اختي و الزفت الفيس بوك

[الإسراء]

والله حاله .. صايرة هبة بعد .. ويضيفون كلمن هب ودب... والله الفيس بوك خراب في خراب ..
قولي حق أمج تحل الموضوع وايد أحسن .. والله لأن حرام تنشر صورها بالنت وانتي تعرفين هالأيام الدنيا مو مستحمله .. عيال ابليس بكل مكان

 

[اخت خالتهم]

لا تهددينهـا ..
والله الفيس بوك مااا احبـه الا للي صج اهلها يدرون و ما تضيف الا اهلها .. ومحد يقدر يدخل صفحتها


الله يهدي اختج وصاجه اللي قالت مثلي عليها

 

[••لـوسـي••]

رد : اختي و الزفت الفيس بوك

حاولي معها بالطيب كلميها وانصحيها وان شاء الله ربي يهديها وتترك هالسوالف​

 

[ملاك سعودية]

الله يصلحها وهى تمر فى فتره المراهقه
فانتى يا اختى تقربى اليها اكثر او اجلسي معها
يسلمووووووووووووووووووو

 

[! هُوْ وِينِه !]

آنتي مآ قصرتي كلمتيهآ بس آهي مو مآل كلآم
مآل كف يعدل مشيتهآ
يآإنج تكلمين آبوج ولآ إخوآنج
ترآ لآ فآت آلفوت مآ ينفع آلصوت
وبآجر لآ إنتشرت صورهآ بكل مكآن محد بينفعكم

 

[Japanese]

والله مدري شقولج صراحه

انا شخصيا ماآجوف انه الفيس بوك صج خراب بخراب :/

انا احط صوري الشخصيه وضايفه امي وناس وايد من آهلي يعني ،، والصور مايجوفونهم الا آهلي

انا مب مع الصور المخليه بالآداب ومب مع انه الوحده تضيف كل من هب ودب ع حساب الفيس بوك مالها

برآيي انج تكلمين الوالد اذا تحسين هالشي ممكن يتحمله!!! او ااخوج الكبير

والله يستر علينا وعليكم يارب

 

[آحسآس]

الله يهديها ,,,


حبيبتى تدرين حتى لو ان مسحت الصور موقع الفيس بوك نفسة تتخزن الصور فية ..

علمى اهلك عليها يمكن تحس بالخوف وتشيلهم ترا الفيس بووك كلة هكر خل تنتبة من هالشى ..

الله يستر علينا جميعا,,,

 

[um khaled]

وع وع من هالفيس بوك والله ساس الخراب

لازم امج تعرف على الاقل تحرمها فتره من اللاب عشان تتأدب

والله يعينج

 

[ضايعة بدنيتي]

رد : اختي و الزفت الفيس بوك

عسى الله يهديها ويصلح حالها يارب

 

[حجيه هيونه]

دام قلتي لها كذا مره ومايازت

علمي امج اهي تتفاهم معاها

 

[Čut!e Quèéи]

علمي ابوج عنها من غير لا تدري
عشان اذا خذا جهازها يشوف الصور بعيونه
بالله عليج لو وحده من رفيجاتها تقلب عليها
وتشهر صورها شنو راح يكون ردت فعل ابوج ؟؟؟؟؟؟
باجر الشباب اذا شافوها يقولون هذي وحده هايته صورها تارسه النت
منو يرضى فيها ؟؟؟؟؟؟؟
تدرين اسهل شي انهم يركبون ويهها على جسم وحده مفصخه ؟؟؟
ساعتها منو يقدر يجذب الصور ويصدقها؟ لايكون شايفين جسمها عشان يصدقونها؟؟؟؟؟
والله ان صورها راح تشوهه سمعتكم وتنزل راس ابوج و اخوانج
كل الشباب باجر يقولون لو فيكم خير جان بنتكم مو تارسه صورها بالنت
والله كلااااااام يجرح سوري مو قصدي بس لازم اقولج شنو راح يصير عشان تحطين بالج
روحي قولي حق ابوج قبل امج عشان امج لا تستر عليها وتسكر الموضوع

