احلى تجمع لأمهات مواليد فبراير 2012 يااافديتهم والله

[بيادر أمل]

خليها ع الله وروود فيني بجية كبر البحر << ما اباالغ هههههههه
كلمته وانا ابجي استاذن من دواامه وتعشى عندي وهم ابجي واكلمه
ما فااد معاه اقوول شلون تناام معانا في غرفة وحدة عاادي عندكم !!احنا عيب تناام مع اخوانها في نفس الغرفة
يقوول ليش جذي هذه زوجة اخوي رااحوا معاها الواالدة اثنين من خوااتي وعاادي
قلت اي عاادي لانها راابية معااكم ولانها بنت عمكم لكن انا غريبة عنكم ولا اعرف طبع خوااتك على اني عندك سنتين بس ما عااشرت خوااتك ذيك المعااشرة اللي تخليني اعرف طبع كل وحده !!
طقت جبدي اخر شي قاال احتسبيها اجر
المشكلة انه حمويني ما عندهم اشغال وفااضين ولا احد رااضي يرووح معانا
خلاص قضي الامر
.
.

 

[بنت ذآك الأمير!]

بيدوره ميخالف خليها تروح واحجزوا غرفه اللي تجي طابقين انتتوا فوق واهي تحت
بصراحه احراج تنامون مع بعض بنفس الغرفه
والف مبروك زيوووونه

 

[اجمل الذكريات]

مرحبااااااا
بيااادر
ميخالف احتسبيها اجر وخليها تاخذ غرفه برووحها
زيوووون
ياعمري الف الف الف مبروووووووووك
انتي كنتي ناويه الحمال ولا بالصدفه

 

[بيادر أمل]

هو رافض انها تكون بغرفة بروحها

وهي عندها خبر انها راح تكون معانا في نفس الغرفة لانه قال لهم ما راح تكون بروحها


عادي عندي انها تروح بس معانا في نفس الغرفة ما اعرف أخذ راحتي
والله

 

[زين ودلال]

الله يعييييييينج بيدوره

 

[زين ودلال]

الله يبارك فيكم بنات ماقصرتوا

جموله لاااااااااا كلش ماكان ابالنا الحمال وزوجي حييييييييل ما كان يبي الحين

يقول تو الناس بعد سنتين

اهو يحب بين العيال فجه قال عندنا اثنين كبر بعض تقريبا الحين خلاص نقعد سنتين وعقب نفكر

انا كنت اقوله لا ربي كنت اني احمل لو شسوي راح احمل

لان اهو كان يقولي يا ويلج ان حملتي خخخخخخ

بس الحين اهو صدق ان لو شنسوي راح احمل اذا ربي كاتب ولان الحمل صار منه

انا اللي سكتني هالشي لان انا ادري ان ريلي مايبي يهال الحين ولا يبيني احمل كلششششش الا بعد

والحمل صار منه!!!

من جذيه قلت خيره والحمدلله

 

[زين ودلال]

لا بعد يقولي كله منج !!!!!!!!

قلتله اي كله مني لان انا مانسيت النساة ولا نسيت الثقل ولا نسيت الولاده ولا نسيت الخياط ولا نسيت هم النفاس ولا نسيت السهر بالليل

ولا نسيت ان عندي يهال يهال صغار اثنينهم يبجون ويحنون بنفس الوقت ولا ولا ولا ولا ولا !!!!!

 

[زين ودلال]

احس شعوري متخربط حييييييل مو قادره اعبر عن اللي داخلي اخاف ربي يعاقبني

يعني ما حسيت بالفرحه والله

الحين اصلي على كرسي لا ركوع ولا سجود اقدر راسي لا ميلته جزام شوي الله لا يوريكم العوااااااااار احس جنه شي ينصل براسي

الف فضيع كنت خايفه من الضغط بس مافيه شي الحمدلله

الدكتور قالي ارهاق وماتنامين عدل

عيالي اثنين نزلة معويه

وبنتي صايره عسره عسره عسره لاخر درجه بس لازقه فيني تكرمون حتى لو بروح الحمام تلحقني وتبجي بجي الا ادش وياي تخيلوا !!

تقعد يمي تقول ابي ماما ابي ماما اقولها شنو لا تحسسيني اني طايره تلمني

والله مادري اضحك ولا ابجي ههههههههه

 

[زين ودلال]

بس الف الحمدلله على كل حال

 

[بيادر أمل]

.
.
وي الله يعينج زيوون والله حااسة فيج وحااسة بمعنااتج انا عندي اثنين وبجيتهم وحده ورضعتهم وحده وفزتهم من النوم وحده يالله الله يعين كله باجره
.
.

