ابي غرفتي تصير فندقيه وخمس نجوم بعد

[rainbow_brite]

قوه بنات شلونكم وشخباركم :eh_s(1):








انا توني نازله في شقتي وتقريبا مشطبه الشقه كله من ناحية التاثيث وغرف عيالي خلصت منهم بس باقي تناتيف بسيطه :ggdw:





بس اللي للحين ما سويت فيها شي داري للحين على داري مالت عرسي ولا صبغتها ولاشي





المهم بنات انا كنت ابي اسوي غرفتي عصريه وساعات ابيها فخمه بس بعدين دشيت على سايتات غرف فنادق خمس نجوم فقررت افندقها لووووووووووول :dddds:






انا غرفتي فيها منزع وانا مصممه الكبتات وخالصه منهم يعني مارح يكون بداري كبت اوكي




ابي السرير مثل مال الفنادق وين احصله اللي ايي المرتبه مع القاعده وشلون يلبسونه كفر لان شفت عند البغلي احس القاعده لازم تتلبس بس من وين وما عجبتني وايد



ثاني شي باخذ كرسيين وطاوله وتسريحه




بس لاحظت بالغرف الفندقيه الدرجات الالوان البيج والذهبي والبرتقالي والعنابي والستاير ساده من غير حركه ولونهم بيج او بني او عنابي وامريكي



والطوف اما ورق جدران ساده او لون بيج والكومودينات ابجورات ناعمين او اظاءه بالطوفه وثاني شي القاعده مالت السرير الخلفيه لاحظت تكون بارزه وساعات مخمل او جلد




اللي ابي منكم افكار هل تعتقدون الالوان البيج بدرجاتها حلوه مو ميته تصير



ابيكم تساعدوني محتاره شلون اخلي غرفتي فندقيه وخمس نجوم هههههه




عندكم بعد افكار

 

[rainbow_brite]

بنات هذي صور عشان اوضحلكم اللي ابيه

لاحظو كله درجات البيج

 

[قمه النعومه و الأنوثه]

هلا وغلا حبيبتي إشرايج اتخلينها 7 نجوم والأفضل اتدشين سايتات فنادق واتشوفين الغرف اهم بالنت ايورون الكستومر عشان الحجز بس ها اهم شي الثلاجه لصغيره حق غرفه النوم شي أساسي وانصحج تبتعدين عن غرف الفانادق بالألوان العاديه دوري شي فندقي بالترتيب وأساسيات الغرفه الفندقيه بس فاخر وغريب حيل.. بحطلج صوره لفندق في باريس اللي مصمم الغرفه مصمم الأزياء كرستيان لاكروا..هالفندق ديكوراته كله من لاكروا

 

[rainbow_brite]

هلا حبيبتي مشكوره عالرد حلوه الصوره وغريب هالورق جدران بس ينفع معاه اي لون كفر







والثلاجه اتصدقين ما خطرت على بالي عاد انا احط يم كومودينه ريلي عصير وماي واذا ما شربه يصير حار وساعات بالليل نسهر مالنا خلق نروح المطبخ



بس كله اخاف اطلع صوت ازعاج



بدور وحده ما اطلع صوت وبجاول اشوف الثلاجه الصغيره اللي تكون داخل كبت



يعني يبيلي ميني بار صغيرون حق السهر والافلام والبلعه خخخخخ



والله مشكوره هذي نقطه بضيفها عشان افندق الغرفه عدل وتصير سبع نجوم بعد وما نطله كله قاعدين فيها لوووووول



انزين باجي البنات وينكم عسى ما شر اطلون وتطلعون




نبي افكاركم الحلوه لان بجمع الافكار وعقب رمضان باذن الله بنفذ

 

[أميرة الورد2005]

للرفع

 

[^SwEeTa^]

نفس الحاله بالضبط

انا بعد غرفتي فيها منزع و أبي تصميم فندقي . بس تدرين .. شكلي بييب مصمم ديكور يهندسها لي

 

[rainbow_brite]

