اخطاء تقع فيها العروس

[سكرية]

مشاركة: اخطاء تقع فيها العروس

اخطاء العروس

عدنا والسلام عليكم ورحمة الله

امس حضرت عرس ودخلت العروس كلها حلوه بس
لما قماموا المعاريس داخت او تصنعت الدوخه
فالمعرس توهق بس سوى نفسه يكلمت اخته وما يطالع العروس
واخذ يمشي قبلها ويسحبها واهيا تمشي كأنها دايخه لكن كملت حتى الباب
وما طاحت لو صج دايخه شان طاحت صج حركة بااااايخه من العروس

 

[lolly]

مشاركة: اخطاء تقع فيها العروس

الموضوووووع مفييييييد حيييل يعطيكم العافيه كلكم وخصوصا صاحبة الموضوع

 

[سبائك]

مشاركة: اخطاء تقع فيها العروس

وي مسيكينه يمكن مو حركه

يمكن صار معاها هبوط سكر لانها مو ماكله شي مع اللويه

ورهبة روحتها مع المعرس بعد لعبت دور

 

[بنت بلادي]

مشاركة: اخطاء تقع فيها العروس

اول شي اشكر صاحبة الموضوع على الموضوع الحلو والشيق

الشي اللي صج ما أحبه اهو لما اتيي العروس والا حاطه مكيااج خفييييييييييف جنها مو حاطه شي والمعازيم حاطين أكثر منها علبو شنو تبي مكياج ناااعم ..... عاد قالو ناعم بس مو لي هالدرجه ما يبين!
والا اللي يحطون كريم اساس غااامج اغمج من لون بشرتهم علبو طبيعي ويصيرون سود حلاته يكون افتح من لون البشره بشوي........ طبعا آنا ما اشجع المكياج الوايد اللي جنهم أرقوزات واللي جنهم حاطين صبغ ويه ( ما اقول الا الله يعين المعرس على ويوهم اللي اتخرع)

حلاته مكياج زاااهي يعني لما اتيي العروس اتحسين صج انها عروس فيها زهوة العروس على قولتهم..... مو عروس يايه مو حاطه كريم جسم لون ويها غير عن لون جسمها ترقع.

والشي الثاني: تسريحة العروس .... بعض العرايس اتييج امسويه تسريحه مالت دور يدي اشدعوه من وين امطلعه هالموديل (خلصت الموديلات)
والا اللي اتييج امغطين راسها كله بالطرحه جنها لابسه احجاب بالضبط والله شكلها يضحك شنو
( ليلى والذيب)..... والا اللي يلفون راسها بالطرحه مثل عصااابه ويخلون الطرحه على جنب ( مسكينه من فالعها.

والا الفليت اللي يحطونه ( الدخان ) والله جنهم قاعدين يرشون السم مال الحشرات زين ما تختنق العروسه منه.

والا اللي يحطون جهاز السنو جنه واحد قاعد يسوي : تف تـــــف على العروس ( سوري على الكلمه) بس والله جنه واحد يتفل وانتو بكرامه.

في شغله بعض الناس يسوونها واهي لما اتقوم ام المعرس والا ام العروس واتحذف حلاو عاللوادم اتفلع روسهم على ما يخلص العرس الا راسهم كله امورم.

في عرايس هابين يحطون لهم زفه مكس 100 زفه مره وحده اشدعوه محطة الغناء العربي ..... حلاته زفه وحده ومافيها شي لو واكبو التطور وحطو الزفات اليديده الحلوه لأن كل شي يتغير ويتبدل وملينا من الشي القديم .... مادري لما اسمع هب السعد احس يطلع اغباااار.

في ناس يبون يسوون حركه حق زفة العروس واهمه ما يعرفون يقومون يمصخونها ويصيرون علج بحلوج الناس..... يعني الي يبي يسوي وما يعرف خل يسوي زفه عاديه احسنله ..... نفس مره ناس لابسين وشاح مثل مال التخرج كاتبين عليه اسم المعرس والعروس ويمشون جدام العروس والمشكله كلهم عيااايز عمات العروس وخالاتها ..... ابصراحه شي مو حلو كلش.

