ابي كل وحده تدش تكتب مقادير حنتها وانا بعد وياكم

[doudou2009]

السلام عليكم
شلونكم بنات شخباركم




















مثل ماتعرفون مابقا عالعيد شي ونبي نبتدي عنايه من الحين حق شعورنا اللي اهي مشكله اغلب بنات المنتدى وبديت امس احط حنه وانا شعري دهني من الجذور وجاف الاطراف وكانت مقاديري كالتالي :
حنه
سدر
بيضه
رشه زغيرة ملح << مادري ليش
محلب مطحون


والحين ياحلوات المطلوب منكم تحطون مقادير حنتكم وشنو تحطون عقبها وكل وحده تقول جم المده اللي التزمت فيها وشافت نتيجه تسر

ملاحظه : لما غسلت شعري بحمام زيت فاتيكا لاحظت انه طاح زياده شنو تتوقعون السبب؟
اني مافرقت شعري بالنص فالحمل صار وايد عالشعر لما غسلته من الحنه
وحمام زيت دابر اهو السبب


يالله همتكم معاي قبل العيد بسسسسسسسسسسسسسرعه:RoadRunner:

 

[nani_668]

رد : ابي كل وحده تدش تكتب مقادير حنتها وانا بعد وياكم

هلا حبيبتي
الحنة اتنشف شعري أحبها بس ما اقدر احطها علي شعري تخليه واااااااااااااااايد يااااااااااااااابس

 

[&موناليزا&]

رد : ابي كل وحده تدش تكتب مقادير حنتها وانا بعد وياكم

عزيزتي رفع لعيوووووووووووونج

 

[doudou2009]

هلا والله بناني حبيبتي اذا يصير يابس او ناشف انا مره سمعت خالتي تقول رفيجتها قبل بالجامعه يدتها مرة عوده بس تعرف بهالاشياء تقول تحط معاها زبده واااااااااااااااااااايد تلين الشعر بس الصراحه ماجربتها

موناليزا تسلملي عيونج حبوبه

 

[ربوع الحلوة]

رفع لعيونج

 

[وحيدة امى]

معاج برد لحنه احط مسمار شعير ملح فوه محلب

 

[حنـــــان]

خوش موضوع
انا اموت بالحنة كل اسبوع لازم وتينن

شوفوا مقاديري

حنة
أعشاب خاصة للحنة
2 م ك زيت
ليمونة
نص قلاص صغير خل
م ك مايونيز
ليبل شاي

بعد ما احط الحنة 3 الى 4 ساعات اغسلها بماي بس
بعدين انشف شعري واحط دهن ساعة الى ساعتين

وشوفي شعرج بعدها لا ناااشف ولا يابس لين اينن

وادعووولي بعدها

 

[doudou2009]

ربوعه ثانكيو حبيبتي عالرفع
وحيده امي خوش مقادير بس الفوة ماعرفها شنو هاذي وحق شنو تحطينها؟
حنان بسالج جم سؤال حبيبتي الليمون والجاي حق شنو تحطينهم ؟ وبعدين لما تحطين الزيت على شعرج ساعتين تغسلينه بشامبو بنفس اليوم ؟

 

[doudou2009]

يالله بنات نبي بعد مقادييييييييييييييييييييييييييييييير << عبالعا نفسها منال العالم لوووووووووووووووووووووووووووول

 

[_ظل الياسمين _]

انا مره قالتلى اللى تشتغل بالصالون لاتحطين بيض مع الحنه لانه يسوى طبقه عازله لفوائد الحنه..

اما عن حنتى والله مااقصر اللى اعرف انه مفيد اضيفه ومافى مقادير معينه بس اليوم جطيت زبده لاول مره..

واحس شعرى ماطلع خشن ..ومشكوره عالموضوع المفيد.

