احنا المطلقات مو بشر ..............؟؟ !!

[بوغاتي88]

الله يفرج همج

 

[حجيه هيونه]

توكلي على ربج وخلي عنج الناس ترا راح تتعبين لو اهتميتي فيهم

 

[Angel-Lady]

انتي قاعدم اتسوين شي يغضب ربج؟ و لا شي ما راح يرضى عنه ابوج او امج ؟

طاف كلام الناس لان ما راح يفيد

ربج ما منع الزواج للمطلق و المطلقه، باي حق اهم يمنعونه و لا يمنعون الامومه؟

مادام انتي مو مقصره و ان شالله ربج راضي عنج و امج و ابوج ما عليج من الناس... يمكن اصلا اهم مطلقات و لا احد قريب منهم مطلق و ما حصلت الي حصلتيه .. فالي ما يطول العنب يقول عنه حامض :] لان عندج عقليات الحمدلله و الشكر يا رب لا تبلينا

و الحمدلله الله ييسر لج الزوج الزين الي يعوضج انتي و بنتج كل خير ان شالله

فقولي الحمدلله على النعمه و خلي الناس و كلامهم الفاضي على الله اهو ياخذ الحق منهم يوم القيامه :]

 

[سفيره الكويت]

المطلق او المطلقه غالبا ماينظر لهم المجتمع بالنظره انهم الغلطانين ومقصرين كانو بزواجهم ..!

بنتج قاعده عند امج وانتي مو مقصره معاها وزوجج اليديد شكله طيب الله يوفقكم ولا تحطين وساوس براسج ترى بتتعبين..!

 

[أم ميميتو]

مو كل مطلقه ما تستحق لقب ام انتي سويتي كل شي عشان ما تنحرمين من بنتج الله يخليها لج انا بقولج منو الي ما تستاهل لقب ام اختي الكبيره اي اختي ما تستاهل تكون ام من قبل ما تطلق من زوجها و عيالها مشتتين بين بيت امي و بيت يدتهم ام ابوهم وبعد ما تطلقت من زوجها و عندها خمس عيال خذت اصغر اثنين والباجي قالت ما ابيهم ماقدر اتحملهم قطتهم على ابوهم حتى بنتها الوحيده الي بين خمس صبيان خلتها عند ابوها و عيالها الاثنين ضلو عندها فترة سنتين او ثلاث سنين بس طبعا مو دايما عندها لا ساعه عند امي و ساعه عندها لنا قررت تتزوج زواج رسمي و تقعد خذت عيالها اثنينهم و قطتهم لانها حامل و تعبانه و ولدها الصغير كانت داعمته سياره و ريله مكسوره ما تقدر تشيله و تحط هو كان عمره خمس سنوات عاد ابو عيالها رفع قضية يطالب بحضانة عياله لانها قطتهم على امي و الباجي عنده طبعا ما احضرت لان كان يايب اوراق تثبت اهمالها لهم غير التقارير الطبيه لان كان وايد تطقهم مو شوي ولدت و يابت بنت و نست ان عندها عيال كأن هاذي او بنت عندها اخر مره شافتهم قبل العيد بشهر تقريبا حتى ما تاخذهم بالعطل ولا تكلمهم ولا تدري عنهم على فكره اهي مو كبيره عمرها 29 بنظرج هل تستحق تكون ام*

 

[أم ميميتو]

احنا من الاساس مو معترضين على فكرة الزواج الثاني بس على الاقل تشوف عيالها مره بالاسبوع او حتى بالعيد مهنا نتكلم مافي فايده اذا الطوفه حست اهي تحس كلنا قطعنا علاقتنا فيها وما نكلم ولا ندري عنها الحين حملت مره ثانيه و طلع فيها رومانيزم التهاب شديد بالعظل و ماقدر تمشي تقعد على كرسي و بولدونها بالشهر السابع هذا كله مت دعاوي امي عليها و حوبة عيالها المساكين وهم ما حست ولا ذكرت عيالها*

 

[mmloo7a]

المطلقة مالها ذنب

موكل مطلقه مالها ذنب
الوحده تتطلق عشان سبب قوي او ماتقدر تعيش مع هالريال لانه صج موزين ومتأكده ان كان يخون او يلعوزها ويطقها اي

بس اللي تتطلق على سبب تافه وتقول ريلي ماعجبني شكله وباخذ غيره حسبالها الزاوج لعبه وكل يوم لها ريل او اهلها غاصبينها او قالت يالله بتزوج فوقه وتتطلق بعدها وتقول الرياييل كلهم موزينيين وتعيش دور اللي مطلقه ومظلومه وظلمني وهي جذابه