والا اللي يحطون شاعر ابدوي اللي يسمعه يقول قاعد يهاوش يصرخ من قمة راسه طريقته بالشعر حزيينه وموسيقة الخلفيه حزينه اتحسون انكم ابعزى مو عرس.

هاذا اللي تذكرته واذا فيه شي بعد راجعتلكم.

 

[سكرية]

مشاركة: اخطاء تقع فيها العروس

العروس التي مسويه نفسها دايخه هذه مو اول عروس اشوفها او اسمع فيها
وتدرون اقول انها متصنعه الدوخه لان الدايخه يكلم امها او اختها وتقولها انا دايخه
يعطونها كاكاو او يشربونها عصير او يشممونها عطر حتى تروح الدوخه وتكمل مو طول ماهيا تمشي واهيا تمشي بطريقة مضحكة بس لا تسووووون هالحركة و تفهون نفسكم

فيه بدلة عرس موديل جديد قطعتين و طرحة طويلة تلفون 7135453 بس شيء ذوق راقي

 

[سفيرة العشق]

مشاركة: اخطاء تقع فيها العروس

انا ما يعجبني فالعروس مكياجا المبالغ فيه
تكود خواتها عليا كافي وحدة توقف عندها اتشوف شتبي
المصورة لمن توقف قبال العروس والعروس يطوفها الرقص
لمن يدخل المعرس وتكون معاه فرقة حلاتة نص ساعة وما يطولون
انا عرس بنت حماي دش مع المعرس فرقة بلال الشامي الله وكيلكم قعدوا ساعة ونص والعروس
مغطيه ويها وما شافت شي والمعرس مسكين واقف علبونه ربعة واخوانه قاعدين يرقصون
بس والله كان خوش عرس وناسة ..
وحلاته المبخر شغال طول العرس لا رحتي الحمام تعدلين شكلج ورديتي الصله شمي الريحة أففففف
ومو حلوة سالفة العصير والكيك قديمة

 

[بنت بلادي]

مشاركة: اخطاء تقع فيها العروس

في شغله حبيت اضيفها

المصوراااات وما ادراكم مالمصورات

تقعد اتقول حق العروس سوي هالحركه جدام اللوادم (طماشه ابلاش) والا حطي الورد على خصرج والا رفعي ايدج فوق .... والله يوم انها تبي اتسوي هالحركات خل اتسويها بره قبل لا تدخل الصاله جدام اللوادم

والا في مصورات هابين يسوون حركه لما يدخل المعرس يبوس العروس على راسها تقعد المصوره اتقوله بوسها بعد علشان الصوره ويبوس وترجع مره ثانيه اتقوله بوس بعد الصوره ما زبطت .... الشرها على المعرس اللي طايعها .... والا اتقولهم لمو بعض وطالعو الكامره حشى فلم ابيض واسود.

كله ولا سالفة الجنطه اللي اتييبها المصوره اللي فيها لبس تنكري حق العروس خخخخخخخخ وبعضهم اييبون شيشه اتحطها العروس على حلجها واتصور !!!!!!!!!!! يعني من زين شكل الشيشه ... والله فشله تراوي زوجها الصوره يقول هاذي صاحبة سوابق......
والكبابيس اللي ترس الجنطه اللهم ياكافي تايجر وخراااابيط مالها والي واتييج العروس متيييينه (مع احترامي للمتان) واتحط تايجر على راسها والخلفيه تايجر ( شنو قاعدين بالادغال). ومن كبوس لي كبوس آخرتها اتخرب تسريحة العروس قبل لا تدخل العرس.

مره مصوره يايبه معاها حبل ربطته على الكوشه وقالت للعروس تعلقي فيه هههههههههه ( لااا اتصدقون ترى اضحك معاكم) .

