احساسي بالفشل ملازمني شلون اتغلب عليه

[G!RLooNa]

ويييه الله يعينج بصراحه سالفتج معقده

يعني السالفه فيها ظالم و مظلوم

اهلج على حسب كلامج ظلموج

انتي ظلمتي الريال

انتي اللي نفرتيه منج اهوا كان يحبج و شاريج

بعدين الصراحه الريال يوصل مرحله معينه يصبر عقبها ينفجر بس و هذا اللي صار

تطلقتي وانتي توج والده والولد انظلم انه عمره سنتين ومو عارف ابوه منو

بتتزوجين ما يندرا الريال بحب ولدج بعامله مثل عياله مستقبلا ولا لأ

و طليقج مارد عليج ولا فكر انه يشوف ولده بس يوم درا انج بتتزوجين هني قرر يردج مادري بس انه اهوا مايبيج تتزوجين؟؟؟ ما يبي ولده يعيش عند ريال غريب معنه مو داري عن ولده؟؟ ولا صج فكر وقرر يردج الله اعلم




صلي استخاره اكثر من مره واستغفري وادعي والله يهدي سرج انشالله و صج مادري شقول بعد والله يوفقج انشالله

 

[!الجادل الصعب!]

الزوج الاول ما ايد ترجعين له ..

ثانيا رتبي حياتج .. وهذي آمج ليش تنحاشين عنها .. ومبين من نصايحها وخوفها قلبها عليج ..

قآسيه؟ يمكن هذا طبعها بالكلمة الحلوه والدعوه الطيبه تكسبينها .. ولا انج تردين مطلقه للمره الثانيه ..

تقربي من ربج وادعي من كل قلبج ولا تفكرين بالزواج لين تتخرجين .. عطي نفسج فرصه للحياة وتعرفي على الناس حولج ..


بنات خفوآ عالبنت شوووي .. مو نآقصه حد يزيد همها .. البنت ماتعرف شنو تبي لان مجتمعها محدود لا تطلع ولا تروح ولا عندها آحد ..

 

[الكادي 2011]

اختي لاتزعلين مني انتي امراه خياليه ترى زين من صبر عليج فتره الزواج هو جان مو مقصر بشي وراء اسبوعين تريدين تتطلكين ليش تسوين بنفسج وبابنج وبولدج هيج حرام عليج ربج انطاج نعمه وانتي رافسته برجليج هم رجل يحبج جان ورزقج بطفل وهو متمكن انتي لو تتزوجين عشر مرات هم تتطلكين لان مااتعرفين شنو تريدين وابنج شعليه بالمشاكل انتي انانيه وتحبين نفسج انتي صرتي ام لازم تضحين ترى لا تتاثرين بالمسلسلات وحتى لو تزوجتي منو يتحمل ابن غيره يتحمل ابنج شهر سنه وبعدين رجعي لطليقج وصفي نيتج وياه وغيري اسلوبج وخلي بينكم فتره مثل الخطوبه حتى تتعرفين عليه من جديد وتحبينه

 

[اشتياق]

اذا كنتي واثقه من عدم اسعاد طليقج في حال العودة له

يكون هذا القرار ظلم للطليق وان تحقق الظلم في الزواج تحول من الحل الى الحرمه ..

الريال يبيج وانتي ماتبينه <<ماتبينه مو حابته شكله مو عاجبج شحقه تعذبينه معاج ومع مشاكلج

اهو مايدري شيصير بيت اهلج ولا مع اخوج ولا امج اهو عايش مع زوجه وانتي عايشه مع زوج وتوابعه <<اللي اهم اهلج

خلج قويه وعشان وليدج اللي ماظن ان عاطفة الام تشتغل عندج لانج لو تحسين فيه جان رحمتيه من انانيتج ورديتي لابوه


ماتبين ابوه؟؟كملي دراستج واقضبي ارضج وقوي شخصيتج ولاتكثرين ضحاياج احسن لج واحسن لهم

