احساسي بالفشل ملازمني شلون اتغلب عليه

[النوري نور عيني]

اختي ..الخدامه لو تقول لي مابي البيت هاذا ...وديتها بنفس الساعه للمكتب ..وانتي مجابله الرجال ما ابيك ما ابيك ؟ ليش ؟شكله مو عاجبني ؟؟؟ ..والرجال ان كره المره كره عياله منها ...ويوم بغا يردج تشرطين تبيم شقه وسيعه ويمكن طمعان في معاشج ويبي يرد المهر الي دفعه ؟؟؟ اقول ....ان كنت جاهله فالله المستعان ..اما ان كنتي انانيه ...خبز خبزتيه يا الرفله اكليه ....

 

[جوري الفيلجاوي]

حياتي اذا تبين تاخذين قرار لا تفكرين بمعامله اهلج انتي جذي قاعده تتهربين بس ماتدرين يمكن يكون مصيرج اخس حاولي اي احد يتقدملج فكري بعقلج مو بقلبج لان امج بعد عمر طويل مو دايمتلج ريلج اهوا اللي بكون شريك حياتج

 

[حجيه هيونه]

انتي حاطه ببالج انج تزوجتيه عشان تنحاشين يمكن لو مو حاطه ببالج هالفكره كان تقبلتيه

الريال مبين وايد زين ماشالله عليه وشاريج واكثر من مره اثبت هالشي

اذا انتي بعقلج ردي له وتسنعي

اذا ناويه تظلين ياهل وتتصرفين مثل اليهال كيفج عاد

بس لاتردين تقولين لهم ابيه لانه مصختيها واهو كرامته ماراح تسمح له تلعبين فيه جذي

لاتزعلين انا من حرتي عليج قاعده اكلمج جذي تلعبين وكانه هالي تسوينه مو زواج ومسؤلية كانج تلعبين شطرنج

 

[10000]

نصيحتــــــــــــــــــي والقرار لج قبل لا تقررين بشي لازم تحل مشكلتج اللي اهي ضعف بالشخصيه انتي اصلا موعارفه شنو تبين بالضبط

وبعدين طليقج مسكييين انتي بالبدايه ماتقبلتيه وكنتي ماتقولين له كلام حلو وبعدين اذا عيبه الوحيد : انه مادي ضحي واشتري راحتج وهالشي يخليييج ترتاحين من ضغوط اهلج والحياااة وتردين الولد لابوه اشــــــتري هالاشياء لراحتج ضحي بشي


وماكو انسان كامل اذا هو على اقل معطيج استغلاليتج ومخلييج ملكه فبيتج ومدلعج عادي تقاضي عن عيبه اكييد انتي فيييج عيوب

 

[غلا بندر]

والله اني دخت وانه اقرى قصتج ..
حبيبتي .. انتي قاعدة تضيعين روحج وتضيعين ولدج معاج ..
انتي سالفتج كلش مب سالفة فشل .. انتي ماتعرفين تقررين وماتعرفين شتبين .. ومالومج لأن شكلهم بيتكم وايد أذوج الله يهداهم بس .. دام انج مب مقتنعة في طليقج لاتردين له ولا تعيدين السالفة الأولية كلها او تعيشين في جحيم اخس اللي في بيتكم .. واخوج حقريه خليه يولي ماعليج منه ترى اللي يطق ويتطنز يعني ماعنده شخصية وفاشل ويبي يطلع رجولته عليج .. حقريه يمه ليما يتفشل ويحس ان انتي لج شخصية .. عندج الأنترنت حبيبتي دوريلج على مواقع زينة تعلمج شلون تنمين شخصيتج ترى والله هالشي يساعد انه بنفسي جربت هالشي .. استفيدي من دراستج ومن الانترنت استفيدي من كل دقيقة في حياتج.. انتي بدال هالتبجبج اللي قاعدة تسوينه ومسرحية الطليق والزواج خلي بالج على ولدج وقعدي اشتغلي على روحج فكري في دراستج .. اللي راح راااااااااااااح خلاص قطيه ورااااج ..ابتدي بروحج وثبتي حق روحج وحق الكل انج قدها وقدود .. والله العظيم وانه اقرى قصتج ماحسيت انج فاشلة .. بس حسيت بتردد مو طبيعي .. ترى كلنا نتردد يعني شي عادي وكلنا عندنا مشاكل .. كلنا فاشلات؟؟ لا.. بس لازم تتحكمين في روحج لأنج اذا تميتي جذي الكل بيلعب على راسج وبتضيعين ولدج منج .. الحين انتي بس يو & ولدج .. سمعي كلامي واخذي بنصيحتي وان شاء الله عقب سنتين ابي ادخل المنتدى واجوف موضوعج من أحسن المواضيع وتكونين قدوة لغيرج ..