 

[worood82]

بيادر وزين
الله يكون ابعونكم هذي الدنيا كل واحد مبتلي فيها الحمدلله رب العالمين

 

[زين ودلال]

اي والله الحمدلله على كل حال

 

[بيادر أمل]

.
.
صااجة وروود محد في هالدنيا مرتااح يمكن احنا احسن من غيرنا يلا الحمدلله ع كل حاال ^^
قاعده اكيف نفسي ع وجود حمااتي معنا في كل شي !!
بس تدورون ما ادري احس ان روحتها معانا مقلب او كاميرا خفيه !!
.
.
يمكن البعض يحسب اني انانية واني من هالحريم العوب لكن وربي يشهد علي حموااتي مثل خوااتي اللهم بس حمااتي الكبيرة مو بالعتها من مواقفها معااي من اول يوم لي عندهم وانا لابسة الثوب الابيض ! لي يومنا هذا وللعلم فكرة روحة حماتي الصغيرة منها هي !!
وااجد موااقف صاارت معااي كانوا يختبرون فيها صبري وطولة لسااني !! ودروا اني مو من هالحريم العوب لاني اسكت وما ارد ع احد لانه تربيت اني ما انزل مستواي لاقل منه تعلمت اني اكون احسن وارقى من غيري !!
.
بس لانه لضروف خااصة احتماال كبير بتكون هذه اخر عمرة لي معااه بحكم شغله وضروف خاصة باهله والكل عنده علم بهالامر فكنت اتمنى اني اكون معااه بروحي عشان نتذكرها بس قدر الله وما شاء فعل ...
.
.

 

[زين ودلال]

انا حاسه فيج بيدوره

وهالشي مافيه انانيه ولا عوابه

روحه خاصه فيني وبزوجي نبي ناخذ راحتنا

العوابه لا رديته عليها وقلتيلها لا مانبيج معانا بس انتي سكتي وضايقتي على عمرج عشانها وعشان زوجج ولانج وحده طيبه

لو وحده ثانيه جان سوت بلاوي واقل شي تقول ماني رايحه اذا ماقدرت تقولها لأ !!!

يا معوده روحي وعيني من الله خير وتعبدي وشرحي صدرج وادعي وعلى النومه ختنام بالصاله

وماتدرين مني لي يوم السفره شنو راح يصير!! يمكن تغير رايها وماتروح !!

الله يسهل عليج ان شاء الله

لاني صج صج صج حاسه فيج

انا ماحب ابدا ابدا ابدا ابدا ان احد يكون معاي بالغرفه مع زوجي كلششششششششششش

 

[بنت ذآك الأمير!]

بيادر شقه فندقيه ع الاقل من صجج
والله احتريت عشانج شنو هذا

 

[مشتطـه]

باااااااااااااااااااااااااك


ياحافظ محد فقدني :$


زوجي مسافر وكنت عند اهلي

قبل امس رجعت




بيادر الله يعينج @@@

انا اكتأبت عشانج ياحياتي


انا طلعت من النفاس ورحت معاه العمرة كانت متعه الحمدلله

كان فندقنا يهبل

حبيت السفره حيل حسيت انها شهر عسل


حساااااافه على حماتج والله ضقت





زين مبرررررررررروك ياقلبي

جان اخذتي موانع حمل دامج ماتبين الحين

انا بصرااااااااااااااحة عانيت بالحمال وبالنفاس حيل
وتعقدت ف بّاذن الواحد الاحد باكل حبوب المانع لما سنة ونص سنتين واقطة

ابي ولدي يكبر شوي

ماعليه حلو يكونون عيالج كبر بعض


خيره ان شاءالله
يمكن يكون احسن عيالج هالبيبي

تتعبين جم سنة وترتاحين عقب


ريحي 4 سنين عقب هالبيبي ان شاءالله

 

[بنت ذآك الأمير!]

اهلين شط شط
شخبارج

 

[اجمل الذكريات]

قوووه
ديووون
الحمدلله علا النعمه والله بتمم عليج
انزين انتي كنتي تستخدمين لزقه مافادت ولا قطعتيها

بيااادر
ياقلبي ميخاااالف اجر انشالله
شطشط
شخباااارج

 

[بنت ذآك الأمير!]

زيون تستخدمين لزقه
انا استخدم قوليلنا عشان ناخذ احتياطتنا

 

[بيادر أمل]

زيون عمري رفعت معنويااتي يالله خيره الواحد ما يدري شنو المكتوب له
يلا كله باجره مثل ما قالت جمول