 

[fajorh]

تسلمون بنااات والله ماقصرتو وانشالله اسوي مثل مااقلتو و الله كرييم

 

[Čut!e Quèéи]

حياتي سوري يمكن اسلوبي مو حلو
اول مره اتكلم جذي بطريقه مو حلوه
بس لازم اقول هالكلام عشان تعرفين حجم المشكله
ترى احنا مجتمع ما يرحم والديره صغيره بسرعه ينتشر فيها الخبر
باجر والله تقاطعون الناس والسبب صور اختج منتشره بالنت وكلام الناس مايرحم مثل السيوف تغز فيج
الله يستركم ويحفظ هالبنت ويهديها مراهقه تشوف المراهقات الي اهلهم مايدرون عنهم وتقلدهم حسبالها عادي

 

[كراميلا مرة]

والله هذا اللي مخرب هالجل
توني البارحه اتكلم انا احنا واحنا صغار عشنا على التلفزيون بس وكنا مقتنعين وشحلاتنا والحين ماضل شيء ماطله وهذا يخوف

ويسبب مشاكل واغلب مشاكل هالجيل من هالفيسبوك وغيره
حاولي تكلمينها بدون صراخ وتقولين لها قصص بنات اخذو صورهم وركبوا عليه صور مو زينه يمكن تخاف

 

[fajorh]

لا عادي والله معااج حق و قااهمه كلامج حبيبتي تسلميين

 

[سنجوبه]

رد : اختي و الزفت الفيس بوك

بسيطه حبيبتي اذا قعدتو بالصاله وكان الوالد وياكم قطي نغزات ان الفيس بوك مسخره وفي بنات ايحطوون صورهم اشكره ما يخافون من ربهم ولا رادين على احد بس عاد وين رايحين بجيكوونهم اهلهم بيجكوونهم وخزي اختج وراح تنجعم وبعدين كلميها بروحها ( قوليلها شوفي انا قطيت نغزات جدام ابوي بس والله المره اليايه والله لآوريه كل شي لاني نبهتج وانتي ما سمعتي الكلام وتحملي اللي اييلج ... وشوفي شلون راح اتخاف

 

[Hola.123]

انا اقوولج من دون لاتقوليلها بقول حق ابوي ........ روحي اخذي لابج و دخلي على اليس بوك عند صورها ... و روحي وريهم ابوج ..
و انتهت المشكله راح تنحل

 

[صديقه فله]

حاولي معها بين فترة واخري بالكلام الزين وقربيها منج اكثر أكيد راح تفهمج انج تخافبن عليها وتبين مصلحتاها

 

[غآلي يآ ابوي]

أول شي قوليلها انتي بنت متربيه وعارفه الأدب والأصووول وبعدين مو من عاداتنا وأصولنا إنا انحط اصورنا وبعدين هاذا شي حرااااااااااااااام والله باجر تبجين دم بدال الدمووع:eh_s(16)::eh_s(16):

وثاني شي سأليها بكل صراااحه وقوليلها انتي ليش حااطه الصوره؟؟:bbbiu: وقوليلها اذا الصبيان اللي اهم اصبيان وعادي يحطون اصورهم ماحطو اصورهم وبعدين باجر مايسوى عليها احد يبووق صورتها ويحطها بالفوتوشوب ويفضحها وانتوو عارفين الفوتوشوب وشنوا يسوي !!
وبعدين اهي عمرها 14يعني صغيره وانشاء الله يهديها:yaaaaaarb: وبعدين اتفقي انها تمسح صورتها ودوريلها صوره من النت وتكون حلوه وقوليلها هاذي الصوره حلوه حطيها بدال صورتج مو احسن وصدقيني راح تقتنع :eh_s(15):

 

[عشق ريلها]

بل احسها يااهل وينهاا ويين هالسوالف
أحسن طريقه انج تروحين وتخلين محد يشوف صورها الا رفيجاااتهاا
لانه حراام تتشوه سمعتها وسمعتكم يميع :/