احساسي بالفشل ملازمني شلون اتغلب عليه

[وحش سعود]

الموضوع شخصيتج حبيبتي ازم تصير قويه
وإسمحيلي إنتي ما عطيتي زوجج فرصه
الريال على ماتعودينه
تحبينه >يحبج ويموت فيج:nbvppw:
تحترميه >يحترمج :nbvppw:
تدلعينه >يدلعج ولا حتى البيبي:nbvppw:
تحفظين أسراره>يكون الصندوق لأسرارج عن كل الناس حتى أمه:nbvppw:
وعطي قلبج فرصه وما له داعي لبعض التقارير التفصيليه لأهلج حبيبتي بالعكس حسسيهم ولو بالجذب إنج مرتاحه
وإسمحي لي على المرور
:bye22:

 

[عمري الخالد]

الله يغيييييييييييينج ويااااااااااا جرج يااااااااااااااااااااااارب

ويريح بالج ولزمي الاستغفار والله يفرجهاااااااااااااا علييييييييييييييييييييج

 

[pink Engineerah]

حبيبتي الله يهديج انا ماشوف زوجج غلطان باي شي انتي ماعطيتيه فرصه اصلا
من البدايه كان زين وطيب وتغير بسبب معاملتج معاه احسه مسكين تعقد حتى ماقام يشرب من ايدج شي ؟؟؟
اذا ناويه تردين له دلعيه وعوضيه عن اللي فات واستانسي انتي وولدج بدفى حضن ابوه
ولا تسمعين نصايح من احد طنشي اللي تسمعينه ولا تاخذين النصيحه الا من ابوج لانه احسه احسن من امج واخوج وقلبه عليج
الله يخليه لج
بس بالاول استخيري مره وثنتين وعشر لحد ماتعرفين شنو تبين
وخلي عندج قرار وشخصيه عشان ولدج مايتاثر بضعف شخصيتج
تقبلي مروري واذا تبين اي شي حاااااااااااضره بس ع الخاص

 

[nora__]

استخرت ربي والله يكتب الي فيه الخير ويهديني الي الطريق الصحيح

 

[al-musk]

دامج مو مقتنعة فيه لاتردين ليش تغصبين نفسج على شي ماتبينه وفوقها فوق السنيتن مايدري عن ولده..نصيحة صلي استخارة وتوج صغيرة على الزواج حاولي تثبتين نفسج بالحياة أكثر ونطري على الأقل لي ماتتخرجين...

 

[درر في مكانها]

حبيبتى شوفي انتى شنو تبين مالج شغل باحد انتى راح ترتاحين مع هالرجال والا لا
وخلي عنج احساس الفشل تري انتى حاطه نفسج فيه يعنى غيرج الف وحده مطلقه وراضيه وراح تتعدل الامور وقولي هذا الدعاء دايما
اللهم اجعل لي من كل هم فرجا ومخرجا واحسن تدبير امري فانى لا احسن تدبيره
والله مجربته وحمدالله بتتعدل الامور احسنى الظن بالله حبيبتى
والله يوفقج

 

[engnera]

اابوي وامي مودايمين لي مابي اقعد مع اخواني مابي انظلم زيادة
صح محد دايم لج لازم تتزوجين عشان تعيشين
مو شرط الزواج حب
عشره وحياه الحب يي بعد العشره بعدين بتييبين عيال وتلهين فيهم
مو شرط تريدين حق ريلج القديم اذا ما تبينه
ارضي باليديد الي خاطبج ما تدرين يمكن حياتج معاه تكون احسن اهم شي الاستقرار والراحه النفسيه

 

[nora__]

لا حول ولا قوة الا بالله

 

[نور النهار]

الله يعوضج

ويهديج


البنات ماقصروا

 

[جوري 2007]

