احنا المطلقات مو بشر ..............؟؟ !!

[لمى...]

السلام عليكم


شخباركم بنات ...........................................

وانا اقلب في المنتدى شفت موضوع عن المقارنة بين العيال والزوج الثاني ....... :eh_s(4):

والكل تقريبا يلوم المرأة المطلقة اللي تتزوج مرة ثانية ..........



بعضكم يلومها (( وأكثركم قال انها ماتستاهل كلمة أم ولاتستاهل تكون أم )) :eh_s(2):

كلامكم يعور وخلاني أقلب في الماضي

حرام والله حرام اللي قلتوه قعدت أتسائل هل بنتي لاكبرت راح تقول عني

جذي صراحة حسيت بحرقة لما اتخيلتها تقولي كلامكم............. :eh_s(2):

انا تطلقت صغيرة تقريبا عمري 21 او 22 وماقعدت وايد مع الريال اللي كنت متزوجته

وكنت حامل في بنوتتي وولدتها وربيتها وعطيتها كل حنان الدنيا مابخلت عليها لاماديا ولامعنويا ولاشي............

وجاني رجل يخطبني يبيني وانا بعد بغيته ماأنكر لاهو عيب ولاحرام

خفت تأثر هالسالفة في بنتي وترددت واهلي قالو انتي صغيرة وماراح نخليج تتمين جذي يااهو

ياغيره وصدقينا بنتج نفسها لو كانت كبيرة راح تقول نفس كلامنا حرام تظلمين نفسج

بس ماتقعدين بدون زواج ووافقت ................

وطبعا قبل موافقتي قلت لازم بنتي معاي قال وبنتج قبلج بعد .الحمدلله ريال طيب وماعليه قصور

وجت الطامة الكبرى أبوها الخايس قعد يطالب فيها بالمحاكم واهو ولامرة شافها ولاصرف عليها

وخفت على بنتي وماتهنيت بزواجي اول 8 أشهر من زواجي هي اتعس ايام حياتي

بسبب والد بنتي اللي ماخلاني اتهنى والحمدلله فزت بالحضانة بس صارت الحضانة لأمي

مو لي قلت الحمدلله على كل حال أهم شي ماتفارق عيوني .............

حسبي الله على أبوها الحين انا قاعدة اخذ بنتي بالخش والدس لبيتي

زوجي الحالي يموت فيها وهي واااااااااااااايد تحبه وتعتبره ابوها ........

وكل يوم انا عند اهلي تقريبا عشان ماأحسسها ببعدي رغم اني

ملاحظتها متعلقة بأمي أكثر مني وهالشي صج مضايقني بس شسوي...............


بنات هل انا ماأستحق ينقالي أم :eh_s(2):

هل بنتي اذا كبرت راح تحقد علي وتكرهني وتلومني :eh_s(16):

يعني شسوي مأتزوج واقعد طول عمري عزبا وبالأخير يزوجوني اهلي ريال جبير

أو بنتي تتزوج وتتركني والتفت حولي والاقي روحي كبيرة لازواج ولابنت ولاأم ولا أب

واذا تزوجت زي ماسويت تقعدون تقولون مانستاهل لقب الأم واننا احنا المطلقات مايهمنا

الا الزواج والاحم احم..............
:eh_s(4):
ليش احنا مو بشر يالمطلقات مانستاهل عيشة حلوة زي غيرنا ليش هالظلم ..........

والله ماقصدي الا فضفضة من هالموضوع لأني صج صج صج تأثرت لما قريت التعليقات.........

يارب رحمتك يارب ...................... :eh_s(11):

 

[زوجة عزيز]

الله يعينج ان شاء الله البنات يفيدونج

 

[لباسةالعقد]

بالعكس انت تمسكتي ببنتج لاخر لحظة والحمدلله الله رزقج بزوج صالح يحبج ويحب بنتج عسى الله يدوم المحبة واحمدي ربج ان ظروف امج مناسبة لسكن بنتج عندها انا عيالي متعلقين بامي برغم انهم عايشين معاي ومع ابوهم ومايشوفون امي الا بالزيارات بس احس انهم يحبونها اكثر مني يمكن لانها حنونة معاهم ومشاعرها حقيقية بالعكس مفروض تفرحين ماتضايقين

 

[Queenleo]

وانتي شلج بالردود السخيفه
هذول بس يتفلسفووون ولاتلقينهم ميتين عالزواج
من حقج شرعا تتزوجين ووالشرع كفلج هالشيء
ووتوج صغيره
شكو تدفنين عمرج بالحيا
ووبنتج ليش تكرهج!!!
لاحبيبتي علاقه الام والبنت اعمق واكبر من شيء جذي
رربج رحمج ووسهلج ولد الحلال الي يصونج
قوولي الحمدالله
وقطي هالناس ورى ظهرج
ووع لازم يتفلسفون بكل شيء
الي ايده بالماي مو نفس الي ايده بالنار
وموفقه حبوووبه

