احس بالنقص واني اقل منه

[القصيدة]

السلام عليكم و رحمة الله و بركاته

الله يوفقك و يتمّم لك بخير :eh_s(7):

و لا تشيلين همّ الشكل ,, ترى القلب هو اللي يشوف :eh_s(22):​

 

[فوولي]

بقووولج سالفه وانتي افهميهااا وولد جيراناااا مزيووون وجنن اهله ابي وحده منكيان بيضه طويله مزززيونه شعرهااا طوويل جننهممممممم وهم يدوروون من بيت لي بيت سبحان الله لقوو ست الحسن


تزوجهاااااااااااااااااااااااا وحضرناا العرس والبنت ما شاء الله ايه من الجمال بس شهرين وطلقهاااااااااااااااااااااااااا
ع قولته جننته وشايفه نفسهااااااااااااااااااااااااااااا وم تسمع الكلامممممممممممممممممممممم



تزوج وحده بناااااااااااااااات م اذم فيهااااااااااااااااااااااااا بس لو تشوفين زوجته القديمه والجديده تنجنين
خشممهاا مكسوووووووووووووووووووووووووووووووور الحمدالله الذي عاافنا حيل حيل حيل مو حلووووووووووووووه


اصلا انااا كنت اقول لو تشووووف طليقته تجن كاهي الحين الله يتمم عليهم 4 سنوات متزوووجين وعندهم عيال وكل م جينااااااااااااااااااااااااااااااااا امدحت زوجهههه وامه تقول طاير فيهااااااااااااااااااااااااااااااااااااااا؟؟




سبحااااااااااااااااااااااااااااااان الله ملكه جمال م قدر يرتاح وياهاااا وهذي ميت عليهااااااااااااااااااااااااااااااااا


يعني عالجي مشاكلج واهم شي الطبع موفقه

 

[8yoona]

حبيبتي انا بعد نفسج احاتي التشققات اللي بجسمي لانه صج ما تترقع ,, بس حق شعرج روحي صيدلية بوتس اخذي منهم انبولات حق التساقط وايد زينين واهتمي فيه وتوحيد اللون هم نفس الشي اخذي كريم طبي روحي صيدلية تعطيج مرطب مرتين باليوم رطبي جسمج والحمام المغربي يشيل الجلد الميت يعني يساعد بتوحيد اللون والله يوفقج ويتمم عليج على خير يارب

 

[Rooz Aziz]

حبيبتي الرجال يحب زوجته باخلاقها وجمال روحها مو بجمالها الخارجي
يمكن انتي مو عاجبه نفسج
وغيرج يشوفج حلوه ليش تحبطين بنفسج


ترا انا نفسج اشوف نفسي مو حلوه
ورفيجتي ملتزمه تترجاني اتنقب تقولي انتي جميله لحد يشوف جمالج
ووحده تقولي زوجج مايغار ماينقبج من جمالي
وانا اشوف نفسي عااااااااااديه


كنت نفسج اقول انا مو حلوه وفيني عيوب
عقبها لما الناس تمدحني قلت خلااااااص ي رووووز انتي حلوه وجميلااااا
والحين اشوف نفسي حلوه
وودي مرات اغتر ع الناس بجمالي اللي مو حاسه فيه ههههههههههه



خلي عندج ثقه بنفسج

 

[كويتيه فرنسيه]

الجمال مو مهم اهم شي الثقه دايم امدحي نفسج قدامه وقدام الي تعرفينهم

والله اعرف وحده جيكره ماتترقع بس ترفع لنفسها حيل وزوجها يمووووت فيها

اهم شي امدحي نفسج وبيني له ان شكثر انخطبتي ودايم تنمدحين بالمناسبات

وبالنسبه لشعرج اكلي فيتامين هير فيت وروحي دكتور دوري بالنت احد شاطر

والجسم اهتمي بالحمامات المغربيه وروحي عياده يسوون تقشير

الحين العيادات متطوره فيها حلول لكل المشاكل

 

[زبــــــــدة]

حبييبتي مالج شغل بالنااااس

ولازم تكونين وااثقه من نفسج دايما قولي انا حلوة وانا مافيني شي

وبالعكس الاخلاق والسمعه اهم من الشكككل صدقيييني ...


