اختي و الزفت الفيس بوك

[لؤلؤية]

الله يهديها

 

[إماراتية طر]

رد : اختي و الزفت الفيس بوك

الله يهديها ويسترها..... نصحيها قبل لا تستوي مصيبة وتنتشر صورها.

 

[toofy]

عندنا وعندج خير عسسسسى ما نكلم هل مرراهقات الا هبو بوجيهنا الي عندنا طاااااااااااااايحه بالصراخ احاجيها بهدوء وهي تصرخ نظام خذووهم بالصوت لا يغلبوكم بس انتي خلج حازمه وعلمي امج قوليلها لو ما احبج ما سويت هشي انتي توج صغيره ومو فاهمه
هذي مو كفو لاب توب اسحبوه منها لا تضيع نفسها وهي ما تدري ديري بالج ترى هذي مسوؤليه قولي لامج لابوج قبل لا ضيع اختج

 

[شووكولاته]

حبيبتي هاذي ياهل سفيهه للحينج ساكته جيكي شوفيها حاطه قولي لأبوج كل شي ووديله اللابتوب خيشوف بعينه خلها تتسنع

 

[فوفو..]

الا الصورررر امنعيها باي طريقه تصيح والاترفع صوتها ماعليج منها....

 

[كويتية222]

قولي لامج شنو هالمصاااخة بصراحة حرتني الردود يعني هالرفيجات تضمنين مافيهم شاب متخفي باسم بنت والا تضمنين ان البنات رفيجاتها ما يسحبون صورها ؟!!
عشرة الحريم ما طووول
قولي لها بقول لامي لكن قبلها سويلج حساب بالفيس بوك وخل تضيفج وياها وشوفي الصور ان استمرت صورها موجودة قولي للوالدة

 

[ام خالد 78]

الله يهديهاا

 

[aṕriliå]

.


قوليله فرضا وآحد من العايله دخل و عرفج شنو رآح يسوي !
و قوليلها شنو نظره الشباب عن هالنوعيه من البنآت
حآولي تدخلين بالسالفه أحد كبير
يعني آختج الكبيره عشان تفهمهآ الوضع معآج !
قوليلها و تعاليلها بالسياسه مو بالتهديد ..
لأنه آختج بمرحله مراهقه يعني بكلمه وحده تنزعج و بكلمه وحده تهدأ


عسى الله يهديها يا رب

معاها ..

 

[chakletaA]

بالحوار والتفاهم ترا انا كنت غبيه ايام المراهقه
وكنت حدي نفس اختج ضحيه رفيجات طايشين
بس ماكان في احد يرشدني ولا يهددني الحين بفضل الله
ستر علي ولم يحدث شي ولله الحمد بس الجيل اليوم يحتاج للاهتمام
والاصغاء الجيد قبل المجتمع الخارجي المراهقين طبيعيا تفكيرهم جذي
بس بالحوار العائلي والتفاهم اعرف شلون اصلح جزء من المجتمع

 

[LuLiTa]

اوكي و بعدين ؟


تقدر تختار اوبشن انه حسابها يصير مخفي ,,, يعني كأنه مشيول خير شر ,,و محد بالفيس بوك يقدر يعرف حسابها و يلقاه و يشوفه الا اذا اهي ضافته ,,,

 

[شوشو الشقيه]

يسلمو اختي
مشكله الصغار ومراهقين لو دشوا النت
ما يعرفون يتحكمون في نفسهم في دخولهم للنت
من خلال الفضول واكتشاف وتجربه
لو لاحظتي تره دخولها لهذه المكان فقط للفضول واكتشاف حلاوة موقع فيس البوك
شيء جديد عليهااااااا فيكون حلو عندهاااااااااا
ابي اعرف شنو الحلو في الفيس البوك
ما فيه شيء جديد

هي مشكلتها الحين تحسه حلو
فلازم تخلينها تكره هذا الشيء

اذا نصحتيها انا اقولها لج لن تقتنع لان راسها عنيد مثلي
اعرف هذا الصنف من بنات الي راسهم عنيد مثلي
لا تتعبين نفسج معاها
اذا شيء في راسهاااااا تسويه تسويه
فانتي هذا الصنف من البنات اخذيهم بالهداوه وتسايرينهاااااااااا
اذا مشيتي معاها بالعناد تره تركب راسهاااااااااا وتعاند اكثر
يعني اختي مشكله البنات عنيدات
اختي ليست مشكلتها فيس بوك
اختج انا اقول لج عنيده
اذا ما دخلت الفيس البوك بتدخل مكان ثاني
فانتي لا تهاوشينهااااااااااا اخذيها بالهداوه هذا الصنف بالطيب تكسبينهم
جلسي معاها كلميهاااااا قولي لها بالحب
تره اذا كلمتيها بقساوه بتكون اقسى منج
قولي لها يا اختي انا اخاف عليج وانا اعزج
احنا خوات لازم نكون في يد بعض فكري في سمعة ابوي
لو عرف انج تدخلين فيس البوك
شنو بيقول عنج وابوي بيفقد ثقته فينااااا
هذا الصنف تثيرين عاطفتهم بالاهل
بتشوفينهاااااااا عشان ابوج بتترك الفيس البوك
وبتترك اي شخص تكلمه لو كانت تعزه كثير
قولي لها ابوي وامي مسكينه وانتشر سمعتج بين الشباب وجذي وجذي
المهم .......................................................الي اخره
بتشوفينها تسمع كلامج
بس اخذيها بالحب وحنان تشوفينها تسمع كلامج
عطيني اخبارها بليز
بعد ما تشسوين الي قلته لج
عطيني اخبارها شنو كانت رده فعلها

 

[F A R A W L A]

حبيبتي ديربالج ع اختج
ترى صوووره دام انحطت على فيس بوك
الكل بيشووف من اصدقائها
ومادري اختج شلوون حاطه الحمايه حق account مالها
يعني بس رفيجاتها يشوفون ملفها ولا الكل؟


حاولي معاها ... وكلش كلش كلمي امج
واذا مافاد
كلمي ابوووج .. ترى سالفه مو لعبة

 

[sunshine☼]

والله لو انا بدالك إني لا أعلم أمي واخليها تتفاهم معاها ...

