احلى تجمع لأمهات مواليد فبراير 2012 يااافديتهم والله

[فتاة-العنف]

لا بابريكا ما وديته الطبيب لي الحين صامده بنطر لانه يخف بمكان ويطلع بمكان مادري شنو سالفته بس انا امي شرتلي من الصيدلية كريم سالته وعطاها اياه قاعده احط له على ويها وجسمه صارلي يومين بشوف النتيجة وسالت رفيجتي قالت لي صار في بنتها من قبل واستعملت كريم حفاظ مال سيباميد بس مافكرت اطبق كلامها مادري شلون احط كريم حفاظ حق ويه ولدي :s
انتي وديتي ولدج ؟؟

 

[قلبي خالد]

واي توني ادري انكم فتحتوا هنيه الظاهر ولدي دوخني
انا بعد طالع بويه ولدي حبوب
الحين منو سهرانه مثلي موراضي ينام من الغازات صارت الساعه ست ونص لحد الحين منت ولا نام

 

[قلبي خالد]

بنات بسألكم عن دم النفاس و انتوا بكرامة متي يووووقف
و شلفرق بين الخياط اللي يطيح من نفسه و يشيله الطبيب

 

[ريح قهوه]

قلبي خالد عشرة ايام او سبوعين او اقل او اكثر مرات علي حسب الوحده


نفس سؤالج من زمان بساله شالفرق بين الخيط الليً يذوب واللي ينشال؟

 

[بابريكا]

فتاة العنف
لا والله ما وديته بعد بنطر لما اوديه اطهره اذا خفو خلاص اذا ستل موجودين بسأل الدكتور

 

[كوكو لوكو]

بنات النفسية 0 تكفون قولولي شسوي بولد وللحين خلصت شهري وماكو شي

صامه فيني الدنيا منو اللي للحين معاي ماولدت ختازرني خنحس في احد معاي ياربي

 

[قلبي خالد]

الله يسهل عليج و يهون عليج
صبري ماصيييرة بيطلع

 

[فتاة-العنف]

قلبي خالد انا قالولي عادي وويه ولدي يكسر الخاطر من الحبوب يقولون تروح بروحها مادري
باربيكا الله يعييييييييييينج على التطهير انا طهرت ولدي الحمدلله والحين عدت الامور سويت له طهور بالليزر وكان في مثل كرتونه احطها له داخل الحفاظه بس الحين اشوه شلتها والاحمرار خف صج معاناة مع الطهور تخافين تسوين شي تعورينه انا الحفاظه ما كنت اشدها كان التسريب مو طبيعيي
كوكو لا تحاتين الله بهونها عليج ان شاء الله

 

[عــ2009ــــروس]

مرحبا

اليوم صار لي اسبوع

بس الخياط لحد الحين بس مو وايد شوي

بنات شلون اعرف انه راح الخياط


قبل لا اطلع شلون احف من تحت

ما ينفتح الخياط ؟

علموني انا اول مره طبيعي


ومتى تبلشون حملات التنظيف بطني يلوع الجبد لووونه واحسه مترهل


*

 

[عــ2009ــــروس]

بخصوص البيبي

فيها بوصفار طوفت موعدها والله كان الاثنين

حتى انا موعدي الاربعا طوفته

بسالكم اول موعد بعد الولاده شنو يكون مع الدكتور يشوف الخياط ولا شنوو


وبنتي فيها حبوب سبحتها وحطيت لها زيت

 

[عــ2009ــــروس]

كوكو

روحي للدكتور

يمكن يولدونج قيصريه

نطرتي ٩ شهور لا يصير في شي الياهل

والنفسيه مالومج مي تو حسيت فيها بحملي هذا

اما الاولي عشان قيصريه ماحسيت فيها

نصيحه لاتخلين نفسج روحي لدكتورج

والله اعلم متى تولدين سبحان الله ماتدرين الا ربج قال كن فيكون وتولدين

 

[auoma]

شلونكم
وااي النفاس كآبه تحسين راح تظلين طول عمرج جذي
متى يمشي الوقت بسرعه
بنتي حناااااانه بس تهبل وولدي الي الاكبر منها للحين صغير عمره سنه و9 شهوور
تعالوا شوفو الاحتفالات نص الليل ههههههههههه

 

[auoma]

صج لما تيبين ياهلين على بعض عذااب وتتعبين بس لما يكبرون يهبلون ويصيرون ربع
انا جذي اول ياهلين بينهم سنه تعذبت على ماكبروا وماحملت بالثالث الا عقب ٤ سنوات لما دخلوا الروضه

 

[عــ2009ــــروس]

ههههه

نفسي ولدي سنه وجم شهر يكمل سنتين بعد شهر


ينن بنتي خخخخ
بس احسن

البنت يقولون فيها عوابه ههههههه

 

[غمـــ ^^ ـــازه]

سراج

ماقصيت ولا صبغت لاني ماراح ارجع شقتي

ريلي قاعد يسوي تعديلات عالشقه سيراميك وصبغ للحين ماخلص

يعني حتى لو خلصت اربعين ماراح ارجع الا لما يخلص الشقه يحلات غرفتي فبيت امي مابي افارقها






قلبي خالد


عطيه قاز حق الغازات واايد يريحه وخليه يفلت

وعطيه ينسون هم زين




عروس

انا اليوم لي 37 وحفيت عااادي لانه الخياط داخل صوب فتحة الشرج عزج الله

واول موعد انا طنشته ولارحت لي يومج وخياطي طاح واموري طيبه

بس مواعيد ولدي ماطوفها




ايوما

واااى انا ببجي مابي ارد حدي كيفت عالقعده احس رديت بنووته بس مع ولد لووول

 

[غمـــ ^^ ـــازه]

فتاة العنف

انا ولدي لمه طهرته مات من البجي والدكتور يشرح لنا اشلون انظفه ونحط مرهم وانا

طاقتها بجي دموع اربع اربع لوووول والسستر تعطيني كلنكس وتهديني

 

[عــ2009ــــروس]

غمازه


مايعطيج الدكتور تحاميل وجذي ؟

انا اخاف الزياره عشان جذي

وين الله يهداج عالشرج عزج الله الخياط لي المقعده يحرق ويغث

لاني قادره افتح المنطقه ولا شي وخايفه شلون احف وااااي متعقده

ياحلو العمليه

اهون استغفر الله

 

[سراج الليل]

الوووووو



منو موجود ؟

 

[سراج الليل]

بنااات حددده ضايق خلقي من كرشتي

توني انتبه لها كنت اشوفها عاديه بس رحت اخذت لي بدله سترج وقلت باخذ كورسيه عشان اشد كرشتي المهم قالت لي الموظفه انه يصلح لي مقاس ميديم

ولمن رديت البيت ولبست الكورسيه تخيلو وقف عند بطني وحاولت بكل الطرق اسكره بس ماقدرت ولااااعت جبدي من كرشي

الكورسيه خلاني اشوف كبره

 

[فتاة-العنف]

غمازه : هذي اولها بجييي لا انا لما طهروه خدروه ما بجى كان طول اليوم متنح جنه سكران
سراج : انتي قيصري ؟؟