اقولها استريحي

انا ما الومج لانج تطلقتي وانتي توج شباب وتزوجتي واحد سخيف وماتهنيتي معها المطلقات معظمهم يكون العيب من الريال اللي متزوجينه نفسه مو منهم والزواج مو عيب ولا حرام بنتج مراح تحقد عليج بالعكس راح تحبج بس راح تفتقد ابوها الصجي ما ادري احس اللي سويتيه صح وليش انتي حاطه ومصره ان بنتج راح تكرهج وراح تحقد عليج بالعكس انتي صغيره مو بالاربعين وانتي ماتزوجتي علشان تعيشين حياتج بالعكس علشان تعيشين بنتج واصلن حتى لو سوتلج جذي وكرهتج عيالها بيسولها نفس الشي هي لحد الحين صغيره واذا كرهتج او حقدت عليج بتعرف اذا كبرت وتزوجت واحد تافه بتعرف انج ليش تزوجتي وماعليج من الردود اللي بموضوعج الثاني

حبيبتي خل اقولج شغله

الريال لمن ياخذ قرار الزواج مايتزوج عشان يطلق
الا فئه قليله اللي عاهات

الريال لي خذا قراره خلاص يبي يستقر ويتكلف من الى

مومعقوله بعدها يفكر بالطلاق الا اذا شافها مهمله

وثاني شي اهو اللي بيعيش مع وحده مختارها ويبيها
مو وحده هاملته
اكيد بيروح يخون ويدور غيرها وبيحط عذر عشان يبيج تتسنعين

وللي بتقول بخيل اقولها يمكن عليه اقساط وملزوم بمصروف البيت والخدامه واليهال وموملزوم كل مره يعطيج شي

وللي تقول مايقول كلام حلو
اقولها انتي تقدرين تخليه يقول كلام حلو يعني لاتقوليله انت ماتقولي كلام حلو لاتحسسينه انه مقصر معاج وكل شوي متشكيه عند اهلج مايسولف مايتكلم مايحبني

يعني يا ياخذج واحد بحصان ابيض ويعيشج برومانسيه ولا مابي ؟



بصراحه اغلب البنات موعاجبهم شي


لكن اذا صج الريال طلع موكفو زواج ومايتحمل مسؤوليه وكله هايت ودواوين وهامل زوجته ويخونها

اهو الخسران :eh_s(8):


يعني الوحده لازم تقعد تفكر او تتخيل انها مطلقه

وتستخير

شنو بعد الطلاق ؟

وين بتعيش تأمن نفسها

لكن الطلاق ولله يا بنات عذاااااااااااااب

معروف المطلقه يقل نصيبها كل مازاد عمرها

لان اللي بياخذج يا مطلق يامتزوج

يعني حطي ببالج لي تطلقتي لاتفكرين بالزواج خليه بالحظ

وماراح ايي اللي فبالج

عشان جذيه اقول حق البنات فكروا عدل قبل الزواج او قبل لا ايي واحد يتقدملكم

اشوف اغلب نسبه الطلاق من الحريم يخربون على بعض وفلانه تنصحها وتتطلق
وتقارن بين صديقاتها المطلقات او اللي متزوجه ومتهنيه مع زوجها وتقارن بنفسها
بتكره حياتها وبتكره زوجها


انتوا فكروا عقب الطلاق ترى اهلج ماراح يفيدونج ومودايمينلج
فكري بمستقبلج عدل

مسألة الطلاق موسهله ولا لعبه


الا اللي شايفه حياتها جحيم وموقادره تعيش مع هالشخص

خلوا الطلاق اخر قرار لانه بصراحه صج صج صعب

 

[G!RLooNa]

الله يخليلج بنتج وانتي من الاول تبينها معاج و ما سكتي لما طالب بحضانتها

منو اللي ما تستاهل تكون ام ولا يستاهل يكون ابو ؟؟

لما يتزوجون لا اهيا تبيهم ولا اهوا يبونهم و يقطونهم عند اليد واليده و يقولون كاهما ما عليهم قاصر هذول مو كفو يتموا عيالهم و اهما عايشين

اصلا شلون ام يطاوعها قلبها تعيش ويا ريلها الثاني وعيالها منه و قاطه عيالها من الاول بعيد عنها لو مهتمين فيهم لو تشوفهم كل يوم بس يتمون مو عندها ويشوفون اخوانهم عايشين مع امهم و ريل امهم واهما مقطوطين عند اليد واليده

 

[ماني من الناس]

زين يعني الحين ممنوع بنتج تعيش عندج ما فهمت ؟؟

والله يوفقج حبوبه

 

[انثى عاشقة]

انتي صح ،

الله يوفقك بحياتك يارب العالمين ، المشكله في اشخاص اذا ما عاشو بالموقف نفسه ما رح يحسو بمدى اهميته .