قال مالك شغل قال .. هه

الله يهدي هالبنات بسسسسسس

 

[jaaanooo]

حبوبتي لصراخ عمره ما يجيب نتيجه ... خليج معاها حتى لو تدخلين تضيفج على الفيس بوك مالها ... وعينج عليها .. واقنعيها ان على الاقل الصور الي تحطهم انها تكون صور مافيها شئ .. بعد شنو نسوي سن المراهقة صعب الواحد يتحكم فيه .. الله يحفظها ويحفظ بناتنا من كل شر

 

[Miss McDonald]

• علمي ابوج شنآطره !؟

 

[دلوعه ناعمه]

قولي لامجوابوووج شيفيدج اذا باجر انتشرت الصور اتصارخ شووووي وتسكت شتسوى على ابوووج باجر الفضيحه انا اقول علمي ابوج وخلييي اهويتصرف

 

[TIC TOK]

الله يكون بعونج لوووووووووووووووووووووووووووووعه ماتنلامين

 

[الليدي ديانا]

اذا بس ضايفه اهلها و رفيجاتها عادي ما اشوف فيها شي

اما اذا ضايفه غرب علمي امج عنها و اهيا تتصرف

 

[سآق نملة]

الله يهديهاا ..

كلمي الوالد قبل يتمادى ..

 

[Lays BL.ketchup]

رد: رد : اختي و الزفت الفيس بوك

اننزززين اذا بس ضاايفه رفيجاتهااا والاهل لاتحااتتين
تقدر تحط بالاوبشنز ان ماحد يقدر يشووف الصووور غير الفرندز الي عندها
وحتى لوو عندها ناس من بررى
في اووبش ثاني ان ناس معينه من الفرندز تشوووفهم
انتي كلميها عن هالشيء دام مو رااضيه تشيلهم خليها تغير الاوبشنز

والله مدري شقولج صراحه

انا شخصيا ماآجوف انه الفيس بوك صج خراب بخراب :/

انا احط صوري الشخصيه وضايفه امي وناس وايد من آهلي يعني ،، والصور مايجوفونهم الا آهلي

انا مب مع الصور المخليه بالآداب ومب مع انه الوحده تضيف كل من هب ودب ع حساب الفيس بوك مالها

برآيي انج تكلمين الوالد اذا تحسين هالشي ممكن يتحمله!!! او ااخوج الكبير

والله يستر علينا وعليكم يارب

حبيبتي تأكدي اذا اهي ضايفة بس رفيجاتها و الاهل تقدر تحط برايفت يعني محد يقدر يشوف صورها الا اللي ضايفتهم
بنات خالاتي حاطين صورهم لأن مو ضايفين احد غريب و حاطين برايفت

بس اذا اختج ضايفة شباب او بنات ما تعرفهم لأ اهني مشكلة عودة قولي لها لا ترخصين نفسج و تخلين اللي يسوى و اللي ما يسوى يتطمش على صورج انتي منتي رخيصة و انا ما اقولج جذي الا لأني احبج و اخاف عليج << قولي لها هالحجي

أو وريها هالفيديو يعني حتى الاجانب يشوفون ان البنت لي حطت صورها بالنت يشوفونها بنت مو زينة و ان أي شي تحطه بالنت ما تقدر ترده أو تمسحه بسهولة
http://www.youtube.com/watch?v=VV_tnyFygyA

عسى الله يحفظها

أنا معاهم الفيس بوك مو الكل يقدر يدخله ويشوف الصور - وعن نفسي مو ضايفه الا رفيجاتي الروح بالروح واهلي بس ما احط الا صور اليهال - ونص الصفحات الدينيه مسجله فيها

فلا تشكين باختج وتخلينها تعاندج - ترا الفيس بوك صفحه خاصه حقها وحق رفيجاتها واهلها
فاذا الصفحه خااصه فيها محد يشوف الصور غيرها اهي واهلها والصور محتشمه خليها -
وحذريها ما تخلي الصفحه عامه حق الكل - وما تضيف شباب

ولا تخرعين الوالد والوالده على شي ما يسوى - احس بعض البنات مو فاهمين شنو الفيس بوك - اهو حاله حال الايميل تقدرين تستخدمينه بالحلال وتسولفين مع اهلج وتحطين صورج - وتقدرين تستغلينه بالحرام وتضيفين شباب وتنشرين صورج والعياذ بالله

انا ما اقولج خلي المجال مفتوح جدامها - لكن اذا اهي مخصصه الصفحه وصورها ساتره وبس ضايفه اهلها لا تداحرينها - وسويلج حساب وضيفيها عشان تتطمنين انها ماتضيف احد غريب

والله يهدي الجميع ويبعدها عن عيال الحرام :eh_s(7):