بصراحة ريلج كاسر خاطري
صج انه موفل اوبشن واصلا مافي ريال فل اوبشن بس انتي ظلمتيه
الريال كان يحبج( ومازال )وانتي ماعاملتيه عدل
اوكي ماتحبينه على راحتج موغصب الحب بس لاتقولين اناني وهمه الفلوس ومادري شنو
كان مسويج يادهينه لاتنكتين وانتي موعاجبج ويوم تغير قلتي ليش تغير واهوة مونفس قبل ياسلااااام
ليش ليمتى تبينه يذل نفسه عشانج
شوفي حبوبة ردي حق ريلج حتى لوفيه عيوب انتي حاولي تغيرينه
موشرط تحبينه بس ارتاحي من بيت اهلج اللي موقادرة ترتاحين فيه
بس قبل كل شي تغيري تغيير جذري
قولي انا موفاشلة وراح اكون نعم الزوجة_ماراح اخلي احد يوزني على ريلي حتى لوكانت امي_ تغاضي عن مساوئ ريلج ودلليه ودلعيه وقوليله كلام حلو وطبخيله وتسنعي _كملي دراستج وربي ولدج انتي وابوه ولاتحطين في بالج انه ريلج طمعان فيج والا يبي ينتقم منج وحتى لوحسيتي جذي فهذا شي عادي يمكن يبي يطلع حرة خطبتج من واحد ثاني بس مردة بيطخ لانه يحبج
بس ترى الحب بروحه موكافي حاولي كثر ماتقدرين تعززين هالحب وتكبرينه
كبري عقلج عاد ولاتضيعين هالفرصة من ايدج

 

[AL 3la]

انتي مو عارفه شنو تبين انالحد الحين مو مقتنعه بطلاقج الاول
انا اقول ردي على طليقج احسن لأنه ابو ولدج وما اعتقد في احد يتحمل ولد مو ولده
تنازلي ولا تحطين في بالج انج تكرهينه تعوذي من الشيطان والرجال مبين شاريج بس انتي الي خلييته يسوي هالحركات

 

[ريماس77]

ليش تسرعتي الطلاق موحل انتو اثنينكم تلعبون بمشاعركم قعدي وفكري عدل شنو عيوبه شنو محاسنه والريال موبشكله بسمعته واصلله وفصله واخلاقه والله اذا مصلي مسمس ردي علشان ولدج انا رديت وتحملت ولازلت متحمله علشان عيالي لان بنتي يوم كبرت صارت فيها حاله نفسيه وين ابوي ليش ماياخذني وصار حشاكم فيها تبول لاارادي امبيييييه انا عانيت وااااايد الله يصلح الحال

 

[فجورة]

أختي نورة الله ينور قبلك و بصيرتك و يدلك على طريق الصواب و سفينة النجاة رحمة بك و بطفلك

في ردود بنات قوية استفزازية لا تنتبهي لها لأن اللي ايده فى الماي مو نفس اللي ايده بالنار


لا تقولين حق نفسك انك فاشلة و انك ضعيفة و تابعة هذا قمة الغلط و دوامة الحيرة اللي مرجعتك ورا و خلتك تعيشين في تشتت و احباط و عدم الاستدلال على الرأي الصحيح الصائب


انا في رأي ان المرحلة اللي تمرين فيها الان ليست مرحلة زواج جديد او رجوع لطليقك الاول.

المرحلة الحالية هى مرحلة الجلوس مع نفسك و و تحديد مسار حياتك انتى مع طفل في ذمتك بعيدا عن أمك و أبيك و اخيك

ما راح يعيش و يتعب أو يسعد الا انتى لأنه بالنهاية اني سيدة نفسك و انتى الملامة على كل خطوة تتخديها في حياتك

الزواج مو لعبة و لا حل للهروب من واقع اليم ، الزواج فيه اطفال لا ذنب لهم يتجرعون اخطاء كبار لا عقل لهم

نصيحتي لك لا تفكرين الان لا فى الزواج و لا في الرجوع لزوجك ، حاولي تقوين نفسك و تروضينها على التكيف مع الواقع العيش مع اهلك و امك . عيشي اسلوب المهادنة و المسايسة و التكيف الى ان يلهمك ربك و يدلك على طريق النجاة لك و لطفلك

هذا راي و الله يحفظك و يهديك و ينور بصيرتك للحل السليم

 

[sowsan]

الله يعين قلبج

 

[Ms. hypnotic]