والله يوفقج ولا توسوسيييين وايد دام انتي عاجبته وخواته شافوج ومدحوج مالج شغل بالشكل ترى مو كل شي

وبعدين مااكو وحده مو جميله لا زم فيها شي حلو ويلفت

والريال يدوور الراحه اهم شي عنده

والله يوفقج حبيبتي

 

[mi corazon]

يحياتي والله

ربي يتمملج على خير لا تتمنين الشر لنفسج هاذي هدية من رب العالمين

بعد قلبي الثقه شي خيالي .. بعدين راح تكتشفين ان الجسم والتبقع وهالسوالف مو اهي اللي تشد الزوج .. تقدرين تفرين عقله بالدلع والسنع والدلال

واذا عالبقع امرها هين حبيبة قلبي شهر شهرين عنايه وانتي الصابونه اللي تلقين باذن الله

اهتمي من الحين بجسمج من داخل ومن بره مو بس خلطات وعيادات لا اهتمي باكلج وخلي عصير البرتقال الصبح ثابت في برنامجج وحطيلج دوله ماي وفيها ربع قلاص ماي ورد هاذا ماييج قبل العرس باسبوعين علشان ويهج يورد


لا تحاتين وربي يتمم لج ع خير

وماتدرين يمكن بيشوفج ملكة جمال .. ترى من صجي احيانا اشوف ريايل منثولين بحريمهم واهي مالها علاقة بالجمال .. المحبه ربي يطرحها بالقلب

بتكونين احلى عروس انا واثقه باذن الله

 

[royality]

حبيبتي
الرياييل هالايام اذا مو عاجبتهم البنت ما يكملون وياها !!
ومنو قالج كل الرياييل يبون الجمال ؟
اكثر الشباب الحين يقولون اخلاق البنت صار اهم من الجمال شفايدة الجمال اذا ماكو اخلاق؟
اساسا اللي بيتزوج الحين يقول حق اهله ابي وحده اخلاقها زينه .. هذاك اول اللي يهتم بالدرجه الاولى والاخيره الجمال
ماتوقع انج جيكره ولكن مقبوله واذا اهتميتي اكثر شوي بتنحل كل الامور
عززي ثقتج بنفسج ولا تذمين بروحج جدام ريلج ولا تنبهينه على هالشي دام اهو مو شايف فيج شي بالعكس خليج واثقه من نفسج ومن اخلاقج العاليه
اذا شاف منج حسن الاسلوب والادب و مقبول شكلج مارااح يركز على الاشياء اللي تركزين انتي عليها

كل بنت فيها فيها عيوب عادي ومحد قال بتطلق عشان ريلي احلا ولا ابيض ولا فرق بالجمال
ياما شفنا الريال جمييل ومرته عاديه عادي دام الريال راضي ومرتاح بهالقرار انتي لا تفتحين عينه على شي اهو مو شايفه

وبالتووفييق :*

 

[شــــــــــــــوقــــه]

تدرين تذكريني بمنو ؟؟


بنفسي !!

و انتي احسن مني ترى انا وصلت فيني لي درجة رديت خطاب عشان العيوب الي بجسمي و مابي انحرج و اندقر من ريال يعيب علي خصوصا اني حساسة حيل !! يعني طالعي التفكير بس حمدلله والشكر ! :eh_s(4):

بس شنو النتيجة والله امس خالتي تعاتبني تقولي ليش رديتي الريال الي يبته لج نعرفه و نعرف اهله عز المعرفة و وايد زين و خوش واحد اهو واهله

بس شقول ما اقول الا نصيب و مالت على تفكيري :23_asmilies-com:
حتى ما رضيت الناس ايون و اشوف و اقعد مع الريال ولا شي حطيت عذري مو مستعده و صج مو مستعده من جسمي ابي اعدله

وقاعده احاول الحين والله ابي اضعف و اوحد لون جم مكان :eh_s(2):

نصيحة لا تصيرين مثلي اذا الريال محترم و زين توكلي على الله ترى قلة رياييل الحين..بس بالشكل رياييل

 

[قَلبڪْ صًخرْ]

شعر حله سهل
فيج نقص فيتامينات
روحي المستشفى
وسوي تحليل فيتامين د
وشرط ناقص
وهو سبب صلع وتساقط
عقب طقي ابر فيتامين واهتمي بنفسج
بيرد شعرج



و لون جسمج
سهل
الخلطه صابونيه من مزيونه
وكل اسبوه مغربي
وكريم مرطب دلال من مزيونه
وبتصيرين قطنه



وموفقه

 

[i'm so happy]

هوو خذاج لانه اخلاقج تحليج ياحبيبتي

اما الشكل مو مهم واذا انتي تحسين ان فيج شي غلط تقدرين تغيرين مثلا ستايل ملابسج لون بشرتج شعرج ووو..
والاطباء تارسين الدريره لا تتكيسلين ولا تبينين للرجال شي مو عاجبج فيج مو حلوة ترى وخلي عندج الثقه بنفسج

 

[رفـاعية]

الحين تقولين انج من ملجتي كل يوم تصيحين !! و اللي معاج في الدوام يقولون فلانه ليش ليحين ما تزوجتي !!


