اخطاء تقع فيها العروس

[H.Heavn]

مشاركة: اخطاء تقع فيها العروس

صج انها اي شي والله العروس شي مو طبيعي انا اذا فكرت اروح اروح عشان اطلع الاخطاء العشرة ههههههه

لا وبالعرس اللي تحجيت عنها لمن شفته فيديو ببيت رفيجتي شفت المعرس مو كان مطنقر اشلون اخذ ايد العروس ويرها ليما اطلعوا اهو مكشر واهي فيها بجية جنه احد قال لهم اختاروا يا الزواج يا الموت والله حالة

انشالله يا معودة بعرسي ما يصير شي جذيه يكون شي محترم وراقي المستوى مثل عرس اخوي وعرس اختي

 

[شكليطه]

مشاركة: اخطاء تقع فيها العروس

آمين يارب


الله يوفقج وكل البنات


========

تذكرت ششششششششششغله


اكره شي ليما العروس تكون Free Kuwait وعادي عندها رفيجاتها يترقصون جدام المعرس

والله مره رحت عرس.....وصديقه العروس مسويه هديه حق العروس........اغنيه خاصه لها.....من مطرب مشهور
وقامت الصديقه تترقص جدام العروس والمعرس
والعروس جنه صج تبجي من الفرحه والمفاجأة

بس ربي جعمها.......تعرجبت الرفيجه جدااااااااااااااااام الكوشه


ههههههههههههههههههه


الله لا يبلانا

 

[H.Heavn]

مشاركة: اخطاء تقع فيها العروس

هههههههه قلعتها تعرجبت وانا بعد تذكرت عرس رحت بيت جيرانا خو عرسهم سووه ببيتهم وااااااااااي تعرفين شنو يعني ضييييييييج ماكو مكان الواحد يمشي فيه وعليه العالم تبي ترقص بس مو عارفة ماكو مكان!!! والعروس مكشرة طول العرس مسكينة ما الومها ولا كوشتها بردة وراها ليتات اللي تييب اليهد!! ليش خلصت الكوشات!!
شي ثاني ما احبه بالعروس لمن العالم تقوم ترقص بعرس اخو رفيجتي ما قدرت ارقص مثل الاودام كل ساعة داعمة وحدة من الضيج ومسكينة رفيجتي في وحدة تحرشت فيها وانقزتها بمكان مو حلو ولا تشمين الريحة وما ادراك ما الريحة خطر ما يغمى عليج!!!

 

[^^ jory^^]

مشاركة: اخطاء تقع فيها العروس

السلام عليكم والله الموضوع رايق..فية حركات غريبة مااحبها هي لما تدخل العروس مع اخوانها مالها داعي
بس فية حركة العرض السينمائي طايحين فية البنات يعني اول شي العروس وصورها من هي صغيرة...طبعا عيارة مصورة خواتها الصغار ومكشختهم ولا بنات اختها ..لان صورها وهي صغيرة غير قابلة للعرض لو شافها العريس هج...الحلو فيها كل الناس يشوفونها طبعا مع الاخراج الحلو من المصورة
ومااطيق المصورة الي تتحكم بالعروس وهي عالكوشة وتمسخرها قدام الناس يعني في غرفة المكيا ج صوريهاعلى راحتك
ودخلت العريس انلغت وارتحنا ما نتغطى ويسيح المكياج

اية بعد فية شي عجيب شفتة مرة هو لما العرض استمر لماالعروس دخلت الغرفة المخصصة لها في الصالة ودخل العريس وهات ياحركات نص كم العريس مستحي وهي ماخذة راحتها ما استحت وابوها موجودواخوانها والناس تتطمش و هي مرة دايخة على العريس ومرة علىالطاولة والعريس قدامها على ابو شايلها والله مسخرة
واسفة على الاطالة

 

[شكليطه]

مشاركة: اخطاء تقع فيها العروس

ههههههههههههههههههههههههههه



امبيه لأ...........شنو ريحه


هههههههههههههههههههههههههههههههههههههههههههههههههههههههههههه


اللهم لا شماته


هذي واهي للحين ما تعشت ..............لوووووووووووووووووووووووووول


امبيه ماساة


تذكرت بعد شغله


اكره شي اذا العروس(وحده من الزميلات) تسوي خبه على عرسها وتصك راسج بالقرقه......جهزت وما جهزت.....دخنا وما دخنا

وآخر شي والله والله ......حاطه شموع من بو100 فلس.........وطابعه اوراق من الكمبيوتر ولازقتهم بالبوفيه.


اي شي؟؟

وحاطها حلها وحلالها بالمكياج والبدله .......

