احبه ياثقل دنياي بدونه

[بشروه قلبها مات]

السلام عليكم خواتي كويتيات ‏..

تعبت من الي بقلبي ابي حل ‏
تعرفون دوا يموت القلب ‏
ما أبيه يحس ما أبيه يحن يشتاق ويوله
تعرفون علاج يساعدني انسى ‏..؟

ااااه ( دموووعي نززززلت ) والله أكاابر بس
تعبت مت ‏

قلبي احس يتقطع أحس بطعنات ‏

أبيه والله أبيه ما أقدر على فرقااه ‏..

بقولكم قصتي ‏..‏ انا حبيت واحد ‏

كان كل شي بالنسبه لي أقرب من الروح للروح
ان تضايقت من اسمع صوته أبتسم
تضيع الضيقه تنمحي ‏..

اول حب بحياتي وأخر حب ‏


كلمته وكان يسولف لي عن الحب وكنت أضحك

واقول كلام كذب مافيه حب الحب حب نمر بن عداون
ووضحى ومات ‏

ويقولي قصص حب كنت اقول له انا بس أكلمك
عشان ارتاح لك حنا بس أصدقاااء


وااه من هالصداااقه ‏..

بعد ‏3‏ شهور قلت له احبك ‏.ويعلم الله اني قلتها
من اقصا ضميري ‏..

غير كان غير حبيته كل دقيقه أفكر فيه
ان شفت نفسي بالمنظره اشوفه ‏

أبتسم ‏

حبيت نفسي لانه يحبهااا..‏ اعجبت بنفسي ‏
لانه اعجب فيني ‏..

سنه وخمس شهور ‏

احبه ويحبني ‏..‏ ‏

ملكت غصب وكنت ابكي ما أبي غيره ‏
ما أتخيل نفسي مع واحد غيره

كرهت الي ملك علي وانا ما اعرفه ‏

وهو ملك ع بنت عمه ‏

لاتقولون ليه ماتزوجت بقولكم بكل
سهوله وبساطه عشان التخلف الي نعيشه
البنت لولد عمها وماتاخذ الا من قبيلتها
والتفكير الرجعي المتخلف..

ملك وعلمني كان يقول ما اقولج ان انا ماابي
املك بالعكس انا متزوج متزوج بس
ما ارتحت للي خذيتها

كنت اعشق صراحته ‏

صريحه بزود ‏..‏ ‏

احبه بكل تفاصيله ‏..‏ ‏

حبيته بجنون ‏

سنه وخمس شهور والله بكل ساعه ‏
يطري علي ‏
واستغرب احيان ان سهيت عنه شوي


وقبل عرسه بيومين كنت أبكي

قلت له مااا أبي اكلمك وانت متزوووج

بموت والله اموت ان قلت باي بروح لها

او بليل اسكر منك وانا ادري بتروح لها

ابكي واشااهق

تمنيته يقووول ‏

مقدر ع فرقاج مستحيل ‏

صدمني وقال
كبرتي بعيني اكثررر ‏
صح كلامج
انا مراح انسااج ولوو باخذ اربع

انتي بتظلين غير والله لأشيب ويشيب راسي
وانا مانسيتج


احساسي مايخيبني كنت احس بالصدق بصوته
كان يقول عشان مصلحتج ‏
بنفترق ‏


سكت ‏...

وقلت اووكيه بحفظ الرحمن

صكرت منه ‏

وانا بصدمه اول مره يطاوعني ‏
ان نفترق وانا من عرفته

كل ما زعلت قلت باي ولاتدق

وكان يصر ومتمسك فيني

والله يحبني ‏

بس اااه والله تعبت دموعي ملت وجهي
قلبي يتقطع

بعد عرسه بأسبوع دزيته له ع الوتساب
قلت محمد انا مريضه
وكنت فعلا مريضه منومه بالمستشفى
وصورت له ‏
مارد

رجعت دزيت له ‏

محمد انا تعبانه ‏

مارد ‏

طلعت من المستشفى

وبعده بيوم دزيت له ‏

محمد ليش ماترد

رد علي وليته مارد

قال ببساطه ( انتي بتخربين حياتي امي وزوجتي
شافو المسج ليه تسوين كذا تكفين انا بتوب ‏
وانسيني والله يذكرج بالخير وانا ادري انج اصيله
وانا لو ما ابي مصلحتج ماسويت جذي )‏

صدمه ‏..‏ جرح ‏

انا يقولي بتخربين حياتي ! طيب ليه ‏
عشاني احبه ‏
لما تزوج قال مصلحتج وينه عن مصلحتي
يوم كل يوم مشكله تصير لي بسبته وأقول
لعيونه وافداه بعمري ‏

وين مصلحتي عنه ولا يوم تزوج الحين همته مصلحتي

...

