اخوي صارحني.......بزواجه

[نماين]

لاحول ولا قوة الا بالله

 

[الدلال]

الحوبه تبطي بس ماتخطي

بصراحه هذي حوبة زوجته الاولى

حتى لو كانت ملتزمه واهي وافقت على زواجه بس اكييد احترت وانقهرت بعد هالعشره ياخذ عليها لان يبي يكثر العيال!

عيل شلون لو ماعنده عيال شنو كان سوى؟؟؟ هذا اللي مايقنع بكتبت الله ويرضى بالمقسوم يعيش مو مرتاح مهما سوى

اذا مايبي الثانيه خلي يطلقها حرام يظلمها معاه

 

[A_M_A]

حرآآم صرآآحة

آهو غلطـآن من آلآول

يعني مآشآفهـآ قبل لآيتزوجهـآ ؟؟

وآلآ لعبه بنـآت آلنـآس عنده ؟؟

آلله يعينهـآ آلمسكينه

..

 

[ديانا سبنسر]

مع هيلو كايتي

 

[زوجة عزيز]

لا يطلقها حبيبتي حرام يهدم مستقبل البنت

 

[ryoonah]

حوبه زوجته الاولي الفقيره

 

[بانانا]

صراااحه
اخووج ريال اناااني وماعنده احساس بالمسؤوليه
الحين جرح مرته الاولى وتزوج عليها مع انها مو مقصره معاه وام عياله
يعني مو مايابتله عشان يتزوج عليها بحجه العيال !!!
وبعدين بيظلم بنت الناس اللي خذاها عشان والله مو حاب شكلها !!!
يتحمل ويحبها شوي شوي
واذا ماحبها يعاشرها بالمعروف

هذه هي أنانية الرجل !!
مايفكر الا في نفسه
انا انا اناااا
انا ابي عيال !!
انا ماابي زوجتي الثانيه موعاجبني شكلها !!! مع انها مسكينه تدري اني مااحبها بس تبي الستر

بنات الناس لعبه ؟؟؟!!!

*

 

[فوق الثريا محلي]

اول مرة اتعاطف مع الزوجة الثانية

 

[Om_Ksha]

عبالهم الحريم حلاو .. لعب عيال ..

عالمزاج الاخ .. يعني اهو ماخطبها مني والدرب اكيد شاف جسمها قبل الزواج !! ماشاف انه مايناسبه على قولته جنها ريال !! وبس يبي يكود بهيالهال ويقطهم لا تربيه ولا غيره ! الحين الاولى صارت غاليه وينه يوم حرق قلبها حتى لو عندها عادي من داخل يحزززززز بنفسها تشوف انه شقاصرها !!


الريايل صج انااانييين

 

[غدووور الكويت]

الله يعينهااا

 

[المسكـ]

يمكن لان يحب الاولى وايد مو راضي مخه ولا قلبه يتقبل الثانيه تلاقينها مو شينه بس مايحبها
قوليله
الخيره فيما اختاره الله خل يستخير

 

[قمر العسل]

السلام عليكم انا بدي احكي قصتي وابي أخذ رايكم انا حبيت زوجي 9سنين وصارلي متزوجته 3 سنوات وحملت ونزلت ( القصة انا حبيته وهو حبني كثير وحلينا بعض وتحدينا أهلنا وكلم اهله عني لكن ما رضوا لأني غريبة وهو بدوي وبعدين كتبنا كتابنا وانا عروس ما صار لي سنة تفاجات بان زوجي كتب كتابه علي بنت عمه غصبا عنه لانه صار عمره 35 وهم ما يدرون ان متزوج وخاف يقول حق اهله انه متزوجني وكنت حامل واهله الحين عرفوا فيني الا ابوه وانا ما ادري شسوي اتركه واطلق وهذيك عرفت عني أني موجودة زوجة لكن هي ما تدري ان متزوجني قبلها وكتب كتاب بدون ما اعرف

 

[شقرديـه عالطل]

البنات كفو ووفوا

 

[الملازم أيمي]

:
:

بختصاار وبدون زعل

اخوج اناني بمعنى الكلمه

يوم ان يحب زوجته الاولى وعنده يهال منها

شماله يبي يزيد الجرعه !!