 

[سحيله_الحلوه]

مشاركة: اخطاء تقع فيها العروس

لوووووووووووووووووووووووول بنت بلادي

 

[امة الله2]

مشاركة: اخطاء تقع فيها العروس

مشكوره يا الغاليه سكريه على الموضوع القيم

الله يعطيكم الف عافيه على الشرح المفيد يا خواتي الغالين

 

[سبائك]

مشاركة: اخطاء تقع فيها العروس

اللـــــــه يـــاني مـــا أواطـــــن هالحـــــركـــات يــــا بنت بلادي

آنـا اول شـي وصيــــت مصـورتي انهــا ما تســـــوي لـي هالحـركات علـــى الكـــوشـــــه

شالســــــالفه مـاكو شغــــل!!!!!!!!! حشـــا صـرنـا حيـاة الفهــــد خخخخخخخخخخخ

عـــاد آنـا قبــــل لا انــــزل صــــــورت وخذيـت راحتـــــي بـس مـا وصلــــت

مرحلــــة الكبابيـــــس والتهــــــول......لا كانت الصـــور وايــــــد راقيـــــــه وحلـــــوه

 

[سبائك]

مشاركة: اخطاء تقع فيها العروس

واللــــــه أذكــــــر مره رحـــــت عرس شســـوت المصــــــوره بالعــــروس!!!!!!!

حســـــــرت فيهـــــا مسيكينـــــه.....ما بقـــــــى شمطـــــوطه ما حطتهـــــا عليهـــــا وصــــورتها

من ريــــــش من تايجـــــر من بنفسجـــــي من أحمــــــر من كبابيـــــــس كل شي يخطـــــــر علـــى بالكـــم

حتـــــــى ســــدحه سدحتهــــا علــــــى الكوشــــــه والـنـاس غشيانيييييييييييييين من الضحــــــك

 

[ms_darkdream]

مشاركة: اخطاء تقع فيها العروس

مشكورين عالموضوع
يمكن صج مو حركه يمكن دايخه وما نايمه

 

[بنت بلادي]

مشاركة: اخطاء تقع فيها العروس

الله يقطع ابليسج سبائك كااااااااااااااااااااااااااك ككككككككككككك

على سالفة السدحه لحظه خنقولج:

مره رحت حفلة استقبال عروس في صاله والعروس اللهم ياكافي رقصت رقص ماله أول ولا آخر مره ترقص عراقي مره شرقي آخر شي جان تنسدح عالأرض علبو ترقص شرقي .... لا واهي منسدحه وامها اتقولها : قومي قومي فشلتينا.


مادري اشفيهم ينو ينو بعض العرايس الله يهديهم بس.

 

[أم الطيب]

مشاركة: اخطاء تقع فيها العروس

خوش موضوع يعطيكم العافية
يا ريت الايام ترجع واعرس مره ثانية علىزوجي طبعا

 

[al7reyaa]

مشاركة: اخطاء تقع فيها العروس

والله يا ام الطيب مو اعرس على زوجي الا اضرب عن الزواج مو ليه

 

[شكليطه]

مشاركة: اخطاء تقع فيها العروس

ههههههههههههههه

موضوع عجيب

مو حلو العروس ترقص.......الصراحه ما حبيت هالحركه ......احسها بايخه
خصوصا اذا البدله ثقيله ....والا العروس مرتبكه
شكو اقعد ارقص

وبعد بصراحه بصراحه ما احب العروس العيااااااااااااااااااااااااااااااااااااااااااااااااااااااااااااااااااااااااااااااااااااااااااااااارة

اللي غصب غصب تسوي روحها مستحيه .......واهي اصلا حتى الشيطان يستحي منها
واهي مو مصدقه انها تزوجت

اصلا مو لايق

والله اعرف وحدة معروفه باليراعه.....حتى اذا قلتي كلمت يراعه قالوا فلانه

المهم انها جرية ومن هالكلام .....حتى اصلا توها داخله الجامعه على قولتهم ما فقشت من البيضه...تروح اهي ورفيجاتها بدون علم اهلها .,تروح الاتيلييهات وتقول انا عروس وابي تصممون لي ومن هالكلام

المهم يوم الله كتب وتزوجت....اهل زوجها ملتزمين ورزه

قومي اهي يوم دخلتها جان تقط راسها بالارض.......والله شوي ويوصل لي بطنها

وتسوي روحها مرتبكه وما تبتسم حق المصورة......والا اذا قالت لها ابتسمي.....تبتسم ابتسامه استعباط


