ابي كل وحده تدش تكتب مقادير حنتها وانا بعد وياكم

[لمســات الجـوري]

اختي عجنيها بمقلي تفاحه مع برتقاله مع ليمونه طبخيهم لين يثقل الماي اخذي مايهم وعجني فيه الحنه ولا تحطين معاها سدر تعطيج نتيجه احلى لانه الحنه تجفف والسدر يجفف وضيفي علبة زبادي

تقبلي مروري

تحياتي

 

[نور مغليها]

رد : ابي كل وحده تدش تكتب مقادير حنتها وانا بعد وياكم

بنـآت أنا حنتي غير بس مادري المهم لا تضحكون علي
أغلي بصل وثوووم ع النااار بعدين اضيف لهم فلفل ناعم اشوي
بعدين اشخلهم واخذ الماي واعجن فيه الحنـه وأحط معاها << شوي حلبـه

2 قفشه كركم الأكل
2 قفشه قهوه
واعصر ليموون ​

ريحة البصل والثـوم راح تروووح لأنها ويا الحنه وانا مجربتهاا
والفلفل << يساعد على تقوية بصيلات الشعر
اخليها ع الاقل ثلاث اربع ساعاات ..​

وإذا اكو مناسبه قريبه أحط مع الحنه دم الغزل يصير احمر ..​

 

[طاوووسه]

رد : ابي كل وحده تدش تكتب مقادير حنتها وانا بعد وياكم

انا أحب الحنه الحمره و يصيييييييييييير شعري أحمررررررر شي خياااال

و مقاديري :
* حنه اليمنيه
* بدال الماي = ماي الشمندر
* كثيره الحمره
* 4 قفاش دم الغزال ((تلاقونه عند الحواي))
* قفشه وحده ليمون
* قفشه وحده خل

و أحط الحنه بشعري من 3 إلى 5 ساعات ولازم قبل ما أحط الحنه لازم لازم أحط فازلين على يبهتي عشان ما تصبغ

 

[يا قلبي لا تحزن]

رد : ابي كل وحده تدش تكتب مقادير حنتها وانا بعد وياكم

انا طريقتي حنه و سدر ورب
وبس

 

[Karboshaa]

رد : ابي كل وحده تدش تكتب مقادير حنتها وانا بعد وياكم

بالنسبه لى حنا وسدر ومحلب وقفشة عسل وروب وشوية ملح وخميره وبيضه أعجنهم بمغلى الثوم والبصل وبالعافيه<- قصدى على شعرى ولالالازم عقب ما أغسله لانشف أغرقه بالدهن.. تقبلى مرورى