اخر صرعه في التخسيس حبوب العناب تنزل في الأسبوع 6 كيلو

[ملكة الأحساس]

السلام عليكم


الموضوع باختصار شديد يامحفوضين السلامه انه في حبوب للتخسيس اسمها حبوب العناب او حبوب (الجوجبا)
يطلعون لها دعايات على قناة اللبنانيه وقناة نيو تي في
هي عباره عن مجموعه متكونه من اعشاب تشرب وكريم لشد الجسم والشي الثالث على ما اعتقد انها حبوب


سمعت من تجارب اكثر من شخص بس ماسمعتها انا شخصيا للامانه ذكروها لي ناس انه في اشخاص نزلت 6 كيلو في اسبوع عليهم وناس نزلت 20 كيلو خلال شهرين وناس سوت لهم اضرار يعني الأعشاب جرحت لسانهم وماقدروا يستحملون طعم الأعشاب فقاموا يرجعونها وانتم بكرامه


والحين الدكتور اللي مخترعهم موجود في فندق ريجنسي عنده معرض ويبوعون فيه مجموعه الجوجبا بس باقي يوم الثلاثاء والأربعاء ويخلص المعرض لانه الدكتور اهو لبناني وجنسيته امريكيه وزاير الكويت الحين

وبصراحه انا ودي اشتري الحبوب والمجموعه كلها وبستغل وجود الدكتور قبل لاي يسافر يعني بس جدامي اليوم وباجر


يارييييييييييييييت اخواتي الحبيات اللي عنده اي معلومات عن حبوب العناب تقولي لاني حدي متخوفه منهم بس هم ودي اشتريهم واستعملهم لان النتايج اللي تعطيهم حلو يعني ينزلون كيلوات كثيره خلال وقت قصير وانا عندي عرس بقى عليه اقل من شهر



وهذا موقعهم
http://www.jujuba1.com/

افيدونا باسرع وقت افاااااااااااااااااااادكم الله
:tek::tek::tek:

 

[مستشاره قانونيه]

مشكوره اختي بس والله ماعندي أي معلومه
انتي روحي استفسري واسالي الدكتور بنفسج وفيدينا وقولي لنا شيصير معاج

 

[ملكة الأحساس]

مشكوره اختي بس والله ماعندي أي معلومه
انتي روحي استفسري واسالي الدكتور بنفسج وفيدينا وقولي لنا شيصير معاج

مشكوره يامستشارتنا على الرد زين احد رد علينا مع انه المنتدى مليان بنات شابكين ولا احد رد :krkrkr::krkrkr::krkrkr:

مع انه موضوع حيوي وياكثر البطاطات في منتدانا

حبيبتي المستشاره انا بحاول قدر الأمكان اروح حق المعرض خلال هاليومين مع انه حدي مشغوله بس باسعى اني اقابل الدكتور واستفسر منه ولا الحبوب المندوب مالهم موجود باي وقت تدقين عليهم يوصلهم لج والمشكله المجموعه غاليه شوي سعرها 65 الكامله والكبيره في صغيره 45

وانا وحده بسرعه اقتنع خوفج من الدكتور ينام براسي ويقنعني واقط 65 دينار بدون فايده

 

[ملكة الأحساس]

للرفع

 

[bsr3aaa]

أنا أول شي صليت استخارة بعدين رحت حق المعرض وبصراحة أحس ارتحت بس انت إذا رحتي قولي أبي أشوف الدكتور في د.نقولا و د.طوني اللي يطلع بالتلفزيون د.نقولا عنده جهاز دقيق وايد يسويلج فحص ب75د.ك ويقولج كل الأمراض اللي فيج وشنو أسبابها وشنو علاجها ( الفحص مو اجباري بس وايد استفدت لما سويته قاللي أشياء أنا تعبانة منها من زمان وعيزت أفتر من طبيب لي طبيب ماكو فايدة كل واحد يعطيني علاج مؤقت أو مسكن أو يجرب فيني بس د.نقولا عطاني برنامج كامل وقالي شنو مشكلتي بالضبط وشنو أسبابها مع العلم اني ماتكلمت ولا كلمة عن اللي فيني وأحس كلامه عدل وانا راح أجرب علاجه انشاءالله والله كريم بس يبي وقت شوية على ماتبين النتيجة )
وبالنسبة حق برنامج الجوجوبا ترى يختلف من واحد لي واحد على حسب كمية الدهون وكثافتها يعني في ناس يبين عليهم من أول اسبوع وفي ناس يحتاجون 6 أشهر
انتي روحي سوي الفحص وقعدي مع الدكتور إذا ارتحتي حق كلامه اخذي الأدوية وإذا ما ارتحتي مولازم تاخذين شي
وسلامتج وآسفة على الإطالة

 

[rzaan77]