وترا طليقج مو ريموت كنترول كل مابغيتيه ياج ركض بالعكس تذكري الالم اللي حاشج لمن طنشج واحقرج وشوفي شقاعده اتسوين؟؟؟


انا كوحده مستمعه اقول لاتردين وخلج عند اهلج ومو الا مجمعات ومطاعم اكبري شوي وانضجي وتالي فكري بالزواج


عاد البنت لي فتحت عيونها على واحد لو شنو كان بتحبه وتتعلق فيه وغريبه ماحبيتيه بس يالله البيوت اسرار



الله ييسر امرج

تحياتي ياحياتي

 

[brettey]

اقري ردي على الخاص
وعسى الله يعوضج خير وينولج مرادج ويفرج همج

 

[شنووفه]

حبيبتي مافي احد كاامل بالهزمن ردي حق طلييقج علشاان ولدج حراام عليييكم الياهل يضيع بينكم وبعدين من سووالفج عن ريلج شكله صج يبييج مو بس اهوه يتغير انتي بعد تغيري فتحييله قلبج والجمال مو كل شي من اخلالاقه واسلووبه معااج يحلييه
وموفقه

 

[سمبتيكا ~]

لازم تصيرين قويه حتى لو ماكنتي قويه ..
طول ما آنتي قاعده ترددين كلمة ( آنا فاشله - طليقي مايبيني - ما آعرف شنو آبي )
عقلج الباطن خلاص بيحفظ هالشي و يبرمجه داخلج و تعيشين حياتج على آساس هالمنوال الفاشل !

آنتي خايفه تخطين خطوه جدام وتفشلين مره ثانيه ..؟
آوكي جربي ، حاولي تحقيقين عكس إللي تخافينه و تحسين فيه ..
آما إذا بتظلين متردده جذي ، عمرج ماراح تعيشين ولا تحققين نص إللي ودج فيه
و آمج الله يهديها و يسامحها ماسحه شخصيتج و لما بتنصحج جنها تسكرها في وجهج !

فكري بـ عقلج و عيشي الحياه إللي آنتي تبينها ( مو إللي غيرج يبيها )
الحياه آصلآ آختباااااار ولازم كلنا ندشه و نجرب حظنا فيه ..
إذا نجحنا الحمدلله ،، آلف الحمد و الشكر ..
و إذا فشلنا ! نجرب مره ومرتين وثلاث لييييييين ننجح ^_*
صدقيني ماحد فينا مرتاح بـ حياته و عاجبه حاله ..
كلنا نندب الحظ و نسبه ، بس الشاطر فينا هو إللي يجاري الآمور
و يتعامل معاها بذكاااااء .. آنتي اللحين إذا كان في شي مفروض يتصلح
فهي [ شخصيتج ] لازم تبنينها عدل و ترسمين حياتج مثل ما آنتي تبينها ..

و إذا بغيتي رآيي الشخصي ..
زوجج كان يحبج و تحملج آول جم شهر ، و طبيعي جدآ آنه يتغير عليج
من تصرفاتج السطحيه وياه .. آنا آقول آنسي موضوع آنه طمعان فيج لما تتوظفين
و آنه راح يتزوج عليج على قول آمج الله يسامحها !!!
آرجعي لزوجج و آخطي آول خطوه ، و باقي الخطوات خليها للآيام هي تكشفها
و طبعآ لازم تكونين عاااارفه زين كل خطوه شنو مفروض تسوين فيها وشلون تتصرفين معاها ..

آنا تحمست شوووووي ماعليه :d ، لآنج صج آنظلمتي بآول عمرج و ماتستاهلين إللي يصيرلج ..
الله يخليلج ولدج و يكون عزج وسندج بهالدنيا ..
و يعوضج فيه خير ياااااااااارب ~

​

 

[عبق البنفسج]

