ابي غرفتي تصير فندقيه وخمس نجوم بعد

[rosemary777]

شكرا موضوع جميل

 

[rainbow_brite]

السرير اللي تبينه تلقينه عند بيد بوتيك و في واحد عندهم مقارب للصوره اللي انتي حاطتها و ان شاء الله اكون افدتج

مشكوره حبيبتي على مشاركتج اذا كنتي تقصدين مركز السرير انا خذيت سريري منهم وسالت البنات ونصحوني بالجلد ما قصرو ويابو وايد حلو وستايل فندقي وبصراحه مريح ولونه بيج على اوف وايت وهذي صورته بس انا ارفع منه واعلى

نفسه بس يلد والريول اطول منه

 

[rainbow_brite]

وفي نفسه بني واسود يلد يعطي فخامه بس انا هونت عن الغوام غرفتي القديمه خشب بني هالمره ابي بيج ابيض اوف وايت

 

[rainbow_brite]

مساء الورد بنات بد بوتيك وين صاير والبغلي يسوي فرشات طبية تفصال بس الخوات ذكروا انه مو شي انتوا تقصدون الاسرة والا الفرشات الماترس لان سريري حجمه محتاج تفصال وما لقيت تفصال الا عند البغلي
وبخصوص الثلاجة ياريت اللي اشترت وحدة بدون صوت تفيدنا

انا البغلي ماخذه منهم حق عيالي اسمها فرشه البرنسيسه زينه وما اشتكيت منها وانا بعد منهم فرشتي بس القاعده خذيتها من مركز السرير بس بعد فتره بغيرها وباخذ من مركز السرير اجربها لانها طبيه



اي البغلي يفصل واعتقد مركز السرير عندهم مقاسات عالميه ما يفصلون يعني مترين متر وثمانين ومتر و60 وجذي



وام شا ء الله البنات يفيدونا عالثلاجه

 

[rainbow_brite]

عليج بالعافيه يا رينبو غرفتج اللي ماخلصت لحد الحين
خليج على الفواتح احلى شي
وصج ان الابيض يبيله تغيير يومي يبين فيه الوصخ بسرعه بس هم اقولج راقي
والستاره غامجه مع عازل عن الشمس حق نومه الظهر الله خصوصا اذا كنتي تعبانه على بالج نص الليل والشتر بعد عجيب
وبعد
بخصوص الثلاجه حطيها داخل كبت مثل ماقلتي من ايكيا مااعتقد يكون لها صوت اخذي صغيره كلش كلش كلش حق العصاير بس
وعليج بالف عافيه يالغاليه

الله يعافيج حبيبتي شروفه



وصج للحين ما خلصت :dddds:



وصاجه الابيض فعلا راقي انا الحين رسيت على اللون البيج الصبغ الطوفه والديكور ابيض صريح واثاثي ابيض يعني صار ابيض مع بيج ستايل اوروبي اللي يبين الديكور بدون ذهبي ولا تعتيق خليته لون ساده حق الهدوء وراحه العين


وعلى قولتج حق النومه المريحه لوووووول:ggdw:




وستارتي بعد بيضه على اوف وايت لوووول كله ابيض في بيج عاد اقدر اكسر اللون بالكفر



شروف عشان عبودو لي صار بطلع ابداعاته ويسوي شخبط شخابيط يتولى غرفتي عدل خخخخخخ

 

[rainbow_brite]

في مصممه اتسويلج الي تبينه حته طريقت المفرش والارضيه المخططه اتسويلج اياها عندها عمال واذا حابه هذا رقمها65800706 انا امسويه كفر وداري

مشكوره حبيبتي ما قصرتي

 

[rainbow_brite]

تصدقين هالايام وايد اسمع ناس تبي تسوي الغرف كانها غرف فندقيه...........شكلي بصير وياكم بعد

اي اتصدقين يبيله



وحياج الله معانا

 

[rainbow_brite]

ا>ا كنتي بفكرة تشترين اثا يديد انصحج ب>ي ون ليش ان اثاثهم فندقي ..

مشكوره وصج اثاثهم حلو وعصري ويجمع بين الكلاسيك والمودرن

 

[rainbow_brite]

شكرا موضوع جميل

حياج الله حبيبتي

 

[al om]

انا مصممة ديكور وعندي بعض النقاط اقدر افيدكم فيها اولا اذا كانت الغرفه اصغيره تقدرين اتحطين الوان فاتحه افضل علشان اتبين اوسع واتحطين الثلاجه داخل الكبت اذا في مجال علشان لا تاخذ من مساحة الغرفه ولا تكثرين فيها الطاولات لانه ما راح تقدرين تاخذين راحتج مع الوقت والتلفزيون طبعا اكون معلق بدون مكتبه بس رف للرسيفر اذا ما كان مركزي
ياريت اكون فدتكم وانا جاهزه لاي سؤال

