ابي غرفتي تصير فندقيه وخمس نجوم بعد

[rainbow_brite]

شوفي انا مسويه غرفتي نظام مريح وعملي وزخل اعطيج بعض الافكار عشان تصير فندقيه على قولتج



الستاره خليها تعتيم من داخل عشان تحجب الشمس تلقين عند اللي يسوون الستاير قوليله عازل شمس الفنادق ترا لاصكيتي الستاير حتى لو الصبح بالنهار ما تشوفين الضوء وتنامين احلى نومه






وبعد لاتنسين ورا السرير حطيلج المخزن اللي تنحط فيه الكفرات والمخاد الزايده والكوشيات ولا صكيتيه يصير كرسي وايد عملي




وكرسيين بينهم طاوله او صوفا بيد هم تنفع

مشكوره حبيبتي عالرد وخوش فكره عاد انا كله احط المخاد والكفرات تحت السرير بس اذا خذيت الماترس مع القاعده ما راح يكون فيه مكان

 

[rainbow_brite]

تبين غرفة فندقية ؟؟؟ روحي ميداس وبتخلصين شغلج كله مناك

مشكوره حبيبتي ما قصرتي عاد انا معيشتي ماختها من ميداس وستايلها المودرن بس انا وقتها كنت ادور قعدات ولم اروح محلات الاثاث على كثر فرارتي ما اطالع غرف النوم حاطه في بالي الصالات وبس وغرف عيالي والحين متفرغه حق دار النوم



يبيلي اروح ميداس

 

[rainbow_brite]

القطعه الطويله تعطيج شعور فنادق




والستاير لاحظي تغطي مساحه كبيره طوفه وكامله امريكي من غير موديل وساده

يا سلام على الافكار

 

[rainbow_brite]

المخدات خليهم ريش اذا تحبين


اخذي من النوع الغالي عشان يريحج ويعطيج فخامه والتلبس والكفرات ترا اغلب الفنادق ابيض يحسسج بالنظافه

صاجه الابيض حلو مره جربت كفر ابيض بس يتوسخ يبيله تغيير يومي عاد انا قلت فندق خمس نجوم بس انا اللي راح اغير الكفرات وارتب لووووووول يعني من غير سيرفس خخخخخ



ومشكوره على مشاركتج

 

[rainbow_brite]

إذا تبين ستاند اللي ورا السرير أو تاج السرير الملبس جلد مضرب تلقينه باسعار مناسبه عند سرداب توينز بالضجيج ورا مركز سلطان أشكال وألوان .وشوفي أفكار إيكيا لغرف النوم المريحة.والستاير بعد عند ايكيا.

مشكوره حبيبتي على الرد

 

[rainbow_brite]

من خبرتي

الفنادق دايم

ستايرهم ســـــــــــــــــــــــــــاااااده

ديباجاتهم بيج

الموكيت منقش على خفيف وتخصلينه عند بوخمسين



لكن انا اقول خلي غرفتج فخمه بذوقج الشخصي


عندج

ميداس كافي روحيله مره وبتحتارين شتاخذين

اي انا قررت جذي ان الالوان راح اخليها بيج بذهبي ومع الابيض



ستايل اوروبي



وبخلي الديكورات اللي تصير مربعات فوق السرير وداخلهم ورق جدران



وانتو اي ميداس تقصدون


في الستايل المودرن وفيه الفخم ايهو تقصدون

 

[rainbow_brite]

لازم يكون اثاثج على حسب حجم الغرفه هاذى من ناحيه وبعد لاتاخذين السرير من البغلى او غيره لانه لوعه و حسب كلامج تبين الغرف مشابه للفنادق ما انصحج إخذي الامريكي الامريكي يعنى مو بطقه والله يوفقج

مشكوره حبيبتي انا تقريبا عرفت الحين شنو ابي من اثاث بس عاد الحين كبدايه لازم اروح ادور الماترس وشكلي باخذ الامريكي لان ملوت البغلي كلش ما عجبوني


ويا ريت البنات يفيدوني بالمكان الزين حق الماترس

 

[rainbow_brite]

