احس اني ماراح اتزوج

[princess hanen]

اَلــزَوـآجْ قِسْـمَة وَ نَصِـيْبْ ~
وَ تـرِىَ مو كِــلْ اْلبِــيضْ حِلـوَـآتْ ~ لَـآزِمْ تْكُـوْنِـيْن وَـآثْقَـةْ بِنَفْــسِجْ وَ مـآعَليْجْ مِنْ أَحَــد !!
بالتوفيق حبيبتي !!

 

[Hand]

حبيبتي لا تضايقين ولا شي

اول شي خليج واثقه من نفسج لانه الثقه اساس كل شي

واشغلي نفسج بشغلات ثانيه غير التفكير بموضوع الزواج

صدقيني كل تاخيره فيها خيره لج .. حطي الشي هذا براسج

وادعي ربك كثير وصلي

بعد في شغله ابي اقولج عليها انا عمري 23 سنه وقريب بدش 24 ولوني ابيض

ولسا ماتزوجت يعني اللون ماله علاقه كله قسمه ونصيب

خليج واثقه من نفسج فديتج وبعد احضري اعراس وخليج مبسوطه

يمكن لو كنتي اتزوجتي سن اصغر تطلقتي لسمح الله ,, صارت لج مشاكل ,, ماارتحتي بالزواج

ماتدري ربك ايش كاتبلج ,, وبعدين بنات خالاتج متزوجات ماتدرين البيوت اسرار

يمكن هم يحسدونج على انج ماعندج مسؤليه وزوج وعيال مرتاحه

انسبطي فديتج وشيلي موضوع الزواج من راسج وربي يرزقك

 

[attoosh]

حبيبيتي انتي من صجج شنو هل المأسات اللي خانقه روحج فيها لبسي واستانسي واتكشخي وقطي فلوسج على نفسج واهم شي تستانسين بحياتج وصدقيني احسن ريال باجر بييج تذكري هل الشي الحين البنات كله قاعدين يتزوجون 25 وفوق وانا وحده منهم شنو يعني عمرج 24 والله استغربت منج خلي ايمانج بربج وصفي نيتج وخلج واثقه من عمرج شنو يعني عبالج الزواج اهو السعاده الابديه لا يعمري دشي قسم المشاكل الزوجيه وتشوفين سوالف اشيب لها الراس اللي ريلها اخونها واللي ماخذ عليها واللي يوم وطلقها واللي ما تييب عيال واللي مقهوره احمد ربج وانشالله الدنيا بتضحكلك اهم شي التفاءل كا انا خواتي كلهم تزوجو 18 وعشرين وانا تزوجت وخمس وعشرين ويمكن اكثر لا كنت اتشرط هذا قصير وهذا متين ولما طحتلي على احسن نصيب مركز ومال وجاه واخلاق والكل يحسدني وخواتي كلهم ماخذين متوسط وكشخ شهادة ثانويه وانا اللي تأنيت وصبرت وتفاءلت شوفي ربج شنو عوضني مع اني مريييت بأيام صعبه تبيت اهلي مو ماخذه راحتي والكل يدخل بتصرفاتي ولله الحمد الحين كلشي تغير وعبالج هذي نهاية المشاكل وهموم شوفيني الحين كله تعبانه ومسؤوليه وعيال وهموم ومشاكل اكبر من قبل بواايد والحمدلله على كل حال

 

[كراميلا مرة]

قوي ثقتك بالله
والله يكتب لك الزوج الصالح عاجلا غير اجل

 

[محتاره بعمري]