 

[جمبلو جمبليله]

يازين المطلقات احسن ناس بس في فئة من اللي يتطلقون يكون العيب فيهم مو من الرجال وتستغل مفردة مطلقه لاغراض


محرمه هذول الفئة خربوا على الباقي ،، قبل كم بنت تقول لاختي ودي اتزوج واتطلق علشان آخذ راحتي ؟؟؟؟

شهالكلام وفعلا سوتها تزوجت واحد واستهتار بالعلاقه الزوجيه معاه الله يستر عليها لين تطلقت منه على ولا شي يعني اهي

جذي ماخذتها رحله الى عالم ثاني يومين واتطلق ؟؟؟ بس حملت نفسها علشان تضمن اذا ما تزوجت بعدين عندها ولد

ويالله ،،،


الله الهادي لو خليت خربت ،، انا عن نفسي اللي شفتهم من اهلنا وقرايبنا ومن البعيد سيئات بس ما يمنع يكون في

بنات محترمات انفصلوا والسبب ضرب ازواجهم وحرمانهم من حقوقهم الزوجيه والخيانة من قبل ازواجهم

وترى يبين على المره المطلقه من حركاتها وتصرفاتها حتى لو تمثل انها زينه يبين حبوبه

الله يستر عليج ويرزقج بالاحسسسسسسسسسسسسسسسسسسسسسسسن ياااارب والخيره في ما اختاره الله

ودام الشي من رب العالمين محد يقدر يتكلم يعني هو ابغض الحلال لكن موجود من بين الحلول

 

[شادن33]

لاحبيبتي لاتهتمين والله يوفقج قولي امين

 

[مجنونة هع]

المطلقة مالها ذنب

 

[Mayoor]

لا حبيبتي انتي تستحقيق الامومه واكثر لانج ما تنازلتي عن بنتج

واهوا سوا هالشوشرة عشان يعفس حياتج شافج تزوجتي وبتتهنين قال خل اخرب عليها

عادي حبيبتي

انا اختي مطلقه وتطلقت لما صار عمر ولدها 3 سنين

وبعد سنتين تزوجت وكا ولدها في بيتنا


بس الفرق انه ريلها الاولي يزور ولده ويموت في امي وايد

وحتا انه للحين يحب اختي

بس حسبي الله على الي فرقهم حسبي الله

ومالج شغل بالردود الي تغث اخذي الردود السنعه

المطلقه الي عندها عيال حرام تتزوج

والريال لو عنده درزن عادي يتزوج وحده وثنتين وثلاث

اهيا تقعد تربي واهوا مستانس وما يدري عن عياله شي

 

[شافوك بحساسي]

حبيبتــــــــــــي انتـــــــي
انا بقولج انتي ماتستحقين كلمه ام اذا هملتي بنتج بزياارااتج لهااا وتناسيتيها وخليتيها عند امج اياام ماتمرين عليها
الومـــــــــج اذا كرهتي بنتج لانها بنت هذاك الرجال اللي مااخلااج تستاانسين بحيااتجح الثاانيه والومج اذا حبيتي عياااالج من زوجج الحالي اكثر من بنتج


حبيبتــــي انتي اللي سويتيه عين العقـــــــــــل عمرج 21 سنه ومعاج بنت وتحرمين نفسج من الزواج؟؟

تخيلي نفسج ماتزوجتي ليماالحين ..... شنااطره؟؟
تكبر بنتج وتزوجينها وبعدين؟؟؟ بتضلينن برووحج اهلج كلن شاف حياته وانتــــي ؟؟؟
بالعكس انتي الحين بديتي حيااه جديده وانشالله تكون خير عليج وبنتج قداام عيووونج عند امج ...شتبين اكثر من جذي؟؟

وصدقيني بنتج بتكون مستانسه اذا لقتج كل ماحتااجتج وانتي عاد تقدرين تكونين قد مسووليه هالبنت والله يخليها لج

سوري بربرت واااااجد ههههههههه

 

[مياسه الحساسه]

الله يوفقك ياارب
واللي سويتيه عين العقل
انتي صغيره يحقلك تتزوجي
والحمد لله منتي مقصره على بنتك وزوجك طيب معاها
الله يهنيكم

 

[منو انت]

لا والله مااحد يلومج توج صغيره وشباب ولج حق تكملين حياتج مع شخص يستاهل وبالذات ان هالشي لا عيب ولا حرام

وعلى فكره هالناس اللي تقول انج غلط ناس تتكلم لمجرد الكلام لانه صار هوايه وشغل اللي ماعنده شغل

وانتي بعد لج حق تتزوجين وبنتج بعد لها حق يصير عندها اخوان والحمدالله اهم شي انتي مرتاحه والباقي طقااااااااااااااااااااااااق

الفاضي يعمل قاضي


عسى الله يسعدج يارب

 

[!الجادل الصعب!]