شكوووووووووووووووووووووووووووووووووووووو

شكووووووووووووووووووووووووووووووووووووووووووووو

حده شكلها بايج

 

[H.Heavn]

مشاركة: اخطاء تقع فيها العروس

يسلمو يا صاحبة الموضوع على هالموضوع الحلو والله مت من الضحك بس بصراحة في اشياء بالعروس حدها مو حلوة وعظمها البنات قالوها بس انا بقول بعد جم شغلة.
من قبل جم اسبوع كنت رايحة عرس (عرس بدو) عاد لمن يات دخلة العروس الصالة ظلمت!! وبعدين شفنا وحدة لابسة نفنوف ابيض عادي ما في حركة ماسكة بوكيه ورد لا وتتعلج بعد!!! عاد قلت حق رفيجتي شالعروس لا طرحة ولا شي اللي مسكينة حتى ام المعرس ارتفع الضغط عندها ولا اثاري شنو اليتات كانت على هالنت عشان اسم الله يكون الانتباه عليها والعروس الصجية من وين دخلت؟؟ من ورا الكوشة!؟!؟! ما ادري اشلون سمعنا صوت بووم (حاطين شي جنه ملوت الالعاب النارية) نطالع الصوب الثاني ولا كاهي العروس قلت حق رفيجتي اخت المعرس شالحركة العجيبة (كنت قاعدة اتطنز) جان تقول لي ماادري عنها انصدمت!! هذي دخلة العروس خل نشوف دخلة المعرس. المعرس دش ماادري منو قال له الى الجهاد وا اسلاماااااااااه!!! وقاع مطنقر طول العرس اهو مطنقر والعروس تبجي ليش بتفارق ابوها!! لا وهذا من صوب واليهال بصوب. عاد انا ورفيجاتي قاعدين ورا واليهال ورانا اذونا ما اسكتوا الا لمن عطيتهم نظرة حقيرة!!
واي عروس هاليومين شي مو طبيعي اذا ما دخلت على هب السعد (للحين ما تزوجت ) وطق لي بالعرس القصار ولا باسم الردهان ولا ما يكون عرس!! بلا هالاعاب النرية اللي الواحد يخاف يصي حريجة بالصالة وبلا الدخان اللي ماله لزمه

 

[شكليطه]

مشاركة: اخطاء تقع فيها العروس

ويـــــــع عاد اكره شي هالحركات

والا ليما يقعدون يتخيلوووووووووووووووووووون ويألفون سوالف وخرابيط......تسمعين سوالف يهال
لها اول مالها تالي

والله الحمدلله احنا اهلنا الحضر والبدو .......عروسهم كلها راقيه وكشخه


ما عدا وحده الله يهداها......يعني مسويه حركه......حاطه في مسكتها ورد صناعي من ضمنه ورد لونه ازرق وليتات .........اي شي.....؟؟؟

بس والا الباجي ماعندهم خيال واسع عشان يخورونه بالحركات


هههههههههههههههه

ربي لا تبلانا


ا

 

[H.Heavn]

مشاركة: اخطاء تقع فيها العروس

ليتات في الورد ليش الله يهداها ماكو شغل!!
بس حلوة اللي قلتيه فوق عن العروس (اللي غصب غصب تسوي روحها مستحيه .......واهي اصلا حتى الشيطان يستحي منها)

 

[شكليطه]

مشاركة: اخطاء تقع فيها العروس

والله ليتات

بس للاسف البنت مو من طرفنا.........بس اول تالي ماخذينها




اما عن هذيج المستحيه والله يا اختي هالبنت تبط الجبد

اصلا كل من قام يتطنز......كانت قاطه راسها بشكل مبااااالغ فيه........وللعلم اهي شايفه المعرس وطالعه وداخله معاه
انزين شكو هالحركات.؟؟
والعرس كان محفوف وفي بيتها...........والمعرس ما دخل.........
العياره شنو موقعها من الاعراب.؟؟

والا اذا المسكينه قالت لها ابتسمي ......تعصب وتزفها

واصلا اخت العروس قالت لنا عن الحركات اللي سوتها اختها(العروس) قبل لا تنزل.......تقول بدعت بالتصوير



بالله عليج هذي مستحيه وخايفه


اي شي