اتعرفون شي عن الــ Bento ؟ حركات وأكلات غريبة ..حياكم معاي ..

[mar_mar]

يسلموووووووووووو حبيبتي علي هالموضوووووووع الروعه عن جد عجبني وايد
يعطيج ربي العافيه انشالله

 

[milkshake]

بالنسبة حق العلب الصغيرة اللي تتعبا صلصات (كتشب او صلصة سلطة او غيرها) وهذي صورتها (وتجي باحجام واشكال مختلفة)



تتعبا اما بقمع او ان فيها عصارة تشفط الصلصة كما في الصور

 

[milkshake]

الله يعطيج ألف عافية،الموضوع وايد حلو
وأكيد تعبتي فيه بس يستاهل

يسلموووووووووووو حبيبتي علي هالموضوووووووع الروعه عن جد عجبني وايد
يعطيج ربي العافيه انشالله

صج تعبت على الموضوع بس تستاهلون كل خير ..وحبيت افيدكم مثل ما انا استفدت وايد,.
ترا على فكرة انا فاشلة في الطبخ ..بس من ابتديت اقرا عن البنتو انا حبيت الطبخ ..لان احس فيه فن وابداع..وغير جذي عورت قلبي بنتي ..كنت احط لها الأكل في الشنطة على حاله..حتى الخيار كنت احطه بدون تقطيع..
حياكم الله

 

[milkshake]

طريقة مفصلة لعمل هذا البنتو..عاجبني شكله سهل وحلو في نفس الوقت



الطبق اللي فوق ..جزر وفاصوليا مغلي ومهروس (كل نوع على حدة طبعا)
والأرقام قاصين بف باستري على شكل أرقام وانتي تقدرين اتسوين الاشكال او الارقام اللي تحبين

الطبق اللي تحت..كيوي على شكل خنزير أكرمكم الله ..أدري محد يحبه بس حطيته علشان اتعرفون الفكرة بس ..
ولفائف الباف باستري سهلة ولذيذة



كل اللي عليج اتسوينه انج اتقطعين الباف باستري على شكل طول وتدهنين احد جوانبه بالجبن والأوريغانو والسمسم (تقدرين اتحطين سماق او الحبة السودا او غيرها) وتلفين الباف باستري كما في الصورة وتقطعينه وتحطينه في الفرن وبس

 

[المزيونة^]

يااااااااااااااااااااااااااااااي مشاللله عليج خووووووووووووووش موضوووووووووووووع و صور حلوة و تشوق الصراحة ببدي اتعلم البينتو على اصوله معاااااااااج
مشكككككككككوووووووووووووووررررررررررررررررة

 

[milkshake]

تنباع مثل هذي القطاعات اللي تقدرين اتسوين فيها تعابير للويه..للأمانة انا ما شفت منها في السوق ..بس ياليت اذا وحدة شافت وين ينباع اتقولي لان شكلهم وايد اكيوت..
وللفنانات منكم تقدرون تستغنون عن القطاعات وتستخدمون السكين




هذي لنك على الــ ebay يبيع اشويت شغلات للبنتو

http://stores.ebay.com/Yingkadeco-S..._W0QQcolZ4QQdirZ1QQfsubZ4159700QQftidZ2QQtZkm

وهذا موقع ثاني

http://stores.ebay.com/Store-in-Jap...-idea_W0QQcolZ4QQdirZ1QQfsubZ16QQftidZ2QQtZkm

 

[milkshake]

يااااااااااااااااااااااااااااااي مشاللله عليج خووووووووووووووش موضوووووووووووووع و صور حلوة و تشوق الصراحة ببدي اتعلم البينتو على اصوله معاااااااااج
مشكككككككككوووووووووووووووررررررررررررررررة

وانشالله اكون عند حسن ظنج

 

[milkshake]

هذي صورة بنتو مستخدمين فيه سبرنغ رول الربيان اللي حطيتلكم طريقته سابقاً



والحين هذي أكلة يابانية مشهورة ولذيذة وسهلة ويستخدمونها وايد في البنتو..طبعا مثل ما قلت لكم البنتو مب لازم اكلات يابانية..بس انا اكتشفت كم طبخة من مطبخهم واعجبوني وقلت افيدكم فيها..وطبعا احنا نقدر انغير في البهارات على كيفنا..



