احس بالنقص واني اقل منه

[مذهلة2013]

حبيبتي بقولج شيء

وايد بنات حلوين وملكات جمااااااال و مومتزوجين !!! وفي بنات والله عاديين والحمدلله تزوجو لا بعد رياييل حلوين حيل
انتي ليش مقلله من نفسج ؟؟؟؟ اصلن يابخته انه بياخذج يكفي طيبتج و سمعتج !!! وكل شيء له حلول لاتقولين عيوب الدنيا !!
كل شيء له علاج حبيبتي بس انتي ابدي بالعلاج تعبي على روحج وصدقيني الجمال مو كل شيء والله

موفقه حياتي

 

[Patcholli]

حبيبتي في منتج اسمه نيو هير وايد يمدحونه وفي واحد ثاني ارفيجتي بالدوام قاعده تاخذه وايد مستانسه من نتيجته باجر ايبلج ياه واقولج اسمه ان شاء الله
اهو يطول ويكثف الشعر
ونيو هير بعد يكثف الشعر انا شايفه النتيجه بعيوني على رفيجتي ينباع بالصيدليات دوريه حبيبتي
والله هذيل شفت نتايجهم بعيوني محد قالي وقلت افيدج

والبنات الي يقولون تشققات
منو ماعندها سترج مارك كلنا عندنا ومتزوجات خو مو لازم تتمشين سلط ملط جدام الريال وتطلعينله عيوبج
احنا نكشخ حق رياييلنا بس المنطقه الي فيها عيوب مانبرزها
يعني انا ظهري متروس حبوب ما البس شي ظهره مبطل ساعات ودي بس مو ظروري ليش احرج روحي وساعات افل شعري واغطي ظهري فيه
والسترج مارك الله يخلي اللقنزات والهيلهوبات الشفافه تستر وبنفس الوقت تغري ..
ووقت الشسمونه مو لازم تبطلون كشافات ملعب اضائئه خفيفه و بس

 

[أميرة-]

الله يعطيكم العافية بنات والله كلامكم ريحني الله يجزاكم الف خير

انا نفسيتي حيل تعبانه واحس مرات اني مو مثل البنات والعرايس ومو قادره ارقع عيوبي

بنات انا حللت وطلع ماعندي نقص فيتامينات ولا شي بس فيتامين دال ونقص مو حيل وعالجته بس شعري زاد تساقطه ماني عارفه شسوي فيه وكله مدهن لازم اغسله يوميا واذا غسلته طاح زيادة

استعملت السدر نشفه شوي بس التساقط ماوقف

Patcholli ياليت تعطيني اسم الدوا اللي تقولين عنه اذا شايفه نتايجه على بنات والله تكونين كسبتي فيني اجر

 

[8yoona]

حبيبتي في منتج اسمه نيو هير وايد يمدحونه وفي واحد ثاني ارفيجتي بالدوام قاعده تاخذه وايد مستانسه من نتيجته باجر ايبلج ياه واقولج اسمه ان شاء الله
اهو يطول ويكثف الشعر
ونيو هير بعد يكثف الشعر انا شايفه النتيجه بعيوني على رفيجتي ينباع بالصيدليات دوريه حبيبتي
والله هذيل شفت نتايجهم بعيوني محد قالي وقلت افيدج

والبنات الي يقولون تشققات
منو ماعندها سترج مارك كلنا عندنا ومتزوجات خو مو لازم تتمشين سلط ملط جدام الريال وتطلعينله عيوبج
احنا نكشخ حق رياييلنا بس المنطقه الي فيها عيوب مانبرزها
يعني انا ظهري متروس حبوب ما البس شي ظهره مبطل ساعات ودي بس مو ظروري ليش احرج روحي وساعات افل شعري واغطي ظهري فيه
والسترج مارك الله يخلي اللقنزات والهيلهوبات الشفافه تستر وبنفس الوقت تغري ..
ووقت الشسمونه مو لازم تبطلون كشافات ملعب اضائئه خفيفه و بس

لوووووووول واايد ضحكني ردج وان شاء الله اذا الله كتبلي نصيب راح اطبق نصاايحج لانه عندي سترج مارك

 

[Laidy n3ooma]

السمااار مللللح انا حنطييييه ويسألوني عن لووني !!

