احلى تجمع لأمهات مواليد فبراير 2012 يااافديتهم والله

[worood82]

بيادر
اي والله الله يحفظهم من كل شر وانشوفهم معارييييييس يارب
عاد تدرين صج البنات ياخذون القلب فرق عن الصبيان ولا عليها حركات وسوالف اطير القلب بس الولد دعله وحنه

 

[worood82]

زين
ما يشوف شر ولدچ حطيله كريم بيبانثين حق مقعدته وااايد زين

 

[زين ودلال]

فديت البناااااااات اموت اموت فيهم اعشقهم

ولا خلا وعدم من لصبيان عزوتنا مع انهم ثقال طينه خخخخ

 

[زين ودلال]

الشر ماييج ورود ماقصرتي

اي الدكتور عطاه كريم بس مادري شسمه

 

[بيادر أمل]

.
.
خوااتي ابي رااايكم
انا اذا الله رااد بروح العمرة مع ريلي ان شااء الله ع الاسبوع الجااي
المهم حمواااتي من دوروا وهم كل يوم اتصاال ترى بنرووح ويااكم وابونا يقول لهم حيااكم بس لازم معااكم وااحد من الشبااب انا ما ابي التزم مع احد انا ابي تكون لي غرفة برووحي وانتم مع اخوااني
المهم حمويني ما يبون يروحون بس حموااتي طبعا وحده منهم مو متزوجة والثاانية متزوجة !!!<< انا اللي بااطة جبدي المتزوجة تبي ترز فيسها معانا ورجلها مخليته في الكويت
المهم رفض اكثر من مرة ... اليوم بعد ما خلصنا تصحيح ثاانوي رجعت البيت ع 4 بس وصلت والا اتصلت حمااتي الي مو متزوجة تبي تروووح معاانا المهم صكر وقاام يطالع لي قلت كيفك تبي تكسب فيها اجر اوكي اما المتزوجة ورااها زوجها
طبعا واافق وقاال لها تجهز نفسها عشاان تاخذ اجازة وتستعد للسفرة
.
.
احس يا بناات اني توهقت ابي اخذ رااحتي في هالسفرة انا في البيت مو مرتاحة في لبسي عشاان هالخداامة اللي مفتحه عيونها علي وهالدور حمااتي اللي بتكون معااي في السفر << ما اكرها بالعكس اعزها واخت عزيزة بس ابي اخذ رااحتي في اللبس وانتم فااهمين ×)
غير اني ما رااح ارتاح في تشري الهدايا احس رااح تطاالع لي وتقاارن بين هداياا خواتها وهداياا خوااتي
غير انها بتكون معانا في نفس الغرفة وبتناام معانا مو متخيلة الوضع !! انا استحي انام في غرفة يكون اخوي ناايم فيها !!
شلون هم عاادي عندهم!! والله قااعده اتخيل نفسي اني راايحة مع اخوي وزوجته احس شكلي غلط اصلا انا عند اهلي ما اقط ملفعي وانام وانا لابسته فشلون انام مع اخوي وزوجته في غرفة وااحدة !!
كلمته وترجيته حتى بجي بجيت عنده وهو يقول رااح ترووح مو انتي شجعتني خلاص تحملي !!
ياارب من كثر ما حنيت ع هالعمرة احس انه ربي ما رااح ييسرها ما ادري ليش عندي احسااس !!
.
.
انتم معااي ولا تشوفون اني مكبرة الموضوع ع الفااضي !!
.
.

 

[زين ودلال]

اي صح بيدوره ماتنلامين

اهو ماعرض عليهم ليش يقولون بنروح

يعني الواحد مع مرته شكو يقولون بنروح!!!!!

كلش ما تجرأ اقول حق اخوي بروح شكو ارز ويهي!!!!!!!

صج سالفة تغث،، خصوصا اذا بتاخذين راحتج مع ريلج

ادعي ان الله يسهلها لكم ان شاء الله

واذا لزمت على الروحه لا حول ولا قوة الا بالله شتسوين بعد احتسبيها اجر ان شاء الله

 

[زين ودلال]

بس بيدوره ليش ماتقطين ملفعج ابيت اهلج وتنامين فيه<<<< خخخخ حيل شدها هالشي صار فيني بلاغة شف

تستحين من اخوانج يعني ؟ <<<<<< ماعليه تحمليني خخخخخخ &#55357;&#56861;

 

[بيادر أمل]

.
.
والله زيوون فيني بجية امي تقول لي كله منج انتي قلتي له خلها ترووح !!
قلت لها عشان ما اطلع بالشينة ما دريت انه ابونا ع طريف
لا والحبيبة رااحت صرفت فلوسها مستعدة تبي ترووح معانا << حاقده عليها ههههههه
.
.
اتمنى لو عندي عصا سحرية وانومها واساافر وارجع واقعدها من نومتها واقول لها صح النوم يا حلوه من سبق لبق خخخخخخخخخخخخخخخخ
.
.