قلت وانا برجع باقي كرامتي

طيب الله يوفقك وانا من هاللحظه نسيتك
وعطني بلوك وبعطيك بلوك وروح ‏
ولا ترد علي ما أبي اقرا شي منك


كنت اقول هالكلام وانا انطر رده

عطاني بلوك ماصدق ) وانا عطيته وبليل شلته
وكل يوم انطره يرجع يقول
ما نسيتج ياغناتي
مانسيتج بس ظروفي والله اعذره
نطرت ونطرت ‏

شهر وشهرين وثلاث واربع ‏

ولا حس ولا خبر ‏

وما شال البلوك

دزيت له مسج قلت بكلمك ظروري شيل البلوك

وشاله ‏

ما كنت ابي شي بس ابيه هو كنت اقول
يمكن ندم بس ماله وجه يكلمني يخاف اصده
ويمكن ويمكن ويمكن

كلمته ‏

قلت لو اطلب منك طلب تسويه

قال انا مو محمد ‏

قلت منو ‏
قال انا ولد عمه وهو عطاني تلفونه ‏


مدري وقتها ابكي ولا أضحك

هو متأكده حتى اسلوبه وطريقته بالكلام اعرفها

قلت وين محمد قال هو معطيني فونه امري
تبين شي

قلت انت محمد قال لا ‏
ودقيت ‏
مارد ‏
دقيت دقيت مارد

مارد

عرفت انه هو ويبي يصرفني


انجرح ‏
قلبي ليه يسوي فيني كذا

مو انا حبيبته الي كان يحلف بغلاتي

يمكن تقولون ماعندها كرامه والله
ان عمري ماذليت نفسي لغيره
مت وذبحني يوم ‏

صد ليه يسوي فيني كذا

الحين صار لنا أربع شهور من تفارقنا

وانا والله ماقدرت انساه

اكابر واقول نسيته

ااه لامريت منطقته اااه

والله اني اشم هواها واقول هوا محمد
محمد يتنفسه
واتلفت كل مامرت سياره نفس سيارته اقول يمكن ‏
هو ‏

محمد ذبحني جرحني شسوي
ماقدرت انساه
ما ابيه لكن ابيه
أكذب ع عمري
واقول نسيته

اااه ليتني مايوم حبيته ‏

ابي انسى ‏
والله تعبت احس عمري نقص

بحة صوته وضحكته اشتقت لهم ‏
كلامه عناده وحتى عصبيته ‏

وحشني قد هالكون ‏

ليه يعلمني الحب ويصد عني

وانا والله ما حبيت انسان قده

ما اقدر اشوف الكيبورد من دموعي ‏..

كل يوم افتح ع اسمه واشوف البلوك موجود

أكتب كلام أدري انه مايوصله لكن ‏

يرتاح قلبي ان كتبت له مايرتاح الا يتعذب
بس صرت مجنونه ‏
مجنونه فيه ‏

برمضان ادز له مبارك عليك الشهر وبعد الفطور اقوله عوافي
وبالسحور اكتب تسحر عدل

أدري مايوصله بس مدري

اااه احس اني الكون كله يضيق فيني ‏



برمضان الي طاف معاي كان يقول ‏

كل عام وانتي معي ‏

واختمي القران وليه ماتقرين ‏

خلينا نشوف منو يختم اول

والحين وينه وانا ويني ‏

وينه ‏

اقول بخاطري ليته يرجع يدز لي

عشان اذله اقول ما ابيك نفس ماذلني

بس قلبي يقول تكذبين

ان رجع والله لتبكين من الفرحه ‏

ياليتني ماعرفت الحب
وليتني ماعرفته

دايم اردد كل مامريت منطقتهم ‏

او سمعت قصايد بن فطيس

كنت الطيوف تقول وش حال غاليك اقول راااااااااااححححح
وما بقى الا غلاته ‏..



أدعو لي اني انسااااه ‏..
يارب ينزع حبه من قلبي يارب ‏..


