السلام عليكم ورحمة الله وبركاتة
خواتي كويتيات
بختصر مشكلتي هي مو مشكلة لكن
يهمني اني اعدل الوضع وابي حلول
وطريقة لحل وتصليح هالوضع اللي انا في
بأختصار
انا اخوي تزوج من 7 شهور
وانا اكبر وحدة بالبيت
مرت اخوي احسن انها ماتحبني
مثلا اذا انا موجودة تطلع من الغرفه
واذا انا بروحي قاعدة بالغرفة اللي نجتمع فيها احنا
يالحريم تكون نازله تبي تقعد معانا لمن تشوفني
بروحي ما تقعد
مرات ما تسلم علي لامريت جنبها
واللي ملاحظته انها مع خواتي غير
تضحك وتسلم وادورهن وتسأل عنهن
والله ثم والله ثم والله يابنات اني اعاملها
معاملة الاخت واحسن
مثلا الاكل يجيهم لباب شقتهم
ودايم أسأل اذا بغوا شئ
او نقصهم شئ
حتي اخوي اقوله اذا انقصك شئ علمني
والله اني ما اقصر
واذا تبي شئ انقز اجيبة
لكن انا ملاحضتها متغيرة علي من شهرين تقريبا
حتي نظرتها لي كأنها استهزاء
اذا فتحت موضوع ترد علي بكلمتين
( والله ?? صج ؟؟) بطريقة استهزاء وما تسوي هالشئ قدام خواتي
هذي طريقتها بالرد علي
حتي لمن نكون مجتمعين
تفتح تلفونها وتوري خواتي مقاطع فيديو
او صور وما توريني وانا اوريها كل اللي عندي
صرت كتاب مفتوح قدامها
حتي خواتي ملاحظين انها ماتحتك فيني ابد ولا تسال عني
انا قبل يومين كنت مريضة الكل سأل عني حتي حريم اخواني اللي بره البيت ولاني ولله الحمد احب اكسب
حريم اخواني لو علي احساب نفسي
وانا اكبر منها ماتشوفني شئ
والله انا طيبة وحبوبة حتي اني فكرت
اذا مزعلتها بدون لا ادري
اروح اعتذر منها واعرف اللي مزعلها مني
معني مو مزعلتها بشئ
ماابيها تزعل عشان اخوي وراحتنا بالبيت
سألت خواتي شنو ممكن يبرر تصرفاتها
كلهن قالن كانها متكبره عليج ؟؟ بس ليش متكبره
؟؟ ماني فاهمة
انا ما يهمني لاني مو منقص مني شئ لكن ابي راحتنا ابي اشتريها باي ثمن
ابي حلول اكسبها اخت وتكون لي عون
مو فرعون فهمتوني ابي طريقة اكسبها فيها
انا والله ألبي اللي تبية مو مقصرة بس ابيها
تحترمني وتقدرني وما اذل نفسي
لاني اعتقد اني ذليت نفسي :eh_s(2):
حبيباتي خواتي
ابي حلول للي انا فيه عشان اصلح الوضع ما اقدر
اطنش عشان راحتني
ولكم مني احلي دعوه جعل ربي يفتحلها باب رزق وفرج للي تساعدني
واللي ترفع الموضوع ربي يرفع من قدرها دنيا واخرة :yaaaaaarb:
وردي علينا شيصير معاج 
