اتفضلون تحملون ورا بعض والا تنطرون ؟

[همسات ليالي]

انا افضل بين كل ياهل وياهل فجه

انا يبت الاولى بعدها الثانيه على طول علشان ما يضيق خلق الاولى

تالي نطرت ثلاث سنين ويبت ولدي عقبها اربع سنين ويبت الحلوووووووووووة الصغيره عمرها الحين ثلاث سنين

 

[سندريــــلا]

ما احب ورى بعض
عالاقل كل ياهل ياخذ حقه ويمديج اتجابلينه
يعني 3 سنوات الفرق بينهم حلووو

 

[غصن لبان]

انا اقول اذا عندج بنتين احملي اذا صار عمر الصغيرة سنة لانها صغيرة حيل واذا حملتي بتتعبين ومالج خلق وهي تبي حنان منج ومالج شغل بكلام الناس بيشوفون ردة فعلج على الولد

 

[ديم00]

انا افكر لما يصير عمر بنتي سنه ونص احمل يعين يصير الفرق بينهم سنتين جذي

 

[زينانه]

انا افضل اذا كمل البيبي الاول سنه.... تحملين...عشان تولدين وهو عمره صغير ويلقى اخو يلعب معاه ويونسه
وعقبها ريحي سنتين ثلاث كيفج...لكن تخيلي البيبي الاول وحداني وكمل سنه وسنتين وكله بروحه بس مجابلكم والا مجابل الخادمه ومايلقى احد يلعب معاه بالعابه...والا وبالطلعات يركب معاه الديرفه....والله بيمل...ويصير حساس...حيل
انا اشجع اول طفلين ورى بعض دغري<-------------قلبت مصريه

 

[زينانه]

انا افضل بين كل ياهل وياهل فجه

انا يبت الاولى بعدها الثانيه على طول علشان ما يضيق خلق الاولى

تالي نطرت ثلاث سنين ويبت ولدي عقبها اربع سنين ويبت الحلوووووووووووة الصغيره عمرها الحين ثلاث سنين

احب نظامج...............كلج صح

 

[رووح زوجها]

احلى شىء الاول والثاني ورى بعض بسنه000

وتقعدين فتره سنتين او ثلاااث00بعدين تحملين000

بس على بعض صعبه000حتى الريل يبي راحته00مو كل ماشاف مرته الابطنهااا لخشمهاااا

وعشششان تتفرغ لنفسهااا ولريلهااا000وحتى الطفل عقب فتره يكون حدث جديد على البيت00

 

[ام عفاف الكويت]

انا لانه في بيت بروحي وبنتي مافي يهال مستاحشه اليهال كلهم فتشوف عيال الجيران تصارخ دادا دادا والحين حامل عشان يكون لها اخو او اخت وناويه اوقف عن الحمل لمده سنتين الى 3 بالاتفاق مع زوجي ان الله كتب لي

 

[ناني سيكرتس]

احل شي الفرق بينهم سنتين تحسن انهم ربع مو خوان, اذا لج خاطر تحملين نطري لين يصير عمر بنتج سنه وحملي احسن لج..

 

[علايه]

بنتج توها اصغيره

نطري خل اتكمل سنه ونص او سنتين بعدين حملي

لانه لو حملتي الحين راح تهملين الصغيره

 

[زوجي توأم روحي]

مشكورين حبيباتى على ردودكم الحلوة
ياحلات بنات ديرتى والله قلوبهم دايما على بعض :tek:

 

[نونو المزيونه]

انا افضل اني انطر مو ورا بعض علشان ارتاح و الياهل يكبر شوي

 

[*دانة الخليج*]

افضل اعطي كل بيبي حقه واريح الرحم علشان لايصير فيني قرحه من كثر الحمل
او يصير معاي ارتخاء بالمثانه من كثر الحمل والولاده

 

[semaasem]

انا بالنسبة لي ما أعبر ماقدر اييبهم ورى بعض لازم انطر علشان كل واحد ياخذ حقه وانتي ترتاحين وتكونين ولهانه ومتشفقة على نونو صغير بس اذا صاروا ورى بعض اسم الله عليهم كل واحد يبيله مجابل ومالج خلقهم على حسب في ناس يحبون الياهال و ناس مالها خلق تجابل انا من النوع اللي قلبي حار ماقدر أييب واخلي الخدامة تربي علشان جذي انصح ان الوحدة تخلي فجة عالاقل في وقت تجابلين عمرج تجابلين ريلج ووقت حق النونو بس اذا صاروا وايد شلون؟ وبعدين حبيبتي العمر له دور يعني الوحدة جم عمرها انا مرات احسبها جذي وحسب العدد اللي متفقين عليه الزوج والزوجة

 

[كولوراديه]

بالنسبة لي أفضل بين كل طفل و طفل من سنتين الى ثلاث سنوات لان البيبي يحتاج لرعايه و اهتمام وتعطين كل طفل حقه والله يوفقج

 

[زوجي توأم روحي]

مشكورين حبيباتى على ردودكم الحلوة :ggdw:

 

[Stylist]

انا اشوف فرق 3 سنوات مناسب بين الأول والثاني عشان جسمج يرد وتلبسين وتعيشين حياتج وريلج بعد له حق والتربية شئ مو سهل
مااحب يكون الفرق شوي بين الأخوان احس ماياخذون حنان كافي