*وَش عآاد لو رحتوَا ، وَ خليتوني ..= قَد رآاح اللي مَ تركني .. … . دقيقةةَ : ) !  

 

[Tom ♥ Jerry]

,


حياتي الريال متزوج و الله حاسه فيج ..
و الله يعوضج خير ..!
رآح تنسينه آن شاء الله مع الايام :***

آلله يعينج يارب
آهم شي تخلينه الحين لانه متزوج ياقلبي
مرته مآلها ذنب

 

[ms mooka]

حبيبتي والله ماتستاهلين اللي يصير فيج
بس خلاص حاولي حاولي تلهييييييييين نفسج بأي شي
ولا تذكرييييييينه
سوي اشياء تخلييييييييييج تلهين نفسج وماتذكرينه

والله يوفقج

 

[al-musk]

الحب إبتلاء والي صار صار .. انتي الحين قاعد تدمرين نفسج بنفسج خلاص ركزي شوي واصحي من الصدمة ماراح اقولج كلام ماله داعي ولاراح يفيدج بس الشي الوحيد هو قناعتج ان الخيرة فيما اختاره الله واذا توكلتي على رب العالمين كل شي يهون وربي مابيخيب الرجا فيه.. وانتي الحين مالجه يعني قريب تتزوجين وهو مرتاح مع زوجته وحاببها ومالج شغل بالحجي والكلام وحتى لو ندم بعدين بيندم لما يفوت الفوت وأثنينكم ماراح تستفيدون .. شوفي حياتج ونصيبج واذا عالالم تألمي لان هالشي لازم تمرين فيه ونصيحه خلي عندج كرامه مدام اخر شي قام مايرد عليج أشكره ويقولج ولد عمه وخرابيط ( طبعا معنج غلطانه ) فغيري رقم تلفونج وكل ماتبي تضعفين تذكري من ترك شي في سبيل الله عوضه الله بشي أحسن منه واخير..والشي الوحيد الي بيمنعج عنه هو خوفج من رب العالمين ..

والله يهدي نفسج ويشغلج بالصالح ويعوضج خير..عورتي قلبي والله بس هذي الحياة .. وتذكري إن أهلج بخير وان هذي نعمه ماتتعوض والله مو مبتليج بمرض ولا شي من هالبلاوي الي تكدر النفس صج .. وان شاء الله كل الم تألمتيه وعذاب وضيقه تنحسبلج اجر وكفارة عند رب العالمين ..

القوة من داخلنا صدقيني ومن باعج بيعيه والي خلقه خلق غيره وغيره هو زوجج الي راح يعوضج عن كل شي اذا حطيتي فبالج ان ربج بيعوض وبيكافئج بحسن ظنج فيه ..

صدقيني الخيرة بتكتشفينها بعدين والله والله كل ضيقة تضايقتها بحياتي وكل ألم عشته أكتشفت بعدين إن الاحسن وان ربي اختارلي الصالح بس السالفه مسأله وقت على ماتكتشفين ان خيرة

 

[ام الدرر]

حبوبة
هو طلع شهم واصيل
ماقص عليج وعلى اللي صارت حلاله
مايلعب ع الحبلين
يمشي سيده ما يلف ويدور
هو خذا نصيبه
وانتي رحتي بنصيبج
كنتي تحبينه وتبينه بالحلال
والحين هو متزوج
فكري لو يرد لج باي صفة
عشيقة - صاحبة -تقزورة
ترضينها على نفسج
انتي الحين على ذمة ريال
اقنعي نفسج انه مو نصيبج
واللي ربي كتب لج هو الخير لج
لا تعيشين نفسج بوهم
سوي ديليت لرقمه
والافضل تغيرين رقمج
لا تجرينه لطريج تتعبين منه
باجر وانتي على ذمة واحد ربي يجازيج بنفس الفعل
وتذوقين حرة الخيانه
حبوبة
ادري كلامي قاسي
بس لا تقولين ادعو لي وانتي ما قطعتي الصله ولا حتى حاولتي
اشتري نفسج حياتي
ابدي انتي بهالشي لاتنصدمين وتلقينه يغير هو رقمه
احنا بشهر فضيل اتجهي لرب العالمين اشغلي نفسج بالطاعة
خلي صلاتج بالمسجد والله تنسين الدنيا كلها
وتوبي وادع ربج يهديج ويسخر لج زوجج ​

