احس اني ماراح اتزوج

[غشيمه علموني]

انا نفسج انا اكبر وحده وسمرا وللحين مااحد خطبني والكل يقولي الريايل انعموا كل هالسنع وللحين وماتزوجتي
الله يعجل بنصيبج ونصيبي ​

 

[سنووايت__]

مااشقاك الا ليسعدك

حبيبتي كل تاخيره وفيها خيره
قصه سيدنا يوسف عليه السلام لما انسجن واصحابه الاثنين اطلعوا قبله لكن واحد صار ساقي خمر والثاني مات مصلوب
اما يوسف عليه السلام الله اجل طلعته من السجن ليخرج امين على اموال الدووووووله
شوفي هالقصصه واعتبري
يمكن الله ياجل فرحج بس تتزوجين احسن من ازواجهم وخير ونعمه
عليج بالدعاء والصلاه والحين احنا بالشهر الفضيل اجتهدي الله سبحانه يحب العبد اللحوح يعني احنا شوفي بالسوق ونقعد ساعه عند البياع عشان نكاسره بالسسعر خخ
والله سبحانه وتعالى اكرم وافضل من اننا نلح ونبجي وندعيه
الله يوفقج ويرزقج بالزوج الصالح والذريه الصالحه
اللهم اكفني بحلالك عن حرامك واغنني بفضلك عمن سواك
ي رب يا جامع الناس في يوم لاريب فيه اجمعني مع الزوج الصالح
ي رب لاتذرني فردا وانت خير الوارثين
ياااااااااارب ارزق كل البنات الي ماتزوجوا الزوج الصالح والذريه الصالحه
يارب تفرحهم ويترسون بيتهم صبيان وبنات

ـــــــــــــــــــــ​

:eh_s(15)::eh_s(15)::eh_s(15):

 

[! Miss.Q8 !]

كل شي نصيب حبيبتي

انا قبل فتره كنت افكر نفسج اني ما راح اتزوج

رفيجاتي كانوا كلهم متزوجين وتزوجوا مبجر لي درجه حسيت اني عانس بينهم لوول

مع اني مو كبيرة وايد اللحين انا كبرج وتووني متزووجه

انتي ادعي ان الله يرزقج بالزوج وما تدرين يمكن خيره لج هالشي وتأخذين الأحسن

 

[* شوية أمل *]

عززي ثقتج بنفسج و شيلي فكره ماراح اتزوج من راسج
والله يسلم الخلطات والكريمااات تخلييج قطعه ~ والله يرزقج بالزوج الصالح اللي يصوونج

 

[كتكات احمر]

ثقي بربج

الله يرزقج الزوج الصالح

 

[احبكم مررره]

الله يرزقج بالزوج الصالح يارب

 

[A L F A J R E Y]

حبيبتي الزواج قسمه ونصيب ماله علاقه بلون البشره
يعني افي بنت سمرا تزوجت !!!

انتي لمى يصير عندج ثقه بنفسج راح تعكسين هالشي على تصرفاتج
يعني انتي بنفسج قاعده تقولين ملامحي حليوه يعني انتي عاجبج شكلج خلي عندج ثقه بنفسج علشان يبين هالشي عليج من مشيتج وكلامج جدام الناس وبهالشكل الناس بتنتبه عليج

وبعدين اذا خالاتج قالوا لج تعالي معانا عروس مافيها شي لازم مجتمعكم يشوفونج ويتعرفون عليج يمكن تناسبين احد من عيالهم لكن لمى تكونين منعزله وفالبيت منو بيشوفج علشان يخطبج !!!

وفي ناس تخطب على سمعه الاهل مو بس على الشوفه
والله اعلم بنصيبج وشنو الاحسن لج

خلي ايمانج بالله قوي انه الافضل بالمستقبل
والله يوفقج وويوفق الجميع يارب

 

[شمس ورديه]

حبيبتي تبين السعاده والراحه نصيحه أحسني الظن بالله وتوكلي عليه

اطردي كل الافكار السلبيه والوساوس خلي عندك يقين ان الله بيرزقك الزوج اللي تتمنينه لانه كررررررريم ورحيم
خلي تفكيرك ايجابي وكل ماذكرتي موضوع الزواج افرحي من قلبك وقولي ربي بيرزقني وبيفرح قلبي لاني دعيته واحسنت الظن فيه واكثري من الاستغفار وصدقيني بترتاحين بحياتك وبتتزوجين وربي بيرزقك بالذريه الصالحه
الله يريح بالك ويرزقني واياك وجميع بنات المسلمين
​

 

[غداً القاك]

يوم ارفع الموضوع ظنيت البنت رفعته تبشرنا انها انخطبت
يارب يوفقها ويريح بالها ياكريم

 

[اوتار الحياه]

احسني الظن بالله وتوكلي عليه

 

[بدوردا الأموره]

احيانا عدم الزواج خيره لأن الزواج هالايام صار شي يلوع الجبد تقضين عمرج في شك وغيره و رقابه وصراخ وضيقة خلق ونقزات من هالريل
احين وين تلاقين وحده وصلت اربعين سنه ومافيها ضغط وسكر

 

[خجولة بدنيتي]

وانا والله مثل تفكيرك وبديت اتعب نفسيا على اني بيضة ولله الحمد حلوة بس كل شي نصيب
على بالي بس بمجتمعنا السعودي البنت تعاني كثير من هالامر وما توقعت به الشي عندكم
يارب يرزقني ويرزقك ويرزق جميع بنات المسلمين