مابنساج في الدعاء وياريت تقرين نصيحتي كل ليلة عشان ماتنسين نفسج

:eh_s(15)::eh_s(15)::eh_s(15)::eh_s(15)::eh_s(15):

مع الاخت برايها
وعسى الله يوفقج ويريحج

 

[اغلاغلا]

استخيرى وشوفى شنو يطلع معاج
الله يسهلج

 

[سيره ستايل]

حبيبتي كل القصة تناقض في تنا قض ما يندرا وين كوعها من بوعها.... والله يهديج لنفسج ولدج .... ونصيحة ردي لزوجج لأن مافيه علي

كلامج اي عيب إنتي إلي فتحتي با ب المشاكل وتناقضين نفسج بنفسج وحطي ابالج الحريم علي قفا من يشيل.... وزين وحدة هالايام تلقي

زوج سنع......................

 

[نور كوليكشن]

نار زوجج ولا جنة اهلج
انا اقول تردين له و تسمعين كلامه يمكن يسنع قراراتج اللي راح تتخذينها
وتقولين له انا من ايدك هاذي لي ايدك الثانيه انت الريال انا احس ان اهو احسن منج في مسألة اتخاذ القرار
واهلج بيصبرون عليج الحين بس باجر لما تشتغلين مو بعيده يقولولج طلعي بشقة
خليج في بيتج وعيالج واهلج اللي بينج وبينهم صلة الرحم
وجيبي اخوان حق ولدج احسن
وسكري اذونج عن الكل بس همج بيتج وعيالج
حتى الرجال لمل يشوفج جذي ومطيعه راح يتغير
وبالنسبه حق تقبلج له
يا ما ناس عاشوا مع بعض سنين وهم مايحبون بعض بس العقل كان يحكمهم
ويراعون ربهم في معاملة بعض
وبالتوفيق ان شاء الله

 

[nora__]

الله يوفقكم بنات

 

[@ام ضاري@]

صراحه الغلط منج راكبج

انتي انسانه كنتي تبين الفكه من اهلج ويوم جاج وتزوجج ورزقج الله بولد شحلاته تبين الفكه منه

تدرين ليش انتي اتصرفين جذي لان مافي احد قريب لج يعلمج من الصح والغلط

انتي ماتقبلتي الرجال من شكله وانتي قلتي مقبول لا الظاهر انتي تفكرين في عمر الرجال انه اكبر منج بكثيرر

كان بمكانج تغيرين حياتج دام انه كان معاج زين لان الحب مو شرط اخذ اللي احبه

مع العشره راح تحبين ها الشخص بس الحين لا فات الفوت ماينفع الصوت

الحين حياتج تغيرت عندج طفل وكلمه (( الفشل )) هذي لا تفكرين فينا فكري بشنو تبين عطي من عمرج ثقه

مافيها شي لو سامعه كلام طليقج وراده بغرفتين شنو فيها يعني ترا قبل الطلاق قالج اخذي لج وقت ننفصل من غير طلاق عشان تفكرين

المثل يقول نار زوجي ولا جنه اهلي

وانتي انسانه تبين الفكه حمدي ربج على النعمه اللي انتي فيها استخيري مره مرتين ثلاث وردي حق رجلج

ماتدرين يمكن خيره الرجال يبي يعدل وضعه وقال انج تساعديني وين الشمكله اذا ساعدتيه

انتي ماتدرين شنو تبين تبين غيرج تزوج وعمره 15 والحين سرب عيال ومشاءلله الامور عال العال

فكري في المستقبل فكري في ولدج

صدقيني باجر لا تعلق في ولده اهو راح يتغير عشان ولده يفكر في المستقبل اكثر

انتي توج صغيره عشان جذي ماتعرفين تاخذين القرار صح ولا فكرتي بصبر لان بعد الصبر فرج

شرايج وحده اعرفها تبجي في يوم عرسها والسبب ان رجلها مو حلو جيكره بس مع العشره الحين تغار عليه

الرجال فيه غاريه يوم سمع انج بتزوجين فكر في ولده

حتى لو باجر توظفتي وصرفتي على ولدج وتغيرو خوانج للحسن

باجر حريمهم يطلعون روحج ماتدرين شنو مخشوش بها الدنيا

استخيري وردي حق طليقج واصبري صدقيني راح تفرج لج ان شاءلله

 

[nora__]

مشكورة يام ضاري

 

[تعويذه الحب]

السلام عليكم

شوفي حبيبتي انتي اللي غلط بغلط ,واتمنى انج تتقبلين رايي

شوفي حبيبتي انا صح تزوجت وانا اصغر منج تزوج وعمري 17 سنه وينت بنتي وانا 18 سنه لان على طول تم الحمل اول شي انا اللي