 

[فوفو22]

حبيبتي كنت عارفه النهايه قبل ما اوصل لها


لو تتابعين مواضيعي تعرفين ان اي علاقه حب تزيد عن 6شهور

بدون ذكر تفاصيل خطوبه ونيه زواج


علاقه ترانزيت للوناسه

هو استمتع معاج وكنتي ظريفه

ولقى اللي افضل منج

ورح يعيش حياته مبسوط

وتذكري كلامي رح يتصل فيج ويذكرج بايام الحب

لما زوجته تكون بالنفاس او مسافره او متهاوش معها

وهكذا هم الرجاااااال

على قوله العجايز

جلاب ملبسه ثياب

فالعلاج

عشتي حتوته حلوه تبجين عليها الحين وتضحكين عليها لما تكبرين

*انتبهي لولد عمج وزوجج بالنستقبل

*غيري رقمج لانه هالرجال رح يرجع بعد فتره ليتسلى مره ثانيه

*عيشي الواقع

*فرصه انتي بتزوجين ورح تنشغلين عنه

فوفو

 

[اميره1980]

و الله حاسه فيج
انا قبل اضحك على اللي يحبون بس لمن قلبي شب نار حسيت
بس يا اختي محمد معاه حق و الحين هو ريال متزوج و انتي بعد متزوجة و مالجة صح ؟
اذا تحبينه صحيح خليه لزوجته و حياته الجديدة و الله سبحانه و تعالى شوي شوي يخفف عليج و يمسح على قلبج
صدقيني الله في كل شي لنا فيه حكمة ما تدرين شنو
تركي الريال بحاله و الحمدلله ان مخلص لزوجته و ما فكر يخونها

 

[بولندية]

حبيبتي الله يمسح على قلبج اول موضوعج عورتي قلبي خصوصا انج ذكرتيني بموقف صارلي قبل لا اتزوج
بس لما كملت الموضوع وشفت ردت فعله معاج بصراحة حبيبج ينسي بسهولة مبين ان بايعج و اللي يبيعج بيعه

خلاص دام انج تدرين انكم ما تاخذون من بعض شيلي الامل من راسج و خصوصا ان تزوج

 

[mf6nt el3lat]

اخاف اقولج شي وتزعلين خو انتي مو ناقصه .. فوضي امرج لله اختي الغاليه ... واللي تسوينه بنفسج حرام ...

 

[عويتقة]

ليش ضيعين ايام من عمرك على انسان عايش مع غيرك ومرتاح وسعيد ليش تبكين على انسان يمكن وانتي تبكين صوت ضحكته واصلة للسما ليش تخربين عمرك وتخربين حياتك وتخربين جمالك على واحد ابدا مايستاهلك ولا كان يحبك من اصلو لان الي يحب صح يتشبت بالحبيب وما يخليه ويروح يتلقى السعادة فحضن تاني ايييه حياتي اصحي وكفانا اشعار ترى ما احد راح يخرجك من الي انتي فيه غير انتي وتوكلك على الله اصحي وبلاها كلام افلام والله الحياة ماتسوى روحي افرشي سجادتك وصلي ركعتين شكر لله انو خلصك من يد انسان ابدا ماهو مناسب لك واصلا اقتنعي بفكرة انو لو كان من نصيبك كان ربي كاتبه لك بس هو ماراده ربي لك يعني لو فيك طاقة انك تعاندين رب العالمين وتتمردين على حكمته ورينا شنو بتسوين يا الله قومي وصلي واحنا فشهر الغفران سبحي واستغفري على قد ما تقدرين وما تقعدين وحدك ابدا ابدا ولو مريتي بشارع هذا محمد خلاص قولي الحمد لله وايااااااااااك ايااااااك تدلين روحك اكتر من جدي لان فكل مرة بتصغرين اكتر واكتر خلاص يا اختي ماتتوقعين انو راح يرجع تقبلي الموضوع وفوضي امرك لله وكوني قوية انتي فبلاء واكيد ربي خاش لك احسن مليون مرة من هذا وبالحلال كمان وعسى ربي يمسح عن قلبك ويهدي سرك بس اهم شي انك تكوني مستعدة

 

[بشروه قلبها مات]

اناااا مااخذيته من زوووجته ‏..‏ هي الي أخذته مننننني ‏..