الطريقة سهلة وايد..اتجيبين باذنجان الصغار (بيبي) وتقطعينه من النص ..وتدهنينه بزيت زيتون وحطيه في صينية الفرن ودخليه الفرن..بعد 10 دقائق ادهنيه مرة ثانية بزيت زيتون وشغلي الفرن من الاعلى.,وخليه لي ما يتحمر السطح..
اما بالنسبة للتوبينج فتقدرين تستخدمين اي نوع من صلصات الطماطم الجاهزة اللي تنباع ومخلوطة مع بهارات..اما بالنسبة لي فأنا اشتري معلبات الطماطم المجففة واهرسها مع قليل بقدونس وقليل جدا ثوم وزيت زيتون وجبنة بارميزان وفلفل أخضر حار وملح..وانتي تقدرين تتفننين في المكونات على حسب الرغبة..
والشكل مثل ما تشوفون ..واااااااااااااو..والطعم ألذ...جربوها

 

[milkshake]

حطيت موضوع قبل عن تشكيل السندويشات للأطفال وهي فكرة رائعة للبنتو..وهذي اهي الصور





طبعا مكونات السندويشات حسب الرغبة ..والتزيين من الخارج انتي وابداعج وتقدرين تلصقين المكونات ببياض البيض او بجين سائل..

 

[milkshake]

شوفو البنتو هذا شحلوه..



الطبق اللي فوق تورتليني بصلصة طماطم مصنوعة في البيت
الخيار والتفاح مقطع على شكل نجوم..وايد احب الحركة هذي ..وافكر اسوي سلطة فواكه ابهالطريقة اتكون كلها نجوم من مختلف الفواكه..
الطبق الثاني فيه لفائف الخبز بالموز..طبعا تجيبين الخبز الرقيق وتقطعينه بالطول وتدهنينه بجام او زبدة الفستق او اي شي تفضلينه وتحطين قطعة موز كما في الصورة وتلفين الخبز حوله..وتزينينه مثل عقارب الساعة باستخدام النعناع مثلا او اي شي تفضلينه..

والحين اعداد شرائح نبتة اللوتس ..وهي أكلة سهلة وصحية وسريعة للأطفال وتنحط في البنتو ويبين شكلها واااو





تقدرون اتلاقون النبتة هذي في المحلات اللي اتبيع شغلات آسيوية او يابانية او كورية او حتى صينية واسمها lotus root
والبعض يسميها renkon
وهي وايد مفيدة وفيها فيتامينات وايد وطعمها ترا وايد لذيذ
قشريه وانقعيه في ماء وخل
بعدين نشفيه جيدا بفوطة وقطعيه قطع رقيقة
اخلطيه بزيت زيتون واي نكهة اخرى اتحبينها من الصلات الجاهزة اللي تنباع حتى صلصات السلطات تقدرين تستخدمينها
ضعيه في صينية فرن وضعيه في الفرن
اقلبيه بين فترة والثانية حتى يصبح لونه ذهبيا
اخرجيه من الفرن ورشيه بشويت ملح..

هني وعافية

 

[milkshake]

اتحبون احط لكم وصفات واشكال زيادة ولا خلاص ؟؟؟

 

[milkshake]

هذي طبق حلو ..سهل .. ويمي ..وياحلاته في البنتو..حاطته في بالي حق السحور وحق أيام المدارس



اتيبين شرائح التورتيلا وتقطعينها مثل الصورة ..وتحطين التوبينج اللي تحبينه ..مثلا معجون القدونس مع السبانخ..وممكن آجار ..وممكن معجون الطماطم والثوم .. وانتي وافكارج..
طبعا رشي صينية الفرن بزيت زيتون ..وحطي التورتيلا في الفرن حمصيه وبعدين طلعيه وحطي الصلصة وشغلي الفرن من فوق ورجعي حطيه ...
يم يم يم ..