انزين الشي بالمعقول وباعتدال


يعني هم مو حلوة بحقج جدام المعازيم واهل المعرس كاااااااشخه بذيك البدله وذاك المكياج.....وآخرتها حاطه شموع بو100

 

[H.Heavn]

مشاركة: اخطاء تقع فيها العروس

ههههههههههه اي شي الحين انتي سويتي عرسج وحالتج حالة واخر شي شموع بو امية ولا اوراق من الكمبيوتر لازقتهم بالبوفيه بعد!!!! والله طرطره لا اهم شي لمن احد المعازيم القراب حق العروس او المعرس تسوي لج فيلم هندي ويغمى عليها الفرحة مش سايعاها يااختي وتصدقين رقص العروس ما احبه العروس حالتها حالة وتقوم ترقص انا مو ضد هالشي بس ما احبه عاد انا ماعطه حق اهلي تحذير من الحين اللي يقول لي قومي رقصي ياويله يا سواد ليله!!

 

[BlUe SkY GuRl]

مشاركة: اخطاء تقع فيها العروس

خوش اراء ومنكم نستفيد

يسلمووو حبوبه عالموضوع الحلو

 

[سكرية]

مشاركة: اخطاء تقع فيها العروس

شيء غريب اول مره اشوف هالحركة
قالت الطقاقة يابنات المعرس وصل لبسوا حجاباتكم
شان يقومون اهل العروس ونادون خداماتهم والا هم جايبين
هالتابوت الابيض داخل الصاله الله يكفينا الشر
ودقائق ونصبوا هالتابوت امام العاروس وذا هو بارتشن ملبس ستان ابيض
يعني خاشينها عن زفت الرياجيل !!!!!!!!
شفيه الكاب الابيض مرتب وذرب احسن من البارتشن
لا المعرس يدور هالعروس بعد ماوصلوه اخوانه وراحو ا
تصدقوا عليه هالخدامات وشالوا مرة ثانية هالتابوت
وطلعت ست الحسن من خلف الجدران للمعرس الغلبان هاهاهاهاهاهاهاهاهاها

 

[سكرية]

مشاركة: اخطاء تقع فيها العروس

اليوم العرس حلو والعرايس ثنتين

الاولى كشخه والثانية حلوه يعني متعادلين

الاولى ماسكة مسكتها كانه طفل في المهاد خايفه لايطيح منها وكانت قعدتها مورزنه
الثانية بدلتها اوسع منها ومسكتها قدييييييييييمه حيييييل جنها موشايفه السوق وجديده
بالاخطاء متعادلين هاهاهاهاهاهاهاها
يالله تصبحون على خيررررررر

 

[Cadburya]

مشاركة: اخطاء تقع فيها العروس

خووووش موضوع الصراحة ...

أولا: العروس ماله داعي تمشي و كل شوية تعدل بدلتها ، يعني مثلا تكون البدل ديكولتيه و اهيه كل شوية رافعة البدلة .. حدها بايخة .. لازم تكون مثل الأميــــــرة.

ثانيا: لازم مايكون أكو أحد يمشي إلا إهيه .. و محد يعدل نفنوفها ..

ثالثا: المصورة لازم تكون فنانة تاخذ لقطات حلوة من غيــر ما تقول لفي و طالعي فوق و حطي الوردة على خدج و مادري شنو .

رابعا: لازم لمايدش المعرس توقف له ، لأنه مو طرار ، و معاه أبوها و أبوه احتراما لهم توقف و تسلم عليهم

خامسا: سوالف فلانة تهدي مادري منو ، و علانه تهدي مادري منو مالها داعي.

سادسا: ماله داعي كل شي بالعرس يكون لون ، لازم العرس يكون كله لون واحد ، يعني مكياج العروس و بوكييها و كوشتها و البطاقات و الكراسي . كلهم نفس اللون

سابعا: ماله داعي إذا دي جي يقعد يسولف نص ساعة و يحط أغنية خمس دقايق .. والله يا بنات رحت عرس راعي الدي جي يسولف أكثر من الأغاني اللي يحطها .. لاعت جبودنا

... هذا اللي في بالي الحين ..

 

[عالية الشان]

مشاركة: اخطاء تقع فيها العروس

موضوع رااااااااااااااااااااااااااااااااااااااااااااااااااااااااااااائع ويستحق التثبيت للفائدة العامة

 

[LaSt WoMeN]

مشاركة: اخطاء تقع فيها العروس

انا مااحب العروس تدش و اهلها دار مدارها .. يطلعون بالتصوير .. حلاته تكون بروحها و الاضاءة عليها اهي بس علشان ريلها يقدر يشوف هاللقطة بعدين و يسوونها له بشريط ثاني ..

و علشان جذي لازم النفنوف ما يكون ثقيل حيل .. يعني المفروض تقدر تمشي فيه بروحها بدون مساعدة ..

و ما احب المعازيم اللي يقومون و يسدون على غيرهم .. ماكو احساس !

و احب التنظيم في توزيع الحلو مع دخلة العروس .. دخلة السيرفس تكون مرتبة بعد مو همجية ..