مادري اذا تحليلي صح ولا لأ
بس احس ان زوجج كان يحبج وشاريج بس انتي بمعاملتج وقسوتج عليه خليتيه يراجع نفسه ويغير معاملته لج .. لأنه قاعد يعاملج أحسن معاملة ومسفرج شهر عسل ويقولج حجي رومانسي وانتي مايسمع منج غير طلقني ومابيك وما أحبه
أكيد فشي طبيعي الريال مايبي يذل نفسه لج أكثر ..
والشغلة الثانية انتي كنتي مقتنعة انج ماتبين ريلج وتبين تطلقين .. يعني انتي ما كنتي تعطين نفسج فرصة انج تفتحين صفحة يديدة مع ريلج أو تحاولين تحبينه وتتقربين له .. كل مايقرب لج كنتي تقولين ويع شكله مو حلو ومابي أحبه

والله مادري شقولج .. بس انا ما أايدج انج تقعدين بيت أهلج خاصة مع الوضع المتأزم الي في بيت أهلج ..
واذا حبيتي تردين حق طليقج لازم تقعدين معاه وتقوليله الي فيج عشان يفهم شخصيتج .. لأني أحس انه طيب ويبيج بس انتي الي قاعدة تصورين حق نفسج ان هو يبي يردج عشان ماتتزوجين ..
وعن سالفة المعاش ... أول شي لازم تشرطين عليه انه يرد الدوام ويكون قد المسؤولية وقنعي نفسج ان ماكوو ريال يستاهلج غير ريلج والحب مو غصب بس لما انا اقنع عقلي اني بحب فلان فأكيد بحبه .. اما اذا طووول الوقت اقول ماحب فلان ماحبه ماحبه ماحبه فأكيد لوو شنوو سوا عشاني بكره وماراح يدش قلبي ..

 

[كوكاتوو]

انا مو عارفه لييش تطلقتي منه اساسا على كلامج كان يحبج وطيب ومايحب يزعلج ..لو بادلتيه نفس الحب او عالاقل عطيتى نفسج فرصه تحبينه جان انتي اسعد زوجه ..بعدين انتي عندج ولد واحد ليش شقه ثلاث غرف غرفتين كافي مع انسان يحبج بدليل انه للحين ماتزوج
اختي طول ما انتي تكررين كلمة(انا فاشله) صدقيني عمرج مابتنجحين

 

[nora__]

الخوات ما قصروا
قالوا كل شئ
انت حدج متناقضه ولازم تحكمين عقلج
-ابتعدي عن نصائح اهلج وما لج شغل فيهم ومثل ما قلتي ما هم دايمين لج
-احسني الظن بزوجج >يعني كل كلمه والثانيه يحب الفلوس , طماع تذكري ان هالريال زوجج ابو ولدج اللي مغنيج عن اهلج
-تكفين لا تصدقين احساسج اللي ما يابلج الا المشاكل والهموم
-تعوذي من ابليس وكبري عقلج وكافي تردد .

والله يا حبيبتي انا احس ان هذا الصج كله يتكلم بالفلوس وكله عباله اني انا واهلي نبي فلوسه واحنا الحمدلله مو محتاجين شي
يعني الحين لما جا يبي يرجعني دخل البيت وقعد مع ابوي اول كلمه قالها "ترا مهرها دينار"

هذا حجي ينقال بالبداية؟

 

[خلطة عطر]

ابو ولدج زين قضبيه
وعيشى معاه ترا مو كل الرياييل كاملين مكملين
والمره السنعه تعيش وتصبر على امور............. وامور ثانيه اكبر لاااااااااااااا طلاقها ابرك
واهلج لا تدخلينهم بحياتج بالمره ولا تشتكين
الريال ما قصر رايته بيضا تبين اكثر .................وتراا شاريج بس انتى اللى يبيلج تدخل نفسى

الله يسعدج معاه

 

[kuwaitya_zoGaa]

حبيبتى انتى بالمختصر مو عارفه شنو تبين ... اوكى .
الريال ليش انه كان ميت عليج ومدلعج ويركض وراج ذليتيه ... ويوم غير معاملته معاج حبيتيه ويوم سوا اللى انتى تبينه وتطلقتى تحسفتى
اسمحي لى اختى الغلط راكبج من فوق لى تحت ... هذا ريال وعمره 35 مو ياهل يعنى اهوه بالبدايه كان مراعيج علشان انتى صغيره
وحط لج 60 عذر ... بس بالاخير خلاص الزم ما على الريال كرامته وذوقج اللى انتى ذقتيه وترا حرام عليج فرقتي الولد من ابوه
انتى فكري لى جدام ... وحبيه غصب ومن رايي استخيري قبل لا ترجعين له ... ترا ان رديتيه هالمره مراح يرجع لج ...
وتقدرين تشرطين عليه يتوظف وبعدين يرجعج ...

