اخوي صارحني.......بزواجه

[يـاسمينا]

الحل ان يطلقها
لايظلم بنت الناس وتييبله عيال وبعدين يتوهق
ويظلمها اهي وعيالها

 

[الاميره الطيبه]

بصراحه مادري لاكن الزوج الشرع حلل له اربع فلاتكلمون بشي ماتفهمونه واحمدوا ربكم على العافيه

 

[اميره1980]

اخوج قاعد يقارن بين زوجته الاولى و الثانية و ان يحب الاولى بس تزوج للخلفه
مسكينة زوجته الثانية كسرت خاطري

 

[gala q8]

شوفي إذا قعد معاها اويلآلآه و إن طلقهـآ هم أويلآلآه ..

سمعيني .. إذا قعد معاها ممكن بآي وقت تحمل .. وانتتوا ما تبونها تحمل لانه مو قادر يظلمها و باجر راح يظلم ولده او الياهل اللي ممكن تييبه ..


اللي عليج انج تقعدين مع زوجته الثانيه .. و تعلمينها ان ريلها كلمج ان اهوا كلمها بالطلاق .. و حرام البنت لها شهرين بس .. إذا كانت البنت ممكن يتقبلها زوجج .. اخذيها و وديها الصالون و سنعيها و علميها شتسوي ! و خليها تدور بالنت عن الزواج و اشتري لها كتب و خليها تهتم بنفسها ..

يعني آخر كلامي يآ إنه ينطر عليها و تغيرينهـآ من ناحيه اللبس و التسنع

او انه يطلقهـآ < بس حرآم صآر لها شهرين !! و إذا نطر ممكن يظلمها .. !!

 

[Laidy n3ooma]

هاي عقاب من الله

يقول مابي اظلم البنت !!! ليش هو ماظلم زوجته الاولى بزواجه من هذي !!

لازم اييب فريق كره قدم

خل يحمد ربه عنده عيال .. والله لو ولد واحد الحمد الله نعمممه احسن من اللي ماعندهم شي

 

[gala q8]

احنا عايله مو كويتييين و زوجت اخوي الثانيه قطريه
ومو حلوه ياخذها شهرين ويسفرها حق اهلها مطلقه انا اقوله اصبر بس هو مايبي

دآم اهوا حاط براسه جذيه انتي قولي له ..

حرام ترجع البنت بـ شهرين والله باجر شيقولون عنها الناس ! لازم شوي يحترم بنت الناس ..


إذا ما كانت عاجبته من ناحيه الشكل و من الناحيه الداخليه ( اقصد جمال الروح مثل ما يقولون ) اكيد ما راح تعجبه نهائيا ..

و إذا يبي يطلقها بعد شيسوي ّ !! ما باليد حيله ..


و قلت لج تقدرين انتي تدقين عليها و تسنعينها و تكشخينها و جوود يغير اخوج رايه ..

والله يهديه يآرب و يصلح بآله ..

 

[قمرية الفيس]

لا والله نلعب احنا شنو شهرين بطلقها مو حلوه
حذري اخوج ترى الحوبة قشرة بتضرة وضر عياله

 

[توتا حمرا]

شنو بنات الناس لعبة ؟؟
اول شي يحط وحدة فوق زوجته وثاني شي يبي يطلق زوجته عشان مو مرتاح معاها وضعيفة ومادري شنو !!!!
اسمحيلي اخوج مو عارف شيبي او شسوي في حياته
زوجته الاولى حلوة وعنده عيال منها بعد يبي اسرة كبيرة اي كبر يعني
ماقول الا الله يهديه*

 

[غارقة بأحزانها]

توتا الكتكوتة عسى ماشر 

 

[مياسه الحساسه]

هو صراحه تسرع بزواجه
بعدين حرمته تجيب عيال ليه يتزوج
بعدين في رجال حريمهم ما تجيب عيال وعايشين معاهم العمر كله ولاتزوجو عليهم
اخوك صراحه اللي قهرني مو حرمته الثانيه

 

[انا لحبيبي .]

لا حول ولا قوة الا بالله ،

شو ذنبها هي ؟ في لسان عند الانسان يقول للشخص عدل من نفسك ، اهتم بالنظافه ، حسن من وضع شكلك ولبسك .

الله يهدي البال ويصلح الحال

 

[عطورات المطيري]

زين صارحها يكمل
يقول شنو الي موفيها ومن الاول كان لاوم يعرف اني في فرق
ماراح اتكون مثل الاولي هذيك حياتها وتربيتها بيئتها
واعرفت له وفهمته وهذي تو لها شهرين مامدها اتعرف عنه شي
يصبر عليها حرام بنات الناس مو لعبه ماعجبته لانو متعةد ع شي مالاقاه
واهواتزوج ومو حيل بعازه الزواج لازم يصبر ويعلمها
ااسفه انفعلت بس عورت قلبي الثانيه ولانها ردت ساكت تبي اتعرف اش فيها قصور
والله يهديه لحريمه ويخليه لعياله

 

[أكذب عليك]

حرام يطلقهاا واهي مالهاا ذنب بشي
مودنبها انه خطبها بدون مايشوفهااا
انا ع الشكل واللبس كل شي يتغير
البنت تبي الستر مايجوز يتزوج ويطلق
اهو ماعطى نفسه فرصه يحبهاا فلا يظلمهااا


وللله يهديه

 

[cba girl : )]

خل يطلقها دام مو حابها وتروح بنصيبها

 

[OM BARAK]

يطلقها و تشوف نصيبها مع واحد ثاني أحسن من يظلمها معاه و تييب عيال تبتلش بحياتها

 

[زبده جلوه]

يابنات والله ماقصرتوو
الرجال ماقال فيها شي يمسها باخلاقها او دينها
اهو مارتاح وياها مو عشان اضعيفه يقول كل شي فيها مو عاجبني يقول اللي قاعد وياي صبي مو بنت كلش ملش ماتصلح الا اذا صبر كم سنه قدام
اهو قالي ياختي لو اهي زوجتي وماعندي زوجه ثانيه والله اصبر عليها واهتم فيها حتي لو اني مو متقبلها بس انا عندي زوجه ثانيه محصل الراحه معاها ونفسي حابتها ومتقبلتها يعني قلبي بيد الله وانت مابي اضلمها حرام بكره مراح اعدل من قلبي وانا ابي اكون صادق مو كذاب

بنات اخوي قرقرقرقر علي دوخ راسي كلامه وايد بس انا لو بكتب كلامه ماخلصته

 

[ما كو اسم]

اذا ما يبي عيال منها يقدر يخليها ما اتحمل بس لا يطلقها بسرعه . بس هو اساسا ما حبها والله ان ويانه بالدوام حريم من الريحه والتبهذل تتعجبين اشلون رياييلهم قاعدين عندهم الادهى رياييلهم طايرين فيهم ما اقول الا الله يكبر حظها .

واحتمال انه تزوج مو علشان العيال اللي مرته رضت ممكن سبب ثاني لا اتلومونه

 

[زبده جلوه]

اييي صح قالي بعد مو غصب اعيش معاها ماني قادر اتقبلها
سالني سؤال قالي تقدرين تعيشين مع واحد ماحبيتيه ولاتقبلتيه
بغيت اقول تعال شووووف اللي عندي مزعجني اخذه فكني من شره

 

[LADY~O$CAR]

موووووووقف صعب

قوليله يستخير احسن له

 

[سكوتي بذوقي]

خل يطلقها قبل ماتجيب عيال

مدام هو مو متقبلها ولا يحبها