الناس لو عندها ولد واحد تحب يدها مقلوبه

اهو يبي يغير ... مره يرقد مع هذي ومره مع ذيج

بس يوم جاف زوجته الثانيه وما عجبته من ناحية الجسم والريحه مثل ما يقووول!!
!!
طق الطااار مقلوووب

وقال احب زوجتي الاولى !! ونسى ان الحب مو ان يحرق قلبها ويتزوج غيرها

الحب يصبر عليها .. دام اهيا ما قصرت معاه ولا من ناحيه

بس لو كانت زوجته الثانيه كشخه زقرت وفيها اللي يبي

جان ما قال احب زوجتي الاولى وابيها

الحووبه وانا اختج .. ما تخطي

هاي حوبة الاولى .. ترى مافي زوجه ترى احد يقاسمها في زوجها اذا كان تموت عليه !!

ابدا ..

الحل : لا يطلق الثانيه .. بنت الناس مو لعبه ..
خذها شهرين وبطلقها .. ليش ان جسمها !! ومو قادر يتقبل
عفوا .. الجسم يتغير .. الشكل يتغير .. كل شي يتسنع ..
الزواج مو لعبه .. يومين جربت ما عجبني طلقت !!

باجر بتصير في عياله ..
باجر لي يات بنته وقالت له يبه اكا زوجي طلقني لان يقولي جسمج مو عاجبني .. ولا شعرج عبل
بجووف شنو بسوووي
ما غيررر يموت قهررر على بنته وقلبها اللي انكسر


بلغي اخوج .. ان المشاعر مو لعبه
وكل ريال لازم من البدايه يحط له شروط حق البنت الي يبيها
مو تزوجها ويطلقها .. ويقول لها ما عجبتيني

ترى كما تدين تدان
والكلمه تذبح ..

خل يتحمل الي جنته يده
لان ما حمد ربه وشكره على النعمه الي كان فيها

ولان شكرتم لأزيدنكم
الطمع ياخذ الانسان .. وينسى نعمته

يتم مع بنت الناس .. ومع الايام اللي يهديه ويهديها
بس لا يطلقها علشان اسبابه .. الي اهو جناها بيده .. ويعذب قلب البنيه

باجر بدور الدنيا عليه .. وبتييه في بناته

:
:

الملازم ,. كانت هنا

 

[Om_Ksha]

قمر العسل

^
^
والمطلوب !
دام هذيك عرفت وماسوت سالفه خلاص يخليكم على ذمته ذنتينكم وتتتقاسمون الايام ,,

 

[@ DLOO3TAH@]

مادري شقول بس الله يكتب ماافيه الخير ..

 

[صبر العمر]

مرحبا اختي، انا ما قريت كل الردود بس اول صفحة. وبقولك رايي وتحمليني

انا عاد الثانية كاسرة خاطري شو ذنبها مسكينة

والاولى عاجبتني حكمتها وعقلها الكبير ما شاء الله

بس اخوكي قاهرني ، معلش حبيبتي اعذريني انتي طلبتي النصيحة وانا صريحة معك ، هو يريد ان يطلقها وانتي تتحملي هالذنب؟ ليش ؟! مو كان عنده عقل وقرار لما تزوج ؟! ليش الان يبي يحمل الذنب لحد غيره ؟! خل هو يقرر ويتحمل نتيجة قراره، وانتي لما يسالك قولي له حاسة فيك بس القرار لك استخير وقرر بنفسك انا ما اتحمل اتخذ قرار ضد بنت الناس اخاف والدنيا دوارة.

 

[Freakya]

يطلقها احسن له و لها

 

[om MaRyooM]

اهو اللي يقرر .. نصيحة لاتبدين رايج بعدين تندمين طول عمرج على نصيحة معينة قلتيها له

وبعدين الريال دام قال يبي يتزوج مو عشان اليهال .. شعان شي ثاني بس مايبي يقو لأحد مفهوومة


وعفية قلب صراحة من مرته الاولى جذي كانت ردة فعلها @@

الله يعينها ويصبرها

 

[sKntyny]

اهو ماشافها في فتره الخطبه الملجه ...!!

توه يكتشفهاااا .. شــ دعوا .. اساس الظلم هالشي بعد ماخذها وتركها ثيب يطلقهاااااا

من الاساس يقعد معها يحاجيها يشوفهاااا اما ياخذها شهرين ويطلقها هذا ظلللم