حبيبتتتي لاتتحطمين ولاتحطين هالشي ببالك ترا اذا قعدتي تتشاءمين ترا يصير صج لاسمح الله
(انا عند حسن ظن عبدي بي) حبيبتتي تفائلي خيير برب العالمييين وادعي وترا عادي الجمال والله مو كلللل شي ولعلمك الرجال يحبون السسسمر وكلن له نظظره بس ترا الحريم الكبار الامهات الي يدورون البيض من يقول لهم الولد ابي اتزوج وبدون مايقول شروطه يقولون نبي ندور وحده بيضا متبتبه < زي جدتي هههههههه لعلمك جدتي حتى الشغالات تشرط انهم يكونون بيض ومتبتبين مدري بتخطبهم اقولها شعلييك تقول كيفي
وبالاخير مرة خالي سمرا وهذا هو عايش معها احلى عيشه وهي عاجبته واهي عاجبها
ترا الرجال لـــــه نظـــــــــره
ولعلمك في بنات اعرفهم جممممال جمممال جمممال تبارك الرحمممن تقولين ماينقصهم شي ملكات جمال والكل يشششهد وهذاهم للحين ببيوت اهلهم مساكين الحمدلله والشكر انا ماتشمت ولاشي بس ابين لك والله يضيق صدري انا ع حال هالزمن صارو البنات وشكثرهم ومافي زواج
مو بس انتي تعانين من هالمشكله حبيبتي في غيرك كثير
واعرف وحده مسكينه مرره مليانه وسممممرا ومسكينه كبرت وكبرو خواتها وكله حاطه ببالها خواتها بيتزوجون قبلها سبحان الله جاها النصيب وتزوجت وعيلت وهي الحين ببيت رجلها مستناسه الحمدلله يعني يوم وصلت تقريبا 29 كذا تزوجت عادي حبيبتتي
وهالزمن تغير مو زي اول الحين كلن شايل نفسه وكلن عنده بنات ويحاتيهم صحيح بس قامو البنات يشيلون نفسهم مو زي اول يعني تقريبا تساوو البنت والولد بكل شي
ومانكر ان كل فتاه لها مشاعر واحاسيس وتتمنى وتحلم بفارس احلامها والله حااسه فيك لعلمك انا مو متزوجه ترا
وحاسه فيك حبيبتي بس مابيك تتشائمين تكفين خلي عندك ثقه برب العالمممين ودائما ادعي وش وراك انتي كل يوم تصلين 5 صلوات بكل سجده قولي يارب سخر لي الزوج الصالح عاجل غير آجل لازم يكوون عندك الحاح زي مالما تبين تطلبين من امك شي وماعطتك تروحين كل شوي تحنين عليها لين تعطين سوي كذا خليييك قريبه من ربك وثقي انه بيعطيك بكل صلاه الححي بالدعاء وخصوصا بالسجود تكونين اقرب له سبحان الله وكل ماطولتي بالسجده تطيح ذنوبك
حبيبتي الله يسسخخخر لك الزوج الصالح عاااجل غير آجل الي يهنيك ويسعدك ويشوفك احلى بنت بالدنيا قولي آميين ويسخرلي يارب ويسخر لكل بنت تتمنى يااارب​

 

[فطوم السعوديه]

والله مدري وش اقولك اختي ..
امممم هو كل شي فعلا قسمة ونصيب
انا ماالومك انه مره قهر أنا تجيني حاله أجلس افكر ياعالم وش فيني ؟ مدري
يعني جمال وطول وجسم وأخلاق وعلم ..
وما تزوجت ليه؟ مدري
وبالمقارنه كثير حولي استغفر الله مافيهم زود ابد بالعكس اقل مني مواصفات
ومتزوججين ومعهم عيال ..

لكني اكتشفت أن رب العالمين ماخلقني ونساني وان رزقي مكتوب
وان على قد مايحسن الانسان ظنه بربه راح يرزقه
ارتاح بعدها ..