 

[غلاي غير]

مشكووووووووووره ترتيب الاكل وشكله يشوق

 

[فجوره الحلوه]

بااااك .. روووووعه حبيبتييييي تسلميييين مشكوووووره على الافكار الله يوفقج

يعطيج العافيه .. واختى الصغيره معاي قاعده اطالع تقووولج شككككرا ^^ استانست على الصور اقولها بسوي لج لما تروحين الروضه

وفي البيت هههههههه

 

[dan]

تسلمين على الموضوع يعطيج العافيه

 

[قـــمـــرهم]

وااااو شغل عددددل

 

[Engainera]

وااااااااااااااااااااااو موضوعج روعه ويشوق:ggdw:
بس بسالج عن شغلة حبيبتي كلمة مرة اسمع عن محل دايسو؟؟ هاذا شنو وين صاير ؟؟شوقتوني اشوفه
ويعطيج العافية]

 

[milkshake]

مشكووووووووووره ترتيب الاكل وشكله يشوق

وصدقيني طعمه لذيذ بعد..مشكورة على مرورج الغالي ..

بااااك .. روووووعه حبيبتييييي تسلميييين مشكوووووره على الافكار الله يوفقج

يعطيج العافيه .. واختى الصغيره معاي قاعده اطالع تقووولج شككككرا ^^ استانست على الصور اقولها بسوي لج لما تروحين الروضه

وفي البيت هههههههه

تستاهلون كل خير حبيبتي ..وان شاء الله راح احط لكم افكار زيادة بعد..

تسلمين على الموضوع يعطيج العافيه

الله يعافيج اختي الغالية..مشكورة

وااااو شغل عددددل

مشكورة اختي كلج ذوق ..

وااااااااااااااااااااااو موضوعج روعه ويشوق:ggdw:
بس بسالج عن شغلة حبيبتي كلمة مرة اسمع عن محل دايسو؟؟ هاذا شنو وين صاير ؟؟شوقتوني اشوفه
ويعطيج العافية]

هلا اختي الغالية..
محل دايسو الله يسلمج هذا محل ياباني مشهور له عدة فروع في العالم ويجيب شغلات يابانية وايد حلوة..



اذا كنتي من البحرين فله فرعين..الأول في مجمع الهادي سابقاً..والثاني في مدينة عيسى بجانب Home Electronics

وسويت بحث في الانترنت ولقيت له الفروع التالية..
في الكويت..في الشويخ بجانب Homes R Us ....والسالمية(سيتي سنتر)... والفروانية جريب من الجمعية والعربيد في نفس الشارع...
في الامارات...مركز تسوق مدينة زايد - ابوظبي ...مركز الذهب ..لامسي بلازا بدبي .. سيتي سنتر الشارقة...النخيل - رأس الخيمة ... معرض المصنع - عجمان - الصناعية الجديدة ..شارع حمد محمد بن مطر - الفجيرة..
في قطر..في الحياة بلازا-الدوحة...وسوبر ماركت شوب رايت..

 

[milkshake]

صج ان دايسو حلو وشغلاته اتينن ومستحيل الوحدة تدخل هذا المحل بدون ما تدور فيه بالساعات..الا اني اشوف انه مب ارخيص ..صج في البداية ظنيت انه رخيص .. لكني لاحظت اني كل مرة اطلع ما لايقل عن 10 او 15 دينار ..وهذا لما اكون ما سكة نفسي عن التشري ..بس على العموم انا صرت ما شتري الا الشغلات الغريبة..واشوف انها تستاهل ..ومن هذي الشغلات اللي مستحيل أندم عليها..

هذي اللي يسلمكم اتقطع البيض المسلوق على شكل وردة ..صج شكلها حلو ..وبراويكم صور لأطباق بنتو امسوين البيض فيها ابهذي القطاعة بس جد لا تفوتكم وانصحكم فيها تنفع حق حركات السحور بعد..



طبعا لاني حب Hillo Kitty فمستحيل أندم على ذلين (عصارات يتعبون صلصات)



قطاعات السندويش..صج كيووووووت

 

[amooon82]

وااااااااااااااااااااو روعه كملي واحنا معاج :tek:​