اتفضلون تحملون ورا بعض والا تنطرون ؟

[زوجي توأم روحي]

حبيباتى كويتيات :tek:

ابى رايكم
اتفضلون تحملون ورا بعض
والا تنطرون جم سنة بين كل ياهل
انا عندى بنتين الله يخليهم لى الصغيرة 6 شهور
وكل ما اروح مكان يقولونلى يبيلج حملة الحين

انتوا شرايكم ؟؟؟؟؟؟؟؟؟؟؟

 

[dnyay_mll]

انا افضـل ان الوحده تنطر بين كل ياهل وياهل ثلاث سنيـن
احسـن وافضـل
بس اذا عندج بنتين حملي وانشاءالله تحصلين ولد وبعدين وقفي

 

[ام طلال]

شوفي على حسب اذا انتي تبين ولا لأ
انا عيالي الفرق بينهم سنه ونص وبصراحه تييبينهم ورى بعض احسن عشان بعدين ترتاحين وتجابلين نفسج

 

[هوى الدار]

اذا تقدرين على الحمل والولاده وتحبين الجهال لا تطولين بينهم علشان تخلصين وتجابلين نفسج

اذا لا خلي فجه بين كل واحد والثاني اقل شي سنتين او ثلاث

 

[* ورود *]

وبصراحه تييبينهم ورى بعض احسن علشان تربينهم مره واحده ويلعبون مع بعض

 

[ZajiL]

مااحب اليهال ورا بعض كلش
وبن عيالي الاول والثاني 5 سنين والحين ست سنين صج وايد بس افضل يكون الفرق 3 سنين مو اكثر

 

[زوجي توأم روحي]

انا افضـل ان الوحده تنطر بين كل ياهل وياهل ثلاث سنيـن
احسـن وافضـل
بس اذا عندج بنتين حملي وانشاءالله تحصلين ولد وبعدين وقفي

الله كريم ان شاء الله ربى يرزقنى توم صبيان_03BA:

 

[زوجي توأم روحي]

ام طلال
هوى الدار
لولو

مشكورين حبيباتى:tek:

 

[زوجي توأم روحي]

ورود

مشكورة بعد قلبى :tek:

 

[صاحبة السمو]

انا افضل ورا بعض تربيتهم وحده وواحد يعلم الثاني وكلهم جيل واحد ينفعون بعض بعدين واخر شي تفرغي لنفسج وزوجج وبعد عشر سنين جيبي واحد يونسج قبل الكبر

 

[كلي رومانسية]

بالنسبة لي انشالله له تزوجت ناويه يكون فيه فجه بين الياهل والثاني على الاقل 3 سنوات على شان تعطين كل واحد حقه بالتربية وتستانسين فيه وحتى جسمج ما يتعب خاصة مناعتج ومشكورة على الموضوع حبيبتي :tek:​

 

[أم أنور]

والله حرام انا ما أايد ورا بعض تدرين ليش الياهل جذي ماياخذ حنان كافي انا بين الاول والثاني 4 سنين كان وايد زين بس بين الثاني والثالث اقل من سنتين لاتشوفين اشصار بالوسطاني قام مايتكلم حبيبي ونفسيته كسيفه

 

[هوفه]

والله انا من راي

اتيبين اثنين وتقعدين خمس سنين

وبعدين اتيبين اثنين وتقعدين خمس سنين


واخر واحد اتخلينه حق التقاعد

 

[سفيرة العشق]

والله انا عيالي بينهم وبين بعض سنتين وبين الاخير وحمالي هذا ثلاث سنين

 

[Brounzi_girlly]

آنا صراحة أفضل الفرق 3 سنوات 4 لأن مافيني مقاقة يهال وصراحة آنا موظفة ودوامي طويل وماكو ذيج الإجازات حتى النفاس بس 40 يوم أداوم
مع التحية...........................

 

[داريني]

والله ما عليج الي يقولج ييبي ورا بعض وافتكي
عمرج نصه راح يروح بالتربيه
على الاقل بينهم سنتين او ثلاث سنين احسن
منها شويه ترتاحين وتجابلين عمرج وتولهين على الحمال والياهل

انا بالنسبة لي انشالله باذن اللة بسوي نظام دفعات هههههه
يعني الحين عندي 3 بربيهم وانشالله بعد خمس او ست سنوات اييب واحد نستانس فيه=======حشى لعبه مو ياهل

 

[NoOoN]

انا عن نفسي اب صراحه الوحده احسن لها تنطر بين كل ياهل وياهل سنه ونص سنتين!! على ما اتيبين الياهل الا ايكون مار 3 سنين او سنتين ونص الفرق بينه وبين اللي قبله
وبيني وبينج كل شي بيد ربج! والتساهيل منه

 

[أم شواقه]

انا عندي بنت وحده الله يحفظها عمرها 5 شهووور ،،،، صغيرووونه وهم بنتج بعد ،، تاو الناس على البيبي الثاني

هذا رايي

طبعا ريلي وده اييب ياهل ثاني على طووووووول


بس كلمته بالموضوع ،،، ولااازم انأجل ،، الاسباب ،،، جسمي يرتاح ،،، والبنت عنونه والياااهل صج يبيله امجابل

على الافل الفرق من سنه ونص وفوق

 

[دنياالوله]

والله انا افضل بين كل ياهل والثاني سنتين
احسن حتى يكونون جيل واحد
وحتى تعطين كل واحد حقه

 

[الغــ مرت ــالي]

انا الحين لي اول طفله بس افضل اني ادلعها ولمن تكبر ايب غيرها على الاقل لمن ادش الروضه افكر ايب

وبعد مايندرى اغير راي ولا لا