احنا المطلقات مو بشر ..............؟؟ !!

[حبك من الله]

الله يهداج حبوبه طنشي

انت سوي اللي عليج واستعيني بربج والحمد لله كاهي بنتج جدام عيونج

وبالج مراتح عليها

خل وياها ونسيها واذا كبرت صادقيها بالاخير اهيه بنتج والظفر مايطلع من اللحم

وزواجج الاولى يعتبر تجربة ماتكللت بالنجاح سواءا انت السبب او طليقج

بس مو معناته تتمين من غير زواج لا والف لا

تستفيدين من تجربتج السابقه ويكون عندج دافع قوي لخوض تجربة افضل من اللي قبلها

والحمد لله ان ريلج يحب بنتج ومعتبرها مثل بنته

وبالاخير المطلقات سواءا العيب فيها او في ريلها انسانه ومن حقها تتزوج وتعيش حياتها

وتستانس حالها حال اي وحده مو طلقه

والكلام اللي ينقال عن المطلقات اللي يقوله مو واعي ولا ينوخذ كلامه بعين الاعتبار

بالعكس يعطيج دافع انج تثبتين عكس اللي ينقال

اما مو ام شدعوووه عشان بتعيشين حياتج صرتي مو ام

وبعدين لكل مطلقة ظروف

فيه مطلقات ربي رازقهم بكوكش يهال وشافت الهوايل من طليقها وتبي تربيهم وماتي تتزوج

اهنيه نقول عنها شافت من الدنيا لين عافت

مانلومها او نخلي كل المطلقات يسوون مثلها لا

وفيه منهم من تتزوج وهم وراها كوكش يهال هم نعذرها لانها تبي الستر

وتبي تعف نفسها بالحلال .. مانلومها حرام اذا الله محلل هالشي شحقه نحرمه عليها

لا بالعكس تروح وتتزوج وتستانس بالحلال

يعني المجتمع للأسف اللي يبيه زين يقول زين والا مايبيه زين يقولون وووع وفضيحه وعيب وخزي

لو اهوه حلال

استغفر الله صج مالنا حق

 

[المها الابيض]

لا ياعمري اكيييد انتي بشر ومن حقج تتزوجين والله يهنيج ويوفقج
وبنتج بس تكبر ماراح تلومج لانج تزوجتي

 

[$$king moon$$]

الله يسهل امورج
وزين سويتي تزوجتي

 

[جادل سبيع]

بالعكس ماشاءالله الله ايوفقك خيتي عين العقل مو امقصره مع بنتك ولا حرمتي نفسك دامك مو امسويه منكر ومرضيه ربك ارتاحي شتسوين يعني هذا نصيبك يالغلا وماشاءالله الله ايهنيك مع زوجك وايخليلك الوالده وبنتك قرة عين يااااااااااااااااااارب..

ويبعد عنك كل مكروه وضر..

تقبلي مروري.