احلى تجمع لأمهات مواليد فبراير 2012 يااافديتهم والله

[فتاة-العنف]

انا قيصري بس ما فكرت اربط لاني سالت دكتورتي قالت ماله داعي
محد رد علي :\

 

[سراج الليل]

فتاة والله مادري بس يمكن من حليبه

والاحسن تودينه الطبيب

 

[بابريكا]

فتاة العنف
والله مادري .. انا اليوم بدت تطلع حبوب صغيره بويه ولدي يا حسرتي
اوله شينطرني لي عقب شهر متكسرة ابي احد يهمزني :/

 

[-TFa7a-]

ماكنت معاكم بالتجمع لان المفروض اكون من مواليد مارس
بس لله الحمد
ولدت اليوم

 

[سراج الليل]

تفااااحه الفرالف الف الف مبروووك وحمدالله ع سلامتج

خوووش تاريخ كل الكويت احتفلت معاج

 

[سراج الليل]

عيدي ياااااااكويت بشوفة بيبياتنا

عيدي يااااااكويت بشوفة مواليد فبراير

 

[كوكو لوكو]

ماشاء الله الف الف مبروك للي ولدو والفال للصامدات

بنات يايني إحباط ابي أولد واحس ماراح أولد مائيين

منو بقى بس أنا وبنت المها وجموول ؟

بنات شرايكم لو رحت اليوم وقلت لهم حطولي صناعي تنصحوني فيه ولا لا؟ ؟؟؟


اليوم قررت أتشجع واسوي فحص يمكن تحرك الطلق فيني نفس رفيجتي سوت فحص وثاني يوم ولدت عاد قمة الإحباط اذا فحصت وماصار وياي شي ؟؟؟





بنات شرايكم اطلب صناعي ولا انطر شتنصحوني فيه ؟؟؟



بليز ردو علي لا تعطوني طأف

 

[Ghaima]

واااااااء حتن انااا صاااامدة مادري شنااطرة اخاف اولد بمااارس =(

مابي ويع

احس ما راح اولد الاسبوع مع ان فاتحة 2 سانتي ورفيجتي نفسي وما شا الله ولدت

لاعت جبدي

امبيه بنات كله اطل على اغراض النونو وابجي وخايفه عليها حيل المس بطني حركتها بطيئة ولمن ترفس ارتاح

سبحان الله على الشعور هذا حمدلله على النعمة يا رب

 

[Ghaima]

عفية بنات احد مجرب الحلتيتة ؟

انا جربت وايد اشياء ومفكرة بالحلتيتة والحلبة بس شلون استخدمهم ؟

سمعت ان الحلتيتة تشمينها عدل ولا غلطانة ؟ اخاف اتصروع

 

[فتاة-العنف]

الله يهون عليكم يا بنات
بابرييكا سالي دكتورتج يمكن رايها ثاني وانا ولدي حبوب بويهه صغار يكسر الخاطر
سراج عاد اليوم كنت بالطبيب حق الطهور بس مع الاسف ما سالت عن الحبوب

 

[سراج الليل]

يسعد صباح السهرانين

منو موجود

 

[غمـــ ^^ ـــازه]

مبرووووووووك التجمع

واخيرا تبطل لنا تجمع

شخباركم وشخبار البيبيات

سراج شخبار النونو

 

[توحه1]

بنات حبيت اسال حلو البنات ولدت ولا لا وشيابت ومتى؟؟؟

 

[سراج الليل]

هلاااا ومررحبا غمزمز

وااااي البيبي جنني مايطلع صياحه الا تالي الليل ����

انتي شخبارج وشخبار ولدج ؟ جنه جبتي ولد اذا موغلطانه

اي والله حلو البنات اختفت !!

توحه اتوقع ولدت لأنه قطعت فجأه

 

[غمـــ ^^ ـــازه]

سراج

انا وبدوري بخير والصياح عندنا وعندج خييير

شكثر لج بالنفاس ؟ واشلوونج ويااه

انا لي 34 للحين ماقصيت ولا صبغت محتااره مادري وين اروح

 

[كوكو لوكو]

ويخلص فبراير وانا للحييين

صاااااااااامدة بالخط العريض

الله يسهل انشالله

 

[بابريكا]

فتاة العنف
شصار على الحبوب اللي طالعه بويه ولدج؟ وديتيه الطبيب ولا شلون؟ انا ولدي صارله نفس الشي بس ليلحين ما وديته الطبيب .. مادري شسوي فيه

بنات منو فيكم صارت معاها نفس المشكله؟ الحبوب الصغيرة الي تطلع في ويوه بيبياتنا

 

[غمـــ ^^ ـــازه]

بابريكا

انا طلعت حق بدوري وقالولي لانج ادفينه وايد وبعدين تفصخينه حق تبديل ملابسه

يعني تغيير جو عليه

وبروحها راحت ماوديته طبيب ولا لعبت فيهم

 

[سراج الليل]

غمازه انا اليوم لي ٢٢ وزهقت من النفاس وبنفس الوقت بفقده لأنه امي تساعدني شوي بولدي

ها غمازه للحين ماصبغتي ؟؟؟

هااانت باجي لج ٤ ايام وتطلعين ياااعروس

طااااااالعه من الشر ،، ها شنو ناويه تسوين بشقتج وبغرفتج بالتحديد ��

يلا بنات قولوا شنو بتسوون بشققكم وبغرفكم ؟

انا غرامي اشتري اكسيورات والعب بغرفتي ع لون ديباجي

يلا نبي افكااار ياعرايس

 

[ريح قهوه]

خووووش تجمع


انا ولدت2/1 وجبت احلا بنوته باحلا تاريخ


ومبروووك عليكم البيبيات


تصدقون حتى بنتي فيها حبوب صغار ما ادري ليش بس هذاك اليوم قعدت اتفنتك جان اخذ بودرة جونسن وادهن الحب والله خف شوي