الصراحه ومن غير مجامله حريتي قلبي بسالفتج
حمدي ربج الله كان معطيج واحد يحبج ومهتم فيج وطلعج من بيت اهلج الي كارهته وبعد كل هذا ترفسين نعمة ربج ؟؟؟ وبعد ماترفسينها اتقولين ياليتني مارفستها ؟؟
حبيبتي الريال مو مثل المره يحن قلبه اذا بدر من الثاني شي غلط
الريال تحمل معاملتج الشينه معاه ووفوق هذا تحنين فوق راسه تبين الطلاق اكيد بيزهق منج وبيقول شالله حادني اعيش معاها غيرها بيهتم فيني وبيحسسني برجولتي
والحين بعد ماطلتبي الطلاق قمتي تحنين حق زوجج
اسمحيلي ماتوقع راح يردج من بعد ماشاف منج كل هلهم والغم
وسامحيني كلامي ادري انه يجرح بس ولله حريتيني بسالفتج غيرج ماحصل ريال بس يفظهم وانتي الله عطاج نعمه المفروض تحمدين ربج عليها
المهم الله يسهل امورج ويفرجها عليج وفتحي صفحه يديه والله يوفقج ان شاء الله
واسفه على كلامي الجارح بس تستاهلين احد يأدبج

 

[miss_math]

الله يهديج وينور بصيرتج

ممكن تقولين لنا شنو سبب الطلاق ؟ شكله مو عاجبج !

حبيبتي انتي ام ولازم تضحين علشان ولدج والريال كان زين معاج وتصرفاتج حدته انه يغير معاملته لج

وبعرف شنو اللي ما يخليج سعيدة معاه دامه زين كافي انه ولدج يعيش بينكم

فكري مرة ومرتين وثلاث وشيلي الانانية من قلبج

لو كنتي حاسه انه زين وتقدرين تكملين معاه ردي علشان ولدج وتحملي انتي ام تعرفين شنو معنى الام

انا اقولج الام تضحي علشان سعادة عيالها وتبيع نفسها بس علشان تشوف عيالها مستانسين

والشكل مو كل شيء والحب يجي بعد الزواج

واذا رديتي عوضيه عن كل شيء وغيري اسلوبج معاه ودلعيه علشان يغير الفكرة اللي خذاها عنج

اما اذا كنتي مو قادرة وكارهته الله يرزقج باللي احسن منه استخيري حبيبتي والله يقدر لج الخير

واخيرا اقولج لا تسمحين لاحد يحركج بريموت كنترول ويتحكم بحياتج

دامه مرتاحه وحاسه زوجج زين لا تخلين احد يدخل نفسه بحياتكم

خليج قوية والحياة الزوجية منو نفس الافلام لا يبي لها قلب قوي وشخصية قوية

وكيد حريم

 

[nora__]

الله يجزاكم الخير بنات
ماقصرتوا والله

 

[~ ياسمينه ~]

البيئة المتوترة اللي انتي عايشة فيها اهي اللي مدمرة نفسيتج

والله انتي عارفة لا انتي تحبي طليقج ولا تبين تردي له بس الحال اللي انتي فيه يدفعج لهالشي

الله ييسر امورج بحق محمد وآل محمد

 

[ترووفه]

يالله
من قرايتي لقصتج حسيــت انتي السبب بكل شي

لاتزعلين علي

المفروووض تقعدين مع نفسج وتشوفين شنو اللي يريحج وفكري قبل كل شي بولدج

فكري انتي شنو تبين بالضبط شنو هدفج

مافي انسان بهالدنيا ماله هددددف

انتي تدرسين بالمعهد اكيد لج هدف

وبعد هالهدف

شنو تبين تسوين لولدج

لازم تحاولين توفرين له جوو اسري هاادي بعيد عن المشاكل والاذيه

كان بينصلح كل شي وكنتي تقدرين تكسبين ريلج وتغيرين تفكيره لانج من البدايه قلتي كان يعاملني زين ويحبني ومدللني بس انتي خربتي على نفسج بسبس انج ماتحبينه

وشووفي هالاحساس وين وصلج


ياااقلبي


كل اللي كانوا ضعفااء شخصيه تغيرواا وقدروا يغيرون من شخصيتهم الضعيفه الا شخصيه قويه لها قراراتها وحريتهاا


عزي نفسج وولدج لاتهينين عمرج وقت ماينتهي شي بينج وبين اي شخص وانتي اللي مقرره

مثل سالفتج مع ريلج بعدج المحكمه قمتي تبجين وادزين مسجات له

لاااااا

مايصير

هذا قرار مصيري

لاازم تفكيرين قبل كل خطوه تخطينهاا وقبل كل شي

وانصحج اقري كتنب تقوي شخصيتج وثقتج بنفسج وتبعد عنج الاحساس بالفشل

عشاان تقدرين تتغلبين على مشكلتج وتنجزيين شي بحيااااااااتج لج وولولدج

..........

وادعي ان الله يكتب لج الخيــر وين مايكوووون

 

[nora__]

جزاكن الله خير