اما البقع والالوان هذا اهمااال

روحي ركييييييييييض على احسن صالون بالكويت حق الحمامات المغربيه وخلهم يفركونج كل اسبوووع واتوقع مافي كثر بنات الكويت يبيعون خلطات جسم !!!!!!

يعطونج خلطه كامله تبيض وتنعم وتصفي وتشيليل الخطوط البيضا وسنفره وصابونيه ولوشن كلشي متووووفر

اللهم علييج تدفعين وتهتمييين شنو اقل من جذي !!!!

روحي عيادة اسنان نظفي اسنانج وبيضيييهم بياض الاسنان مهم للروووج

شيلي شعر وويهج جسمج كل اسبوعين بالصالون

ولين صرتي عنده مو لازم كل يوم مكياج لين اعتنيتي عدل فتره الملجه مابتحتاجييين اللهم مسكرا وكونسيلر اذا عندج هالات وقلوس او روج مات وبلشر وردي نعوووم

وكشخي بالملابس والقمصان وقصقصي شعرج وقصي قذله طويله وعودي ان تكونين بشعر مفلول ووقت الدوره روحي الصالون يصبغون اظافر ريلج ويدج او حتى بالايام العاديه بعد الصلاه
ونعمي صوتج وتدلعي وهالله هالله بالحجي السنع وبسسسسسس

ترا الجماااال مب كلشي الريال يحب الدلع والصوت الحلو وادلعينه وتخلينه يادهينه لاتنكتين وتدلعين بلسج وبيشوفج جميييله

لاكن خل يطلع العكس جمييله ومافيها انوثه ودلع بييييمل من شكلها

 

[Laidy n3ooma]

دخلي على اليوتيوب كتبي تغذية الشعر الدكتور عبدالله المطوووع

 

[miss nina]

كلامك غلط !!!!! أول خطوة لازم تسوينها انك تعززي ثقتج بنفسج ..ترى الجمااال مو كل شي ..انتين شوفي بنفسج جيكراااات في التلفزيون وكل وحدة شايفة روحها ملكة جمال من الثقة ...واقول عن خبرة.. الرجال يحب البنت الواااثقة من نفسها في شكلها وفي كلامها ..يعني حتى لو كنتي باااربي وماعندج ثقة في نفسج ..الريال يحس بهالشي ومايصير عندج جاذبية وقوة شخصية ...وكلنا خلقة رب العالمين والحمدلله موناقصج شي ..اهتمي بنفسج من ناحية الرشاقة واللبس واذا على الميك اب خليه خفيف وطبيعي يعني مو 24 ساعة ميك اب عشان يعتاد على شكلج الطبيعي واذا حطيتي ميك اب يكون حلو ومرتب ..بس ارجع واقول ..الثقة بالنفس اهممم شي وحطي تحتها عشرين خط ...وقفي جدام المراية كل يوم وشوفي المميزات الحلوة عندج ..كل بنت عندها شي حلو ..ولا تدققين على العيوب ..حتى عارضات الازياء عندهم عيوب بس يعرفون كيف يخفوها ..الله يسعدك في حياتك​

 

[نـعـومـه]

على ابو انج عاديه تظلين بدون زواج

ياما بنات كلش موحلوين خذو رياييل احلﻻ منهم فلاتعقدين نفسج اهم شي يحبج

والشي الثاني فيج عيوب صلحيها متينه ضعفي ضعيفه متني جسمج مومتوحد استخدمي خلطات شعرج موحلو قصي قصه تخليه بطلعه لما تزورينهم كشخي لبسي اللبس الراقي الذرب عالاقل سقولون عنج كشخه وذربه

وزوجج عامليه زين عشان تحلين بعينه وشيلي الطلاق من راسج

 

[زوجة عزيز]

الله يوفقج ويكتب لج الخير

 

[بلآني زمآني]

ولد عمي جميل جداً واخذ وحده اقل من عاديه شكلها قريب من السمر -العبيد-

والكل يقارن بينهم وكان طاير فيها


لكن للاسف راح ينفصلون


طبعا مو بسبب الشكل لا بسبب المشاكل الي بينهم

اهم شي نظرته هو لك مو نظرة الناس


موفقة حبيبتي والله يفرج همك يارب

 