الصراحة خوش موضوع وكنت بنزل مثلة بس انا الي محيرني الصبغ
اذا تبين فندقي انا ارشح البيجيات او الابيض بس انا ما احب الابيض
الناس اذواق
بس بكل الحالات هاللونين حلوين
البيج ممكن تحطين الطوفه البيج الكريمي الفاتح و الساترة اغمج درجة
و تكسرين بلون مثلا بنيات او عنابي او احمر او زيتي
يكون هاللون الثاني داش يالديباج او المفارش او الاكسسوارات و لاحظي ان العرف الفندقة اكسسواراتها جداجدا بسيطة
و اذا اخترتي ابيض تقريبا كل الالوان بس الاقرب للفندقية
الرمادي(فضي) الاسود عنابي
ارجو اني فدتج
و في محل اسمه السرير المريح يبيع سراير ماتركس الي يصير قطعتين

اي والله خوش موضوع :dddds:





ومشكوره على مشاركتج



بس وين صاير محل السرير المريح

 

[rainbow_brite]

باجي البنات اللي ردو مشكورين حبايبي ما قصرتو

 

[راعية واجب]

السلام عليكم
انا حبيت اعلق علي فكرة المني بار
الثلاجه الصغيره يعني
انا حطيتها ...........ولاااااااااااااااااااااااعت جبدي
من الصوووووووووووووووووووت
مع اني سالت قبل لا اشتريها اذا لها صوت ولا لا وقالي الريال الي في الغانم اخذيها وعلي ضمانتي

وضمانته طلعت خرطي
انصحج اختي خلي غرفتج بدووووووووووووووون مني بار احسن وايد

 

[rainbow_brite]

هلا حبيبتي




مشكوره عالرد





عاد انا عندي مكان قلت بخليه حق الثلاجة حتى قلت بخليها داخل كبت ورحت سالت بايكيا في منه خاص حق الثلاجات يعني ما يبين شكلها ثلاجه وفوقه احط اي شي ابي يصير مثل طاوله



بس حبطتيني عالصوت

 

[law girl]

السرير اللي تبينه تلقينه عند بيد بوتيك و في واحد عندهم مقارب للصوره اللي انتي حاطتها و ان شاء الله اكون افدتج

 

[جــــود]

الله يوفقج

 

[مو عايشة بالدنيا]

ذي كاسل على الدائري الرابع
روووووووووووووووووووووعة وذوق وغالي بعد

 

[ام سعود ديكسون]

مساء الورد بنات بد بوتيك وين صاير والبغلي يسوي فرشات طبية تفصال بس الخوات ذكروا انه مو شي انتوا تقصدون الاسرة والا الفرشات الماترس لان سريري حجمه محتاج تفصال وما لقيت تفصال الا عند البغلي
وبخصوص الثلاجة ياريت اللي اشترت وحدة بدون صوت تفيدنا

 

[د.شريفة]

عليج بالعافيه يا رينبو غرفتج اللي ماخلصت لحد الحين
خليج على الفواتح احلى شي
وصج ان الابيض يبيله تغيير يومي يبين فيه الوصخ بسرعه بس هم اقولج راقي
والستاره غامجه مع عازل عن الشمس حق نومه الظهر الله خصوصا اذا كنتي تعبانه على بالج نص الليل والشتر بعد عجيب
وبعد
بخصوص الثلاجه حطيها داخل كبت مثل ماقلتي من ايكيا مااعتقد يكون لها صوت اخذي صغيره كلش كلش كلش حق العصاير بس
وعليج بالف عافيه يالغاليه

 

[sweetes]

في مصممه اتسويلج الي تبينه حته طريقت المفرش والارضيه المخططه اتسويلج اياها عندها عمال واذا حابه هذا رقمها65800706 انا امسويه كفر وداري

 

[شانيل نمبر 5]

تصدقين هالايام وايد اسمع ناس تبي تسوي الغرف كانها غرف فندقيه...........شكلي بصير وياكم بعد

 

[مساء مونترو]

ا>ا كنتي بفكرة تشترين اثا يديد انصحج ب>ي ون ليش ان اثاثهم فندقي ..

 

[ام سعود ديكسون]

تصدقين هالايام وايد اسمع ناس تبي تسوي الغرف كانها غرف فندقيه...........شكلي بصير وياكم بعد

ايه ما ودج تطلعين من الدار تصير مريحة