ابي نصايح وحلول ايجابيه

[Norah.a]

انا اشوف بعض الناس اذا عاملتيهم زين و خدمتيهم قامو يتكبرون علينا ويحسبون الواحد قاط نفسه عليهم.. مرت اخوك ااحسن حل معاها تعطينها طاف و تعاملينها سلام و عليكم السلام و ماتقولين لها شي و خليك رسمية ف تعاملاتك معاها. و انا عارفه انك بتقولين هذا مو طبعي. بس اوقات الناس تحتم عليك طريقة التعامل معاهم.

 

[حنان الحربيه]

ببساطه اخوك يمدحك قدامها وغارت منك

لان واحد من اخواني داايما يمدح اختي الكبيره قدام زوجته

وقالتها زوجة اخوي لاختي والله والله لو ماانتي اخته ذبحتك


الموضوع غيرت حريم
انتي مسويتي لها شي
كيفها بطقاق واللي بيزعل من كيفه يرضى بكييفه
بس وسعي صدرك:eh_s(7):

 

[الحياة فرص]

حبيبتي مادامج ماسويتي شي لاتكلمينها ولا اي شي
والله بعدين اتشوفج جذي اتعاملينها تتمادي
مدام انج محشمتها ومحترمتها خلاص ما لاداعي تروحين تسألينها انتي ليش متضايقه
اسكتي عنها وخليها وبس

 

[النوري كووول]

تسلمون خواتي علي الردود الطيبة
ريحتوني انا قعدت اقلبها براسي
عاملتها معاملة فوق الطيبه
وجفتني
ودزيت لها اختي تسالها
وقالت مافيه شئ
وحاولت اني الطف الجو بيني وبينها حتي اني اشتري خاطرها بشغلات كثيرة
واخرتها اتطالعني بنظرات مو حلوه واستهزاء ولا تكلمني مثل الناس
وانا متاكدة انها ما عندها شئ ضدي
ولا انا ضريتها بشئ بالعكس انا افضلها علي اللي حولي لانها عايشة عندنا

انا كنت محتارة بس الحين لا
خلاص انا بعاملها بما يرضي الله لاني
عارفة اني ما اذيتها بشئ
وراح اكون معاها عادي
بس بدون لا احسسها اني مضايقة
يعني اسولف واضحك ولا كانه صاير شئ واذا كلمتني كلمتها
بس بدون جفا ولا قطة وجه
ولا رسمية ولا ميانة
هذا اللي بسوية لاني ما احب ازيد المشكله واكبرها
اذا عاملتها برسمية راح تزيد وانا اعتقد ان هذي شخصيتها
واذا رديت عليها بالمثل راح تزعل وانا ما احب احد يزعل مني
لو اللي قدامي غلطان لكني راح ارفع من نفسي واغير شوي من طريقة
تعاملي معاها
ولا انتو شرايكم


​

 

[بنت الامبراطور]

هلا اختي فديتج لا تعطينها وجه

الي ما يبيج ما تبيه عشر :yaaaaaarb:

:eh_s(10): شكلها تغار منج وعشان جيه ما ترمس معاج

خلج لا طبيعتج

:eh_s(9): وبالتوفيق ان شاء الله
​