حبيبتى عناب شكلها بالطبيعه نفس الكنار وريل اختى كله ياكله على الريج علشان لا يزيد عنده السكر لونه احمر وصغير
بس اول مره اسمع عن هذا الدوى من الدكتور انشالله البنات يفيدونا

 

[MissChoco]

اول مره اسمع فيهم :×

 

[ms.mercedes]

انا اختي خذت الكورس الكامل وما فادها بشي

 

[ملكة الأحساس]

اشكر كل الاخوات اللي ردوا علي

وحبيت انقلكم تجربتي مع مجموعة جوجوبا العناب

بصراحه انا توكلت على الله ورحت حق المعرض وقابلت الدكتور نقولا اللي مخترع المجموعه

وطلعت المجموعه عباره عن اعشاب لسد الشهيه وتصريف الماء المخزن بالجسم ويساعد على التنحيف تاخذ قبل الفطور واذا دعت الحاجه مرتين في اليوم
واعشاب اخرى تاخذ ايضا بعد وجبات الأكل عباره عن اعشاب ازالة الدهون عن الكبد وتنضيف مسارات الامعاء
وكريم للأزالة الدهون ولتخفيف السيلوليت وشد الجسم

انا شريت الأعشاب كلهم بس باقيلي الكريم لان قالولي مافيه بيوصل بعد اسبوع وللحين ناطره وماجاني شي

قالوا على اليوم بيوصل وكل يوم يقولون اليوم الفلاني ومايوصل يقولون فيه تاخير في الشحن على مايوصل الكويت

المهم انا سالت الدكتور عن المجموعه قالي بالنسبه للي عندهم مشاكل في الجهاز الهضمي ممكن تاخر عملية فقدانهم للوزن الزائد اكثر من غيرهم وبصراحه انا اعاني من بعض المشاكل

وقال انه الاعشاب تقعد اتنضف الجبد اول لين تنزل على الامعاء

وقلتله انه الناس تقول طعمها مر قالي اخذيها مع عصير اناناس وفعلا طعمها عاااااادي جدا اشربها مع عصير العلب ABC

لان لها كذا طريقه لاستعمال فيه مع الماي ومع عصير الليمون ومع جريب فروت انا جربت الماي حده لووووووووووووووووعه مو حلو بالمره

وبصراحه اللي للحين ما اشوف له فايده اهو قاطع الشهيه مادري دقيت عليهم قال يبيله تستمرين عليه اكثر لين يجيب فايده

والحين انا خسرت 4 كيلوات ونص خلال 12 يوم
بس هاااااااااااااااااااا بدون ما اسوي اي رياضه ولا رجيم الأيام الاخيره قمت اسوي ريجيم بس لج عليه يعني الغداء اكل اكل رجيم والعشاء اخربط فيه وهكذا بس من الحين وطالع بالتزم بالرجيم ان شاءالله

وحبيت انقل لكم تجربتي مع اني كنت متردده حيل وقلت بجازف في هالدواء لان بعض اشخاص خوفوني منه وانه مايجيب فايده واشخاص مدحوووه بس الحمدالله شوي شفت نتايج مشجعه نوع ماء​

 

[sanyoreta]

ماعندي فكرة

 

[صدى الأفراح]

طيب مرخص من الوزاره؟ حسيتي بأعراض؟ معقول ما له أضرار جانبيه؟ كم سعره ونزلتي من غير ريجيم ولا رياضه؟

 

[أم الطيب]

نقوص العااااااااااااااااااافيه ياعمري

 

[ملكة الأحساس]

طيب مرخص من الوزاره؟ حسيتي بأعراض؟ معقول ما له أضرار جانبيه؟ كم سعره ونزلتي من غير ريجيم ولا رياضه؟

انا سمعت انه مرخص من وزارة الصحه الامريكيه

والايام الاوله لما كنت اشربه كنت احس بالم خفيف لما ينزل للامعاء يمكن قاعد ينضف ولا مادري شسالفته

وعن الاضرار مادري ليما الحين علمي علمج الله يسسسسسسسسسسسسسسسسسسسسسسسستر :cxxxp::0bee2e8d89:

 

[ملكة الأحساس]

نقوص العااااااااااااااااااافيه ياعمري

أم الطييييييييب

ربي يعافيج ويخليج لعينن ترجيييييييييييييج قولي آميييييييييييييييين :hjy5jewf: :sfg::nbvppw:

 

[ام مهودي]

يالله جربي وقوليلنا

 

[جوجو.]

شغل عدل بس خلص المعرض وين نلقاه ؟؟؟ وبجم ؟؟

 

[sanyoreta]

ماشالله عليج ملمه الاحساس
موفقه ياقلبي والله يبعد عنج العين
وانشالله توصلين للوزن المطلوب

 

[مهندسة كهربائية]

مشكوره عالموضوع الشيق

 

[Hams^Al7arayer]

موفقه وياريت تعلمينا بالنتايج اول باول ومشكوووووووووووره

 

[ظلال القرآن]

شو الاخبار