خلااااااص رااااااااااااح الله يوفقه يمكن تقولون نساااج

وباعني ‏..‏ بس دااامه مستانس معااهااا الله يوفقه ‏
ويتمم عليه ) اقووولهااا من اقصااا ضمييييرررري

عسااا غير دموووع الفررررررح ماتذوووق عييييينه ‏

..

صح اني اتعذب من بعده واذكره كل ثانيه وتدمع
عيوني من الشوق والوجع ‏

بس الحمدلله ع كل حال ‏..‏ ‏

من تركني رجعت طبيعتي مثل اول تلفوني أخر همي
وما اتوتر ان خذاه احد وشات من راح عني نسيته ‏
الحمدلله ‏..‏ كنت ادخل الشات عشان اشوف نكه اشوفه
إذا موجود او لا وأفز من نومي عشااان اشوف الوتساب
إذا في مسجات منه او لا ‏..

بس الحمدلله صج يتعذب قلبي ويتقطع بس
أحس براحه اني بعدت عن الذنب الي حبيته ‏..

....
مستحيل أدق او ادز له شي ‏..

بس مدري ليه قلبي يقول انه بيرجع ‏


بيرجع ‏

انطريه بيرجع مشتاق ؟

واتمنى قبل يرجع اكون نسيته ‏
يارب لاتعلق قلبي بغيرك

 

[زينه الوصايف]

انا مع المسك وام الدرر وفوفو

 

[gala q8]

اول مره ما اعرف اكتب ! ..

او لـ شنو اكتب ..!


شوفي حبيبتي .. اول شيء قومي فرشي سيآدتج لـ رب العآلمين .. اللي يكتب لج عمرج واللي يكتب لج شنو بيصير بدنياج ..

قولي لـ ربج كل شيء تبينه و كل شيء اللي بقلبج , الناس تكبر وتنسآ لكن ربج موجود ما ينسى عبده ! ..


و حآولي تعيشين بـ عقلج لا تعيشين بقلبج ! ..

حآولي كل تفكيرج لحيآتج بـ عقلج ,


و مثل ما يقولون . ( انا اريد وانت تريد و ( اللـــــــــــه ) يفعل ما يرد ) الله ما يبي منج شيء لكن احنا اللي نبي من الله ! ..


و كل واحد ياخذ نصيبه حتى لو هالريال كان نصيبج بتآخذينه مو اليوم باجر ! ..
لكن انتي نصيبج مع الشخص اللي تزوجج ,
لا تضيعينه عشان ( شخص تزوج , و يبي زوجته , و صاد عنج ) و يمكن حتى لو تقربتي له ما إييج !!


الريآل يبي يستر عليج و ما يبي يتحرش فيج عشان لاتصير المشآكل ! ..
حبيبتي ابتعدي عنه , (( بتقوولين لي شلوون !! )) انا بقول لج ,


اول شيء ادعي لربج و ابجي لييين تهدين ,
وتآلي قنعي نفسج ان الريال خلاصص راااح , قنعي نفسج انه ما راح يرجع خلاص ! ..
قسسي قلبج شووي , لا تفكرين فيه , حاولي تسوين اي شيء يشغلج عنه ,
حاولي انج تفتقدين مكانه , يعني قبل كنتي تكلمينه بالتليفون , خلي التليفون و فكري بـ شيء ثاني او انشغلي بشيء ثاني ,

وادعي ربج انج تقدرين تقنعين نفسج ان اهوا مو لج !! ..

خلي في بآلج شغله مهمه ( , ان ليس كل يتمناه المرآ يدركه ! ) ,,



والحمدالله على كل حآل ,


بس إذا حبيتي تفضفضين اللي بقلبج فضفضيه لله ,

صدقيني الله الوحيد اللي يحس اللي بالقلوب ,

 

[blue ocean]

الله يعينج يقولون يضرب الحب شو بيذل وماجذبوا .. عورتي قلبي لأنه الاحساس اللي تحسينه ادري يكسر القلب

لكن صدقيني اللي هذا حاسه انه الدنيا واقفه عليه اليوم باجر تنسينه .. بتقولين مستحيل ؟ بس ماكو شي مستحيل عند رب

العالمين ولا في احد احن من رب العالمين على قلوب البشر .. بس انتي استغفري ربج ونزعي هالصفحه من حياتج تمامآ

