه
الاسبوع الي طاف سويت هالعيش اللذيذ..والسهل
مشابه للكشري والمدردره اللبنانيه
ما ادري.. هاذي بطريقتي
وتعطي نفس نكهة وطعم الكشري بس بدون معكرونيه.
مشابه للكشري والمدردره اللبنانيه
ما ادري.. هاذي بطريقتي
وتعطي نفس نكهة وطعم الكشري بس بدون معكرونيه.
يالله بنات سووه وعطوني رايكم:eh_s(17)::eh_s(17):
اشرايكم نبلش على طول,,,
اول شي نسلق عدس مصري ثلاث ارباع استوا,, يعني لاتطبخينه حيل لايذوب معاج
ونقلي بصل شرايح حوالي 7 بصلات كبار بزيت غزير ليما يتكرملون ويتشوقرون وترى الي بالصوره نص الكميه.
ونخليهم على كتر ليما نحتاجهم
وبجدر نحمس بزيت بصله مفرومه ناعم مع ثلاث فصوص ثوم ناعمين ، ولا تغير لونهم نضيف نص شدة اشبنت ونحمس ونضيف نص ملعقة اكل كمون ناعم+ ملعقة اكل كزبره ناعمه+ ملعقة اكل فلفل اسود+ مكعب ماجي+ ملح والكميه حسب رغبتج.
ونحمس ونكون مجهزين بغوري( ابريق) ماي حار نضيفه على الحمسه ونخليها حوالي خمس دقايق...
وعقب نسقط نص كمية البصل المقلي ونحرك
وعقب خمس دقايق نضيف العدس المصري المسلوق ونحرك الماي عشان تختلط المكونات
وعقب خمس دقايق نضيف العيش اللي نكون مغسلينه ومنقعينه بماي دافي لاحار حيل ولا بارد لمدة ساعه.
ونحرك العيش عشان يتوزع مع البصل والعدس ..ويكون الماي مغطيه بحوالي 1 سم متر.
واول عشر دقايق نعلي على النار واذا شفنا العيش شرب الماي نقصر على النار حيل
ونحط على الوجه قطعة زبده..ونسكر وجه الجدر بقصدير عشان يستوي العيش من البخار المغموت.
وعقب ننجبه,, ونتتمتع بهالكشري الحلووو:eh_s(15):
تفضلوااا حبيباااتي
وطبعاا لاتنسوون تسوون هالصلصه مع الكشري,, صج تخليج تاكلين الصحن كله
يعني اللي تدور على الريجيم لا تمر يمناااا كللش ,,ههههههههه
لااا اشدعوه اتغشمر,,الشي القليل والمعتدل وعدم الافراط ما يضر بالريجيم,, جني صرت اخصائية تغذيه :bbbiu:.
المهم:
فلفل اخضر ثلاث قرون او اربعه حسب تحملج للحراره.
عصير ليمونه وحده اذا صغيره واذا كبيره نص.
طماطه وحده اذا كبيره واذا صغار ثنتين تشيلين قشرهم وتبشرينهم بآالة البشر الحديديه العاديه
ونتفة ملح,,
نخلط ماسبق مع بعض واذا حبيتي نتفة ثوم مدقوق للنطاعه احلى واحلى
تفضلوااااااا