 

[الزورق222]

ياحياتي ليش زعلانة الزواج مو اهم شى بالدنيا بس تدرين النساء فى مجتمعنا يعتبرونه مهم تدرين ليش لانهم فاشلات معتمدات على الرجال يعتبرونه هو الاساس فى الحياة وحالتهم حالة ..انااا مااقلل من موضوع الزواج واهمية وجود الرجل فى حياة المرأه لكن ان يكون هو كل شى هذا هو التخلف بعينه ..لاتهتمين للتخلف الموجود فى مجتمعناا الخليجى المرأه الغير متزوجة يعتبرونها ناقصة مساكين مايدرون هم الناقصات تتوقف المرأه من تطوير ذاتها عندما تتزوج ويصبح فقط ملاحق زوجها فى كل مكان وانواع الشك تحوم حول هذا الزوج المسكين الذى اعتبره كفرخ بين ايدى عقل امرأه توقف نضج عقلهاا بسبب الزواج ..
حبيبتى حاولى ان تطورى ذاتج او تكملين الدراسة وانسى الزواج هو سيأتى ذلك الاسمر على الحصان الابيض هههههه حشا براد بيت يعنى كلها زوج خليجى ههههههه
اشدخل السمار بالزواج ليش تعتبرينه عائق اهتمى بنفسج اكثر وحاولى تبرزين جمالج امام اعين العجز هههههههه
كونى واثقة من نفسج ..( ياسلام على اللغة العربية والكلام العامى ههه بديت اخبص )
المهم صيرى مثلى انا تجاوزت الكثير من العمر والحمدلله كما انا مع محاولات كثيرة من الصديقات والاهل فى اقناعى بالزواج لكنى ارفض ان اتزوج بدون تفكير فقط حتى اصبح متزوجة وابعد عنى شبح العنوسة ) مايهمنى كلام الناس مع انهم بدءوا فى مضايقتى لكنى لن اهتم الحمدلله واثقة من نفسى وراضية باللى راح يختاره لى ربي من نصيب سواء تزوجت ام لم اتزوج اكيد سأرضى لكنى لن اكسر من ثقتى بنفسى اهتم بنفسى وبصحتى وقاعدة احاول اطور من نفسى بجوانب معينة احبهاا وعايشة حياتى الحمدلله عاد تصدقين ان هناك الكثير من اقاربي مستانسين لانى ماتزوجت يتمنولى ان ابقى عانس على قولة المتخلفين فى الفكر اشوفه بعيونهم والمشكلة ادرى ان بيوتهم المتزوجات كلها مشاكل بمشاكل ويمكن توصل للطلاق والله شى يضحك ..
يابنت لا تتضايقين ترى زعلتينى ووابى رد منج تنسين هالفكرة تماما ارسليى مسج على الخاااص لازم تتغييرين لاتتشاءمين ياااصبية
باى كنت هنا اختج الزورق 222

 

[عاشقه الشامري]

ليش محطمه نفسش هالشكل وربي خيره لش لا تقولين كذا بالعكس وربي كل اللي الله كاتبه لش خيره لش المفروض تفرحين وترضين بكل اللي مكتوب لش وكثري من الدعاء ان الله يرزقش بزوج الصالح والذريه الصالحه وخليش متفاءله وواثقه بنفسش وبعدين ليه تقولين شينه وسمرا خلق ربي كله زين الله ما يخلق شي شين وانتي بنفسش قلتي مملوحه وناس واجد يشوفون فيش جمال انتي ما تشوفينه واهم شي جمال الروح والاخلاق وعسى الله يوفقش ويرزقش بزوج الصالح والذريه وارضي بقضاء الله وقدره وهذا نصيب واللي ربي كاتبه بيصيرر

 

[anno]

ياقمر عادي انا خالاتي وبنات خالاتي إللي بكبري كلهم متزوجات الله يسعدهم
وانا كل ماانخطب تتفركش خطوبتي يعني اسواء من حالك انتي يمكن تنخطبين مرة وحده وتكون هي زواجك
ومع ذلك متفالة ان ربي كريم ومأخرني لشي افضل
ذكري ربك وان شاء الله باإذن الله ربي يرزقك بولد الحلال إللي يسعدك ويناسبك
ويارب اسمع عنك اخبار حلوة
خليك متفالة بس وبلاش الاحباط هذا

 

[mĬŝ∫Řξξm]

عيشي حياااتك وسعي صدرك
وانتي تووك صيره
ليه تقولين كبييره
ومافي فرق بين البيضه اوالسمرر كلشي قسمه ونصيييب
وكل تأخيره فيها خييير
واكثري الاستغفاااااار
الله يووفقنا جمييعااا

 

[Mjnont '3lay]

لا تقولين جذي الله يرزقج بالزوج الصالح عاجل غير آجل

 

[فجرر]

اللهم هب لهآ من لدنك زوجـآ صالحـآ ياذآ الجلال والاكرآم اللهم اكرمهآ بحلالك عن حرآمك

اللهم اميين

 

[** رش رش **]

الله يرزقج الزوج الصالح الي يسعدج بالدنيا و يجمعج الله فيه بالجنه يا رب

 

[»βαzεя«]

الله يرزقج يا رب ..