المهم
اللي فهمته ان القضية كلها على الشكل الخارجي
و انه مادري لي متى بنتم بهالسطحيه و نتكلم عالشكل .. هذي خلقة رب العالمين و المفروض ما ننتقدها و نعترض عليها و بمجرد هالكلام اللي تقولينه معناته انج مو راضية باللي ربج رزقج اياه !! قولي الحمدالله ..

ثانيا من متى الشكل مقياس؟؟
سمحي لي على جملتي قاسية شوي بس ترى المشكله مو في شكلج .. المشكلة فيج انتي .. قاعدة تنزلين من قدر نفسج بدون أي سبب !!
حرام عليج تقولين هالكلام والله, خلج أكبر من جذي
و اذا على قولتج اهو احلى منج (مع ان محد أحلى من أحد لأن كل انسان فيه شي يميزه و اللي ما يعجبنا في شخص .. يعجب غيرنا) لو انتي مو عاجبته ما طق الباب و طلبج .. الريال جايف فيج الزوجة و ام العيال

تعوذي من الشيطان اللي يوسوس لج و الله يوفقج في حياتج

 

[Pinky -cat]

ترا ما فيج شي بعدين ترا احنا حمدالله في امور تدل كل مشكلة فينا ونقدر بالدلع والكلام وفي علاج للشعر وفي عيادات للعيون
والجسم وغيره وغيره لا تحاتين سهله خلي بس عندج ثقة بنفسج اكثر

 

[Zinab BH]

حبيبتي خلج واثقة من نفسج و نظرة الزوج تختلف كثير عن نظرة الحريم
سبحان الله الله يزرع المودة و الرحمة بقلب الزوج و الزوجة و لا تفكرين بهسلبية
انتي صيري مرتبة و انيقة و نظيفة و كشيخة جدامه و توكلي على الله والله يوفقج يارب

 

[كلي_أمل]

ماعليج حبيبتي هم يبون السمعه الطيبة و الجمال مو كل شي
يمكن خطبوا جميلات و ماعندهم اسلوب

انتي اللي عليج تعدلين العيوب اللي بجسمج للعرس و لا تحسسينهم بهذا الشي و خلج واثقه من نفسج
و ماكو الا العافية انشالله

 

[منال $]

لازم يكون عندك ثقة بنفسك اكتر لانة جمالك الداخلي راح يعكس عليكي من برة
واهم شي انك عاجبة الرجال ليش تقللي من نفسك
انتي كل الي عليكي تهتمي بنفسك اكثر
والله يجملك بعين زوجك ويتمم لك على خير يارب

 

[You FOR Me Only]

لا تقللين من قدر نفسك وشنو يعني هو ابيض وانا مادري شنو عادي حبيبتي الابيض يحب السمره والسمره تحب الابيض عادي

رفعي من قدر نفسج كفايه طالبج تكونين ام عياله

 

[strong faith]

حبيبتي مو كل شي الشكل

يعني لازم تاخذين واحد اقل منج بالجمال !!

اخلاق و روحج اهم من كل شي ونفسج لها حق انها تشوف شي جميل ، لا تركيز على عيوبج لانه محد شايفهم اله انتي

و باجر بناتج ان شاء الله يصرون جميلات يارب ..حبيبتي زيدي ثقتج بنفسج انتي تستاهلين

 

[عزيز قلبي]

حبيبتي الله يوفقج ويسر امورج والجمال والبياض مو كل شي اهو شافج ووافق عليج
خلاص لو مو عاجبته ما وافق شكله يبي البنت المحترمه والسمعه الزينه تري الرياييل الحين
شبعوا خز بالبنات اللي كل وحده فيهم تطلع من بيتها جنها داشه سباق مع الباجيين منو فينا الاحلي
توكلي علي والله يتتم لج علي خير

 

[مخدوشة الوريد]

سلام عسوله شوفي طول ماانتي حاسه بحالة النقص هذي مهما غيرتي من شكلج خارجي ماراح تحسين بالكمال
الان ماكو انسان كامل حتى الي تقدم لج باجر بتعيشين معاه وبتعيشين مع حمواتج الي شايفه انهم اعلا منج الحين وبتكتشفين فيهم عيوب مخشوشه واايد
حبي نفسج اول واي شي بتسوينه سويه حق روحج موحق ناس حتى اهتمامج بروحج ورزتج وكشختج لج مو له لاان بالاول والاخير الي يبي يطلع فيج عيب بطلع مثل المثل الي ينقال مالقوا بالورد عيب قالوله يا احمر الخدين ف ليش تعبين روحج وتعبين نفسيتج .,, والحين الدور عليج اي شي شايفته بفيسج موعاجبج ويبيله علاج عالجيه فيةدكاتره بشره زوريهم او شعرج همن عندج هون البنات مايقصرون بخصوص الكريمات وهالسوالف ..,, وربي يسر لج امورج