 

[rainbow_brite]

بنات حبيباتي كل اللي شاركو بالموضوع وفادوني حبيت اقولكم اني تقريبا شطبت غرفتي



باقي بس ثلاجه والكبت خليته اخر شي والكراسي الاثنين




وخل اقولكم المخدات شي خذيته من ايكيا على 9 دنانير وفوقهم تلبيس مخده ساده ابيض وفوقه تحطين الكفر يعني المخده بعدين تحطين تلبيس ابيض لها يتسكر بسحاب عقب كفرج وشحلاته بارد في منه بدينارين وفي باربع وفي بسبع انا خذيت اللي بسبع وايد بارد



وفي مخدات من مركز السرير طبي ووايد حلوين

والكفر التلبس اللي داخله الابيض ما ادري شسمه احسن شي من دبنهامز وعندهم مقاس كوين وسوبر كوين ولقين عند زارا بعد في ريش وفي قطن ووايد افكار حق الافكار الفندقيه



والكفرت وايد اماكن رحت بس عجبوني ملوت دبنهامز اكثر شي


السرير خذيته من مركز السرير ووريتكم صورته



انا كبتي اساسا من ايكيا ابيض وهذا شكله

وخذيت تسريحه من ايكيا كومودينات نفس اللون بصراحه كان ودي من مكان احسن من ايكيا بس احترت وهذا طلع نفس اللي في بالي ويمشي مع لون كبتي ونفس الستايل كنتري



هذي التسريحه

وفوقها منظره بيضه




هذي التسريحه تمشي مع ستايل داري بس ما تشيل وايد اغرتض واحنا الحريم نموت عالتخزين

هذا ينحط ورا السرير يشيل الكفرات والمخدات البياضات علي قولتهم

هذي تنحط بين الكرسيين بس انا ما خذيت الكراسي بريح مخي شويه من الديكور لوووووول

وهذا الستايل من ايكيا اسمه هيمنس واهوا كنتري وكلاسيكي




والموضوع لكم ان شا ءالله تستفيدون كلكم من افكارنا

 

[rainbow_brite]

انا مصممة ديكور وعندي بعض النقاط اقدر افيدكم فيها اولا اذا كانت الغرفه اصغيره تقدرين اتحطين الوان فاتحه افضل علشان اتبين اوسع واتحطين الثلاجه داخل الكبت اذا في مجال علشان لا تاخذ من مساحة الغرفه ولا تكثرين فيها الطاولات لانه ما راح تقدرين تاخذين راحتج مع الوقت والتلفزيون طبعا اكون معلق بدون مكتبه بس رف للرسيفر اذا ما كان مركزي
ياريت اكون فدتكم وانا جاهزه لاي سؤال

مشكوره حبيبتي على مشاركتج عاد انا غرفتي زينه يعني متوسطه بس خليتها بيج مع الابيض والوان فاتحه عشان تتوسع اكثر والتلفزيون ودي اعلقه بس انا مكمان اللي يتعلق زاويه فماقدرت وخليته على مكتبه بيضه وحدها صغيره فمو ماخذه مكان

 

[شوارفسكيه حمره]

سنتر بوووينت فيه وايد شغلااات حلووه

 

[الوجدان]

هلا اختي حلوه الفكره... وعندي راي تقريبا كل الفنادق.. يسوون المفارش من نفس خامة الستاير..

تقدرين تفرشين تحتها اي نوع من المفارس واي ديزاين>> بصراحه اكره شي عندي ان ياتم فتره على لون واحد .. فأنا احب المفارشي ملونه.. وايد متعقده.. وخصوصا العنابي..

تقدرين تسوين لج مفرش غطا لسرير.. وحزة النوم تشيلينه.. ويكون لحافج تحته..

>> وبصراحه عجبتني فكرة الغرفه الفندقيه ... لاني توني ابني بيتي.. وغرفنا في البيت صغيره وملمومه نفس اسويتات الفنادق..

الله يوفقج

 

[شيوخه]

مبروك عالغرفة بس انا ودي اسال كل السراير الفندقية لي نمتي عليها جنج تغوصين هل من الماترس او من شي مثل الحشوة يحطونها على الفراش ابي سريري لي نمت عليه مو يابس جنج تغوصين ياليت تفيدونا

 

[القبله]

أبي مركز السرير وين مكانهم عنوانهم ؟؟

 

[فلونة احلى وردة]