اميره الورد مشكوره على الرفع





سويتا يعني نفس حالتي انا صالتي ومعيشتي وغرف اليهال بروحي صممتهم ودخلت الوان وكسرتهم بالوان يعني تبين الصج تعبت وافتريت وايد بس لم ييت على داري بردت




يالله بنات ما عندكم افكار

 

[nemo]

شوفي انا مسويه غرفتي نظام مريح وعملي وزخل اعطيج بعض الافكار عشان تصير فندقيه على قولتج



الستاره خليها تعتيم من داخل عشان تحجب الشمس تلقين عند اللي يسوون الستاير قوليله عازل شمس الفنادق ترا لاصكيتي الستاير حتى لو الصبح بالنهار ما تشوفين الضوء وتنامين احلى نومه






وبعد لاتنسين ورا السرير حطيلج المخزن اللي تنحط فيه الكفرات والمخاد الزايده والكوشيات ولا صكيتيه يصير كرسي وايد عملي




وكرسيين بينهم طاوله او صوفا بيد هم تنفع

 

[انا كويتية]

تبين غرفة فندقية ؟؟؟ روحي ميداس وبتخلصين شغلج كله مناك

 

[nemo]

القطعه الطويله تعطيج شعور فنادق




والستاير لاحظي تغطي مساحه كبيره طوفه وكامله امريكي من غير موديل وساده

 

[الغشمريـــه]

حلو نظام الفنادق

 

[katkota_q8]

المخدات خليهم ريش اذا تحبين


اخذي من النوع الغالي عشان يريحج ويعطيج فخامه والتلبس والكفرات ترا اغلب الفنادق ابيض يحسسج بالنظافه

 

[katkota_q8]

شوفي الصور اللي فوق كله ابيض هذا اللي لاحظته

 

[ريح الصبا]

إذا تبين ستاند اللي ورا السرير أو تاج السرير الملبس جلد مضرب تلقينه باسعار مناسبه عند سرداب توينز بالضجيج ورا مركز سلطان أشكال وألوان .وشوفي أفكار إيكيا لغرف النوم المريحة.والستاير بعد عند ايكيا.

 

[sunshine22]

من خبرتي

الفنادق دايم

ستايرهم ســـــــــــــــــــــــــــاااااده

ديباجاتهم بيج

الموكيت منقش على خفيف وتخصلينه عند بوخمسين



لكن انا اقول خلي غرفتج فخمه بذوقج الشخصي


عندج

ميداس كافي روحيله مره وبتحتارين شتاخذين

 

[رينااد]

انصحج باللون البيج لان ملكي ويريح العين

 

[suadsss]

لازم يكون اثاثج على حسب حجم الغرفه هاذى من ناحيه وبعد لاتاخذين السرير من البغلى او غيره لانه لوعه و حسب كلامج تبين الغرف مشابه للفنادق ما انصحج إخذي الامريكي الامريكي يعنى مو بطقه والله يوفقج

 

[زينة الخشة]

الصراحة خوش موضوع وكنت بنزل مثلة بس انا الي محيرني الصبغ
اذا تبين فندقي انا ارشح البيجيات او الابيض بس انا ما احب الابيض
الناس اذواق
بس بكل الحالات هاللونين حلوين
البيج ممكن تحطين الطوفه البيج الكريمي الفاتح و الساترة اغمج درجة
و تكسرين بلون مثلا بنيات او عنابي او احمر او زيتي
يكون هاللون الثاني داش يالديباج او المفارش او الاكسسوارات و لاحظي ان العرف الفندقة اكسسواراتها جداجدا بسيطة
و اذا اخترتي ابيض تقريبا كل الالوان بس الاقرب للفندقية
الرمادي(فضي) الاسود عنابي
ارجو اني فدتج
و في محل اسمه السرير المريح يبيع سراير ماتركس الي يصير قطعتين

 

[عاشقه رويشد]

تقدرين تروحين سنتر بوينت حلو تاخذين افكار وايكيا تحصلين شغلات

 

[زينة الخشة]

للرفع