 

[أنوثهـ حتى الثمالهـ]

انتي مو قادره الا ان تكونين تابع لأحد تابع لأهلك تابع لزوجك...تبين تهربين وبس
وبالحقيقه مااحد ينفعك الا نفسك ...لو مارتبتي حياتك ماحد بيرتبها لك
لو مااحترمتي حياتك ورسمتي حدود لتعامل الناس وياك مااحد بيهتم لك
حتى امك واخوك
عموما من تتخرجين وتشتغلين راح تتعدل معاملتهم لك شوي وتستقلين
موفقه

 

[nora__]

ربي يجزاكم الخير

 

[LuLiTa]

انا اقوول لا تتزوجين الحين ,,,و قعدي في بيت اهلج ,, كملي دراستج و ربي ولدج ,,,, لحد ما اتكونين كيانج و شخصيتج ,,بدال ما تتزوجين و انتي على هالاسلووب و هالشخصية و اتلعوزين عيااال النااس معاااج ,,, و قعدي في بيت اهلج يمكن تتعلمين شي من الدنيا ,,,,

 

[شنكولة]

الله يهديج

 

[amoOoNA Al_mazyoNa]

حبيبتي انا من رايي إنج ماتردين لطليقج لأنج موحابته فإذا رجعتي بتردين على نفسج الدوامه..
نطري لين تتخرجين والله يكتب لج اللي فيه الخير..

 

[ازعجهم هدوئي]

المشكلة فيكي انتي ماتدرين انتي شتبين بالبداية تقولين امي حقدت على زوجي وزوجي كان مدلعني بس انا اردة مو متقبلتة وهو من وجهة نضري احسن من غيرة عالاقا عيوبة مقدور عليها لانك انتي اللي كرهتية فيك وخاف منك ومن اهلك عالعموم انتي مخلية امك تتحكم بمشاعرك وحياتك فكري بنفسك وحبي نفسك وولدك واشتري سعادتك واستقرارك النفسي واللة نصيحة من قلبي اذا زوجك مو راعي بنات وخرابيط ويطقك فكري زين الحياة مو حب وشكل الحياة اكبر من كذا اهم شي حبي نفسك وطنشي عيشي لولدك ونفسك وامك واخوانك ماتقدرين تغيرينهم دامهم قاسين وفكري وااستخيري عدل الفلوس مو كل شي بالدنيا اهم شي الاحترام الاحترام الاحترام

 

[.MiNi.]

انتي السبب بكل القصه

كان زين تطلبين الطلاق!
طلقج قمتي تبجين!
مطلقه تبينه وتدزين مسجات !
يبي يردج تقولين مابيه!


انتي عايشه بتناقض وماتدرين شنو تبين

انا اتفق مع اختي ريم .. كنتي احد الاسباب ..!

وكنتي حزتها بعيده عن ربج .. تقربي من الله سبحانه بالدعاء و الصلاه

وصدقيني حياتج بتكووون احسن حتى لو كان في ظلم او فشل

كلنا مرينا مع اهلنا مواقف خصوصا اذا كنتي البنت الكبيره كل شي يكوون على راسج

وكله مو عاجبهم .. ويحسسونج بالفشل ولكن انتي بيدج تقدرين تغيرين نظرتهم و تتطورين

وفكري في الولد مستقبله راح يضيع ..! وفكري في كلام طليقج صدقيني يمكن نيته زينه و فكر فيج و في الولد

واستخيري ربج .. ودايما ادعي .. وربي يوفقج

 

[nora__]

اللهم اجرني في مصيبتي واخلف لي خيرا منها