معاها ​

 

[om-3azo-83z]

طنشي بردود البنااااااااااااااااااااااات

 

[حواء ناعمه]

حبيتي غنتي صح والحمدلله الحضانه صارت لامج بس حاولي كثر ماتقدرين تخلينها في بيتج بعد تدرين البيت العود اكيد بيكون فيه ناس وقرايب واحنا بزمن الواحد مايامن على أطفاله ماابي اخوفج حبيبتي بس حبيت أذكرج لاتنسين اذكار الصباح والمساء وانج تدعيلي بكل صلاة الله يحفظها


ولما توصل لسن الصلاة تامرينها فيها وتوصين امج بعد تامرها

تدرين ليش لانها لو تعلمت قيمة الصلاة بتعرف حقوقج لان في الدين رضا الله من رضا الوالدين وعلشان لما تكبر ماراح تقول انج قصرتي بالعكس بتقول انج علمتيها الصلاة وان اللي سويتيه حق من حقوقج مالها حق تحاسبج عليه



الله يوفقج ويريح بالج ويجمعج في بنتج أمين


وصج قبل لا انسى لو حصل وجبتي عيال ساوي بينها وبينهم بالمعامله علشان ماتغير


والله يعينج يارب

 

[غرور الريم]

حبيتي مالج شغل فيهم وانتي ماسويت شي حراام
والحمدالله ربي رزقج بالزوج الصالح و بنتج الحمدالله جدام عينج
وعيشي حياتج وموووفقه

 

[أم حورية]

بالعكس هذا من حقج مثل ما قلتي لاهو عيب ولا حرام

وبنتج راح تكبر وراح تعرف انتي شكثر ضحيتي عشانها وما تخليتي عنها مع انها عند امج بس انتي مو قاعدة تقصرين معاها وانتي من البداية شرطتي على زوجج وجود بنتج معاج وماصار بس انتي سويتي اللي عليج

وحتى لما صارت الحضانة عند امج انتي مو قاطتها وما تدرين عنها بالعكس احسن من غيرج اللي تخلي اليدة تربي وما تدري عن شي

خل اقولج مثال عشان تعرفين ان الدنيا بخير في وحدة اعرفها تزوجت واحد وتطلقت وكان عندها عيال وتالي تزوجت خوش واحد واليهال كانو عندها وصار مثل ابوهم وكانو حييل يعزونه تالي توفى ابوهم وورثو من ابوهم وشرو بيت وسكنو مع امهم وريل امهم بالبيت يعني من كثر ما يعزونه سكنو ريل امهم بالبيت اللي شروو من ورث ابوهم

مالج شغل بالكلام الفاضي اللي ينقال ويمكن البعض قصده عن تتزوج وما تدري عن عيالها اما انتي مو مقصرة وكل اللي عليج سويتيه وقاعدة تسوينه

عسي الله يسعدج ويهنيج وان شالله تشوفين بنتج عرووس *

 

[خليفة العظماء]

الله يعين

 

[Kensington]

محد حط نفسه بوضعك انتي ماسويتي غلط
البنوته بعد تبيلها خوان
زوجك السابق سوا كذا انقهر يبيك بس تقعدين تربينها
وامك ميب مقصره وهي عندك مافيه فرق بينك وبينها وزين سويتي
اصلن حتي لو ضحيتي وقعدتي علي بنتك بعد تهقين بيسكتون بيتكلمون
لاتلقين بالك لكلام الناس

 

[حضريه وااايد]

عطيهم اكبر طاف

والله يهنيك​

 

[قل علها خيره]

معآآآآآج حق والله .,’*
عطييييهم طاااااف داامج رااضيه عن نفسج وواثقه من روحج ,’ !!

 

[فدوووو]

الا بشر ونص

واللي ايده بالنار مو مثل اللي ايده بالماي

 

[روج بنكي]

كلامك صحيح 100% بس الناس ماتقدر ولايحطو نفسهم بمكانك

واختي اظم لك الارامل بعد ليش تعيشي وحدك وتكملي حياتك وحدك مو عيب او حرام انك تتزوجي مرة ثانية الصحابيات اللي هم افضل مننا منزلة تزوجو ونجي احنا الا فينا عيوب وفينا مساوء نترك المهم ونركز على الزواج هيب ومو عيب هذي سنة الحياة

لا تاخذي كلام احد واعملي اللي العادة جرت عليه حبيبتي ما احد احسن من احد

واذا البنت لين تكبر ماحتقول لامها اللي ماحتدخل الجنة الا برضاها عليها ماما لانها اتزوجت

فأكيد ماحتقول لأبوها بابا لأنه هو السبب فتعاسة امها وهو اللي طلقها