أنا عمري زي عمرك تقريبا او اصغر بسنه
ولوني فاتح مو بيضه مره ولا سمره
واغلب المواصفات المقبوله فيني محب امدح بنفسي كثير ومع كذا ماتوفقت بزوج

يجون خطاب بس ربي مايكتب والأكيد أن ربي كاتب رزقي من زمااااااان
وبيجي يوم وباخذه وبيجي يوم وبتاخذين رزقك وبتفرحين

وان شاء الله تبشرينا ولايضيق صدرك وتشكين بنفسك وجمالك
بالعكس السمار والبياض مايحدد النصيب

اكثري من الدعاء والصدقه الخفيه بنيه التوفيق وتيسير الأمر
واهم شي ارضي والدينك


والله يوفقك ويارب تبشرينا بزواجك ياكريم

 

[دفئ ليالينا]

والله العظيم انا نفسك دايم كنت اقول انا ماراح اتزوج على اني حلوه الحمد الله بس ما اشوف نفسي لا زوجه ولاام احس نفسي حفشل في حياتي بسبب خجلي وثقتي المعدومه بنفسي وهاذا الشي صار يعكس لاشعوريا على تصرفاتي ويسبب نفور من اللي حولي بس والله شعور خايس حاسه فيك صرت فتره الح بدعاء بين الاذان والاقامه انو الله يشرح قلبي لزواج يرزقني بزوج بمواصفات معينه ومن خارج مدينتي وتكون مدينه جميله بعد مده وجيزه الحمد الله احس ثقتي بنفسي اتحسنت هذا بس من الدعاء وانشرح قلبي لزواج وصرت متلهفه اني اكون اسره سعيده ومتيقنه انو بيتقدملي الشخص المناسب تقدملي ولد خالي عايش في الخارج والله حسيت نفسي طايره من الفرح موعشان اللي اتقدملي عشان بس احد خطبني وحسيت نفسي مرغوبه وماوافقت عشان كان متزوج ويبقى يزوج عشان يبقى يخلف وزوجته موراضيه وماهو كبير مره بس شوفي كيف ربي استجاب دعوتي انتي تقولي عشان سمراء ماحد يتقدملي ياشيخه حرام عليكي الحين السمار صار يتعيب عاد كيف بسمارك الحلو احمدي ربك بس انوخالقك ربي بااحسن صوره


ادعي بهذا الادعيه بين الاذان والاقامه وردديه لين تقيم الصلاة
اللهم اني اسالك زوجا صالحا طيبا مباركا وارزقني الرضى به والقناعه به وحقق لي فيه مااتمناه يارب العالمين

اللهم ان كان الزوج الجميل الوسيم انفع لي في ديني ودنياي فاكرمني به واجعله عونا لي على طاعتك والا فاصرفه عني وارزقني الرضى بما قسمت لي ياارحم الراحمين واقدر لي الخير حيث كان

يارب يالله يامن لايعجزك شي في الارض ولا في السماء انه ماتجي السنه الجايه الا وانا في بيت اشرف واخير عبادك الصالحين

وبعد ماتصلي ركعتين في الثلث الاخير من الليل كررري هذا الدعاء مائة مره
ربي اني لما انزلت الي من خير فقير

واهم شي كوني متيقنه وعلى ثقه تماما انو ربي بيستجيب دعائك

 

[جوريـة السعودية]

سلام أقسم بالله كأنك تحكين عني
نفس الحاله
بس انا أفتح لون منك لكن ملامحي جدا عاديه ويمكن أقل من عادية مافيني ملح ولا احد سبق وقالي انتي حلوة ولا فيك كذا حلو أو أو
بل العكس
حتى وحده من قريباتي اليوم تقولي يوم جلست اشكي لها تقولي ليه الناس يهمهم الشكل وبس مايهمم الأخلاق والدين وجالسه تطبطب علي تقولي حتى الشينات بيجيهم رزقهم هي مخطوبه طبعا الله يتمم عليها ويسعدها