واي شفيج ليش بيج حريتيني
انا توني رادة من فترة من فنادق مكة الخمس نجوم التوحيد واللي بمكة الثاني والمدينية
واي الغرف ورق جدران مخطط على خفيف بس الاساس بيج او ابيض والكفر ابيض بس فوقة قطعة طوالية ميرة او منقطة او مربعات كيفج ويكون نفسها ملبسة كوشيتين للفراش وغنفة صغيرة مجابلة تلفزيون بلازما
ولونها نفس لون اللي قلتلج وخامها نفسة والبردة نفسهم واذا تقدرين بعد يكون راس السرير مقارب لهالالوان
والموكيت يكون نفس لونهم بس غير يعني اذا مربع يكون الموكيت منقط على نااااااااااااااااااااااااااعم
ولو تسوين 3 ارباع الغرفة موكيت ودخلة الغرفة صوب غرفة التبديل رخام يكون افضل واحلى او صوب الحمام
وحمامج خلية رخام بيج او رمادي فاتح وغامق والحنفيات واغراضها من ماركة قروف او شئ جذي
ولا تنسين الثلاجة والميني بار والبلازما هذول اهم شئ وحجم التلفزيون مو كبير ومجابل القنفة والسرير
وكرسين وطاولة صغيرة او مع قنفة ومكتب صغير الله بيكون شئ روووووووووووووووووووعة
والشراشف والاغراض ابيض جوووووووووووووووووووووودة اخذي شغل مو البغلي شئ امريكي من ايكيا او دبنهامز و يكون ريش
لي موضوع كاتبتة بقسم الطلبات كنت طالبة من البنات يعلموني عن سر الفراش الفندقي شلوووووووون تغوين فية دخلي بروفايلي صوب الاحائيات اختاري مواضيع كتبتها ودروري بقسم الطلبات
والله يهنيج والفال لي ان شاء الله
نصيحة الورق الجدران اخذية من رمزي او الصراف

 

[ذات الهمة العالية]

واااااى هذا اللى أدور عليه
أموت بالشىء الفندقى


بس عطونى إذا الفراش القاعدة بنى غامج بس راقى


عطونى بالتفصيل
من وين آخذ الزولية بس شىء راقى نفس الفنادق

ومن وين أخذ الستارة اللى تقولون عنها عازل الشمس وسادة ومن السقف لللأرض


ومن وين آخذ الطاوله

وعطونى أسماء محلات راقية
فى شىء أسمة الأختيار الأول شفت مرة وحدة شرايكم فيه

ومن وين أجيب الإضارة لا تقولون إيكيا أبى محلات حدها راقية



ومن وين أجيب كفر السرير اللى داخل نفس الفنادق يكون ثقيل التلبيسة



ناطرة الرد عفية

 

[rainbow_brite]

هلا اختي حلوه الفكره... وعندي راي تقريبا كل الفنادق.. يسوون المفارش من نفس خامة الستاير..

تقدرين تفرشين تحتها اي نوع من المفارس واي ديزاين>> بصراحه اكره شي عندي ان ياتم فتره على لون واحد .. فأنا احب المفارشي ملونه.. وايد متعقده.. وخصوصا العنابي..

تقدرين تسوين لج مفرش غطا لسرير.. وحزة النوم تشيلينه.. ويكون لحافج تحته..

>> وبصراحه عجبتني فكرة الغرفه الفندقيه ... لاني توني ابني بيتي.. وغرفنا في البيت صغيره وملمومه نفس اسويتات الفنادق..

الله يوفقج

اي انا اقولج شلون شفت يحطون القطعه الطويله اللي على الماترس ونفسها لون كواشي على الكراسي الاثنين بس انا ستارتي خليتها لون ساده عشان ما اتقيد بالكفر بصراحه كل مره تبين تحطيبن لون وانا لون طوفتي بيج والديكور الجبس ابيض ستايل اروروبي يعني ما يقيدني فعادي مره احط برتقالي مره وردي مره بنفسجي والقطعه الطويله اغيرها مع الكواشي هذول القاهم بميداس سنتر بوينت صفاة الغانم بعد :ggdw:



ومبروك حبيبتي البيت الله يجعله منزل مبارك

 

[rainbow_brite]

مبروك عالغرفة بس انا ودي اسال كل السراير الفندقية لي نمتي عليها جنج تغوصين هل من الماترس او من شي مثل الحشوة يحطونها على الفراش ابي سريري لي نمت عليه مو يابس جنج تغوصين ياليت تفيدونا

اي حبيبتي عندهم بمركز السرير هالفرشه اللي تغوصين فيها قوليلهم ابيها لينه وبعد امريكان ماترس شفت عندهم الاحلى بس واااايد غاليه الماترس


بس الريال قالي ترا الفتادق بو يومين وان كثرتي 10 ايام عادي حق الظهر بس ترا على طول مو صحي يعني اليابس شوي احسن انا القاعده بس من مركز السرير والا الماترس ما غيرتها نفس المقاس فخليتها مالت البغلي وقلت بعدين بغيرها