[بكيزة هانم]

الله يوفقج يارب
ويسخره لج ويطمن قلبج

 

[Canon~]

حبيبتي اهم ماجاوا يخبطبونك الا يبوونك

والجمال مو كل شي والدليل سالوا عن اخلاقك وماهمهم الشكل


وفي هالوقت ماتوقع في احد مو حلوو كل شي تطور


عدلي بعمرك وحاولي تصلحين عيوبك


مافي احد كاامل كلنا فينا عيووب

 

[ffanr]

ادعي ان الله يسخره لج ويحليج بعينه
ويوفقكم اهم شي

 

[i afnan]

الجمال نسبي حطي هالشي بببلك يمكن زوجك يشوفك جميله ويشوف خواته عاديات مو شرط يشوف بنظرتك انتي
وترا الرجال نظرتهم للحرمه غيييير عننا سبحان الله
بالنسبه لك انتي عالجي اللي تقدرين عليه واهتمي بنفسك من ناحية الاناقه والريحه الحلوه والميك اب المرتب وشخصيتك واسلوبك وبتصيرين اجمل الجميلات
واخر شي لاتكبرين السالفه وابرزي جمالك وثقي بنفسسسك ولايهمك احد
بالتوفيق

 

[Pippa]

الحمدلله والشكر! !!!

ليش مدقره روحج ... المفروض لو انج اجكر الحريم ماتشوفين هالشي بنفسج وتمنين واحد حلو ليش ماتبين الشي زين لج !!!! حبي نفسج ياماما عشان ريلج يحبج لا تصيرين ضعيفه موسوسة ترى من الحين اقولج الي جذي نهااايتهاااا الطلاق ! قوي شخصيتج شوفي ليلى كايزن تهبببببل باليوتيوب وتويتر والانستغرااام

والله المفروض تحمدين ربج ان ريلج مقبول على الأقل تصبحين وتمسين على خير ♡

 

[gmar al-kuwait]

الله يحليج بعينه

 

[رفـاعية]

ولد عمي جميل جداً واخذ وحده اقل من عاديه شكلها قريب من السمر -العبيد-

ليحين في ناس يقولون كلمة (عبيد) !!!

 

[حوريه ...]

اي والله كلنا ركبنا سود

ومع الحمل اجسامنا خربت

بس عايشين ونلبس ع الموضه ونكشخ




حبيبتي وربي اعرف وحده جيكره يمكن الجكر احلى

وتملكت ع واحد احلى منها ورزه وجسم ماشاءالله وهي متينه وقصيره
تزوج ويا اخوه بنفس اليوم زوجة اخوه احلى احلى منها مافي وجه مقارنه
الجيكره سافرت وراحت وتدلعت ومسويه بها هه هه ع قولتهم ويادهينه لاتنكتين
حتا اول ماحملت خدامه ومخليته سواق لها ولاهلها
والثانيه لاراحت ولاجت ومكروفه كرف البين




يعني الجمال مو مقياس اذا بتعيشين سعيده او لا

صدقيني اهم شي الاخلاق
بعدين بيتعود ع شكلج وبيحبج

هذي وساوس تجي كل وحده بفترة الملكه وانا منهم كنت اقول شلون بعيش معه
اخاف يشوفني مو حلوه
اخاف مااعجبه
اخاف يطلقني
كلنا مرت علينا عادي

وكل شي يتصلح
جسمج
انتي موظفه اجل ع شنو موظفه ولج راتب اذا الراتب مازينج
دشي نادي سوي رجيم
سوي خلطات
سوي حمام مغربي كل شهر يفتح البشره
اهتمي ومع الاهتمام بتصيرين ملكة جمال
بس هذا كله يبي له صبر مو يوم يومين تقولين مابين







واهم شي الثقه
خليج واثقه من نفسج
اذا صرتي واثقه بتسوين كل شي وانتي مرتاحه


والله يوفقج ويرزقج ان شاءالله

 

[بلآني زمآني]

ليحين في ناس يقولون كلمة (عبيد) !!!

اي لان هذي الكلمه الي ينعرفون فيها عندنا

وهم يقولونها بعد

عادي

..

 

[نوفآ]

لشعرج اخذي حبوب حمض الفوليك وراح تدعييين لي
وموووفقه