 

[dnyay_mll]

رد : ابي كل وحده تدش تكتب مقادير حنتها وانا بعد وياكم

امووت عالحنه بس ماقدر احطها الحين لان السنترال بارد ويحوشني صداع منها

انا ماكنت اخلط معاها الا القرمز والروب

وامي تحطلها كركم وشاي

واختي تحطلها اعشاب من العطار اسمها اعشاب عزيز تهبل وايد تنعم

وجربت حنة شركة لارسيا وايد وايد حلوه حيل عجبتني ومانعم شعري الا اهي

وان شاءالله هالفتره اطلبها منهم

 

[doudou2009]

ظل الياسمين والله شجعتيني عالزبده يسلمووووووووووووو
دنياي ملل والله اخاف من الحنه اللي تنعم وتتهنين حبيبتي

 

[NOONOOO]

رد : ابي كل وحده تدش تكتب مقادير حنتها وانا بعد وياكم

اب لعيونج


بس انا استخدم سدر ورشوش واس واكليل الجبل ودهن ومحلب

 

[البدر2000]

انا كنت استخدم حنه لشعري وكان شعري حلو كثير يسالوني عن اللمعه واللون ماخلاني اوقفها الا شي واحد الشيب اللي يطلع ماتغطيه الحنه :0bee2e8d89:ولا الخلطه روووووعه بمعنى الكلمه
سنا مكي
فوه
كركديه
شاي ورق
احيانا اس

تغلى مع بعض لحد ماتثقل وتصفى المويه وتعجنين الحنا فيها
بصراحه تعطي لمعه ولون احمر برغندي حلو
وكثير اخذوها مني وكنت حاطتها بمنتدى ثاني
تحطينها وبعدها تغسلين شعرك ببلسم وتحطين زيت وثاني يوم بشامبو [/][/SI

 

[قدها وقدوود]

حنا قصيميه وهي الافضل
قشر رمان ماده قابضه ومثبت للون
محلب مكثف ومنعم
سدر مكثف ومطهر للفروه
الاس مكثف
اكليل الجبل مكثف
زعتر بري مكثف ومطهر ويشيل القشره
اجيب هالاعشاب حب وانضفها عدل وطحنها ولاسويت حنتي اعجنها بماي مغلي وخمرها يوم كامل وقبل احطها اضيف لها علبة روب واغسلها بماي بدون شامبو ولا بلسم لانه يشيل فوايدها وعقب يومين ازيت بنارجيل الاصلي من معاصر السعوديه واللي يجربها يدعيلي

 

[Asrarie]

انا مااحب الحنه بس شكلي بجرب معاكم ,, مشكله الحنه حتى لو غسلتيها تقعد ريحتها بالشعر ماحبها

 

[أم أحلى البنات.]

صار لي الحين 7 سنين بالضبط ما حطيت حنا عشان بصبغ شعري ثلجي ...

والمشكله اني لا صبغته ولا يحزنون :eh_s(22):

 

[بنوته كلي دلع]

انا طريقتي هي
حنه المدينه احط وبس خخخ
حب شعير حسب طول شعرك
مايونييزملعقتين
زبده ملعقتين
روب ملعقتين
ليمون ملعقه
خل ملعقه
اي نزع زيت ملعقتين
خميره ملعقه صغيره
طبعا مااي
احط الماي في قدر واكب حب الشعير واخليه يغلي إلما يصير لونه اصفر
واطلعه من النار واحط حنه
وبعدين اخلط الباقي
صراحه انا حبيت الطريقه هذي وارتحت عليها
خذتها من وحده في منتدى ثاني مارح اقول اسمعه على شان ماتقولون دعايه للمنتدى

 

[أميرة الاندلس]

انا طريقتي 10 قفاش حناء المدينة +محلب +عشبة الاس +نسكافيه +صبغة الزعفران
طبعاا من كل المكونات قفشتين بعدين اخلطهم مع شاي مخدررر حيل او لومي واخليهم 4 ساعات
بعدين اخلط معاهم قوطي روبه +ملعقتين زيت زيتون +زيت دابر املا+عسل +عصير ليمون واحطهم على شعري
اخلي الحناء بشعري تقريباا 4 ساعات لانه اذا طولت راح تنشف الشعر وتقصفه بعدين اغسلهاا واحط بس ماسك فاتيكا واذا خلصت احط زيت اللوز ومن باجرر اغسله بشامبوو ... وما شاء الله الكل يسألني عن لون شعري وطوله وحيويته طبعاا استخدامي لهاا بصفه شهرية
ادعيلي ربي يحقق اللي في بالي انا وبنات المسلمين ...ياررب

 

[ام عزيزان]

حلو موضوعج ومفيد

انا احط الحنه مع السدر ومع قشور الرمان وبس ومرات اعجنها بالشاي .... ومرات بالماي العادي

واذا الشعر يابس لازم تحطين حمام زيت على الاطراف .... وتحطين دهن بعد الحنه .... وحطي مايونيز يرطب الشعر .... يعني

ماسكات الترطيب مهمه بعد الحنه