يعني واضحه مهما حاولت العب على نفسي واتطلع بالمراية


المهم انا نفس احساسك اللي كبري واصغر مني بكم سنه برضه تزوجوا وجابو عيال واحد اثنين وانا على حااااالي وكلام الناس والغربه والوحده والكبت والحاجه للتدليل والعاطفة من الرجل في أوجها لكن الحمد لله على كل حال أهم شيء مانسوي شيء يغضب الله الغاية ماتبرر الوسيلة
يجوني خطاب عن طريق حريم مدحوني لهم
لكن يجون أهل الخاطب أمه وأخته وماعجبهم ابدا مع ان اكثرهم عاديات الام والاخت لكن اكيد طموحهم وحده بمواصفات أخرى وكلن يبي الزين والجمال والبياض مثل ماقلتي

آخرهم ناس جوني من كم يوم والين الحين استنى وكل ماتصل رقم غريب على امي أقول شكلهم عزموا وبيجي الولد يشوفني

نفسيتي وأعصابي صارت عدااااااااام تعبت


مشكلتنا اننا بمجتمع سطحي جدا يقدر البياض والجمال درجة أولى وأخيرة وبس
مادري عنكم أنتم تكشفون أولا بس عندنا مانكشف الا للحريم وانا واثقه لو الرجال جا بيشوفني طوالي قبل أهله يمكن يرتاح لي حتى لو كان قبل الشوفه حاط لستة طلبات مثل زينب العسكري ووووو
لكن سبحان الله الأرتياح النفسي يقلب الطاولة

لكن مشكلتنا أهل الرجل هم اللي يجون يشوفون بالأول واذا اعجبتهم يجي الرجال ونظرة الحريم غير غير الرجااااااال


لا أوصيك بسورة البقرة
وكثرة الأستغفار والتصدق
وحسن الظن بالله
والصبرررر
إنما يوفى الصابرون أجرهم بغير حساب

يارب يارب يارب ياااااااااااااااااااااااااااااااااااااااااااارب أرزقني وكل اخت مسلمة عفيفة تبي تعف نفسها وتشوف عيالها بالزوج الصالح المخلص التقي النقي قولوا آآآآآمين

 

[جوريـة السعودية]

حبيبتتتي لاتتحطمين ولاتحطين هالشي ببالك ترا اذا قعدتي تتشاءمين ترا يصير صج لاسمح الله

(انا عند حسن ظن عبدي بي) حبيبتتي تفائلي خيير برب العالمييين وادعي وترا عادي الجمال والله مو كلللل شي ولعلمك الرجال يحبون السسسمر وكلن له نظظره بس ترا الحريم الكبار الامهات الي يدورون البيض من يقول لهم الولد ابي اتزوج وبدون مايقول شروطه يقولون نبي ندور وحده بيضا متبتبه < زي جدتي هههههههه لعلمك جدتي حتى الشغالات تشرط انهم يكونون بيض ومتبتبين مدري بتخطبهم اقولها شعلييك تقول كيفي
وبالاخير مرة خالي سمرا وهذا هو عايش معها احلى عيشه وهي عاجبته واهي عاجبها
ترا الرجال لـــــه نظـــــــــره ​

هنا مربط الفرس

بس حنا عندنا لازم الاهل الام والاخوات يشوفون قبل وطبعا مايعجبهم العجب

 

[ماركة انثى‘]

عززي ثقتج بنفسج و شيلي فكره ماراح اتزوج من راسج

 

[راتشيل]

حبيتي لا تحتين انا قبل نفسج عندي هذا الاحساس بس عرفت ان هذي الدنيا كل شيء فيه قسمه ونصيب ومحد ضمن عمره ماتدرين يمكن يموت قبل لا تزوج ليش اضيع وقت من عمري علي شيء مو بيد هو بيد الله سبحان وتعالي وهو موزع الارزق ان شاء الله لي في الاخير الله جيبه​

 

[boredom]

بسم الله الرحمن الرحيم

شوفي حبيبتي تدرين شنو اهم شي بالدنيا لج؟
الثقه بالنفس!

انزين تدرين شنو يعني الثقه بالنفس؟
يعني حتى لو انتي جيكر حتى لو انتي ماتنبلعين وموبالعه نفسج
الناس بيعجبون فيج!!