عشت مع طليقي 3 سنين من اروع ما يكون لكن بعدين انقلب وصار يكلم ويخربط ويطق تحملته 10 سنين بعدين تطلقت والله رزقي بزوج

ثاني , يعني انا ضروف طلاقي غير ضروف طلاقج

حبيتي انتي اساسا" تزوجتي الريال وفي فرق بينكم تقريبا 15 سنه اتي بعز شبابج و مراهقتج واهو 35 يعني ملامح الكبر والشيب او الصلع

واضحه عليه فعشان جذي انتي ما تقبلتيه قمتي تقولين بينج وبين نفسج انا صغيره واهو شايب وزين اني رضيت اتزوجه واهو اكيد ماراح يلقى

وحده صغيره ترضى فيه دام اهو واصل ليه هالعمر فشختي عليه والريال بهالعمر خلاص يكون شبعان من كل شي يبي يستقر بس انتي لا انتي

ما شفتي شي من الدنيا ما طلعتي مع صديقات ما رحتي كافيهات ما لبستي على كيفج فقلتي الزواج الحل الوحيد , نيي الحين حق احساسج

بالفشل انتي مخليه الكل يدخل بحياتج وهذا من كثر ما انتي تخافين من امج , ومن زفها لج , الريال كان زين معاج ودللج بس انتي حسيتي انج

ما تبينه نصيحه لج طالعي فلم الحسناء والوحش وانا جد قاعده اتكلم شوفيها شلون حبت الوحش ترى المعامله الزينه المفروض تخليه بنظرج

فارس الله عطاج الريال الصالح وانتي رفضتيه , صار الطلاق والحين يبي يردج شوفي ما كو ريال بالدنيا ممكن ينجبر على وحده ما يبيها لو

عنده منها مليون ياهل

والريال لو ما يبيج جان ما خطبج وقال يبيج مره ثانيه او انه ناوي يفتح صفحه يديده معاج بس الريال حاس انج كسريتيه يعني مع كثر الدلال

والدلع انتي ما حبيتيه وترى هالشي حيل صعب عشان جذي الريال غير معاملته معاج قال يمكن هذي من النوع اللي يمشي بالعين الحمره , مو

مال دلع كلش يمكن اذا تغيرت عليها تحبيني


نصيحه لج ردي بيت ريلج وارضي بالغرفتين شفيهم الغرفتين انتي ما عندج الا ولد واحد ليش 3 يعني وامج خليها على صوب لا تسمحين لها

انها تتدخل بحياتج شنو يعني اذا ريلج بالديوانيه دقي زفيه !!!!!!!! ليش تبيه 24 ساعه مجابلج لا حبيبتي الريال لازم يطلع ويروح ويرد

براحته لا تصير مثل السجان عليه


وبعدين لما قالج نطري لما تتوظفين وانا وانتي نشيل بعض ترى مو غلط الريال ما يشتغل وعلى قولتج ما عنده شهاده وانتي شايفه الإيجارات

شلون مرتفعه اقل شقه ب 350 وصاعد وانتي ما تبين تاكلين ما تبين اطلعين ما تبين خدامه ما تبين مصرف لج ما تيبين سوق !!!!!!!!!!!!!!!!! فكري شوي الريال ما راح يقط كل معاشه على شقه 3 غرف ويقصر عليكم بعدين وتردين تتشكين انه ما يعطيج

وبعدين انتي تقولين ان الريال مقتدر يعني مو ميت على معاشج الله يهداج شنو بطلع فلوس المهر من معاشج ترى هذا مو كلام الريال يبيج رديله

وانتي اللي لازم تطوين صفحه الفشل وتبدين صفحه يديده مع نفسج بالأول بعدين ريلج لازم يصير عندج شخصيه وراي , لا تمشين ورى كلام

امج يا ما بيوت عمرانه انهدمت بسبب تدخل الامهات حبيبتي بيتج خط احمر لازم ما تخلين احد يتعداه هذا بيتج لا تخلين احد يتحكم ببيتج ويلغى

وجودج امج لخت ووجودج وانتي عندها فلا تخلينها تلغيج و تلغي شخصيتج من بيتج , ردي حق ريلج وعوذي من بليس ودايما ذكري محاسنه

وكلميه قبل لا يردج قوليله فلان ترى انا سويت جذي ما ادري ليش كنت صغيره وياهل والحين وعيت وعرفت قدرك وابي انرد مثل اول

واحسن وماراح اخلي احد يدخل بحياتي وانت لازم تشتغل واذا عالشقه انا راضيه بغرفتين ردي عشان ولدج والله يوفقج ويسعدج

 

[عذبه الروح]