البدايه تكون منج .. اقنعي نفسج انه قصه وانتهت من حياتج .. كلمة انسيه من خمس حروف ومجرد كلمه ماتقنع القلوب

لكن لما تثبتينها ببالج وانه شي انتهى وانج رضيتي بهالنهايه وهذا الله كاتبه .. راح تنسين مع الايام حاولي تتقبلين الواقع اليديد

ادعي وادعي وادعي ربج ترى مافي شي بعيد على ربج ؟ ادعي ربج وكلج ظن ان بيفكج من هالكرب وبتنسينه

ترى اللي زرع بقلبج حب هالشخص قادر ينزعه, تأكدي من هالشي يا اختي بس انتي اقنعي نفسج بهالشي وترى الزمن

ينسي كل شي , لكن لازم ينبع مننا هالأمر يعني شوي شوي تناسي في البدايه تناسي من نفسج والتناسي يجلب

النسيان , لا تسمعين اغاني حب اذا طرى عليج طرديه من ببالج فكري بأمور ثانيه فكري بحياتج الخ ..) ولاتظلمين الانسان

اللي ارتبطتي فيه ماتدرين يمكن باجر تحبينه مع الايام والايام تسوي كل شي , هذا خلاص انسيه قالج اياها اشكره مايبيج تقبلي

الواقع مهما كانت مرارته , لا تقطين نفسج على احد , لاتصيرين مخربه لبيوت العالم , اعتبريه شي ما صار وامضي

بحياتج ترى نفسج لها حق عليج وقلبج المسكين قعد تزودين جراحه بلعكس لملمي جراحج وخليج اقوى من

هاللي صارلج وربي يفرج عنج همج .. باجر تنسينه وتندمجين بحياتج ان شالله ..​

 

[el.mlkaa]

حيآتي عورتي قلبي =(

كلها مسألة وقت وتنسسينه انتي ماتزوجتي ؟

حاولي تحبين زوجج والله يمسح على قلبج

 

[Ghreba eb derty]

الله يمسح على قليبج ويسهل امرج

صدقيني محد دايم حق احد واللي اليوم بيكون جبالج باجر مراح يجابلج
حبيبتي ادري انج تمرين بمشكله وقلبج مكسور بس صدقيني انتي اللي تقدرين تسعدين نفسج بنفسج لا تركضين ورا سراب
حبيبتي ترا الدنيا ايام قليله بنعيشها وفي اشياء اهم من الحب
بعد عمري ما تدرين يمكن اللي ملج عليج انسان طيب وحبيب وخوش ريال واحسن من محمد !!! وعسى تكرهو شيئا وهوخير لكم .....

الحين البجي والنياح مراح يفيدج صدقيني محد بيقدر يساعدج اذا انتي ما ساعدتي نفسج

روحي طلعي استانسي وانسي الدنيا هذا اهو الحل لا تتاملين ان يرجع او يحن !!!

اسفه اذا كلامي ضايقج بس لازم تقومين على ريلج وتتخطين هالمرحله والحياة تجارب ياما بتشوفين سوالف وسوالف تصيرلج بعدين بس اهم شيء انج تكونين قوية والدنيا وحياتج ما توقف على احد !!! لا تخلين سعادتج بيدين ريال !!


الله يصبرج ويفك كربتج آمين

 

[لمى الهاجري]

الرجتجيل كلهم جي خوانين يالله هو الخسران ومرده بيندم

 

[سويرا]

ابي اساعدج حياتي بس كلميني ع الخاص

 

[بشروه قلبها مات]

الله على الدنيااا يعييييين ‏
لو ‏
أقدر ‏
انساه
نسيته
بس ‏
من ‏
خلاني ‏
وانا ‏
فاقده ‏
العافيه
يمكن ‏
تقولون ‏
تبالغ ‏
بس ‏
والله ‏
حيل ‏
مجروحه
آي ‏
شي ‏
يبكيني ‏
على ‏
أتفهه ‏
الاسباب ‏
ابكي

يارب ‏
عونك ‏
ضاق ‏
بي كونك

سويرا الخاص مايصير ارسل خاص فديتج
لاني جديده ‏..

 

[gala q8]

^^ لا تضيقين نفسج ..(( والله مو قادره انام بعد ما قريت الكلام اللي كاتبته ))

اكثر شيء يكسرني (( القهـــــــر )) و حاسه فيج مو بس مقهووره ,
​