دايما دايما خلي صديقتج هي "نـفـسج"
اذا قعدتي بروحج وفكرتي بأشياء سلبيه لاتذمين نفسج

مثلا:
قعدتي بروحج وجابلتي المنظره وشفتي نفسج بطه
الاكثريه بيقولون :ويع انا بطه وافسل شحقا عايشه مافي شي كبري مالت علي فلانه احسن اللوع الجبد!!
جذي انتي بتظرين نفسج لا موبس جذي بتكرهين حياتج!!

امدحي نفسج قولي الحمدلله انا موبطه في ناس ابطط مني
ايييه الحمدلله انا ماوصلت لمرحله للناس وصلتها
شفتي روحج سمرا لاتقولين انا الووع الجبد ليش من متى صار السمار يلوع الجبد؟ها؟
ومنو قالج ان كل البنات السمر خايسين وطايح حظهم؟
منو يكون هذا اللي فهمج جذي؟
ماتشوفين اللبنانيات على زينهم اكثر سمر!!

اذا انتي سمرا ومو عاجبه سمارج كل البنات يستخدمون خلطات وبلاوي
وكويتيات ابخص مني بهالشي!!
تبين تسيرين بيضه؟استخدمي خلطات !!
واذا عاجبه سمارج وحدي لونج!!
سوي حمامت مغربيه بخار اللي تبينه بس اهتمي بروحج دلعي نفسج!!

وترا الزواج موكلشي بالدنيا
الزواج "قسمه ونصيب"
ويكون بعلمج بعد كل تاخيره فيها خيره
ليش انتي ماتفكرين وتقولين يمكن الله يحبني وماتزوجت؟
مويمك يكون في احد خير عليج راح يجيج بيوم من الايام!!
وبعدين ترا عيشة الزواج مو كلشي صحيح في ناس عايشه ومتانسه
بس حياة العزوبيه ترا اونس!!
وهذا مومعناته الزواج ويع!!

وبعدين انتي قلتي عمرج 24
مو 42!!

ياما سمعنا بنات تزوجوا بالثلاثين !!
وكل ماكبرتي بتكونين واعيه اكثر
شكثر ناس تزوجوا واهما صغار ماقعدوا سيدا تطلقوا!!
انتي الحمدلله بتكونين واعيه وعارفه وسامعه تجارب
بجذي انتي كسبتي خبره!!

لاتفكرين بالاشياء السلبيه حتى لو كانت سلبيه حاولي انتي من نفسج تخلينها ايجابيه على قد ماتقدرين!!
حبي نفسج بيحبونج الناس!!
خليج واثقه من نفسج الكل بيحبج ويحترمج حتى لو كانت فيج عيوب
بتعمي عيون الناس!!

بيليف مي!


الله يوفقج ويرزقج بالزوج الصالح
قد ماتقدرين امدحي نفسج

 

[رفجه عليك]

ههههههههههههههه والله اتضحكين وربي يعينج..
اختي صدقيني مايخصه الزواج فالبيض ولا السمر..

سبحان الله لو أقولج شي تستغربين أمسات وحده من رفيجاتي عرست و ريلها ماشاءالله وسيم..و هي مافيها نقطة حلاه..

وسمره واااااااااااااايد..اختي يت فتره عندنا فالدوام اللي أشتغل فيه والغريب ان البنات كل وحده اللي تشوف نفسها خسفة عرست وحنا البيض ما يااه نصيبنا بعد...

اختي الزواج قسمه ونصيب ..يعني كتبة ربج..و في من الشباب يموتون فالسمراوات..الزواج حظ ومكتوب ومايخصه البياض ولا الحلا..و الله أعرف واااااااااايدات من البنات فيهن بياض وجمال وماعرسن..لدرجة اني أستغرب..و هن محترمات وشريفات..

حبيبتي النصيب مايعرف من الحلوه ومن الخسفة..ومايعرف البيضه من السمره ..المكتوب مكتوب..