انتي اصلا ضااايعه بالدنيا . اول شي تقولين ما تبين بيتكم عشان امج واخوي

وبعدين تزوجتي وزجج عاملج عدل وعاملتيه بطريقه مو زينه وزعلتي وردج وعاملج بطريقه مو زينه لان شاافج مو قد المسؤوليه وان انتي مع راي امج انتي لازم يكوون عندج شخصيه يعني لازم تكونين واثقه من روحج ما فيها شي لو قال معاشج مع معاشه اهوا مو عدوووج ريلج يعني ما فيها شي لو سااعدتو بعض لا عيب ولا غلط لازم كل متزوجه تساعد ريلها مثل ما اهوا يساعدج يعني الحياة مشتركه بينكم .. وانتي مو ماااااااااااااااااااااااال زواج كلش ماكو ثقه ماكو شخصبه لا تظلمين الريال معااج .. وبعدين انتي لما قلتي قاعدة اقرا المسج اكثر من مره مو مصدقه يعني واضح انج تحبينه .. وليش اذا ما تحبيه كل شوووي داقه عليه .. وهم انتي لازم تقوليله انه يشتغل ويعتمد على روحه مو على اهله ... والله ساالتفج آدوخ

بس لازم تروحين حق استيشاري الحياه الزوجيه او طبيب نفسي مو لأنج مجنونه لأ عشان تعرفين روحج وتردين الثقه حق نفسج

او كتبي سالفتج بمنتدى بلقيس وان شاء الله الدكتوره ناعمه الهاااشمي بتساعدج

 

[قـہۈه فـرنسيـہ™]

استخيييييييييييييري,,,والراي الأول والأخير لج ...اذا بتردين له عشاان تنحاااشين من أمج ,,لا ترديييييين ,,,مصير الأياام تمر وتتغير ,,

 

[ام زهره]

اتمنى تاخذين برأيي
شوفي مهما كان زوجج مو زين اهوا ابو ولدج محد راح يحب ولدج كثرة واهلج مو دايمين لج حرااااام فكري بولدج المسكين اللي عايش بهالمتاهه حتى لو زوجج مو زين عيشي معاه عشان ولدج عشان تحسين انج سويتي شي مهم في حياتج مو تفكرين بحب وخرابيط وعاجبني ومو عاجبني هذاااااااااااااا ببو ولدج رديله وقعدي بشقة لو غرفه وحمام كاغي لنج مستقله ودخلي المنتدى وتعلمي السنع وحببي زوجج فيج ولاتظنين ظن السوء فيه وصيري ذكية
رديلة رديلة رديلة عشاااان لاتندمين
سوري اذا طولت او غلطت بالرد بس لانج معورة قلبي وابيج تصيرين قوية وشجاعه:flower:

 

[توته سعوديه]

ابعطج من اخرها
استخيري
كملي دراستج
حاولي تحببين نفسج لامج بوسي راسها ايدها انتي لج اجر وولدج يتعلم شي زين
انتبهي لولدج
انتي متناقضه والحل اي شي يصير لج اكتبي سلبياته وايجابياته
وشوفي اي كفه تترجح

 

[lolab]

تبيين الصج تحسف اني ضيعت وقتي وقرييت قصتج..انتي ماتدرين شنو تبيين وفيج نوع من الانانية وتاخذين قرارات بالهوا يعني بدون تفكير وبدون لاتكون عندج اسباب مقنعة ضيعتي طليقج وضيعتي ولدج فكري ابعقل ولادقولين تزوجت اصغيرة انتي كلش مو اصغيرة ولا اتقولين كلة من امج يتج فرصة انج اتعيشين مع ولد الناس الي مدلعج بس انتي ما عطيتية مجاال

 

[nora__]

رفعت الموضوع بعد ماذبحني الهم
تعامل امي معاي كل ماله ويصير اسوء بدت تهددني انها بتطردني من البيت
ولدي ضحيه لا احن عليه ولا اعطف عليه من وين اييبله الحنان ؟؟

ادعولي

 

[((shoOoshoOo))]

اذا مو مقتنعه كللللللش ولا لج نيه تحبينه لاتردين له
بس اذا السالفه سالفه الشكـل .. حدج غلطااانه وانا لما قريت كلامج حسيت انج انتي السبب في كل هذا
يعني الريال انتي اللي ماتبينه وغير جذي تسمعين تشيش امج عليه

تبين نصيحتي رديله وصلحي كل غلطاتج وياهـ .. دام مشكلته الشكل وانه راسه عنيد سهالاااات مع الوقت تقدرين تحلينهم باسلوبج الحلوو

 

[عادت ذكرياتي]

حبوبة ما تضيق إلا تفرج
إن مع العسر يسرا ...
اذكري ربج والجئي له ما حد يبنفعج إلا الدعاء واللجوء إلى الله