 

[بيادر أمل]

.
.
احس شكلي مرتب ومن كثر ماني مستانسة فيه اناام فيه هههههههه<< مراات اتعااجز اني اقطه ومراات عاادي
اول اياام عرسي كاانت فضاايح المعااريس واستحي عشاان لا انفضح عند العرب خخخخخخخخخخخ
وبعد ولادتي صبغت شعري وعلق ابوي عليه واخوااني استحيت منهم وتعودت على هالطبع وصاار فيني ما اقدر اغيره
.
.

 

[بيادر أمل]

.
.
زيوون مبرووك عسى الله يتمم لج ع خير وصااجة كل شي خيرة الوااحد ما يدري وش اللي مكتوب له يلا ان شااء الله الله يرزقج بالذرية الصاالحة ان شااء الله ^^
.
.
<< ابد ترااها ما تلقفت وشاافت تجمع مواليد مارس لووووووووووووووووووول
.
.

 

[زين ودلال]

اييييي صح صححححح والله سوالف المعاريس فضيحه خخخخخخخ

 

[زين ودلال]

ههههههههههههههه بيدوره انتي مو صج &#55357;&#56834;

ايييي الحمدلله،، والله يرزقنا اجمعين بالذريه الصالحه المتعافيه يارب

 

[بيادر أمل]

.
.
خااف زعلتي اني تلقفت والله مو قصدي بس من الحرة رحت ادور عليج قلت يمكن الاقيها هنااك واقولها تعاالي خليني اكمل هذرة وشفت ردج ^^
ابد ما سوت شي بريئة
.
.

 

[زين ودلال]

هههههههههههههههه

لا والله انا عادي كان ودي اقول بس زوجي قايلي ان قلتي حق احد يا ويلج <<< خايف من العين

فا من جذيه ترددت واخر شب قلت اللي ربي كاتبه راح يصير بإذن الله

 

[زين ودلال]

يقول يصكونج عين يطيحونج

ومحد يدري ليلحين وحدي متوتره مادري شلون اعلن الخبر

بعد ياربي وحده عند ريلها

وانا اللي راح اشقى واتعب

واصلا ولا كان على البال اني احمل بس كتبت الله الحمدلله

احس شايله هم الناس استغفر الله

مالي خلق ليش ولدج صغير ليش عيالج صغار،،شنو ماتمنعين و و و و و ما نخلص وانا مالي خلق ابرر حق احد وكل شوي اعيد الاسطوانه

 

[بيادر أمل]

.
.
اي والله معااه حق ،،، انا في ولدي ما قلت اني حاامل الا بعد 3 شهور من الحمل ولا محد مصدق اني حاامل ب3 شهور
قلت انه الدورة تاخرت شهرين وكل ما احلل ما يطلع حمل وانا صااجة اول مرة كان نقتيف بعدين يالله بان الحمل ومشت عليهم لووووووووووول
انتي سوي مثلي خخخخخ
لانه ما في فرق تقريبا الا سنة بين عياالي وانتي لاااح يكون نفس الفرق
.
.

 

[بيادر أمل]

.
.
نفسي زيون كنت شاايله هم اهلي امي تقول لي لا تحملين كبري بنتج يالله تحملين
بس خالتي تونس من كملت بنتي شهرين سالت ابونا ها حرمتك حاامل عااد انا كنت علامة تعجب كبيرة يا حليلها تبي ولد لولدها لووووووووووووووول
,
,
صج صج الله يعينج يلا اليوم يوم الهم العاالمي عندنا خخخخخخخخخخخخ
.
.

 

[زين ودلال]

ههههههههههههههه

الله كريم ويسهلها ان شاء الله

امي تقول جذيه لما تعدين ال٣ قولي بس ياربي انا ماعرف استغفر الله يبين علي

الحمدلله على كل حال

 

[worood82]

وي بيادر الله يعينچ حلات السفره مع ريلچ تكون ابروحچ المشكله لو احد من حموانچ يطوع ويسافر معاكم على الاقل يظل مع اخته ابغرفه ثانيه عاد تدرين احنا عندنا عيب انام مع اخوانه ابغرفه اشلون بعد اذا كانت معاه مرته
عاد ريلي يبي الفكه مني يقولي سافري مع بيتكم عشان اهو يسافر مع ربعه

زين
مبروووووك حبيبتي عالحمال ولا تشيلين هم الناس لانچ راح تتعبين وسوي مثل ما قالتلچ بيادر لا تتكلمين الحين *

 

[بيادر أمل]

يلا سهالات ان شااء الله بتصير سواالف لا تحاتين ^^
انا في ولدي كنت احااتي ردة فعل امي اصلا محد درى بحملي بس انا وزوجي ورفيجتي اللي حللت عندها غير هذا الكل درى بعد 3 شهور من الحمل وقبل ما يسافرون اهلي واصلا كنت مكشوفة في عرس عياال عمي كنت بطة والكل يسال ويقول مهب حامل وانا سااكتة وخاايفة من امي خخخخخخخخخ
كنت حيل مستحية مو مثل فرحتي بنتي الكل كان ينتظر هالخبر اما ولدي كانوا متوقعين اني ارتااح بعدين احمل وفي الاصل انا لا اخذت مانع ولا استعملت اي طريقة تمنع الحمل والحمدلله ع كل حاال ^^
.
.

.
.