قريت الموضوع الي تكلمين عنه وفعلا حيل بالغو بالردود
والبمات شطحوو وقاموو يدعون بعد !!
انا اقولج الي ايده بالنار مو مثل الي ايده بالماي ..
تطلقتي صغيره من واحد تافه .. شنو ماتعيشين ..
ما تزوجين ماتبين عيال بعد ؟!
هذا شرع الله ومايحرمه الا السفيه

ياما امهات مع عيالهم والام هايته والابو داشر .. يعني
هالفئه صارو احسن منج بس عشان ماتطلقوا!!

 

[ام يارا القمره]

عمرك من احسن عمر وبنتك راح تحبك اذا عندك ولد الله يعينك عليه راح بمرهم واعرف وحده عقب ماجابت ست عيال تطلقت وعقبها تزوجت وهذولي عيالها يبرون فيها
ماعليكي من كلام تافهات الحقودات هم الي يشوهون صوره الناس

 

[فلسفة جرح]

انا ما الومج لانج تطلقتي وانتي توج شباب وتزوجتي واحد سخيف وماتهنيتي معها المطلقات معظمهم يكون العيب من الريال اللي متزوجينه نفسه مو منهم والزواج مو عيب ولا حرام بنتج مراح تحقد عليج بالعكس راح تحبج بس راح تفتقد ابوها الصجي ما ادري احس اللي سويتيه صح وليش انتي حاطه ومصره ان بنتج راح تكرهج وراح تحقد عليج بالعكس انتي صغيره مو بالاربعين وانتي ماتزوجتي علشان تعيشين حياتج بالعكس علشان تعيشين بنتج واصلن حتى لو سوتلج جذي وكرهتج عيالها بيسولها نفس الشي هي لحد الحين صغيره واذا كرهتج او حقدت عليج بتعرف اذا كبرت وتزوجت واحد تافه بتعرف انج ليش تزوجتي وماعليج من الردود اللي بموضوعج الثاني

 

[أحبك أمي]

الله يوفقك
بس لاتنسى بنتك وحاولي تعوضيها الحنان اللي فقدته خلال الانفصال
الحمدلله هذي سنة الحياة

 

[انا لحبيبي .]

انتي صح ،

الله يوفقك بحياتك يارب العالمين ، المشكله في اشخاص اذا ما عاشو بالموقف نفسه ما رح يحسو بمدى اهميته .

 

[strong faith]

حبيبتي انتي صح

ماعليج من غيرج

عيشي لنفسج اولا , بعدين الناس

و بنتج تحبج و تتمني لج السعاده ...الله يوفقج و يهنيج

و امج ربتج , ان شاء الله ما راح تقصر بتربيت بنتج

تتهني يارب

 

[Mjnont '3lay]

ماعليج من الناس مدامج مرتاحه ومتهنيه قطي كلامهم ورى ظهرج حبيبتي

 

[اميره1980]

البنات كفو ووفو ما سويتي شي حرام
الاهم من هذا ان بنتج عندج و الحمدلله

 

[*درر*]

لاااااااا إحنااااا بشر غصب عن إلا ماااايرضى
خيير وسعي صدرك والحمدلله اللي ربئ عوضج
وشدعوااااا تكبريهااااا وهي صغيررره
النااااس ماااتسكت لو شنوووو يعني. لو متزوجتي
بتكلم ماااحد ساالم منهم
وبنتك ماافيهااا العاااافيه لاهي أول بنت ولاخر بنت تعيش كذااااا بكراااا تززوج بذن الله. وتعيش حيااتهاااا بالعكس وتعيش حيااتهاااا لو لنت قعدتي عشاانهااا بتقول ماااقلت لك مثل ماااتحسي
ان لهااا حق انت هم لك حق تزوجي وتشووفي حياااتك بعدين انت خلاااص تزوجتي شحقه توجعي رأاااسك يعني لوووووو بتركي زوجك وتطلقي مررره ثاااانيه أقول خيتوووو تعوذي من بليس
وتركي الكلااام اللي لإيودي ولايجيب والله يوووفقك