أقولج عن نفسي أنا أحلى وحده في عائلتنا و بيضة وجميله..مع ان هلي أكثرهم سمر..و عرسوا كلهم مابقت حد الا أنا و ألحينة وصلت 30..و كلهم يقولون لي لا تلبسين النقاب يمكن تتزوجين..و أنا أقولهم مايخصه النقاب بالنصيب..
صح الزواج ستر من الله..بس للاسف زمنا هذا صار موكل شي بالزواج تنحل مشكلة الوحده..
بس مرات كلام الأهل و الناس مغثه للبنت..
الله يستر عليج فالدنيا و الاخره اختي..و يرزقج بالزوج الصالح اللي في نيتج عاجلا غير اااااااااجل يالسميع ويا مجيب..

حبيبتي نهاية كلامي لج النصيب مايخصه لا فاللون ولا فالجمال..شوفيني أنا بنات من هلي سمراوات وكلهن عرسن و أنا اللي بيضه و أحلى ماعرست..واللهم لا اعتراض عالمقسوم..انشاءالله بتعرسين قريب وخلي عنج الوسواس اللي ماله داعي..

مع ان والله ثم والله الكل كان يقول أنا بتزوج قبل الكل...الله يفرح قلبج قريب بالزوج الصالح انشاءالله..و نسمع منج بشاره حلوه..و لاتقنطين من رحمة ربج...

والسموحة منج يالغالية..

 

[الاهله]

انشالله بتتزوجين عريسج مكتوب عند الله منذ الازل

واعرف واجد يقولون احنا نحس ان ماراح نتزوج والله الحين عندهم 3 و2 عيال

اللهم ان كان رزقها بعيد فقربه يالله

 

[chakletaA]

رفجه عليك
"‫"" كلهم يقولون لي لا تلبسين النقاب يمكن تتزوجين.‬""
السؤال هل الرجال اصبحوا يحكمون البنت من المظهر
تلك هي العقول الرجعيه
الانسان جوهر
وكل تآخيره فيها خيره

 

[Joy close]

يابعد قلبي والله انتي نفس عمري وحاسه فيك انا كذا اللي كبري واصغر مني تزوجوا والحين لاصار عند عماني عشاء اصير انا بين بزران هههههههههه بس عادي لاني مابي العرس بس المجتمع الخايس اي بنت ماعرست يرحمونها ووش فيها !
بعدين ترا اللون ماله دخل بالعكس السمار صاير مرغوب شوفي البنات هابين بالتان واقول لك خالي يموت على هند البلوشي معجبته لون وجسم عشان ماتقولين يمكن تمثيلها حلو لوووول يعني لا تحطين في بالك ان اللون هو اللي موقف نصيبك ترا ربي ماأخر زواجك الا عشان يجيك اللي تتمنينه لا تزعلين من تدبير ربي واقري سورة البقره كل يوم والله يوفقك وتبشرينا بزواجك وكل شي تتمنينه

 

[رحيق الحياة]

إسمحيلي اقولج
المشكلة إنج حاطة ببالج انه ماراح تتزوجين وهذا غلط
( تفائلو بالخير تجدوه) صحيح كل شي قسمه ونصيب بس لاتنسين الدعاء لحي بالدعاء حق الله سبحانه
واخيرا لا تنسين تهتمين بنفسك بالمظهر والجوهر , خليج مرتبه وانيقه واسلوبج يكون حلو وراقي

موفقه

 

[قطوة@@]

لا تفكرين وايد بالزواج
وايد فيه بنلا بيض و شقر قاعدين ابيت اهلهم
كل شي قسمه و نصيب من ربج

 

[لميياء]

الله يكتب لك الخير ..
ويرزقك الزوج الصالح :eh_s(7):
وعقبال ما نشوفك بموضوع العرايس يا رب :eh_s(22):​

 

[رفجه عليك]

(chakletaA)

أنا الحمدالله والشكر مقتنعه بنقابي..مابغيت رايج..