 

[ديما]

مشاركة: اخطاء تقع فيها العروس

عساج تتهنين يا أختي العزيزة بحياتج اليديدة والله يوفقج مع زوجج آمين يارب : )

 

[farasha]

مشاركة: اخطاء تقع فيها العروس

الضحك بصوت (القهقهة) و العبوس

 

[اعذريني يالهدايا]

مشاركة: اخطاء تقع فيها العروس

اي صح حرررركه الاهدائات تبط الجبد خو دقو عالمارينا اف ام وحطو الاهدائات اللي تبونها مو بالعرس يعني شوفونا

ومره رحت عرس المصوره هولت بالعروووسه دنت الطاوله اللي جدامها وقعدتها على الارض وهااات ياتصويييير ما بقى الا تقولها انبطحي شوي والله فشله

وما احب سالفه الضبببه اللي يسوونها لمن بدش العرووسه يعني اهلها كلهم يوقفوون عند الباب ويصكوون عليها خوو شنو ندري تحبونها وتعزونها بس مو جييي عاد مصااخه

واللويه اللي تصير عند البوفييه جنه اول مره يشوفون اكل ؟؟ ليش عاد جي

مره رحت ملجه وحده وكانو المعازييم شويه والصاله ملمومه صغيره
والعرووس يوم دشت تكااسر تخز وحده وحده لدرجه شكيت بعمري قلت يمكن تعرفني .. انزين حتى لو تعرفني ليش تخزني جي ههههههههه اثاري اهي تخز الكل مو بس انا

وعقب ما دش الريال ترقصتله جم رقصه وتتكسر وتتميع وتقط بوسات @@ انا عيوووني طلعت واااااااااي وين راح الحيا ياانااااس هههههههه

وعقققققققققققب كل هذا لمن طلعووو بره الصاله مادري شصار ؟؟ ردت العرووسه تتمشى بالصاله جنه وحدها من المعازيم والناس يبارجولها ؟؟؟؟؟؟؟؟؟؟ يعني حححححححححححححححححده ويييييييع ووووووووووويييع

 

[شادية]

مشاركة: اخطاء تقع فيها العروس

موضوع حلو للمناقشه

من اكبر عيوبها انها تصور صور جريئه مع زوجها اول ما يدخلون الشقه وخصوصا الصور الي تعرفونها مو حلوه والله فشله عليها

_ هم المكياج الاوفر والتسريحه الى تكون من كل زهره بستان حلوه لما تكون التسريحه بسيطه مو لولو وخرابيط تشوه الستايل

_ الحركه الي هابين فيها يطفون الكهربه فجاه علشان عين الحسودج شسالفه

كلش مو حلوه


وبعد الي تلبس نفنوف قصه الصدر وسيعه اشوي ويطيح نفنوفها


لا وبعض العرايس يحطون لفرق الي قبل لا يدخلون عشتوا كلها حركات قيازه وين قاعدين خخخخخخخخخخ

 

[ام خالد33]

مشاركة: اخطاء تقع فيها العروس

موحلوه انها تحط مكياج صا رخ والدلع الزائد عن حده يخليها هبله

 

[تنوره مقلوبه]

استفدنا من الموضوع وفي اشياء وايد كنا غافلين عنها
بس صج رضا الناس غاية لا تدرك
حلاته العرس بسيط و المعازيم الي يعزون عليج ويحبونج
حتى اذا ما عجبهم شي يمدحونه من حبهم لج

 

[ii DareeN ii]

هلا هلا شتحبون كويتيات وبعدين خل اقولكم شنو ماحب اول شي قبل العرس
ماحب الي اذا عزموهم قالو العروس حرام من متى صارت العروس حرام ا
ثاني شي ماحب الي مايوجب ومايعزم الناس الي توجبه وتعزمه
ماحب الي يزعل اذا قالوله ممنوع اصطحاب الاطفال
ماحب الي تفتش وتنبش بهدومي على ابو تدور تليفون مره بغيت اكفخ صج وحده
ماحب مثل ماقالو البنات البدله الثقيله والله جم عروس بعروس اشوفهم عبالي ريولهم فيها شي
ماحب المكياج الي يقول جنه فار طايح بطحين
ماحب العروس تصير سمله عليها راهيه ودبدوبه ومطلعه كل لحمها
ماحب المعرس الرقله ياشين المعرس الي يرقص مانسى المعرس الي قام يرقص بالعرس الي يقول رايح قعده ينزل للارض ويصعد
وخوات العروس الي يرقصون ويا الرياييل ماحب هالحركه كلش شنو ماكو مستحى ولا الي ختشو ماتو
ماحب البنات الي يرقصون والمعرس قاعد ولا احب الي يترززون يم الكوشه لي يو الرياييل

 

[الأصيله]

يعطيكم العافيه يا بنااات على هالنصاااااائح

والله خايفه لا أبجي وأخرب شغلى كله لان دمعتي حيل قريبه

الله يستر